ഏഷ്യയും മധ്യപൂർവ ദേശങ്ങ​ളും

ഒരു സന്ദർശനം, ഏറെ താത്‌പ​ര്യ​ക്കാർ

ഫിലി​പ്പീൻസി​ലുള്ള യോനാ​ഥാൻ ഡോക്‌ടറെ കാണാ​നുള്ള ഊഴം കാത്തി​രി​ക്കു​ക​യാ​യി​രു​ന്നു. അവി​ടെ​യുള്ള ഒരു ജോലി​ക്കാ​രി യോനാ​ഥാ​ന്റെ വൃത്തി​യും വെടി​പ്പും ഉള്ള വസ്‌ത്ര​ധാ​ര​ണ​വും ചമയവും ശ്രദ്ധിച്ചു. അദ്ദേഹം ഒരു ഇൻഷ്വ​റൻസ്‌ ഏജന്റാ​ണോ എന്ന്‌ ആ സ്‌ത്രീ ചോദി​ച്ചു. താൻ ഒരു യഹോ​വ​യു​ടെ സാക്ഷി ആണെന്നും, സാക്ഷി​ക​ളിൽ ഒരാളു​ടെ ചികി​ത്സ​യു​ടെ ആവശ്യ​ത്തി​നാ​യി ഡോക്‌ടറെ കാണാൻ വന്നതാ​ണെ​ന്നും യോനാ​ഥാൻ പറഞ്ഞു. ലൈല എന്ന ആ ജോലി​ക്കാ​രി തന്റെ പിതാവ്‌ കുറച്ചു​നാൾ മുമ്പാണു മരണമ​ട​ഞ്ഞ​തെ​ന്നും അദ്ദേഹം വീക്ഷാ​ഗോ​പു​രം മാസി​ക​യു​ടെ ഒരു സ്ഥിരം​വാ​യ​ന​ക്കാ​രൻ ആയിരു​ന്നു എന്നും യോനാ​ഥാ​നോ​ടു പറഞ്ഞു. അദ്ദേഹം യോഹ​ന്നാൻ 5:28, 29 അവരെ വായി​ച്ചു​കേൾപ്പി​ക്കു​ക​യും മരിച്ച പ്രിയ​പ്പെ​ട്ട​വർക്ക്‌ എന്തു പ്രത്യാശ? എന്ന ലഘുലേഖ കൊടു​ക്കു​ക​യും ചെയ്‌തു.

പിന്നീടു പല പ്രാവ​ശ്യം ആ ആശുപ​ത്രി​യിൽ വന്ന യോനാ​ഥാൻ ലൈലയ്‌ക്കു കൂടുതൽ പ്രസി​ദ്ധീ​ക​ര​ണങ്ങൾ കൊടു​ക്കു​ക​യും ഒരു സഹോ​ദ​രി​യു​മാ​യി ബൈബിൾപ​ഠനം ക്രമീ​ക​രി​ക്കു​ക​യും ചെയ്‌തു. ഉടനെ​തന്നെ ലൈല​യു​ടെ ഭർത്താ​വും അവരോ​ടൊ​പ്പം താമസി​ച്ചി​രുന്ന അനിയ​ത്തി​യും അമ്മയും ബൈബിൾ പഠിക്കാൻ തുടങ്ങി.

റോസ്‌ എന്നു പേരുള്ള ലൈല​യു​ടെ അയൽക്കാ​രി, ലൈലയ്‌ക്കു ധാരാളം സന്ദർശകർ ഉള്ളത്‌ എന്തു​കൊ​ണ്ടാ​ണെന്നു ചോദി​ച്ചു. താൻ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കുന്ന കാര്യം ലൈല വിശദീ​ക​രി​ച്ചു. അതു കേട്ട റോസും ബൈബിൾ പഠിക്കാൻ തീരു​മാ​നി​ച്ചു. പിന്നീട്‌ റോസ്‌ തന്റെ നാട്ടിൽ സഹോ​ദ​രി​യെ കാണാൻ പോയ​പ്പോൾ ആകാം​ക്ഷ​യോ​ടെ താൻ പഠിക്കുന്ന കാര്യ​ങ്ങ​ളെ​ക്കു​റിച്ച്‌ അവരോ​ടു പറഞ്ഞു. വിഷയ​ത്തിൽ താത്‌പ​ര്യം തോന്നിയ റോസി​ന്റെ സഹോ​ദരി അബീഗ​യിൽ ഒരു ബൈബിൾപ​ഠനം ആവശ്യ​പ്പെട്ടു. കൂടാതെ റോസി​ന്റെ അമ്മയും ബൈബിൾ പഠിക്കാൻ തുടങ്ങി.

ഈ അടുത്ത​യി​ടെ നടന്ന മേഖലാ കൺ​വെൻ​ഷ​നിൽ ലൈല സ്‌നാ​ന​മേറ്റു. അവളുടെ അമ്മയും സ്‌നാ​ന​മേറ്റു. കഴിഞ്ഞ വർഷം ലൈല​യു​ടെ അയൽക്കാ​രി റോസും, അവളുടെ സഹോ​ദ​രി​യും സ്‌നാ​ന​പ്പെട്ടു. റോസി​ന്റെ അമ്മ ഇപ്പോൾ ക്രമമാ​യി മീറ്റി​ങ്ങു​കൾക്കു ഹാജരാ​കു​ന്നുണ്ട്‌. ലൈല​യു​ടെ കുടും​ബാം​ഗ​ങ്ങ​ളിൽ ചിലരും ഇപ്പോൾ ബൈബിൾ പഠിക്കു​ന്നു. ഇതെല്ലാം തുടങ്ങി​യത്‌ ആശുപ​ത്രി​യി​ലെ ആ സന്ദർശ​ന​ത്തിൽ നിന്നാണ്‌!

ബധിരരെ സഹായി​ക്കാൻ സാങ്കേ​തി​ക​വി​ദ്യ ഉപയോ​ഗി​ക്കു​ന്നു

ശ്രീല​ങ്ക​യി​ലെ ആംഗ്യ​ഭാ​ഷാ​വയൽ വളർച്ച​യു​ടെ പാതയി​ലാണ്‌. 2015-ൽ സാക്ഷി​കൾക്കു കഷ്ടിച്ച്‌ 80-ഓളം ബധിര​രു​ടെ വിവര​ങ്ങളേ ഉണ്ടായി​രു​ന്നു​ള്ളൂ. അതാകട്ടെ, വെറും തുണ്ടു​ക​ട​ലാ​സു​ക​ളി​ലും. പിന്നീട്‌ ശ്രീല​ങ്ക​യി​ലെ ആദ്യത്തെ ആംഗ്യ​ഭാ​ഷാ​സഭ രൂപീ​ക​രി​ക്കു​ക​യും ഏതാണ്ട്‌ 420-ഓളം ബധിര​രു​ടെ പേരും വിലാ​സ​വും ജിപി​എസ്‌ സ്ഥാനനിർണ​യ​ത്തി​നുള്ള വിവര​ങ്ങ​ളും കമ്പ്യൂ​ട്ട​റിൽ രേഖ​പ്പെ​ടു​ത്തി സൂക്ഷി​ക്കു​ക​യും ചെയ്‌തി​ട്ടുണ്ട്‌. അതിലെ 80 ശതമാ​ന​ത്തോ​ളം ആളുക​ളു​മാ​യി നേരി​ട്ടോ, വീഡി​യോ വഴിയോ, മെസേ​ജു​കൾ അയച്ചു​കൊ​ണ്ടോ ബന്ധപ്പെ​ടാ​നും സഹോ​ദ​ര​ങ്ങൾക്കു കഴിഞ്ഞി​ട്ടുണ്ട്‌. ഒരു മിഷനറി ദമ്പതികൾ റിപ്പോർട്ട്‌ ചെയ്യുന്നു: “ഞങ്ങളുടെ ബധിര​രായ പ്രചാ​ര​കർക്കു പ്രവർത്തി​ക്കാൻ ഇപ്പോൾ ഒരു പ്രദേ​ശ​മുണ്ട്‌. മുമ്പാ​യി​രു​ന്നെ​ങ്കിൽ നേരി​ട്ട​റി​യാ​വു​ന്ന​വരെ മാത്രമേ അവർ സന്ദർശി​ക്കു​മാ​യി​രു​ന്നു​ള്ളൂ.”

ഒരു ഗവൺമെന്റ്‌ ഉദ്യോ​ഗ​സ്ഥന്റെ നന്ദിവാ​ക്കു​കൾ

മംഗോ​ളി​യ​യി​ലെ താപനില പൂജ്യ​ത്തി​നു താഴെ 30 ഡിഗ്രി സെൽഷ്യ​സി​ലേക്കു താഴു​മ്പോ​ഴും അവി​ടെ​യുള്ള സഹോ​ദ​രങ്ങൾ മെട്രോ നഗരങ്ങ​ളി​ലെ പ്രത്യേക സാക്ഷീ​ക​ര​ണ​വേ​ല​യിൽ ഉത്സാഹ​ത്തോ​ടെ പങ്കെടു​ക്കു​ന്നു. സാഹി​ത്യ​കൈ​വ​ണ്ടി​യിൽനിന്ന്‌ പ്രസി​ദ്ധീ​ക​ര​ണങ്ങൾ എടുത്ത ഒരു ഗവൺമെന്റ്‌ ഉദ്യോ​ഗസ്ഥൻ നന്ദി പറഞ്ഞു​കൊണ്ട്‌ ഇങ്ങനെ​യൊ​രു കുറി​പ്പെ​ഴു​തി: “ഞാൻ ഒരു ബുദ്ധമത വിശ്വാ​സി​യാണ്‌. നമ്മൾ ഒരു പാത മാത്രം പിന്തു​ട​രു​ന്ന​തി​നു പകരം മറ്റുള്ള​വ​യും കണ്ടെത്തണം എന്ന പക്ഷക്കാ​ര​നാ​യ​തു​കൊണ്ട്‌ ഞാൻ മറ്റ്‌ അനേകം മതങ്ങ​ളെ​ക്കു​റി​ച്ചും പഠിക്കാൻ ശ്രമിച്ചു. മനുഷ്യ​സ​മൂ​ഹ​ത്തി​നു നിങ്ങൾ നൽകിയ പ്രസി​ദ്ധീ​ക​ര​ണ​ങ്ങ​ളിൽ ചിലതു വായി​ച്ച​തി​നു ശേഷം എന്റെ മനസ്സിലെ വികാ​രങ്ങൾ എഴുതി അറിയി​ക്കണം എന്നു തീരു​മാ​നി​ക്കു​ക​യാ​ണു ഞാൻ. പ്രാ​യോ​ഗി​ക​വും സഹായ​ക​വും ആയ ഈ വിവരങ്ങൾ തയ്യാറാ​ക്കു​ന്ന​തി​നു നിങ്ങൾ എത്ര​യേറെ സമയവും ഊർജ​വും ചെലവ​ഴി​ച്ചി​ട്ടു​ണ്ടെന്ന്‌ എനിക്കു കാണാൻ കഴിയും. നിങ്ങളു​ടെ പ്രസി​ദ്ധീ​ക​ര​ണ​ങ്ങ​ളിൽനിന്ന്‌ ഞാൻ മനസ്സി​ലാ​ക്കിയ ഒരു കാര്യം, ബൈബിൾ എല്ലാവ​രും വായി​ച്ചി​രി​ക്കേണ്ട ഒരു പുസ്‌ത​ക​മാണ്‌ എന്നതാണ്‌. ഇതിൽ സത്യം അടങ്ങി​യി​രി​ക്കു​ന്നു. ബൈബിൾ നമ്മുടെ ജീവി​ത​ത്തി​നു​വേണ്ട ശരിയായ മാർഗ​നിർദേ​ശങ്ങൾ നൽകുന്നു. മംഗോ​ളി​യൻ ഭാഷയി​ലേക്കു പരിഭാഷ നടത്താൻ കഠിനാ​ധ്വാ​നം ചെയ്യു​ന്ന​വ​രോ​ടും നന്ദി പറയാൻ ഞാൻ ആഗ്രഹി​ക്കു​ന്നു. തണുപ്പാ​കട്ടെ, ചൂടാ​കട്ടെ ഏതു കാലാ​വ​സ്ഥ​യി​ലും ആളുകൾക്കു പ്രസി​ദ്ധീ​ക​ര​ണങ്ങൾ നൽകുന്ന പ്രവർത്ത​ക​രോ​ടും എനിക്കു നന്ദിയുണ്ട്‌.”

അദ്ദേഹ​ത്തി​ന്റെ പ്രാർഥന കേട്ടു

ഹോങ്‌കോ​ങ്ങിൽ ബ്രറ്റ്‌ എന്ന ഒരു മുൻനി​ര​സേ​വകൻ 30-നോട്‌ അടുത്ത്‌ പ്രായം തോന്നി​ക്കുന്ന ഒരു ചെറു​പ്പ​ക്കാ​രനെ സമീപിച്ച്‌ കുടും​ബ​സ​ന്തു​ഷ്ടി​യു​ടെ താക്കോൽ എന്താണ്‌? എന്ന ലഘുലേഖ കൊടു​ത്തു. ലഘുലേഖ കണ്ടതും ആ യുവാ​വി​ന്റെ കണ്ണുനി​റഞ്ഞു. താൻ സത്യത്തിൽ വളർത്ത​പ്പെട്ട ഒരാളാ​ണെ​ന്നും 16 വയസ്സു​ള്ള​പ്പോൾ വീട്ടിൽനിന്ന്‌ ഓടി​പ്പോ​യ​താ​ണെ​ന്നും അവൻ പറഞ്ഞു. പിന്നീട്‌ അഞ്ചു വർഷക്കാ​ലം മയക്കു​മ​രു​ന്നി​ന്റെ അടിമ​യാ​യി തെരു​വിൽ കഴിഞ്ഞു​കൂ​ടിയ തന്നെ ഒരു സന്നദ്ധ സംഘടന അവി​ടെ​നിന്ന്‌ കൂട്ടി​ക്കൊ​ണ്ടു പോയി സഹായി​ച്ചെ​ന്നും അവൻ പറഞ്ഞു.

തുടർന്ന്‌, ബ്രറ്റ്‌ സഹോ​ദ​രനെ കണ്ട അന്നു രാവിലെ താൻ ഇങ്ങനെ പ്രാർഥി​ച്ചി​രു​ന്നെന്ന്‌ ആ യുവാവ്‌ പറഞ്ഞു: “എന്റെ ചെറു​പ്പ​കാ​ലത്തെ മതമാണ്‌ സത്യ​മെ​ങ്കിൽ എനിക്ക്‌ ഒരു അടയാളം ഇന്ന്‌ കാണി​ച്ചു​ത​രേ​ണമേ.” ദൈവം അദ്ദേഹ​ത്തി​ന്റെ പ്രാർഥന കേട്ടു എന്ന്‌ ഉറപ്പായി. രണ്ടു പേരും അടുത്തുള്ള ഒരു ചെറിയ ഹോട്ട​ലിൽ പോയി. അവി​ടെ​വെച്ച്‌ യഹോ​വ​യു​ടെ അടുക്ക​ലേക്ക്‌ മടങ്ങി​വരൂ. . . എന്ന ലഘുപ​ത്രി​ക​യി​ലെ ഏതാനും വിവരങ്ങൾ ചർച്ച ചെയ്‌തു. അന്നു വൈകു​ന്നേ​രം​തന്നെ ആ ചെറു​പ്പ​ക്കാ​രനു ഫ്രാൻസി​ലേക്കു മടങ്ങണ​മാ​യി​രു​ന്നു. അതു​കൊണ്ട്‌ അവർ തങ്ങളുടെ അഡ്രസ്സ്‌ കൈമാ​റി. പിന്നീട്‌ ആ ചെറു​പ്പ​ക്കാ​രൻ ബ്രറ്റ്‌ സഹോ​ദ​രന്‌ എഴുതി: “എന്റെ പ്രിയ​പ്പെട്ട സഹോ​ദരാ, യഹോവ എന്റെ പ്രാർഥ​ന​കൾക്ക്‌ ഉത്തരം തന്നു. വരുന്ന ഞായറാഴ്‌ച ഞാൻ അടുത്തുള്ള മീറ്റി​ങ്ങി​നു പോകും.” ആ യുവാവ്‌ ഫ്രാൻസി​ലെ സഹോ​ദ​ര​ങ്ങ​ളു​മാ​യി ബന്ധപ്പെട്ട്‌ ബൈബിൾപ​ഠനം തുടങ്ങി. ഇപ്പോൾ മീറ്റി​ങ്ങു​ക​ളി​ലും പങ്കെടു​ക്കു​ന്നു.