രക്തത്തിന്റെ ഘടകാം​ശ​ങ്ങ​ളും ശസ്‌ത്ര​ക്രി​യാ​ന​ട​പ​ടി​ക​ളും

രക്തത്തിന്റെ ഘടകാം​ശങ്ങൾ. രക്തത്തിന്റെ പ്രാഥ​മി​ക​ഘ​ട​ക​ങ്ങ​ളായ അരുണ​ര​ക്താ​ണു​ക്കൾ, ശ്വേത​ര​ക്താ​ണു​ക്കൾ, പ്ലേറ്റ്‌ലെ​റ്റു​കൾ, പ്ലാസ്‌മ എന്നിവ​യിൽനി​ന്നാ​ണു ഘടകാം​ശങ്ങൾ വേർതി​രി​ച്ചെ​ടു​ക്കു​ന്നത്‌. ഉദാഹ​ര​ണ​ത്തിന്‌, അരുണ​ര​ക്താ​ണു​ക്ക​ളിൽ ഹീമോ​ഗ്ലോ​ബിൻ എന്ന പ്രോ​ട്ടീൻ അടങ്ങി​യി​ട്ടുണ്ട്‌. മനുഷ്യ​രു​ടെ​യോ മൃഗങ്ങ​ളു​ടെ​യോ ഹീമോ​ഗ്ലോ​ബി​നിൽനിന്ന്‌ വികസി​പ്പി​ച്ചെ​ടു​ക്കുന്ന ഉത്‌പ​ന്നങ്ങൾ, പെട്ടെ​ന്നു​ണ്ടാ​കുന്ന വിളർച്ച​യ്‌ക്കും അമിത​ര​ക്ത​സ്രാ​വ​ത്തി​നും പ്രതി​വി​ധി​യാ​യി ഉപയോ​ഗി​ച്ചു​വ​രു​ന്നു.

പ്ലാസ്‌മ​യു​ടെ 90 ശതമാ​ന​വും വെള്ളമാണ്‌. അതിൽ അനേകം ഹോർമോ​ണു​കൾ, അജൈ​വ​ല​വ​ണങ്ങൾ, എൻ​സൈ​മു​കൾ, ധാതു​ക്ക​ളും പഞ്ചസാ​ര​യും പോലുള്ള പോഷ​കങ്ങൾ എന്നിവ അടങ്ങി​യി​ട്ടുണ്ട്‌. പ്ലാസ്‌മ​യിൽ, രക്തം കട്ടപി​ടി​ക്കു​ന്ന​തി​നു സഹായി​ക്കുന്ന ഘടകങ്ങൾ (clotting factors), രോഗ​ങ്ങളെ പ്രതി​രോ​ധി​ക്കുന്ന പ്രതി​ദ്ര​വ്യ​ങ്ങൾ (antibodies), ആൽബു​മിൻപോ​ലുള്ള പ്രോ​ട്ടീ​നു​കൾ എന്നിവ​യും അടങ്ങി​യി​രി​ക്കു​ന്നു. അണുബാ​ധ​യേറ്റ, അല്ലെങ്കിൽ അതിനു സാധ്യ​ത​യുള്ള ഒരാൾക്കു പ്രതി​രോ​ധ​ശേ​ഷി​യു​ള്ള​വ​രു​ടെ പ്ലാസ്‌മ​യിൽനിന്ന്‌ വേർതി​രി​ച്ചെ​ടുത്ത ഗാമാ​ഗ്ലോ​ബു​ലിൻ കുത്തി​വെ​ക്കാൻ ചില ഡോക്‌ടർമാർ നിർദേ​ശി​ച്ചേ​ക്കാം. ശ്വേത​ര​ക്താ​ണു​ക്ക​ളിൽനിന്ന്‌ വേർതി​രി​ച്ചെ​ടു​ക്കുന്ന ഇന്റർഫെ​റോ​ണു​ക​ളും ഇന്റർല്യൂ​ക്കി​നു​ക​ളും കാൻസ​റി​ന്റെ​യും ചില വൈറസ്‌ രോഗ​ങ്ങ​ളു​ടെ​യും ചികി​ത്സ​യ്‌ക്കാ​യി ഉപയോ​ഗി​ച്ചു​വ​രു​ന്നു.

രക്തത്തിന്റെ ഘടകാം​ശങ്ങൾ ഉപയോ​ഗി​ച്ചു​കൊ​ണ്ടുള്ള ചികി​ത്സകൾ ക്രിസ്‌ത്യാ​നി​കൾക്കു സ്വീകാ​ര്യ​മാ​ണോ? അതു സംബന്ധിച്ച വിശദാം​ശങ്ങൾ ബൈബിൾ തരുന്നില്ല. അതു​കൊണ്ട്‌ ബൈബിൾപ​രി​ശീ​ലിത മനസ്സാ​ക്ഷി​യു​ടെ അടിസ്ഥാ​ന​ത്തിൽ ഓരോ വ്യക്തി​യു​മാണ്‌ ഇക്കാര്യ​ത്തിൽ തീരു​മാ​ന​മെ​ടു​ക്കേ​ണ്ടത്‌. ഒരു ജീവി​യിൽനിന്ന്‌ രക്തം നീക്കം​ചെ​യ്‌താൽ പിന്നെ അത്‌ “നിലത്ത്‌ ഒഴിച്ചു​ക​ള​യണം” എന്ന്‌ ഇസ്രാ​യേ​ല്യ​രോ​ടു ദൈവം കല്‌പി​ച്ചി​ട്ടു​ണ്ട​ല്ലോ എന്നു ചിന്തി​ച്ചു​കൊണ്ട്‌ രക്തത്തിന്റെ എല്ലാ ഘടകാം​ശ​ങ്ങ​ളും നിരസി​ക്കാൻ ചില ക്രിസ്‌ത്യാ​നി​കൾ തീരു​മാ​നി​ച്ചേ​ക്കാം. (ആവർത്തനം 12:22-24) മറ്റു ചിലരാ​കട്ടെ, രക്തവും അതിന്റെ പ്രാഥ​മി​ക​ഘ​ട​ക​ങ്ങ​ളും വർജി​ക്കു​മ്പോൾത്തന്നെ, ഏതെങ്കി​ലു​മൊ​രു ഘടകാം​ശം ഉൾപ്പെ​ടുന്ന ചികിത്സ സ്വീക​രി​ച്ചേ​ക്കാം. ഒരു ജീവി​യിൽനിന്ന്‌ എടുത്ത രക്തം വേർതി​രി​ക്കാൻതു​ടങ്ങി ഒരു ഘട്ടത്തിൽ അത്‌ ആ ജീവി​യു​ടെ പ്രാണനെ പ്രതി​നി​ധാ​നം ചെയ്യാ​താ​കു​ന്നു എന്നു നിഗമനം ചെയ്‌തു​കൊ​ണ്ടാ​യി​രി​ക്കാം അവർ അത്തര​മൊ​രു നിലപാ​ടു സ്വീക​രി​ക്കു​ന്നത്‌.

ഘടകാം​ശ​ങ്ങ​ളു​ടെ കാര്യ​ത്തിൽ തീരു​മാ​ന​മെ​ടു​ക്കേ​ണ്ടി​വ​രു​മ്പോൾ പിൻവ​രുന്ന ചോദ്യ​ങ്ങ​ളെ​ക്കു​റിച്ച്‌ ചിന്തി​ക്കുക: രക്തത്തിന്റെ എല്ലാ ഘടകാം​ശ​ങ്ങ​ളും നിരസി​ക്കു​ക​വഴി രോഗ​ങ്ങളെ ചെറു​ത്തു​തോൽപ്പി​ക്കു​ന്ന​തോ രക്തം കട്ടപി​ടി​ക്കാൻ സഹായി​ച്ചു​കൊണ്ട്‌ രക്തസ്രാ​വം നിറു​ത്തു​ന്ന​തോ ആയ ചില ഔഷധ​ങ്ങ​ളും നിരസി​ക്കു​ക​യാ​ണെന്ന്‌ എനിക്ക്‌ അറിയാ​മോ? ഒന്നോ അതില​ധി​ക​മോ ഘടകാം​ശങ്ങൾ ഞാൻ സ്വീക​രി​ക്കു​ക​യോ നിരസി​ക്കു​ക​യോ ചെയ്യു​ന്നത്‌ എന്തു​കൊ​ണ്ടെന്നു ഡോക്‌ട​റോ​ടു വിശദീ​ക​രി​ക്കാൻ എനിക്കു കഴിയു​മോ?

ശസ്‌ത്ര​ക്രി​യാ​ന​ട​പ​ടി​കൾ. ഹീമോ​ഡൈ​ലൂ​ഷൻ, സെൽ സാൽവേജ്‌ എന്നിവ ഇതിൽപ്പെ​ടും. ഹീമോ​ഡൈ​ലൂ​ഷൻ എന്ന പ്രക്രി​യ​യിൽ, ശരീര​വു​മാ​യി ബന്ധിപ്പി​ച്ചി​രി​ക്കുന്ന ഒരു കുഴലി​ലൂ​ടെ രക്തം തിരി​ച്ചു​വി​ടു​ന്നു. എന്നിട്ട്‌, ശരീര​ത്തി​ലേക്ക്‌ ഒരു രക്തരഹിത വ്യാപ്‌ത​വർധി​നി (volume expander) കടത്തി​വി​ടു​ന്നു. പിന്നീട്‌, തിരി​ച്ചു​വി​ട്ടി​രി​ക്കുന്ന ആ രക്തം ശരീര​ത്തി​ലേക്കു തിരികെ കയറ്റുന്നു. എന്താണു സെൽ സാൽവേജ്‌? ശസ്‌ത്ര​ക്രി​യ​യു​ടെ സമയത്ത്‌ നഷ്ടപ്പെ​ടുന്ന രക്തം വീണ്ടും ശരീര​ത്തി​ലേക്കു കയറ്റുന്ന പ്രക്രി​യ​യാണ്‌ ഇത്‌. മുറി​വി​ലൂ​ടെ​യോ മറ്റോ ഒഴുകുന്ന രക്തം ശുദ്ധീ​ക​രിച്ച്‌, അരിച്ച്‌ രോഗി​യി​ലേക്കു തിരി​ച്ചു​ക​യ​റ്റു​ന്നു. ഈ സങ്കേതങ്ങൾ ഓരോ ഡോക്‌ടർമാ​രും വ്യത്യ​സ്‌ത​രീ​തി​യിൽ ഉപയോ​ഗി​ച്ചേ​ക്കാ​വു​ന്ന​തി​നാൽ, തന്നെ ചികി​ത്സി​ക്കുന്ന ഡോക്‌ടർ ഏതു രീതി​യാണ്‌ അവലം​ബി​ക്കു​ന്ന​തെന്ന്‌ ഒരു ക്രിസ്‌ത്യാ​നി ഉറപ്പു​വ​രു​ത്തേ​ണ്ട​തുണ്ട്‌.

മേൽപ്പറഞ്ഞ നടപടി​ക​ളോ​ടുള്ള ബന്ധത്തിൽ തീരു​മാ​ന​മെ​ടു​ക്കേ​ണ്ടി​വ​രു​മ്പോൾ ഇങ്ങനെ ചോദി​ക്കുക: ‘എന്റെ രക്തത്തിൽ കുറെ ശരീര​ത്തി​നു വെളി​യി​ലുള്ള ഒരു ഉപകര​ണ​ത്തി​ലേക്കു തിരി​ച്ചു​വി​ടു​ക​യും കുറച്ച്‌ നേര​ത്തേക്ക്‌ അതിന്റെ പ്രവാഹം തടസ്സ​പ്പെ​ടു​ക​പോ​ലും ചെയ്യു​ന്നെ​ങ്കിൽ, ആ രക്തത്തെ എന്റെ ശരീര​ത്തി​ലൂ​ടെ ഒഴുകുന്ന രക്തത്തെ​പ്പോ​ലെ​തന്നെ കാണാ​നും അതു “നിലത്ത്‌ ഒഴിച്ചു”കളയേണ്ട ആവശ്യ​മി​ല്ലെന്നു കരുതാ​നും മനസ്സാക്ഷി എന്നെ അനുവ​ദി​ക്കു​മോ? (ആവർത്തനം 12:23, 24) ചികി​ത്സ​യ്‌ക്കി​ടെ എന്റെ രക്തത്തിൽ കുറെ പുറ​ത്തെ​ടുത്ത്‌ അതിൽ എന്തെങ്കി​ലും മാറ്റം വരുത്തി​യി​ട്ടു ശരീര​ത്തി​ലേക്കു തിരികെ കയറ്റി​യാൽ എന്റെ ബൈബിൾപ​രി​ശീ​ലിത മനസ്സാക്ഷി വ്രണ​പ്പെ​ടു​മോ? എന്റെ രക്തത്തിന്റെ ഉപയോ​ഗം ഉൾപ്പെ​ടുന്ന എല്ലാ ചികി​ത്സാ​ന​ട​പ​ടി​ക​ളും നിരസി​ച്ചാൽ, ഞാൻ എനിക്കു രക്തപരി​ശോ​ധ​ന​യോ (blood test) ഡയാലി​സി​സോ (hemodialysis) ഹൃദയ​ശ​സ്‌ത്ര​ക്രി​യ​യു​ടെ സമയത്ത്‌ രക്തചം​ക്ര​മണം നിലനി​റു​ത്തുന്ന യന്ത്രത്തി​ന്റെ (heart-lung bypass machine) സഹായ​മോ വേണ്ടെന്നു പറയു​ക​യാ​ണെന്ന്‌ എനിക്ക്‌ അറിയാ​മോ?’

ശസ്‌ത്ര​ക്രി​യാ​ന​ട​പ​ടി​യോട്‌ അനുബ​ന്ധിച്ച്‌ സ്വന്തം രക്തം എങ്ങനെ ഉപയോ​ഗി​ക്ക​ണ​മെന്ന്‌ ഓരോ ക്രിസ്‌ത്യാ​നി​യും വ്യക്തി​പ​ര​മാ​യി തീരു​മാ​നി​ക്കേ​ണ്ട​താണ്‌. കുറച്ച്‌ രക്തം മാത്രം പുറ​ത്തെ​ടുത്ത്‌ അതിന്‌ ഏതെങ്കി​ലും വിധത്തിൽ മാറ്റം വരുത്തി തിരികെ കയറ്റുന്ന നൂതന​ചി​കി​ത്സാ​രീ​തി​ക​ളു​ടെ​യും വൈദ്യ​പ​രി​ശോ​ധ​ന​ക​ളു​ടെ​യും കാര്യ​ത്തി​ലും ഇതേ തത്ത്വം ബാധക​മാണ്‌.