നിങ്ങൾക്കു ബൈബി​ളിൽ ആശ്രയി​ക്കാ​മോ?

നിങ്ങൾ ഒരു ബൈബിൾ എടുത്താൽ ഒരു നാണയം കാണു​വാൻ പ്രതീ​ക്ഷി​ക്കു​മോ? ഈ പുരാതന വെള്ളി​നാ​ണ​യ​ത്തെ​പ്പ​ററി എന്ത്‌?

അനേക​രും ബൈബി​ളി​നെ ആകർഷ​ക​മായ കഥകളും പ്രശം​സ​നീ​യ​മായ സാൻമാർഗിക ഉപദേ​ശ​ങ്ങ​ളും നൽകുന്ന ഒരു പഴയ ഗ്രന്ഥമാ​യി കരുതു​ന്നു. എങ്കിലും ബൈബിൾ വിവര​ണങ്ങൾ കൃത്യ​ത​യുള്ള ചരി​ത്ര​മാ​ണെന്ന്‌ അവർ വിശ്വ​സി​ക്കു​ന്നില്ല, അതു​കൊണ്ട്‌ അതു ദൈവ​വ​ചനം ആയിരി​ക്കു​ന്നു എന്നത്‌ അവർ നിഷേ​ധി​ക്കു​ന്നു. എന്നാൽ ബൈബി​ളി​ന്റെ കൃത്യ​ത​യ്‌ക്കു മതിയായ തെളി​വുണ്ട്‌. ഈ നാണയം (വലുതാ​ക്കിയ ദൃശ്യം) ഒരു നല്ല ദൃഷ്ടാ​ന്ത​മാണ്‌. അതിലെ എഴുത്തു​കൾ എന്തുപ​റ​യു​ന്നു?

ഈ നാണയം ഉണ്ടാക്കി​യത്‌ ഇന്നത്തെ തുർക്കി​യു​ടെ ദക്ഷിണ​പൂർവ​ഭാ​ഗ​ത്തുള്ള ഒരു പട്ടണമായ തർസൂ​സി​ലാണ്‌. പൊ.യു.മു. നാലാം നൂററാ​ണ്ടിൽ പാർസി ദേശാ​ധി​പ​തി​യായ മാസാ​വു​സി​ന്റെ ഭരണകാ​ല​ത്താണ്‌ ഈ നാണയം നിർമി​ച്ചത്‌. ഈ നാണയം അദ്ദേഹത്തെ “നദിക്ക്‌ ഇക്കരെ​യുള്ള” പ്രവി​ശ്യ​യു​ടെ ദേശാ​ധി​പതി എന്നു തിരി​ച്ച​റി​യി​ക്കു​ന്നു, അതായത്‌ യൂഫ്ര​ട്ടീസ്‌ നദി.

എന്നാൽ എന്തു​കൊ​ണ്ടാണ്‌ ആ പ്രയോ​ഗം രസകര​മാ​യി​രി​ക്കു​ന്നത്‌? എന്തു​കൊ​ണ്ടെ​ന്നാൽ നിങ്ങൾ നിങ്ങളു​ടെ ബൈബി​ളിൽ അതേ ഉദ്യോ​ഗ​പേരു കാണും. പാർസി​രാ​ജാ​വായ ദാര്യ​വേ​ശും ദേശാ​ധി​പ​തി​യായ തത്‌നാ​യി​യും തമ്മിലുള്ള കത്തിട​പാ​ടി​നെ​ക്കു​റി​ച്ചു എസ്രാ 5:6–6:13 എടുത്തു​കാ​ണി​ക്കു​ന്നു. യഹൂദൻമാർ യെരൂ​ശ​ലേ​മി​ലുള്ള തങ്ങളുടെ ആലയം പുതു​ക്കി​പ്പ​ണി​യു​ന്ന​താ​യി​രു​ന്നു വിവാ​ദ​വി​ഷയം. എസ്രാ ദൈവ​ത്തി​ന്റെ ന്യായ​പ്ര​മാ​ണ​ത്തി​ന്റെ ഒരു പ്രഗത്ഭ​നായ പകർപ്പെ​ഴു​ത്തു​കാ​ര​നാ​യി​രു​ന്നു, അദ്ദേഹം തന്റെ വിവര​ണ​ങ്ങ​ളിൽ സൂക്ഷ്‌മ​ത​യും കൃത്യ​ത​യും ഉള്ളവനാ​യി​രി​ക്കാൻ നിങ്ങൾ പ്രതീ​ക്ഷി​ക്കും. എസ്രാ 5:6-ലും 6:13-ലും എസ്രാ തത്‌നാ​യി​യെ “നദിക്കു ഇക്കരെ​യുള്ള ദേശാ​ധി​പതി” എന്നു നാമക​രണം ചെയ്‌തി​രി​ക്കു​ന്നതു നിങ്ങൾ കാണും.

ഈ നാണയം ഉണ്ടാക്കു​ന്ന​തിന്‌ ഏതാണ്ട്‌ 100 വർഷം മുമ്പ്‌, പൊ.യു.മു. 460-ലാണ്‌ എസ്രാ അതു രേഖ​പ്പെ​ടു​ത്തി​യത്‌. ഒരു പുരാതന ഉദ്യോ​ഗ​സ്ഥന്റെ ഉദ്യോ​ഗ​പ്പേര്‌ ഒരു നിസ്സാര വിശദാം​ശ​മാ​യി ചില ആളുകൾക്കു തോന്നി​യേ​ക്കാം. എന്നാൽ ഇപ്രകാ​ര​മുള്ള ചെറിയ വിശദാം​ശ​ങ്ങ​ളിൽപ്പോ​ലും നിങ്ങൾക്കു ബൈബിൾ എഴുത്തു​കാ​രിൽ ആശ്രയി​ക്കാ​മെ​ങ്കിൽ അത്‌ അവർ എഴുതിയ മറേറ​തു​കാ​ര്യ​ങ്ങ​ളി​ലു​മുള്ള നിങ്ങളു​ടെ വിശ്വാ​സത്തെ വർധി​പ്പി​ക്കേ​ണ്ട​തല്ലേ?

അപ്രകാ​ര​മു​ള്ള വിശ്വാ​സ​ത്തിന്‌ കൂടുതൽ ന്യായങ്ങൾ ഈ ലക്കത്തിലെ ആദ്യത്തെ രണ്ടു​ലേ​ഖ​ന​ങ്ങ​ളിൽ നിങ്ങൾ കണ്ടെത്തും.

നിങ്ങൾ ഒരു സന്ദർശ​നത്തെ സ്വാഗ​തം​ചെ​യ്യു​മോ?

ഈ പ്രക്ഷു​ബ്ധ​ലോ​ക​ത്തിൽ പോലും, ദൈവ​ത്തെ​യും അവിടു​ത്തെ രാജ്യ​ത്തെ​യും മനുഷ്യ​വർഗത്തെ സംബന്ധിച്ച അവിടു​ത്തെ അത്ഭുത​ക​ര​മായ ഉദ്ദേശ്യ​ത്തെ​യും കുറി​ച്ചുള്ള സൂക്ഷ്‌മ​മായ ബൈബിൾ പരിജ്ഞാ​ന​ത്തിൽനി​ന്നു നിങ്ങൾക്കു സന്തുഷ്ടി നേടാൻ കഴിയും. നിങ്ങൾ കൂടു​ത​ലായ വിവര​ങ്ങളെ സ്വാഗ​തം​ചെ​യ്യു​ന്നു​വെ​ങ്കിൽ, അല്ലെങ്കിൽ നിങ്ങൾക്ക്‌ ഒരു സൗജന്യ ഭവന ബൈബി​ള​ധ്യ​യനം നടത്താൻ ആരെങ്കി​ലും നിങ്ങളെ സന്ദർശി​ക്കാ​നാ​ഗ്ര​ഹി​ക്കു​ന്നു​വെ​ങ്കിൽ, ദയവായി Watch Tower, H-58 Old Khandala Road, Lonavla 410 401, Mah. India-യിലേക്കോ 2-ാം പേജിൽ കൊടു​ത്തി​രി​ക്കുന്ന ഉചിത​മായ മേൽവി​ലാ​സ​ത്തി​ലോ എഴുതുക.