ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ജനുവരി 7-13

ദൈവ​വ​ച​ന​ത്തി​ലെ നിധികൾ | പ്രവൃ​ത്തി​കൾ 21-22

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

പ്രവൃ 22:16-ന്റെ പഠനക്കുറിപ്പ്‌, nwtsty

യേശു​വി​ന്റെ പേര്‌ വിളിച്ച്‌ നിന്റെ പാപങ്ങൾ കഴുകി​ക്ക​ള​യുക: ഒരാൾ സ്‌നാ​ന​മേൽക്കുന്ന ജലത്തിന്‌ അയാളു​ടെ പാപങ്ങൾ കഴുകി​ക്ക​ള​യാ​നാ​കില്ല. യേശു​വി​ന്റെ പേര്‌ വിളി​ക്കു​മ്പോ​ഴാണ്‌ അയാളു​ടെ പാപങ്ങൾ ക്ഷമിച്ചു​കി​ട്ടു​ന്നത്‌. യേശു​വിൽ വിശ്വാ​സ​മർപ്പി​ക്കു​ന്ന​തും ക്രിസ്‌തീ​യ​പ്ര​വർത്ത​ന​ങ്ങ​ളി​ലൂ​ടെ ആ വിശ്വാ​സം തെളി​യി​ക്കു​ന്ന​തും ആണ്‌ അതിൽ ഉൾപ്പെ​ട്ടി​രി​ക്കു​ന്നത്‌.—പ്രവൃ 10:43; യാക്ക 2:14, 18.

വയൽസേ​വ​ന​ത്തി​നു സജ്ജരാ​കാം

w10-E 2/1 13 ¶2-14 ¶2

ക്രിസ്‌ത്യാ​നി​കൾക്കുള്ള ഒരു നിബന്ധ​ന​യോ?

ക്രിസ്‌തു മോശ​യു​ടെ നിയമം നിറ​വേ​റ്റിയ സ്ഥിതിക്ക്‌, ക്രിസ്‌ത്യാ​നി​കൾ ആഴ്‌ച​തോ​റു​മുള്ള ശബത്ത്‌ ആചരി​ക്കേ​ണ്ട​തു​ണ്ടോ? ദൈവ​പ്ര​ചോ​ദി​ത​നാ​യി പൗലോസ്‌ ഇങ്ങനെ ഉത്തരം നൽകുന്നു: “അതു​കൊണ്ട്‌ എന്തു കഴിക്കു​ന്നു, എന്തു കുടി​ക്കു​ന്നു എന്നതി​ലും ഏതെങ്കി​ലും ഉത്സവമോ അമാവാ​സി​യോ ശബത്തോ ആചരി​ക്കുന്ന കാര്യ​ത്തി​ലും ആരും നിങ്ങളെ വിധി​ക്കാ​തി​രി​ക്കട്ടെ. അവ വരാനി​രി​ക്കു​ന്ന​വ​യു​ടെ വെറു​മൊ​രു നിഴലാണ്‌. പക്ഷേ യാഥാർഥ്യം ക്രിസ്‌തു​വാണ്‌.”—കൊ​ലോ​സ്യർ 2:16, 17.

തന്റെ ദാസന്മാ​രിൽനിന്ന്‌ ദൈവം ആവശ്യ​പ്പെ​ടുന്ന കാര്യ​ങ്ങൾക്കു മാറ്റം വന്നിട്ടു​ണ്ടെ​ന്നല്ലേ ആ വാക്കുകൾ കാണി​ക്കു​ന്നത്‌? എന്തു​കൊ​ണ്ടാണ്‌ ആ മാറ്റം? കാരണം, ക്രിസ്‌ത്യാ​നി​കൾ ഒരു പുതിയ നിയമ​ത്തി​ന്റെ കീഴി​ലാണ്‌, ‘ക്രിസ്‌തു​വി​ന്റെ നിയമ​ത്തിൻകീ​ഴിൽ.’ (ഗലാത്യർ 6:2) മോശ​യി​ലൂ​ടെ ഇസ്രാ​യേ​ലി​നു കൊടുത്ത നിയമ ഉടമ്പടി, യേശു​വി​ന്റെ മരണം നിറ​വേറ്റി. അതോടെ അത്‌ അവസാ​നി​ച്ചു. (റോമർ 10:4; എഫെസ്യർ 2:15) ശബത്ത്‌ ആചരി​ക്ക​ണ​മെന്ന നിയമ​വും അതോ​ടു​കൂ​ടി അവസാ​നി​ച്ചോ? ഉവ്വ്‌. “നമ്മൾ നിയമ​ത്തിൽനിന്ന്‌ സ്വത​ന്ത്ര​രാ​ക്ക​പ്പെ​ട്ടി​രി​ക്കു​ന്നു” എന്നു പറഞ്ഞതി​നു ശേഷം പൗലോസ്‌ പത്തു കല്‌പ​ന​ക​ളിൽ ഒന്നി​നെ​ക്കു​റിച്ച്‌ പരാമർശി​ച്ചു. (റോമർ 7:6, 7) അതു​കൊണ്ട്‌ മോശ​യു​ടെ നിയമം അവസാ​നി​ച്ച​പ്പോൾ അതോ​ടൊ​പ്പം പത്തു കല്‌പ​ന​ക​ളും അവസാ​നി​ച്ചു. അതിൽ ശബത്ത്‌ ആചരി​ക്ക​ണ​മെന്ന കല്‌പ​ന​യും ഉൾപ്പെ​ടു​ന്നു. അതു​കൊണ്ട്‌ ദൈവ​ത്തി​ന്റെ ആരാധകർ ആഴ്‌ച​തോ​റു​മുള്ള ശബത്ത്‌ ആചരി​ക്ക​ണ​മെന്ന നിബന്ധ​ന​യിൻകീ​ഴി​ലല്ല.

ഇസ്രാ​യേ​ല്യ​രു​ടെ ആരാധ​നാ​രീ​തി​യിൽനിന്ന്‌ ക്രിസ്‌ത്യാ​നി​ക​ളു​ടെ ആരാധ​നാ​രീ​തി​യി​ലേക്കു വന്ന ഈ മാറ്റത്തെ നമുക്ക്‌ ഇങ്ങനെ ദൃഷ്ടാ​ന്തീ​ക​രി​ക്കാം. ഒരു രാഷ്‌ട്രം അതിന്റെ ഭരണഘ​ട​ന​യ്‌ക്കു മാറ്റം വരുത്താ​റുണ്ട്‌. പുതിയ ഭരണഘടന നിലവിൽവ​ന്നാൽപ്പി​ന്നെ, പഴയതി​ലെ നിയമങ്ങൾ അവർ അനുസ​രി​ക്കേ​ണ്ട​തില്ല. പുതിയ ഭരണഘ​ട​ന​യി​ലെ ചില നിയമങ്ങൾ പഴയതി​ലേതു​ത​ന്നെ​യാ​യി​രി​ക്കാ​മെ​ങ്കി​ലും മറ്റു ചിലതു വ്യത്യ​സ്‌ത​മാ​യി​രി​ക്കും. അതു​കൊണ്ട്‌ ഏതൊക്കെ നിയമ​ങ്ങ​ളാണ്‌ ഇപ്പോൾ അനുസ​രി​ക്കേ​ണ്ട​തെന്നു മനസ്സി​ലാ​ക്കാൻ ഒരാൾ പുതിയ ഭരണഘടന ശ്രദ്ധാ​പൂർവം പഠിക്കണം. കൂടാതെ, എന്നാണ്‌ പുതിയ ഭരണഘടന നിലവിൽവ​ന്നത്‌ എന്നും വിശ്വ​സ്‌ത​നായ ഒരു പൗരൻ മനസ്സി​ലാ​ക്കണം.

അതു​പോ​ലെ ദൈവ​മായ യഹോവ ഇസ്രാ​യേൽ ജനതയ്‌ക്കു 600-ഓളം നിയമങ്ങൾ കൊടു​ത്തു. അതിൽ പത്തെണ്ണം വളരെ പ്രധാ​ന​പ്പെ​ട്ട​താ​യി​രു​ന്നു. ധാർമി​ക​ത​യെ​യും ബലിക​ളെ​യും ആരോ​ഗ്യ​കാ​ര്യ​ങ്ങ​ളെ​യും ശബത്താ​ച​ര​ണ​ത്തെ​യും കുറി​ച്ചുള്ള നിയമങ്ങൾ അതിലു​ണ്ടാ​യി​രു​ന്നു. എന്നാൽ തന്റെ അഭിഷി​ക്ത​രായ അനുഗാ​മി​കൾ ചേർന്ന്‌ ഒരു പുതിയ “ജനത” രൂപം​കൊ​ള്ളു​മെന്നു യേശു പറഞ്ഞു. (മത്തായി 21:43) എ.ഡി. 33 മുതൽ ഈ ജനതയ്‌ക്ക്‌ ഒരു പുതിയ ‘ഭരണഘ​ട​ന​യുണ്ട്‌.’ അതിന്റെ അടിസ്ഥാ​നം എന്നു പറയു​ന്നതു രണ്ടു നിയമ​ങ്ങ​ളാണ്‌, ദൈവ​ത്തോ​ടുള്ള സ്‌നേ​ഹ​വും അയൽക്കാ​ര​നോ​ടുള്ള സ്‌നേ​ഹ​വും. (മത്തായി 22:36-40) ‘ക്രിസ്‌തു​വി​ന്റെ നിയമ​ത്തിൽ’ ഇസ്രാ​യേ​ലി​നു കൊടുത്ത നിയമ​ത്തി​ലു​ണ്ടാ​യി​രു​ന്ന​തി​നു സമാന​മായ ചില നിർദേ​ശങ്ങൾ അടങ്ങി​യി​രു​ന്നു. എങ്കിലും ചില നിയമങ്ങൾ തികച്ചും വ്യത്യ​സ്‌ത​മാ​ണെ​ന്ന​തും മോശ​യു​ടെ നിയമ​ത്തി​ലെ ചിലതു മേലാൽ അനുസ​രി​ക്കേ​ണ്ട​തി​ല്ലെ​ന്നും ഉള്ള വസ്‌തുത നമ്മളെ അതിശ​യി​പ്പി​ക്കേ​ണ്ട​തില്ല. ആഴ്‌ച​തോ​റു​മുള്ള ശബത്ത്‌ ആചരി​ക്ക​ണ​മെ​ന്ന​താണ്‌ മേലാൽ നമ്മൾ കർശന​മാ​യി അനുഷ്‌ഠി​ക്കേ​ണ്ട​തി​ല്ലാത്ത ഒരു കല്‌പന.

ജനുവരി 14-20

ദൈവ​വ​ച​ന​ത്തി​ലെ നിധികൾ | പ്രവൃ​ത്തി​കൾ 23-24

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

പ്രവൃ 23:6-ന്റെ പഠനക്കുറിപ്പ്‌, nwtsty

ഞാൻ ഒരു പരീശ​നാണ്‌: അവിടെ കൂടി​യി​രുന്ന ചിലർക്കു പൗലോ​സി​നെ പരിച​യ​മു​ണ്ടാ​യി​രു​ന്നു. (പ്രവൃ 22:5) താൻ പരീശ​കു​ടും​ബ​ത്തിൽ ജനിച്ച​വ​നാണ്‌ എന്നു പൗലോസ്‌ പറഞ്ഞത്‌, താനും മുമ്പ്‌ അവരെ​പ്പോ​ലെ ഒരു പരീശ​നാ​യി​രു​ന്നെന്നു സൂചി​പ്പി​ക്കാൻവേ​ണ്ടി​യാ​ണെന്ന്‌ അവർക്കു മനസ്സി​ലാ​യി​ക്കാ​ണും. എന്തായാ​ലും താൻ ഇപ്പോ​ഴും ഒരു പരീശ​നാ​ണെന്നു തെറ്റി​ദ്ധ​രി​പ്പി​ക്കാൻ പൗലോ​സിന്‌ ഉദ്ദേശ്യ​മി​ല്ലാ​യി​രു​ന്നെന്ന്‌ അവർക്കു മനസ്സി​ലാ​യി​ട്ടു​ണ്ടാ​കും. കാരണം പൗലോസ്‌ ഇതിനകം തീക്ഷ്‌ണ​ത​യുള്ള ഒരു ക്രിസ്‌ത്യാ​നി​യാ​യി മാറി​യെന്ന്‌ സൻഹെ​ദ്രി​നി​ലെ പരീശ​ന്മാർക്ക്‌ അറിയാ​മാ​യി​രു​ന്നു. വാക്യ​ത്തി​ന്റെ സന്ദർഭം കണക്കി​ലെ​ടു​ക്കു​മ്പോൾ, പൗലോ​സി​ന്റെ വാക്കു​കളെ മറ്റൊ​രർഥ​ത്തിൽ മനസ്സി​ലാ​ക്കാ​വു​ന്ന​താണ്‌. തന്നെ​പ്പോ​ലെ​തന്നെ പരീശ​ന്മാ​രും പുനരു​ത്ഥാ​ന​ത്തിൽ വിശ്വ​സി​ച്ചി​രു​ന്ന​തു​കൊണ്ട്‌ താൻ സദൂക്യ​രെ​ക്കാൾ യോജി​ക്കു​ന്നത്‌ അവരോ​ടാ​ണെ​ന്നാ​യി​രി​ക്കാം പൗലോസ്‌ ഇവിടെ ഉദ്ദേശി​ച്ചത്‌. അങ്ങനെ അവി​ടെ​യു​ണ്ടാ​യി​രുന്ന പരീശ​ന്മാ​രു​മാ​യി യോജി​ക്കാൻ പറ്റുന്ന ഒരു വിഷയ​ത്തി​ലേക്കു ശ്രദ്ധ ക്ഷണിക്കു​ക​യാ​യി​രു​ന്നു അദ്ദേഹം. ഈ വിവാ​ദ​വി​ഷയം എടുത്തി​ട്ടാൽ സൻഹെ​ദ്രി​നി​ലെ ചില​രെ​ങ്കി​ലും തന്റെ പക്ഷത്ത്‌ നിൽക്കു​മെന്ന്‌ അദ്ദേഹം പ്രതീ​ക്ഷി​ച്ചു​കാ​ണും. ആ തന്ത്രം ഫലിക്കു​ക​യും ചെയ്‌തു. (പ്രവൃ 23:7-9) പിന്നീട്‌ അഗ്രിപ്പ രാജാ​വി​ന്റെ മുന്നിൽവെച്ച്‌ തന്റെ ഭാഗം വാദി​ച്ച​പ്പോൾ പൗലോസ്‌ തന്നെക്കു​റിച്ച്‌ പറഞ്ഞതും, ഈ വാക്യ​ത്തി​ലെ പൗലോ​സി​ന്റെ വാക്കു​ക​ളു​മാ​യി ചേർച്ച​യി​ലാണ്‌. (പ്രവൃ 26:5) ഫിലി​പ്പി​യി​ലെ സഹക്രി​സ്‌ത്യാ​നി​കൾക്കു റോമിൽനിന്ന്‌ കത്ത്‌ എഴുതി​യ​പ്പോ​ഴും പൗലോസ്‌ തന്റെ പരീശ​പാ​ര​മ്പ​ര്യ​ത്തെ​ക്കു​റിച്ച്‌ സൂചി​പ്പി​ക്കു​ന്നുണ്ട്‌. (ഫിലി 3:5) മുമ്പ്‌ പരീശ​ന്മാ​രാ​യി​രുന്ന ക്രിസ്‌ത്യാ​നി​കളെ പ്രവൃ 15:5-ൽ വിശേ​ഷി​പ്പി​ച്ചി​രി​ക്കുന്ന വിധവും ഇവിടെ ശ്രദ്ധേ​യ​മാണ്‌.—പ്രവൃ 15:5-ന്റെ പഠനക്കു​റി​പ്പു കാണുക.

പ്രവൃ 24:24-ന്റെ പഠനക്കുറിപ്പ്‌, nwtsty

ദ്രുസില്ല: പ്രവൃ 12:1-ൽ പറഞ്ഞി​രി​ക്കുന്ന ഹെരോ​ദി​ന്റെ, അതായത്‌ ഹെരോദ്‌ അഗ്രിപ്പ 1-ാമന്റെ, ഏറ്റവും ഇളയ മകളാണ്‌ ഇത്‌. ഏതാണ്ട്‌ എ.ഡി. 38-ലാണ്‌ അദ്ദേഹ​ത്തി​നു മൂന്നാ​മത്തെ ഈ മകൾ ജനിക്കു​ന്നത്‌. അഗ്രിപ്പ 2-ാമന്റെ​യും ബർന്നീ​ക്ക​യു​ടെ​യും സഹോ​ദ​രി​യാ​യി​രു​ന്നു ദ്രുസില്ല. (പ്രവൃ 25:13-ന്റെ പഠനക്കു​റി​പ്പും പദാവ​ലി​യിൽ “ഹെരോദ്‌” എന്നതും കാണുക.) ഗവർണ​റായ ഫേലി​ക്‌സ്‌ ദ്രുസി​ല്ല​യു​ടെ രണ്ടാമത്തെ ഭർത്താവ്‌ ആയിരു​ന്നു. തന്റെ ആദ്യഭർത്താ​വായ എമസയി​ലെ സിറിയൻ രാജാ​വായ അസിസ​സി​നെ വിവാ​ഹ​മോ​ചനം ചെയ്‌ത ദ്രുസില്ല, എ.ഡി. 54-ൽ, ഏകദേശം 16 വയസ്സു​ള്ള​പ്പോ​ഴാ​ണു ഫേലി​ക്‌സി​നെ വിവാഹം കഴിക്കു​ന്നത്‌. പൗലോസ്‌ ഫേലി​ക്‌സി​ന്റെ മുന്നിൽവെച്ച്‌ “നീതി, ആത്മനി​യ​ന്ത്രണം, വരാനി​രി​ക്കുന്ന ന്യായ​വി​ധി” എന്നിവ​യെ​ക്കു​റിച്ച്‌ പറഞ്ഞ സന്ദർഭ​ത്തിൽ ദ്രുസി​ല്ല​യും അവി​ടെ​യു​ണ്ടാ​യി​രു​ന്നി​രി​ക്കാം. (പ്രവൃ 24:25) ഫേലി​ക്‌സ്‌ തന്റെ ഗവർണർസ്ഥാ​നം ഫെസ്‌തൊ​സി​നു കൈമാ​റി​യ​പ്പോൾ “ജൂതന്മാ​രു​ടെ പ്രീതി നേടാൻ” പൗലോ​സി​നെ തടവിൽത്തന്നെ വിട്ടിട്ട്‌ പോയി. ജൂതവം​ശ​ത്തിൽപ്പെട്ട, ചെറു​പ്പ​ക്കാ​രി​യായ തന്റെ ഭാര്യയെ പ്രീതി​പ്പെ​ടു​ത്താ​നാ​യി​രി​ക്കാം ഫേലി​ക്‌സ്‌ അങ്ങനെ ചെയ്‌ത​തെന്നു ചിലർ കരുതു​ന്നു.—പ്രവൃ 24:27.

ജനുവരി 21-27

ദൈവ​വ​ച​ന​ത്തി​ലെ നിധികൾ | പ്രവൃ​ത്തി​കൾ 25-26

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

പ്രവൃ 26:14-ന്റെ പഠനക്കുറിപ്പ്‌, nwtsty

മുടി​ങ്കോ​ലിൽ തൊഴി​ക്കു​ന്നത്‌: മൃഗങ്ങളെ തെളി​ക്കാൻ ഉപയോ​ഗി​ക്കുന്ന, അറ്റം കൂർത്ത വടിയാ​ണു മുടി​ങ്കോൽ. (ന്യായ 3:31) “മുടി​ങ്കോ​ലിൽ തൊഴി​ക്കുക” എന്നതു ഗ്രീക്ക്‌ സാഹി​ത്യ​കൃ​തി​ക​ളിൽ കാണുന്ന ഒരു പഴഞ്ചൊ​ല്ലാണ്‌. മുടി​ങ്കോ​ലു​കൊണ്ട്‌ തെളി​ക്കു​ന്നത്‌ ഇഷ്ടപ്പെ​ടാ​തെ അതിൽ തൊഴിച്ച്‌ മുറിവ്‌ വരുത്തി​വെ​ക്കുന്ന അനുസ​ര​ണ​മി​ല്ലാത്ത ഒരു കാളയു​ടെ ചിത്ര​മാണ്‌ അതു നമ്മുടെ മനസ്സി​ലേക്കു കൊണ്ടു​വ​രു​ന്നത്‌. ക്രിസ്‌ത്യാ​നി​യാ​കു​ന്ന​തി​നു മുമ്പ്‌ ശൗൽ അതു​പോ​ലൊ​രു ആളായി​രു​ന്നു. യേശു​വി​ന്റെ അനുഗാ​മി​കൾക്കു ദൈവ​മായ യഹോ​വ​യു​ടെ പിന്തു​ണ​യു​ണ്ടാ​യി​രു​ന്ന​തു​കൊണ്ട്‌ അവർക്കെ​തി​രെ പോരാ​ടു​ന്നതു പൗലോ​സി​നു​തന്നെ ഗുരു​ത​ര​മായ ഹാനി വരുത്തി​വെ​ച്ചേനേ. (പ്രവൃ 5:38, 39 താരത​മ്യം ചെയ്യുക; 1തിമ 1:13, 14) സഭ 12:11-ൽ മുടി​ങ്കോൽ എന്ന്‌ അർഥം​വ​രുന്ന “ഇടയന്റെ വടി” എന്ന പദപ്ര​യോ​ഗം, ബുദ്ധി​മാ​നായ ഒരാളു​ടെ വാക്കു​കളെ കുറി​ക്കാൻ ആലങ്കാ​രി​ക​മാ​യാണ്‌ ഉപയോ​ഗി​ച്ചി​രി​ക്കു​ന്നത്‌. ഉപദേശം സ്വീക​രി​ക്കാൻ ഒരാളെ പ്രചോ​ദി​പ്പി​ക്കു​ന്ന​തിന്‌ അത്തരം വാക്കു​കൾക്കാ​കും.

ജനുവരി 28-ഫെബ്രു​വരി 3

ദൈവ​വ​ച​ന​ത്തി​ലെ നിധികൾ | പ്രവൃ​ത്തി​കൾ 27-28

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

പ്രവൃ 27:9-ന്റെ പഠനക്കുറിപ്പ്‌, nwtsty

ശരത്‌കാ​ലത്തെ ഉപവാസം: അഥവാ “പാപപ​രി​ഹാ​ര​ദി​വ​സ​ത്തി​ലെ ഉപവാസം.” അക്ഷ. “ഉപവാസം.” ഇവിടെ കാണുന്ന “ഉപവാസം” എന്നതിന്റെ ഗ്രീക്കു​പദം, മോശ​യു​ടെ നിയമ​ത്തിൽ പറഞ്ഞി​ട്ടുള്ള ഒരേ ഒരു ഉപവാ​സത്തെ മാത്ര​മാ​ണു കുറി​ക്കു​ന്നത്‌. യോം കിപ്പൂർ (എബ്രാ​യ​യിൽ, യോഹ്‌മം ഹക്കിപ്പു​രിം; അർഥം “മറയ്‌ക്കുന്ന ദിവസം.”) എന്നും വിളി​ച്ചി​രുന്ന വാർഷിക പാപപ​രി​ഹാ​ര​ദി​വ​സ​വു​മാ​യി ബന്ധപ്പെട്ട ഉപവാ​സ​മാ​യി​രു​ന്നു അത്‌. (ലേവ 16:29-31; 23:26-32; സംഖ 29:7; പദാവ​ലി​യിൽ “പാപപ​രി​ഹാ​ര​ദി​വസം” കാണുക.) പാപപ​രി​ഹാ​ര​ദി​വ​സ​വു​മാ​യി ബന്ധപ്പെട്ട്‌ ഉപയോ​ഗി​ച്ചി​രി​ക്കുന്ന “സ്വയം ക്ലേശി​പ്പി​ക്കുക” എന്ന പദപ്ര​യോ​ഗം, ഉപവാസം ഉൾപ്പെടെ ആത്മപരി​ത്യാ​ഗ​ത്തി​ന്റെ വ്യത്യ​സ്‌ത​രീ​തി​കളെ അർഥമാ​ക്കു​ന്ന​താ​യി പൊതു​വേ കരുത​പ്പെ​ടു​ന്നു. (ലേവ 16:29, അടിക്കു​റിപ്പ്‌) പ്രവൃ 27:9-ൽ ‘ഉപവാസം’ എന്ന പദം ഉപയോ​ഗി​ച്ചി​രി​ക്കു​ന്ന​തിൽനിന്ന്‌, പാപപ​രി​ഹാ​ര​ദി​വ​സത്തെ ആത്മപരി​ത്യാ​ഗ​ത്തിൽ പ്രധാ​ന​മാ​യും ഉൾപ്പെ​ട്ടി​രു​ന്നത്‌ ഉപവാ​സ​മാ​യി​രു​ന്നു എന്നു മനസ്സി​ലാ​ക്കാം. ആ ഉപവാസം സെപ്‌റ്റം​ബ​റി​ന്റെ ഒടുവി​ലോ ഒക്ടോ​ബ​റി​ന്റെ തുടക്ക​ത്തി​ലോ ആയിരു​ന്നു.

പ്രവൃ 28:11-ന്റെ പഠനക്കുറിപ്പ്‌, nwtsty

സീയൂ​സ്‌പു​ത്ര​ന്മാർ: ഗ്രീക്ക്‌, റോമൻ ഐതി​ഹ്യ​ങ്ങ​ള​നു​സ​രിച്ച്‌ സീയൂസ്‌ ദേവ​ന്റെ​യും (ജൂപ്പിറ്റർ ദേവൻ) സ്‌പാർട്ട​യി​ലെ ലേഡ രാജ്ഞി​യു​ടെ​യും ഇരട്ടപ്പു​ത്ര​ന്മാ​രായ കാസ്റ്ററും പോള​ക്‌സും ആണ്‌ ഈ “സീയൂ​സ്‌പു​ത്ര​ന്മാർ” (ഗ്രീക്കിൽ, ഡിയസ്‌കൂ​റൊയ്‌ ). കടലിലെ ആപത്തു​ക​ളിൽനിന്ന്‌ നാവി​കരെ രക്ഷിക്കുന്ന കാവൽദേ​വ​ന്മാ​രാ​യാണ്‌ ഇവരെ കണ്ടിരു​ന്നത്‌. ഇവർക്കു മറ്റു ശക്തിക​ളു​മു​ണ്ടാ​യി​രു​ന്ന​താ​യി കരുത​പ്പെ​ടു​ന്നു. ഈ വിവരണം രേഖ​പ്പെ​ടു​ത്തി​യത്‌, സംഭവ​ങ്ങ​ളെ​ല്ലാം നേരിട്ട്‌ കണ്ട ഒരാൾത​ന്നെ​യാണ്‌ എന്നതിന്റെ മറ്റൊരു തെളി​വാണ്‌, കപ്പലിന്റെ അണിയ​ത്തു​ണ്ടാ​യി​രുന്ന ചിഹ്ന​ത്തെ​ക്കു​റി​ച്ചുള്ള ഈ വിശദാം​ശം.