ശുദ്ധജലം

ശുദ്ധജലം വറ്റി​പ്പോ​കു​ക​യാ​ണോ?

ഭൂമി​യു​ടെ കൂടുതൽ ഭാഗവും വെള്ളമാണ്‌. പക്ഷേ, ലോക കാലാവസ്ഥ സംഘടന പറയു​ന്ന​ത​നു​സ​രിച്ച്‌, “ഈ വെള്ളത്തി​ന്റെ 0.5 ശതമാനം മാത്രമേ ഉപയോ​ഗ​പ്ര​ദ​മാ​യി​ട്ടു​ള്ളൂ.” സത്യത്തിൽ അത്രയും വെള്ളം മതി ഈ ഭൂമി​യി​ലെ ജീവജാ​ല​ങ്ങൾക്ക്‌. പക്ഷേ, ആവശ്യം കൂടു​ക​യും കാലാവസ്ഥ മാറു​ക​യും ചെയ്‌ത​തോ​ടെ ജലദൗർല​ഭ്യം രൂക്ഷമാ​യി​ക്കൊ​ണ്ടി​രി​ക്കു​ന്നു. ഇനി, ഉള്ള ജലംതന്നെ മലിന​മാ​കു​ക​യാണ്‌. 30 വർഷത്തി​നു​ള്ളിൽ 500 കോടി​യി​ല​ധി​കം ആളുകൾക്ക്‌ ആവശ്യ​ത്തി​നു ശുദ്ധജലം കിട്ടാ​തെ​വ​രും എന്നാണ്‌ വിദഗ്‌ധ​രു​ടെ അഭി​പ്രാ​യം.

നമ്മുടെ ഭൂമി—നിലനിൽക്കാ​നാ​യി നിർമി​ച്ചത്‌

ഭൂമി​യിൽ എന്നും വെള്ളം നിലനിൽക്കു​മെന്ന്‌ പ്രകൃ​തി​യിൽ നടക്കുന്ന ചില പ്രവർത്ത​നങ്ങൾ ഉറപ്പു​വ​രു​ത്തു​ന്നു. കൂടാതെ, മണ്ണും വെള്ളത്തി​ലെ ജീവജാ​ല​ങ്ങ​ളും സൂര്യ​പ്ര​കാ​ശ​വും എല്ലാം വെള്ളത്തെ ശുദ്ധീ​ക​രി​ച്ചു​നി​റു​ത്താൻ സഹായി​ക്കു​ന്നു. എന്നും നിലനിൽക്കുന്ന വിധത്തി​ലാണ്‌ നമ്മുടെ ഈ ഗൃഹത്തെ സൃഷ്ടി​ച്ചി​രി​ക്കു​ന്നത്‌ എന്നതി​നുള്ള ചില തെളി​വു​കൾ നോക്കാം:

• വെള്ളത്തെ മലിന​മാ​ക്കുന്ന പല കാര്യ​ങ്ങ​ളും അരിച്ചു​ക​ള​യാ​നുള്ള പ്രാപ്‌തി മണ്ണിനുണ്ട്‌. തണ്ണീർത്ത​ട​ങ്ങ​ളിൽ വളരുന്ന ചില ചെടികൾ വെള്ളത്തിൽനിന്ന്‌ നൈ​ട്ര​ജ​നും ഫോസ്‌ഫ​റ​സും എന്തിന്‌, ചില കീടനാ​ശി​നി​കൾപോ​ലും നീക്കം ചെയ്യും.

• ജൈവ​മാ​ലി​ന്യ​ങ്ങ​ളുള്ള ജലം ശുദ്ധീ​ക​രി​ക്കാൻ പ്രകൃ​തി​യിൽത്തന്നെ ചില പ്രക്രി​യകൾ നടക്കു​ന്നു​ണ്ടെന്ന്‌ ശാസ്‌ത്ര​ജ്ഞ​ന്മാർ കണ്ടെത്തി​യി​രി​ക്കു​ന്നു. ഒഴുക്കു​വെ​ള്ള​മാ​ണെ​ങ്കിൽ അതു മാലി​ന്യ​ങ്ങളെ നേർപ്പി​ക്കും. പിന്നീട്‌ സൂക്ഷ്‌മാ​ണു​ക്കൾ മാലി​ന്യ​ങ്ങളെ വിഘടി​പ്പി​ക്കു​ക​യും ചെയ്യും.

• ശുദ്ധജ​ല​ത്തിൽ കാണ​പ്പെ​ടുന്ന കക്കകൾക്കും കല്ലുമ്മ​ക്കാ​യ​കൾക്കും വെള്ളത്തി​ലെ ഹാനി​ക​ര​മായ രാസപ​ദാർഥ​ങ്ങളെ അരി​ച്ചെ​ടു​ക്കാൻ കഴിയും, അതും ഏതാനും ദിവസ​ങ്ങൾകൊണ്ട്‌. മനുഷ്യൻ ഉണ്ടാക്കുന്ന ജലശു​ദ്ധീ​കരണ പ്ലാന്റു​ക​ളെ​ക്കാ​ളും ഫലപ്ര​ദ​മാണ്‌ അവ എന്നുതന്നെ പറയാം.

• ജലപരി​വൃ​ത്തി (water cycle) എന്ന ക്രമീ​ക​ര​ണ​ത്തി​ലൂ​ടെ ഭൂമി​യി​ലെ ജലം ഇവി​ടെ​ത്തന്നെ പിടി​ച്ചു​നി​റു​ത്തു​ന്നു. ജലപരി​വൃ​ത്തി​യും പ്രകൃ​തി​യിൽ കാണ​പ്പെ​ടുന്ന മറ്റു ചില പ്രക്രി​യ​ക​ളും ഇല്ലെങ്കിൽ ജലം ഈ ഭൂമി​യിൽനിന്ന്‌ അപ്രത്യ​ക്ഷ​മാ​യേനേ.

ഇന്ന്‌ മനുഷ്യൻ ചെയ്യു​ന്നത്‌

വെള്ളം പാഴാ​ക്ക​രു​തെന്നു വിദഗ്‌ധർ പറയുന്നു. വെള്ളം മലിന​മാ​കാ​തി​രി​ക്കാ​നാ​യി അവർ ചില നിർദേ​ശ​ങ്ങ​ളും തരുന്നു. ഉദാഹ​ര​ണ​ത്തിന്‌, വാഹന​ങ്ങ​ളിൽനിന്ന്‌ ഓയിൽ ലീക്കാ​കു​ന്നു​ണ്ടെ​ങ്കിൽ അതു ശരിയാ​ക്കുക, ഉപയോ​ഗി​ക്കാത്ത മരുന്നു​കൾ ടോയ്‌ല​റ്റിൽ കളയാ​തി​രി​ക്കുക, രാസപ​ദാർഥങ്ങൾ അഴുക്കു​ചാ​ലി​ലൂ​ടെ ഒഴുക്കി​വി​ടാ​തി​രി​ക്കുക.

ഉപ്പു​വെ​ള്ള​ത്തിൽനിന്ന്‌ ഉപ്പു നീക്കം ചെയ്യു​ന്ന​തി​നുള്ള പുതിയ രീതികൾ എഞ്ചിനീ​യർമാർ കണ്ടെത്തി​ക്കൊ​ണ്ടി​രി​ക്കു​ക​യാണ്‌. കൂടുതൽ ശുദ്ധജലം ലഭ്യമാ​ക്കുക എന്നതാണ്‌ അവരുടെ ലക്ഷ്യം.

പക്ഷേ, അതു​കൊ​ണ്ടൊ​ന്നും മതിയാ​കില്ല. ഉദാഹ​ര​ണ​ത്തിന്‌ വെള്ളം ലഭ്യമ​ല്ലാത്ത എല്ലാവർക്കും ഉപ്പു നീക്കം ചെയ്‌ത വെള്ളം കൊടു​ക്കാ​മെന്നു വിചാ​രി​ച്ചാൽ അതു പ്രാ​യോ​ഗി​കമല്ല. കാരണം അതു വലിയ പണച്ചെ​ല​വുള്ള കാര്യ​മാണ്‌, വൻതോ​തി​ലുള്ള ഊർജ​വും വേണം. വെള്ളം സംരക്ഷി​ക്കു​ന്ന​തി​നെ​ക്കു​റി​ച്ചുള്ള 2021-ലെ ഒരു റിപ്പോർട്ടിൽ ഐക്യ​രാ​ഷ്‌ട്ര സംഘട​ന​യി​ലെ ഒരു സമിതി ഇങ്ങനെ പറഞ്ഞു: “ഇപ്പോൾ വെള്ളം ലഭ്യമാ​ക്കാ​നും സംരക്ഷി​ക്കാ​നും നമ്മൾ ചെയ്യുന്ന പരിപാ​ടി​കൾ ഇരട്ടി വേഗത്തി​ലാ​ക്കി​യാ​ലേ കാര്യങ്ങൾ ശരിയാ​കൂ.”

ബൈബിൾ പ്രതീ​ക്ഷ​യ്‌ക്കു വകനൽകു​ന്നു

“ദൈവം വെള്ളത്തു​ള്ളി​കൾ വലി​ച്ചെ​ടു​ക്കു​ന്നു; നീരാവി ഘനീഭ​വിച്ച്‌ മഴയായി രൂപം കൊള്ളു​ന്നു. പിന്നെ മേഘങ്ങൾ അതു ചൊരി​യു​ന്നു; അതു മനുഷ്യ​രു​ടെ മേൽ പെയ്‌തി​റ​ങ്ങു​ന്നു.”—ഇയ്യോബ്‌ 36:27, 28.

ഭൂമി​യി​ലെ വെള്ളം സംരക്ഷി​ക്കാൻ ദൈവം പ്രകൃ​തി​യിൽ പരിവൃ​ത്തി​കൾ ക്രമീ​ക​രി​ച്ചി​ട്ടുണ്ട്‌.—സഭാ​പ്ര​സം​ഗകൻ 1:7.

ഒന്നു ചിന്തി​ക്കുക: വെള്ളം ശുദ്ധീ​ക​രി​ക്കാ​നുള്ള ക്രമീ​ക​ര​ണങ്ങൾ ദൈവം ചെയ്‌തു​വെ​ച്ചി​ട്ടു​ണ്ടെ​ങ്കിൽ മനുഷ്യൻ വരുത്തി​വെ​ച്ചി​രി​ക്കുന്ന പ്രശ്‌നങ്ങൾ പരിഹ​രി​ക്കാ​നുള്ള ശക്തിയും ആഗ്രഹ​വും ദൈവ​ത്തി​നു കാണില്ലേ? “ഈ ഭൂമി നിലനിൽക്കു​മെന്നു ദൈവം വാഗ്‌ദാ​നം ചെയ്‌തി​രി​ക്കു​ന്നു” എന്ന 15-ാം പേജിലെ ലേഖനം കാണുക.