ബൈബിൾ—ദൈവ​ത്തിൽനി​ന്നുള്ള ഒരു പുസ്‌ത​കം

യഹോവ നമുക്ക്‌ മനോ​ഹ​ര​മായ ഒരു സമ്മാനം തന്നിട്ടുണ്ട്‌. 66 പുസ്‌ത​കങ്ങൾ ചേരുന്ന ആ സമ്മാന​മാണ്‌ ബൈബിൾ. നിങ്ങൾ ഇപ്പോൾ ഇങ്ങനെ ചിന്തി​ക്കു​ന്നു​ണ്ടാ​കും: ബൈബി​ളി​ന്റെ തുടക്കം എങ്ങനെ​യാ​യി​രു​ന്നു? ആരാണ്‌ അത്‌ എഴുതി​യത്‌? ദൈവ​ത്തി​ന്റെ സന്ദേശം അടങ്ങിയ ബൈബിൾ മനുഷ്യർക്ക്‌ എങ്ങനെ കിട്ടി? നമുക്കു നോക്കാം.

1. ബൈബിൾ എഴുതി​യത്‌ മനുഷ്യ​രാ​ണെ​ങ്കിൽ പിന്നെ അത്‌ എങ്ങനെ ദൈവ​ത്തി​ന്റെ പുസ്‌ത​ക​മാ​കും?

ഏകദേശം 3,500 വർഷം മുമ്പാണ്‌ (ബി.സി. 1513) ബൈബിൾ എഴുതി​ത്തു​ട​ങ്ങി​യത്‌. എ.ഡി. 98 ആയപ്പോ​ഴേ​ക്കും അതിന്റെ എഴുത്തു പൂർത്തി​യാ​യി. മൊത്തം 1,600 വർഷം! പല ജീവി​ത​സാ​ഹ​ച​ര്യ​ങ്ങ​ളിൽ നിന്നുള്ള 40-ഓളം പേരാണ്‌ ബൈബിൾ എഴുതി​യത്‌. അവർ വ്യത്യസ്‌ത കാലഘ​ട്ട​ങ്ങ​ളിൽ ജീവി​ച്ചി​രു​ന്ന​വ​രു​മാണ്‌. എന്നിട്ടും ബൈബി​ളി​ന്റെ ഓരോ ഭാഗവും തമ്മിൽ നല്ല യോജി​പ്പുണ്ട്‌. കാരണം ദൈവ​മാണ്‌ ഇതിനു പിന്നിൽ പ്രവർത്തി​ച്ചത്‌. (1 തെസ്സ​ലോ​നി​ക്യർ 2:13 വായി​ക്കുക.) എഴുത്തു​കാർ അവരുടെ സ്വന്തം ആശയങ്ങളല്ല എഴുതി​യത്‌. പകരം അവർ ‘പരിശു​ദ്ധാ​ത്മാ​വി​നാൽ പ്രചോ​ദി​ത​രാ​യി ദൈവ​ത്തിൽനി​ന്നുള്ള അരുള​പ്പാ​ടു​കൾ പ്രസ്‌താ​വി​ച്ച​താണ്‌.’a (2 പത്രോസ്‌ 1:21) അതായത്‌ ദൈവം തന്റെ ചിന്തകൾ എഴുതി​വെ​ക്കാൻ ചില മനുഷ്യ​രെ പരിശു​ദ്ധാ​ത്മാ​വി​നാൽ പ്രചോ​ദി​പ്പി​ച്ചു അല്ലെങ്കിൽ അവരുടെ മനസ്സിൽ തോന്നി​പ്പി​ച്ചു.—2 തിമൊ​ഥെ​യൊസ്‌ 3:16.

2. ബൈബി​ളിൽനിന്ന്‌ ആർക്കൊ​ക്കെ പ്രയോ​ജനം കിട്ടും?

“എല്ലാ ജനതക​ളെ​യും ഗോ​ത്ര​ങ്ങ​ളെ​യും ഭാഷക്കാ​രെ​യും വംശങ്ങ​ളെ​യും” ബൈബി​ളി​ലെ സന്ദേശം അറിയി​ക്കു​മെന്ന്‌ ദൈവം പറഞ്ഞി​രു​ന്നു. (വെളി​പാട്‌ 14:6 വായി​ക്കുക.) അതാണ്‌ നമ്മൾ ഇന്ന്‌ കാണു​ന്നത്‌. ലോക​ത്തി​ലെ മറ്റേതു പുസ്‌ത​ക​ത്തെ​ക്കാ​ളും കൂടുതൽ ഭാഷക​ളി​ലു​ള്ളത്‌ ബൈബി​ളാണ്‌. ലോക​ത്തി​ന്റെ ഏതു ഭാഗത്താ​യാ​ലും ഏതു ഭാഷ സംസാ​രി​ക്കു​ന്ന​വ​രാ​യാ​ലും മിക്കവാ​റും എല്ലാവർക്കും തന്നെ ഇന്ന്‌ ബൈബിൾ വായി​ക്കാൻ അവസര​മുണ്ട്‌.

3. യഹോവ എങ്ങനെ​യാണ്‌ ബൈബിൾ കാത്തു​സൂ​ക്ഷി​ച്ചത്‌?

മൃഗ​ത്തോ​ലു​ക​ളി​ലും പപ്പൈ​റസ്‌ ചെടി​യു​ടെ ചില ഭാഗങ്ങ​ളി​ലും മറ്റും ആയിരു​ന്നു ബൈബിൾ ആദ്യം എഴുതി​യത്‌. ഇവ കുറേ​ക്കാ​ലം കഴിയു​മ്പോൾ നശിച്ചു​പോ​കു​മാ​യി​രു​ന്നു. എന്നാൽ ബൈബി​ളി​നോട്‌ താത്‌പ​ര്യ​മു​ണ്ടാ​യി​രുന്ന പലരും പല കാലങ്ങ​ളി​ലാ​യി ബൈബി​ളി​ന്റെ പകർപ്പു​കൾ ശ്രദ്ധാ​പൂർവ്വം പകർത്തി​യെ​ഴു​തി. ചില ഭരണാ​ധി​കാ​രി​ക​ളും മതനേ​താ​ക്ക​ന്മാ​രും ബൈബിൾ ഇല്ലാതാ​ക്കാൻ ശ്രമിച്ചു. എന്നാൽ ജീവൻ കളയാൻപോ​ലും തയ്യാറാ​യി​ക്കൊണ്ട്‌ പലരും ബൈബി​ളി​നെ സംരക്ഷി​ച്ചു. അങ്ങനെ യഹോ​വ​യ്‌ക്കു നമ്മളോ​ടു പറയാ​നുള്ള സന്ദേശം യഹോവ കാത്തു​സൂ​ക്ഷി​ച്ചി​രി​ക്കു​ന്നു. ‘ദൈവ​ത്തി​ന്റെ വചനം എന്നും നിലനിൽക്കും’ എന്നാണ്‌ ബൈബിൾ പറയു​ന്നത്‌.—യശയ്യ 40:8.

ആഴത്തിൽ പഠിക്കാൻ

4. ബൈബി​ളി​ലെ ആശയങ്ങൾ ആരു​ടേ​താണ്‌?

വീഡി​യോ കാണുക. അതിനു ശേഷം 2 തിമൊ​ഥെ​യൊസ്‌ 3:16 വായി​ക്കുക. എന്നിട്ട്‌ താഴെ കൊടു​ത്തി​രി​ക്കുന്ന ചോദ്യ​ങ്ങൾ ചർച്ച ചെയ്യുക.

വീഡി​യോ: ബൈബി​ളി​ന്റെ എഴുത്തു​കാ​രൻ ആരാണ്‌?—ശകലങ്ങൾ (2:48)

• മനുഷ്യ​രാണ്‌ ബൈബിൾ എഴുതി​യ​തെ​ങ്കിൽ പിന്നെ അത്‌ എങ്ങനെ ദൈവ​ത്തി​ന്റെ വചനമാ​കും?

• ദൈവം തന്റെ ചിന്തകൾ മനുഷ്യ​രെ അറിയി​ച്ചു എന്ന കാര്യം വിശ്വ​സി​ക്കാൻ കഴിയു​ന്ന​താ​ണോ?

5. ബൈബിൾ കാത്തു​സം​ര​ക്ഷി​ക്ക​പ്പെട്ടു

വീഡി​യോ: അവർ ബൈബി​ളി​നെ വിലമ​തി​ച്ചു—ശകലങ്ങൾ (വില്യം ടിൻഡെ​യിൽ) (6:17)

• ബൈബിൾ സംരക്ഷി​ക്കാൻവേണ്ടി ചെയ്‌ത ശ്രമങ്ങൾ കണ്ടപ്പോൾ നിങ്ങൾക്ക്‌ എന്തു തോന്നി? വിശദീ​ക​രി​ക്കുക.

സങ്കീർത്തനം 119:97 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• ജീവൻ പണയ​പ്പെ​ടു​ത്തി​പ്പോ​ലും ബൈബിൾ പരിഭാഷ ചെയ്യാ​നും വിതരണം ചെയ്യാ​നും പലരും മുന്നോ​ട്ടു വന്നത്‌ എന്തു​കൊണ്ട്‌?

6. ബൈബിൾ എല്ലാവർക്കും വേണ്ടി​യുള്ള പുസ്‌ത​കം

ചരി​ത്ര​ത്തിൽ ഏറ്റവും കൂടുതൽ ഭാഷക​ളി​ലേക്കു പരിഭാഷ ചെയ്‌തി​ട്ടുള്ള, ഏറ്റവും കൂടുതൽ വിതരണം നടത്തി​യി​ട്ടുള്ള പുസ്‌തകം ബൈബി​ളാണ്‌. പ്രവൃ​ത്തി​കൾ 10:34, 35 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• ദൈവം തന്റെ വചനം ഇത്രയ​ധി​കം ഭാഷക​ളി​ലേക്കു പരിഭാഷ ചെയ്യാ​നും വിതരണം ചെയ്യാ​നും ആഗ്രഹി​ക്കു​ന്നത്‌ എന്തു​കൊണ്ട്‌?

• ബൈബി​ളി​നെ​ക്കു​റിച്ച്‌ പഠിച്ച കാര്യ​ങ്ങ​ളിൽ നിങ്ങൾക്ക്‌ ഏറ്റവും ഇഷ്ടപ്പെ​ട്ടത്‌ ഏതാണ്‌?

ചുരു​ക്ക​ത്തിൽ

ബൈബിൾ ദൈവ​ത്തി​ന്റെ വചനമാണ്‌. മനുഷ്യർക്കെ​ല്ലാം അതു ലഭ്യമാ​ണെന്ന കാര്യം ദൈവം ഉറപ്പു വരുത്തി​യി​ട്ടുണ്ട്‌.

ഓർക്കുന്നുണ്ടോ?

• ബൈബിൾ എഴുതി​യത്‌ മനുഷ്യ​രാ​ണെ​ങ്കിൽ പിന്നെ അത്‌ എങ്ങനെ ദൈവ​ത്തി​ന്റെ പുസ്‌ത​ക​മാ​കും?

• ബൈബിൾ സംരക്ഷി​ക്ക​പ്പെട്ട വിധം, ബൈബി​ളി​ന്റെ പരിഭാഷ, വിതരണം ഇക്കാര്യ​ങ്ങ​ളിൽ നിങ്ങൾക്ക്‌ ഇഷ്ടപ്പെ​ട്ടത്‌ എന്താണ്‌?

• ബൈബി​ളി​ലൂ​ടെ നമ്മളോ​ടു സംസാ​രി​ക്കാൻ ദൈവം ചെയ്‌ത കാര്യ​ങ്ങ​ളെ​ക്കു​റിച്ച്‌ ഓർക്കു​മ്പോൾ നിങ്ങൾക്ക്‌ എന്ത്‌ തോന്നു​ന്നു?

കൂടുതൽ മനസ്സി​ലാ​ക്കാൻ

ബൈബിളിന്റെ ചരിത്രം വായി​ക്കുക—ആദ്യകാല കൈ​യെ​ഴു​ത്തു​പ്ര​തി​കൾ മുതൽ പുതിയ പരിഭാ​ഷകൾ വരെ.

“കാല​ത്തോ​ടു പൊരു​തി ബൈബിൾ നമ്മുടെ കൈക​ളി​ലേക്ക്‌” (ഉണരുക! 2007 നവംബർ)

മൂന്നു പ്രധാ​ന​പ്പെട്ട ഭീഷണി​കളെ അതിജീ​വിച്ച്‌ ബൈബിൾ ഇപ്പോ​ഴും നിലനിൽക്കു​ന്നത്‌ എങ്ങനെ​യെന്ന്‌ കാണുക.

“ബൈബിൾ—പിന്നിട്ട വഴികളിലൂടെ” (വെബ്‌​സൈ​റ്റി​ലെ ലേഖനം)

ബൈബിൾ പരിഭാഷ ചെയ്യാൻ ധൈര്യം കാണിച്ച ചില​രെ​ക്കു​റി​ച്ചുള്ള വിവരങ്ങൾ കാണുക.

അവർ ബൈബി​ളി​നെ വിലമ​തി​ച്ചു (14:26)

ബൈബിൾ പല തവണ പകർത്തി​യെ​ഴു​തു​ക​യും പരിഭാഷ ചെയ്യു​ക​യും ചെയ്‌തി​ട്ടുണ്ട്‌. അതു​കൊണ്ട്‌ അതിലെ സന്ദേശ​ത്തി​നു മാറ്റം വന്നിട്ടു​ണ്ടോ?

“ബൈബി​ളിൽ എന്തെങ്കി​ലും മാറ്റങ്ങ​ളോ തിരി​മ​റി​ക​ളോ വരുത്തി​യി​ട്ടു​ണ്ടോ?” (വെബ്‌​സൈ​റ്റി​ലെ ലേഖനം)