ബിസി​നെ​സ്സി​നോ​ടു ബന്ധപ്പെട്ട തർക്കങ്ങൾ പരിഹ​രി​ക്കൽ

സഹവി​ശ്വാ​സി​കൾ കോട​തി​യിൽ കേസിനു പോകു​ന്ന​തി​നെ​ക്കു​റിച്ച്‌ 1 കൊരി​ന്ത്യർ 6:1-8 വരെയുള്ള ഭാഗങ്ങ​ളിൽ അപ്പോ​സ്‌ത​ല​നായ പൗലോസ്‌ രേഖ​പ്പെ​ടു​ത്തു​ന്നു. ചില ക്രിസ്‌ത്യാ​നി​കൾ ‘കോട​തി​യിൽ നീതി​കെട്ട മനുഷ്യ​രു​ടെ അടുത്ത്‌ പോകു​ന്ന​തിൽ’ പൗലോസ്‌ ഖേദം പ്രകടി​പ്പി​ക്കു​ക​യു​ണ്ടാ​യി. (1-ാം വാക്യം) പ്രശ്‌ന​ങ്ങ​ളു​ണ്ടാ​കു​മ്പോൾ അതുമാ​യി കോട​തി​ക​ളിൽ പോകാ​തെ സഭ നൽകുന്ന നിർദേ​ശ​ങ്ങ​ള​നു​സ​രിച്ച്‌ അവ പരിഹ​രി​ക്കേ​ണ്ട​തി​ന്റെ ഈടുറ്റ കാരണങ്ങൾ പൗലോസ്‌ നിരത്തു​ന്നു. ദൈവ​പ്ര​ചോ​ദി​ത​മായ ഈ ഉപദേശം നൽകി​യ​തി​ന്റെ ചില കാരണ​ങ്ങ​ളെ​ക്കു​റി​ച്ചും അവശ്യം ഇതിന്റെ പരിധി​യിൽ വരാത്ത ചില സാഹച​ര്യ​ങ്ങ​ളെ​ക്കു​റി​ച്ചും നമുക്കു ചിന്തി​ക്കാം.

ഒരു സഹവി​ശ്വാ​സി​യു​മാ​യി ബിസി​നെ​സ്സി​നോ​ടു ബന്ധപ്പെട്ട തർക്കമു​ണ്ടാ​കു​മ്പോൾ നമ്മു​ടേ​തായ വിധത്തി​ലല്ല, യഹോ​വ​യു​ടെ വിധത്തിൽ അതു പരിഹ​രി​ക്കാ​നാ​യി​രി​ക്കണം ആദ്യം ശ്രമി​ക്കേ​ണ്ടത്‌. (സുഭാ​ഷി​തങ്ങൾ 14:12) യേശു പറഞ്ഞതു​പോ​ലെ, പ്രശ്‌നം വഷളാ​കു​ന്ന​തി​നു മുമ്പു​തന്നെ, ഉടനടി അതു പരിഹ​രി​ക്കാൻ നോക്കണം. (മത്തായി 5:23-26) പക്ഷേ സങ്കടക​ര​മെന്നു പറയട്ടെ, ചില ക്രിസ്‌ത്യാ​നി​കൾക്കി​ട​യിൽ തർക്കം മൂത്ത്‌ കോട​തി​വരെ പോകേണ്ട സാഹച​ര്യ​ങ്ങൾ ഉണ്ടാകാ​റുണ്ട്‌. “നിങ്ങളു​ടെ ഇടയിൽ ഒരു കേസ്‌ ഉണ്ടാകു​ന്നു എന്നതു​തന്നെ വലി​യൊ​രു പോരാ​യ്‌മ​യാണ്‌” എന്നു പൗലോസ്‌ പറയുന്നു. എന്തു​കൊണ്ട്‌? ഇത്തരം നടപടി​കൾ സഭയുടെ സത്‌പേ​രി​നും നമ്മൾ ആരാധി​ക്കുന്ന ദൈവ​ത്തി​നും ദുഷ്‌കീർത്തി വരുത്തി​വെ​ക്കും എന്നതാണ്‌ ഒരു പ്രമു​ഖ​കാ​രണം. അതു​കൊണ്ട്‌ നമ്മൾ പൗലോ​സി​ന്റെ ഈ ചോദ്യം മനസ്സിൽപ്പി​ടി​ക്കു​ന്നു: “വഞ്ചിക്ക​പ്പെ​ടു​മ്പോ​ഴും എന്തു​കൊണ്ട്‌ അതു സഹിച്ചു​കൂ​ടാ?”—വാക്യം 7.

പല തർക്കങ്ങ​ളും പരിഹ​രി​ക്കാ​നുള്ള നല്ലൊരു ക്രമീ​ക​രണം ദൈവം സഭയ്‌ക്കു നൽകി​യി​ട്ടു​ണ്ടെ​ന്നുള്ള വസ്‌തു​ത​യും പൗലോസ്‌ ചൂണ്ടി​ക്കാ​ട്ടു​ന്നു. തിരു​വെ​ഴു​ത്തു​സ​ത്യ​ങ്ങൾ സംബന്ധിച്ച്‌ നല്ല അറിവുള്ള ജ്ഞാനി​ക​ളായ പുരു​ഷ​ന്മാ​രാ​ണു ക്രിസ്‌തീ​യ​മൂ​പ്പ​ന്മാർ. ‘ഈ ജീവി​ത​ത്തി​ലെ കാര്യ​ങ്ങ​ളെ​ക്കു​റിച്ച്‌’ സഹോ​ദ​ര​ന്മാർക്കി​ട​യിൽ ഉണ്ടാകുന്ന ഒരു പ്രശ്‌ന​ത്തി​നു തീർപ്പു കൽപ്പി​ക്കാൻ അവർക്കാ​കു​മെന്നു പൗലോസ്‌ പറയുന്നു. (വാക്യങ്ങൾ 3-5) പരദൂ​ഷണം, വഞ്ചന തുടങ്ങിയ ഗുരു​ത​ര​മായ തെറ്റുകൾ ഉൾപ്പെ​ടുന്ന സാഹച​ര്യ​ങ്ങ​ളിൽ മൂന്നു പടിക​ളുള്ള ഒരു പ്രശ്‌ന​പ​രി​ഹാ​ര​മാർഗം യേശു നിർദേ​ശി​ക്കു​ക​യു​ണ്ടാ​യി: (1) ഉൾപ്പെ​ട്ടി​രി​ക്കു​ന്നവർ തമ്മിൽ പ്രശ്‌നം പറഞ്ഞു​തീർക്കാൻ ശ്രമി​ക്കുക. (2) ആദ്യപടി പരാജ​യ​പ്പെ​ടു​ന്നെ​ങ്കിൽ ഒന്നോ രണ്ടോ സാക്ഷി​കളെ കൂട്ടി​ക്കൊണ്ട്‌ ചെല്ലുക. (3) അതും പരാജ​യ​പ്പെ​ടു​ന്നെ​ങ്കിൽ, കാര്യം സഭയെ, അതായതു മൂപ്പന്മാ​രെ അറിയി​ക്കുക.—മത്തായി 18:15-17.

പലപ്പോ​ഴും ക്രിസ്‌തീ​യ​മൂ​പ്പ​ന്മാർ നിയമ​ജ്ഞ​രോ ബിസി​നെ​സ്സു​കാ​രോ ആയിരി​ക്കു​ക​യില്ല, അവർ നിയമ​പ​ര​മോ ബിസി​നെ​സ്സു​പ​ര​മോ ആയ നിർദേ​ശങ്ങൾ കൊടു​ക്കാ​നും പ്രതീ​ക്ഷി​ക്കു​ന്നില്ല. പ്രശ്‌ന​പ​രി​ഹാ​ര​ത്തി​നുള്ള വ്യവസ്ഥ​ക​ളും അവർ മുന്നോ​ട്ടു​വെ​ക്കു​ന്നില്ല. മറിച്ച്‌, തിരു​വെ​ഴു​ത്തു​ത​ത്ത്വ​ങ്ങൾ ബാധക​മാ​ക്കി​ക്കൊണ്ട്‌ സ്വീകാ​ര്യ​മായ ഒരു തീരു​മാ​ന​ത്തി​ലെ​ത്താൻ ഉൾപ്പെ​ട്ടി​രി​ക്കുന്ന കക്ഷികളെ സഹായി​ക്കു​ക​യാണ്‌ അവർ ചെയ്യു​ന്നത്‌. സങ്കീർണ​മായ കേസു​ക​ളിൽ സർക്കിട്ട്‌ മേൽവി​ചാ​ര​ക​നോ​ടോ യഹോ​വ​യു​ടെ സാക്ഷി​ക​ളു​ടെ ബ്രാ​ഞ്ചോ​ഫീ​സി​നോ​ടോ അഭി​പ്രാ​യം ചോദി​ക്കാൻ മൂപ്പന്മാർ തീരു​മാ​നി​ച്ചേ​ക്കാം. എന്നാൽ, പൗലോ​സി​ന്റെ ബുദ്ധി​യു​പ​ദേ​ശ​ത്തി​ന്റെ പരിധി​യിൽ വരാത്ത ചില സാഹച​ര്യ​ങ്ങ​ളു​മുണ്ട്‌. അവയിൽ ചിലത്‌ ഏതൊ​ക്കെ​യാണ്‌?

ചില സാഹച​ര്യ​ങ്ങ​ളിൽ, നിയമ​സ​ഹാ​യം തേടേ​ണ്ടതു വെറു​മൊ​രു നടപടി​ക്ര​മ​മോ നിയമ​പ​ര​മായ ഒരു ആവശ്യ​മോ ആണെന്നു​വ​ന്നേ​ക്കാം. ഒട്ടും സ്വാർഥ​പ​ര​മ​ല്ലാ​തെ സമാധാ​ന​പ​ര​മാ​യി കാര്യങ്ങൾ ചെയ്യാ​നുള്ള ഒരു ഉപാധി മാത്ര​മാ​യി​രി​ക്കാം അത്‌. ഉദാഹ​ര​ണ​ത്തിന്‌, വിവാ​ഹ​മോ​ചനം ലഭിക്കാ​നും ഒരു കുട്ടി​യു​ടെ സംരക്ഷ​ണാ​വ​കാ​ശം നേടി​യെ​ടു​ക്കാ​നും ജീവനാം​ശം, ഇൻഷ്വ​റൻസ്‌ തുക എന്നിവ ലഭിക്കാ​നും പാപ്പരത്തം പ്രഖ്യാ​പിച്ച ഒരാളിൽനി​ന്നോ സ്ഥാപന​ത്തിൽനി​ന്നോ പണം മടക്കി​ക്കി​ട്ടാ​നു​ള്ള​വ​രു​ടെ പട്ടിക​യിൽ പേര്‌ വരാനും വിൽപ്പ​ത്ര​ത്തി​നു സാധുത ലഭിക്കാ​നും കോട​തി​യെ സമീപി​ക്കു​കയേ മാർഗ​മു​ള്ളാ​യി​രി​ക്കാം. തനി​ക്കെ​തി​രെ അന്യാ​യ​മായ ഒരു പരാതി​യു​ള്ള​പ്പോൾ മേൽന​ട​പ​ടി​ക​ളിൽനി​ന്നുള്ള സംരക്ഷ​ണാർഥം തിരി​ച്ചൊ​രു പരാതി​കൊ​ടു​ക്കാൻ ഒരു സഹോ​ദരൻ നിർബ​ന്ധി​ത​നാ​യി​ത്തീ​രുന്ന സാഹച​ര്യ​ങ്ങ​ളു​മുണ്ട്‌.a

ഉപദ്ര​വി​ക്ക​ണ​മെന്ന ലക്ഷ്യ​ത്തോ​ടെയല്ല അത്തരം നിയമ​ന​ട​പ​ടി​കൾ സ്വീക​രി​ക്കു​ന്ന​തെ​ങ്കിൽ അതു പൗലോസ്‌ ദൈവ​പ്ര​ചോ​ദി​ത​മാ​യി നൽകിയ നിർദേ​ശ​ത്തി​ന്റെ ലംഘന​മാ​കു​ന്നില്ല.b എന്തൊക്കെ ചെയ്‌താ​ലും യഹോ​വ​യു​ടെ നാമത്തി​ന്റെ വിശു​ദ്ധീ​ക​ര​ണ​വും സഭയുടെ സമാധാ​ന​വും ഐക്യ​വും ആയിരി​ക്കണം ഒരു ക്രിസ്‌ത്യാ​നി​യു​ടെ മുഖ്യ​ല​ക്ഷ്യം. ക്രിസ്‌തു​വി​ന്റെ അനുഗാ​മി​ക​ളു​ടെ മുഖമു​ദ്ര​യാ​ണു സ്‌നേഹം. അതു “തൻകാ​ര്യം നോക്കു​ന്നില്ല.”—1 കൊരി​ന്ത്യർ 13:4, 5; യോഹ​ന്നാൻ 13:34, 35.