വയൽശു​ശ്രൂ​ഷ​യിൽ വിവേകം പ്രകട​മാ​ക്കു​ക

¹ ശുശ്രൂഷ നിർവ​ഹി​ക്കേ​ണ്ടത്‌ എങ്ങനെ​യെ​ന്നതു സംബന്ധിച്ച്‌ പ്രാ​യോ​ഗി​ക​വും സമനി​ല​യോ​ടു​കൂ​ടി​യ​തു​മായ നിർദേ​ശങ്ങൾ യേശു​ക്രി​സ്‌തു തന്റെ ശിഷ്യ​ന്മാർക്കു നൽകി. സാഹച​ര്യ​ങ്ങൾക്കു ചേർച്ച​യിൽ അവരുടെ പ്രവർത്ത​ന​വി​ധ​ത്തി​നു മാറ്റം​വ​രു​ത്തേ​ണ്ട​തു​ണ്ടെന്ന്‌ അവനറി​യാ​മാ​യി​രു​ന്നു. ഉദാഹ​ര​ണ​ത്തിന്‌, ആദ്യമാ​യി 12 ശിഷ്യ​ന്മാ​രെ അയച്ച​പ്പോൾ മത്തായി 10:9, 10-ൽ കാണ​പ്പെ​ടുന്ന നിർദേ​ശങ്ങൾ അവൻ നൽകി. (ലൂക്കൊ. 9:3) അന്നത്‌ തികച്ചും ഉചിത​മാ​യി​രു​ന്നു. പിന്നീട്‌ പക്ഷേ സാഹച​ര്യ​ങ്ങൾക്കു മാറ്റം​വന്നു. മുമ്പു​ണ്ടാ​യി​രു​ന്ന​തു​പോ​ലുള്ള അനുകൂല പ്രതി​ക​രണം അവർക്കു ലഭിച്ചില്ല, അതു​കൊ​ണ്ടു​തന്നെ ലൂക്കൊസ്‌ 22:35-37-ൽ രേഖ​പ്പെ​ടു​ത്തി​യി​രി​ക്കുന്ന പ്രകാരം വ്യത്യ​സ്‌ത​മായ നിർദേ​ശങ്ങൾ അവൻ നൽകി. ശുശ്രൂ​ഷ​യിൽ ഏർപ്പെ​ടവേ നാമും സമാന​മാ​യി വഴക്കമു​ള്ള​വ​രാ​യി​രി​ക്കണം.

² ദൈവ​രാ​ജ്യ സുവാർത്ത ഘോഷി​ക്കു​ക​യും അർഹരാ​യ​വരെ കണ്ടെത്തു​ക​യു​മാണ്‌ നമ്മുടെ ലക്ഷ്യം. തന്റെ ദാസന്മാ​രു​ടെ തീക്ഷ്‌ണ​മായ പ്രവർത്ത​ന​ത്തി​ന്മേൽ ഇന്നോളം യഹോ​വ​യു​ടെ അനു​ഗ്രഹം ഉണ്ടായി​രു​ന്നി​ട്ടുണ്ട്‌. എന്നാൽ എല്ലാവ​രും നമ്മുടെ ഉദ്ദേശ്യം മനസ്സി​ലാ​ക്കു​ക​യോ നാം അറിയി​ക്കുന്ന സമാധാന സന്ദേശം സ്വീക​രി​ക്കു​ക​യോ ചെയ്യു​ന്നില്ല. ഒരുത​ര​ത്തി​ലും സുവി​ശേഷം പ്രസം​ഗി​ക്ക​പ്പെ​ട​രുത്‌ എന്നതാണ്‌ പിശാ​ചായ സാത്താന്റെ ആഗ്രഹം, ആ ലക്ഷ്യത്തിൽ അവൻ എതിർപ്പ്‌ ഇളക്കി​വി​ടു​ന്നു. (1 പത്രൊ. 5:8; വെളി. 12:12, 17) അതു​കൊണ്ട്‌ നാം വിവേ​ക​ത്തോ​ടും പ്രാ​യോ​ഗിക ജ്ഞാന​ത്തോ​ടും കൂടെ പ്രവർത്തി​ക്കേ​ണ്ട​തുണ്ട്‌, വിശേ​ഷി​ച്ചും വീടു​തോ​റു​മുള്ള വേലയിൽ. (സദൃ. 3:21, 22) ഇപ്പോൾ നിങ്ങളു​ടെ പ്രദേ​ശത്ത്‌ എതിർപ്പൊ​ന്നു​മി​ല്ലെ​ങ്കി​ലും ബുദ്ധി​പൂർവം പ്രവർത്തി​ക്കു​ന്നെ​ങ്കിൽ പ്രശ്‌നങ്ങൾ ഒഴിവാ​ക്കാ​നാ​കും.—സദൃ. 22:3.

³ വയൽസേവന യോഗങ്ങൾ: അതതു പുസ്‌ത​കാ​ധ്യ​യ​ന​ക്കൂ​ട്ട​ത്തോ​ടൊ​പ്പം പ്രവർത്തി​ക്കു​മ്പോൾ വയൽസേ​വ​ന​ക്കൂ​ട്ടങ്ങൾ താരത​മ്യേന ചെറു​താ​യി​രി​ക്കും. അത്തരം കൂട്ടങ്ങൾക്ക്‌ ഒരു സഹോ​ദ​ര​ന്റെ​യോ സഹോ​ദ​രി​യു​ടെ​യോ വീട്ടിൽ കൂടി​വ​രാ​നാ​കും—ആ സ്ഥലം മതവി​കാ​രങ്ങൾ പ്രബല​പ്പെ​ട്ടി​രി​ക്കുന്ന ഒരു പ്രദേ​ശ​ത്ത​ല്ലെ​ങ്കിൽ. കൂടി​വ​രാ​നുള്ള സ്ഥലങ്ങൾ പരിമി​ത​മാ​ണെ​ങ്കിൽ രാജ്യ​ഹാൾ ഉപയോ​ഗി​ക്കു​ന്ന​താ​യി​രി​ക്കും ബുദ്ധി. അവിടെ നാം കൂടെ​ക്കൂ​ടെ വന്നു​പോ​കുന്ന കാര്യം ആളുകൾക്ക്‌ അറിയാ​മ​ല്ലോ. പ്രവർത്തന പ്രദേ​ശ​ത്തിന്‌ അത്ര അടുത്ത​ല്ലാത്ത ഒരു പൊതു​സ്ഥ​ല​ത്തും കൂടി​വ​രാ​നാ​യേ​ക്കും. വയൽസേ​വ​ന​യോ​ഗം പിരി​യു​ന്ന​തി​നു​മുമ്പ്‌, പ്രവർത്തി​ക്കേണ്ട സ്ഥലത്തേക്ക്‌ ഈരണ്ടു പേർക്കു​വീ​തം പോകാ​നാ​വ​ശ്യ​മായ എല്ലാ ക്രമീ​ക​ര​ണ​ങ്ങ​ളും ചെയ്‌തി​രി​ക്കണം. മറ്റുള്ള​വ​രു​ടെ ശ്രദ്ധയാ​കർഷി​ക്കാ​തി​രി​ക്കാൻ ഇതു സഹായി​ക്കും. പ്രദേ​ശത്തു കൂട്ടം​കൂ​ടു​ന്ന​തോ ഉച്ചത്തിൽ സംസാ​രി​ക്കു​ന്ന​തോ അനാവ​ശ്യ​മാ​യി ശ്രദ്ധയാ​കർഷി​ക്കുന്ന എന്തെങ്കി​ലും ചെയ്യു​ന്ന​തോ ജ്ഞാനമാ​യി​രി​ക്കില്ല. സ്വകാര്യ വാഹന​ങ്ങ​ളിൽ വയൽസേ​വ​ന​ത്തി​നു വരുന്നവർ പ്രവർത്തന പ്രദേ​ശ​ത്തിന്‌ അൽപ്പം അകലെ​യാ​യി അവ പാർക്കു​ചെ​യ്യു​ന്ന​തും സുരക്ഷി​ത​മാ​യി​രി​ക്കും.

⁴ ചുറ്റു​മുള്ള കാര്യങ്ങൾ നിരീ​ക്ഷി​ക്കുക: ജനക്കൂ​ട്ട​ത്തി​ന്റെ ആക്രമ​ണ​ത്തിന്‌ ഇടയാ​ക്കി​യേ​ക്കാ​വുന്ന എതിർപ്പു​ക​ളു​ടെ​യെ​ല്ലാം തുടക്കം, നമ്മെ നിരീ​ക്ഷി​ക്കു​ക​യും മറ്റുള്ള​വരെ വിളി​ച്ചു​കൂ​ട്ടു​ക​യും ചെയ്യുന്ന ഏതെങ്കി​ലും ഒരു വ്യക്തി​യിൽനി​ന്നാ​ണെന്ന കാര്യം മിക്ക​പ്പോ​ഴും ശ്രദ്ധയിൽപ്പെ​ട്ടി​ട്ടുണ്ട്‌. ശുശ്രൂ​ഷ​യി​ലാ​യി​രി​ക്കു​മ്പോൾ ജാഗ്ര​ത​യും ശ്രദ്ധയും ഉള്ളവരാ​യി​രി​ക്കുക എന്നതാണ്‌ അത്തരം സാഹച​ര്യ​ങ്ങൾ ഒഴിവാ​ക്കാ​നാ​കുന്ന ഒരു മാർഗം. ഒരാൾ സംസാ​രി​ക്കു​മ്പോൾ മറ്റേയാൾ, വീട്ടു​കാ​രനു ശ്രദ്ധാ​ശൈ​ഥി​ല്യം സൃഷ്ടി​ക്കാ​ത്ത​വി​ധ​ത്തിൽ ചുറ്റും നടക്കുന്ന കാര്യങ്ങൾ ശ്രദ്ധി​ക്കേ​ണ്ട​തുണ്ട്‌. (മത്താ. 10:16) ആരെങ്കി​ലും നിങ്ങളെ ശ്രദ്ധി​ക്കു​ന്ന​താ​യോ അതോ​ടൊ​പ്പം മൊ​ബൈൽഫോ​ണി​ലൂ​ടെ സംസാ​രി​ക്കു​ന്ന​താ​യോ നിരീ​ക്ഷി​ക്കു​ന്ന​പക്ഷം സംഭാ​ഷണം നിറുത്തി അവി​ടെ​നി​ന്നു പോകു​ന്ന​താണ്‌ ഉത്തമം. (സദൃ. 17:14) അത്തരം സാഹച​ര്യ​ങ്ങ​ളിൽ പ്രവർത്തി​ക്കാൻ കഴിയുന്ന മറ്റൊരു സ്ഥലത്തെ​ക്കു​റി​ച്ചു മുന്നമേ ചിന്തി​ക്കാ​വു​ന്ന​താണ്‌. ഇപ്രകാ​രം പ്രവർത്തി​ക്കാൻ പക്വത​യും ജ്ഞാനവും ആവശ്യ​മാ​യ​തി​നാൽ പുതിയ പ്രസാ​ധകർ കൂടുതൽ അനുഭ​വ​പ​രി​ച​യ​മു​ള്ള​വ​രോ​ടൊ​പ്പം പ്രവർത്തി​ക്കു​ന്ന​താണ്‌ എപ്പോ​ഴും അഭികാ​മ്യം.

⁵ വൃത്തി​യു​ള്ള​തും ശ്രദ്ധയാ​കർഷി​ക്കാ​ത്ത​തും: അനാവ​ശ്യ​മാ​യി മറ്റുള്ള​വ​രു​ടെ ശ്രദ്ധയാ​കർഷി​ക്കാ​തെ, വിവേ​ക​ത്തോ​ടെ പ്രവർത്തി​ക്കു​ന്ന​തിൽ നമ്മുടെ വസ്‌ത്ര​ധാ​ര​ണ​ത്തി​നും ചമയത്തി​നും ഒരു പങ്കുണ്ട്‌. അവ എല്ലായ്‌പോ​ഴും വൃത്തി​യു​ള്ള​തും മാന്യ​വു​മാ​യി​രി​ക്കണം. എങ്കിലും പ്രാ​ദേ​ശിക രീതി​കൾക്കു ചേർച്ച​യിൽ വസ്‌ത്രം ധരിക്കു​ന്നതു തിരു​വെ​ഴു​ത്തു​വി​രു​ദ്ധമല്ല. നമ്മുടെ സന്ദേശത്തെ മറ്റുള്ളവർ മുൻവി​ധി​യോ​ടെ വീക്ഷി​ക്കു​മാറ്‌ വിദേ​ശി​ക​ളെ​പ്പോ​ലെ കാണ​പ്പെ​ടാ​നോ എല്ലാം​കൊ​ണ്ടും വ്യത്യ​സ്‌ത​രായ ഒരു കൂട്ടമെന്ന നിലയിൽ നമ്മി​ലേക്കു ശ്രദ്ധയാ​കർഷി​ക്കാ​നോ നാമാ​ഗ്ര​ഹി​ക്കു​ന്നില്ല. ചുംബ​ന​ത്തി​ലൂ​ടെ യൂദാസ്‌ തന്റെ ഗുരു​വി​നെ ഒറ്റി​ക്കൊ​ടു​ത്തു എന്ന വസ്‌തുത, യേശു അന്നാളി​ലെ ആളുക​ളെ​പ്പോ​ലെ​ത​ന്നെ​യാ​ണു വസ്‌ത്രം ധരിച്ചി​രു​ന്ന​തെന്നു തെളി​യി​ക്കു​ന്നു. അസാധാ​ര​ണ​മായ വസ്‌ത്ര​ധാ​ര​ണ​രീ​തി​യാ​യി​രു​ന്നില്ല അവന്റേത്‌. (മത്താ. 26:48; മർക്കൊ. 14:44) എല്ലാവർക്കും ഇക്കാര്യം ശ്രദ്ധി​ക്കാ​നാ​കും. അതു​കൊണ്ട്‌ ആവശ്യ​മായ ചില മാറ്റങ്ങൾവ​രു​ത്താൻ ആരെങ്കി​ലും തീരു​മാ​നി​ക്കു​ന്ന​പക്ഷം വ്യക്തി​പ​ര​മായ ആ തീരു​മാ​ന​ങ്ങളെ മറ്റുള്ളവർ ആദരി​ക്കണം. ശുശ്രൂ​ഷ​യിൽ ആർക്കും ഒരുത​ര​ത്തി​ലും ഇടർച്ച​യാ​കാൻ നാം ആഗ്രഹി​ക്കു​ന്നില്ല.—2 കൊരി. 6:3.

⁶ ശുശ്രൂ​ഷ​യിൽ വിവേ​ക​ത്തോ​ടെ ഏർപ്പെ​ടു​ന്നത്‌ പ്രശ്‌നങ്ങൾ ഉണ്ടാകാ​നുള്ള സാധ്യത കുറയ്‌ക്കും. ദുർഘ​ട​മായ ഈ അന്ത്യനാ​ളു​ക​ളിൽ ജീവി​ക്കു​മ്പോ​ഴും യഹോ​വ​യു​ടെ ഹിതം ചെയ്‌തു​കൊണ്ട്‌ അവനു സ്‌തു​തി​യും മഹത്ത്വ​വും കൈവ​രു​ത്തു​ന്ന​തിൽ തുടരാൻ അതിലൂ​ടെ നമുക്കു സാധി​ക്കും.