സൂക്ഷി​ച്ചു​വെ​ക്കു​ക

രക്തത്തിന്റെ ഘടകാം​ശ​ങ്ങ​ളു​ടെ​യും എന്റെതന്നെ രക്തം ഉൾപ്പെ​ടുന്ന വൈദ്യ നടപടി​ക​ളു​ടെ​യും കാര്യ​ത്തിൽ ഞാൻ എന്തു തീരു​മാ​ന​മെ​ടു​ക്കണം?

“രക്തം . . . വർജ്ജി”ക്കാൻ ബൈബിൾ ക്രിസ്‌ത്യാ​നി​ക​ളോ​ടു കൽപ്പി​ക്കു​ന്നു. (പ്രവൃ. 15:20) അതു​കൊണ്ട്‌ യഹോ​വ​യു​ടെ സാക്ഷികൾ രക്തം അതേപ​ടി​യോ ചുവന്ന രക്താണു​ക്കൾ, വെളുത്ത രക്താണു​ക്കൾ, പ്ലേറ്റ്‌ലെ​റ്റു​കൾ, പ്ലാസ്‌മ എന്നീ പ്രാഥ​മിക ഘടകങ്ങ​ളോ സ്വീക​രി​ക്കില്ല. അതു​പോ​ലെ​തന്നെ, അവർ രക്തം ദാനം ചെയ്യു​ക​യോ സ്വന്തം ശരീര​ത്തിൽ പിന്നീട്‌ നിവേ​ശി​പ്പി​ക്കാ​നാ​യി തങ്ങളു​ടെ​തന്നെ രക്തം ശേഖരി​ച്ചു​വെ​ക്കു​ക​യോ ചെയ്യില്ല.—ലേവ്യ. 17:13, 14; പ്രവൃ. 15:28, 29.

എന്താണ്‌ രക്തത്തിന്റെ ഘടകാം​ശങ്ങൾ, അവയുടെ ഉപയോ​ഗം സംബന്ധിച്ച്‌ ഓരോ ക്രിസ്‌ത്യാ​നി​യും സ്വന്തമാ​യി തീരു​മാ​ന​മെ​ടു​ക്കേ​ണ്ടത്‌ എന്തു​കൊണ്ട്‌?

ഫ്രാക്‌ഷ​നേഷൻ എന്നറി​യ​പ്പെ​ടുന്ന പ്രക്രി​യ​യി​ലൂ​ടെ വേർതി​രി​ച്ചെ​ടു​ക്കുന്ന, രക്തത്തിലെ ചില പദാർഥ​ങ്ങ​ളാണ്‌ രക്തത്തിന്റെ ഘടകാം​ശങ്ങൾ. ഉദാഹ​ര​ണ​ത്തിന്‌, രക്തത്തിന്റെ നാലു പ്രാഥ​മിക ഘടകങ്ങ​ളി​ലൊ​ന്നായ പ്ലാസ്‌മയെ പിൻവ​രുന്ന പദാർഥ​ങ്ങ​ളാ​യി വിഭജി​ക്കാൻ കഴിയും: ജലം, ഏകദേശം 91 ശതമാനം; ആൽബു​മി​നു​കൾ, ഗ്ലോബു​ലി​നു​കൾ, ഫൈ​ബ്രി​നോ​ജൻ എന്നീ പ്രോ​ട്ടീ​നു​കൾ, ഏകദേശം 7 ശതമാനം; പോഷ​കങ്ങൾ, ഹോർമോ​ണു​കൾ, വാതകങ്ങൾ, വിറ്റമി​നു​കൾ, പാഴ്‌വസ്‌തു​ക്കൾ, ഇലെക്‌ട്രൊ​ലൈ​റ്റു​കൾ തുടങ്ങിയ മറ്റു പദാർഥങ്ങൾ, ഏകദേശം 1.5 ശതമാനം.

രക്തം വർജി​ക്കാ​നുള്ള കൽപ്പന​യിൽ ഘടകാം​ശ​ങ്ങ​ളും ഉൾപ്പെ​ടു​ന്നു​ണ്ടോ? അതിന്‌ കൃത്യ​മായ ഒരു ഉത്തരം പറയാ​നാ​കില്ല. ഘടകാം​ശ​ങ്ങ​ളു​ടെ കാര്യ​ത്തിൽ ബൈബിൾ വ്യക്തമായ ഒരു മാർഗ​നിർദേ​ശ​വും പ്രദാനം ചെയ്യു​ന്നില്ല.a ചികി​ത്സയ്‌ക്കാ​യി ദാനം ചെയ്‌തി​ട്ടുള്ള രക്തത്തിൽനി​ന്നാണ്‌ പല ഘടകാം​ശ​ങ്ങ​ളും എടുക്കു​ന്നത്‌ എന്നതു​മൊ​രു വസ്‌തു​ത​യാണ്‌. ചികി​ത്സ​യു​ടെ ഭാഗമാ​യി, താൻ ഈ ഘടകാം​ശങ്ങൾ സ്വീക​രി​ക്കു​മോ നിരസി​ക്കു​മോ എന്ന്‌ ഓരോ ക്രിസ്‌ത്യാ​നി​യും മനസ്സാ​ക്ഷി​പൂർവം തീരു​മാ​നി​ക്കേ​ണ്ട​താണ്‌.

അത്തരം തീരു​മാ​നങ്ങൾ എടുക്കു​മ്പോൾ പിൻവ​രുന്ന ചോദ്യ​ങ്ങൾ പരിചി​ന്തി​ക്കുക: രക്തത്തിന്റെ എല്ലാ ഘടകാം​ശ​ങ്ങ​ളും നിരസി​ക്കു​ന്നത്‌—വൈറ​സു​ക​ളെ​യും രോഗ​ങ്ങ​ളെ​യും ചെറു​ത്തു​തോൽപ്പി​ക്കു​ന്ന​തോ രക്തം കട്ടപി​ടി​ക്കാൻ സഹായി​ച്ചു​കൊണ്ട്‌ രക്തസ്രാ​വം നിറു​ത്തു​ന്ന​തോ ആയ ഏതാനും മരുന്നു​കൾ ഉൾപ്പെ​ടെ​യുള്ള—ചില ഔഷധങ്ങൾ നിരസി​ക്കു​ന്ന​തി​നെ അർഥമാ​ക്കു​ന്നു​വെന്ന്‌ എനിക്ക്‌ അറിയാ​മോ? ചില ഘടകാം​ശങ്ങൾ ഞാൻ എന്തു​കൊ​ണ്ടു നിരസി​ക്കു​ന്നു അല്ലെങ്കിൽ സ്വീക​രി​ക്കു​ന്നു എന്ന്‌ ഒരു ഡോക്ടർക്കു വിശദീ​ക​രി​ച്ചു​കൊ​ടു​ക്കാൻ എനിക്കു കഴിയു​മോ?

സ്വന്തം രക്തത്തിന്റെ ഉപയോ​ഗം ഉൾപ്പെ​ടുന്ന ചില വൈദ്യ നടപടി​കൾ വ്യക്തി​പ​ര​മായ തീരു​മാ​ന​ത്തി​നു വിട്ടി​രി​ക്കു​ന്നത്‌ എന്തു​കൊണ്ട്‌?

ക്രിസ്‌ത്യാ​നി​കൾ രക്തം ദാനം ചെയ്യു​ക​യോ നിവേ​ശ​ന​ത്തി​നാ​യി തങ്ങളു​ടെ​തന്നെ രക്തം ശേഖരി​ച്ചു​വെ​ക്കു​ക​യോ ചെയ്യു​ന്നില്ല എന്നതു ശരിതന്നെ. എന്നാൽ, ഒരു വ്യക്തി​യു​ടെ സ്വന്തം രക്തം ഉൾപ്പെ​ടുന്ന ചില വൈദ്യ നടപടി​ക​ളും പരി​ശോ​ധ​ന​ക​ളും ബൈബിൾ തത്ത്വങ്ങ​ളു​ടെ ലംഘന​മാ​ണോ​യെന്നു വ്യക്തമാ​യി പറയാ​നാ​കാ​ത്ത​വ​യാണ്‌. അതു​കൊണ്ട്‌, സ്വന്തം രക്തത്തിന്റെ ഉപയോ​ഗം ഉൾപ്പെ​ടുന്ന ചില വൈദ്യ നടപടി​കൾ സ്വീക​രി​ക്ക​ണ​മോ വേണ്ടയോ എന്നതു സംബന്ധിച്ച്‌ ഓരോ വ്യക്തി​യും മനസ്സാ​ക്ഷി​പൂർവം തീരു​മാ​നി​ക്കേ​ണ്ട​താണ്‌.

അത്തരം തീരു​മാ​നങ്ങൾ എടുക്കു​മ്പോൾ നിങ്ങ​ളോ​ടു​തന്നെ പിൻവ​രുന്ന ചോദ്യ​ങ്ങൾ ചോദി​ക്കുക: എന്റെ രക്തത്തിൽ കുറെ ഭാഗം ശരീര​ത്തി​നു വെളി​യി​ലുള്ള ഒരു ഉപകര​ണ​ത്തി​ലേക്കു തിരി​ച്ചു​വി​ടു​ക​യും ഒരുപക്ഷേ, കുറച്ചു​നേ​ര​ത്തേക്ക്‌ അതിന്റെ പ്രവാഹം തടസ്സ​പ്പെ​ടു​ക​പോ​ലും ചെയ്യുന്ന പക്ഷം, ആ രക്തത്തെ അപ്പോ​ഴും എന്റെ ശരീര​ത്തി​ന്റെ ഭാഗമാ​യി​ത്തന്നെ വീക്ഷി​ക്കാ​നും അങ്ങനെ അത്‌ “നിലത്തു ഒഴിച്ചു​ക​ളയേ”ണ്ട ആവശ്യ​മി​ല്ലെന്നു കരുതാ​നും എന്റെ മനസ്സാക്ഷി എന്നെ അനുവ​ദി​ക്കു​മോ? (ആവ. 12:23, 24) ഒരു വൈദ്യ നടപടി​യു​ടെ സമയത്ത്‌ എന്റെ രക്തത്തിൽ കുറച്ചു പുറ​ത്തെ​ടുത്ത്‌ അതിൽ എന്തെങ്കി​ലും മാറ്റം വരുത്തി​യ​ശേഷം ശരീര​ത്തി​ലേക്കു തിരികെ കയറ്റു​ന്ന​പക്ഷം എന്റെ ബൈബിൾ പരിശീ​ലിത മനസ്സാക്ഷി വ്രണി​ത​മാ​കു​മോ? എന്റെ രക്തത്തിന്റെ ഉപയോ​ഗം ഉൾപ്പെ​ടുന്ന എല്ലാ വൈദ്യ നടപടി​ക​ളും നിരസി​ക്കു​ന്നത്‌ ഡയാലി​സി​സോ ഹാർട്ട്‌-ലങ്‌ മെഷീ​നി​ന്റെ ഉപയോ​ഗ​മോ പോലുള്ള ചികി​ത്സകൾ ഞാൻ നിരസി​ക്കു​ന്ന​തി​നെ അർഥമാ​ക്കു​ന്നു​വെന്ന്‌ എനിക്ക്‌ അറിയാ​മോ? ഇതു സംബന്ധിച്ച്‌ ഒരു തീരു​മാ​നം എടുക്കു​ന്ന​തി​നു മുമ്പായി ഞാൻ ഇക്കാര്യം പ്രാർഥ​നാ​പൂർവം പരിചി​ന്തി​ച്ചി​ട്ടു​ണ്ടോ?b

എന്റെ വ്യക്തി​പ​ര​മായ തീരു​മാ​നം എന്താണ്‌?

പിൻവ​രുന്ന പേജു​ക​ളിൽ കൊടു​ത്തി​രി​ക്കുന്ന രണ്ട്‌ വർക്ക്‌ ഷീറ്റുകൾ പരിചി​ന്തി​ക്കുക. ഒന്നാമത്തെ വർക്ക്‌ ഷീറ്റ്‌ രക്തത്തിൽനി​ന്നു വേർതി​രി​ച്ചെ​ടു​ക്കുന്ന ചില ഘടകാം​ശ​ങ്ങ​ളെ​ക്കു​റി​ച്ചും വൈദ്യ​ചി​കി​ത്സ​യിൽ അവ സാധാ​ര​ണ​ഗ​തി​യിൽ ഉപയോ​ഗി​ച്ചു​വ​രുന്ന വിധ​ത്തെ​ക്കു​റി​ച്ചും പറയുന്നു. ഈ ഘടകാം​ശ​ങ്ങ​ളിൽ ഓരോ​ന്നും നിങ്ങൾ സ്വീക​രി​ക്കു​മോ ഇല്ലയോ എന്നതു സംബന്ധിച്ച നിങ്ങളു​ടെ വ്യക്തി​പ​ര​മായ തീരു​മാ​നം ഇതിൽ രേഖ​പ്പെ​ടു​ത്തുക. രണ്ടാമത്തെ വർക്ക്‌ ഷീറ്റ്‌ നിങ്ങളു​ടെ​തന്നെ രക്തം ഉൾപ്പെ​ടുന്ന ചില സാധാരണ വൈദ്യ നടപടി​ക​ളെ​ക്കു​റി​ച്ചു പറയുന്നു. ഇവ സ്വീക​രി​ക്കു​മോ ഇല്ലയോ എന്നതു സംബന്ധിച്ച നിങ്ങളു​ടെ വ്യക്തി​പ​ര​മായ തീരു​മാ​നം ഇതിൽ രേഖ​പ്പെ​ടു​ത്തുക. ഈ വർക്ക്‌ ഷീറ്റുകൾ നിയമ രേഖകളല്ല. എന്നാൽ ഡിപിഎ (ഡ്യൂറ​ബിൾ പവർ ഓഫ്‌ അറ്റോർണി) കാർഡ്‌ പൂരി​പ്പി​ക്കു​ന്ന​തിൽ ഇവയിലെ ഉത്തരങ്ങൾ നിങ്ങൾക്കു സഹായ​ക​മാ​യേ​ക്കും.

നിങ്ങൾ എടുക്കുന്ന തീരു​മാ​നങ്ങൾ നിങ്ങളു​ടെ സ്വന്തമാ​യി​രി​ക്കണം; അല്ലാതെ മറ്റൊ​രാ​ളു​ടെ മനസ്സാക്ഷി അനുസ​രി​ച്ചു​ള്ള​താ​യി​രി​ക്ക​രുത്‌. അതു​പോ​ലെ​തന്നെ, ആരും മറ്റൊരു ക്രിസ്‌ത്യാ​നി​യു​ടെ തീരു​മാ​ന​ങ്ങളെ വിമർശി​ക്കാൻ പാടില്ല. ഇക്കാര്യ​ങ്ങ​ളിൽ “ഓരോ​രു​ത്തൻ” ഉത്തരവാ​ദി​ത്വം സംബന്ധിച്ച ‘താന്താന്റെ ചുമടു ചുമക്കും.’—ഗലാ. 6:4, 5.

[അടിക്കു​റി​പ്പു​കൾ]