“അനേകർ എന്നെ വെറു​ത്തി​രുന്നു”

മുൻകാലജീവിതം:

ചി​ലിയു​ടെ തല​സ്ഥാന​മായ സാന്റിയാഗോയിലാണ്‌ ഞാൻ വളർന്നത്‌. അതിന്റെ സമീ​പ​പ്രദേ​ശത്ത്‌ മയക്കുമരുന്നിന്റെ ഉപ​യോ​ഗവും ഗുണ്ടാ​സം​ഘങ്ങ​ളും കുറ്റകൃത്യങ്ങളും സർവസാ​ധാ​രണമാ​യി​രുന്നു. എനിക്ക്‌ അഞ്ചു വയ​സ്സുള്ള​പ്പോൾ എന്റെ പിതാവ്‌ കൊ​ല്ല​പ്പെട്ടു. അതിനു ശേഷം വളരെ ക്രൂ​രനാ​യൊ​രു വ്യക്തി​യോ​ടൊപ്പ​മാണ്‌ അമ്മ ജീ​വി​ച്ചത്‌. അയാൾ നി​ത്യ​വും ഞങ്ങളെ രണ്ടു പേ​രെ​യും തല്ലു​മാ​യിരു​ന്നു. ആ വർഷങ്ങ​ളിൽ എനിക്കേറ്റ വൈ​കാരി​കക്ഷ​തങ്ങൾ ഇ​പ്പോ​ഴും ഞാൻ അനു​ഭവി​ക്കുന്നു.

ഞാൻ വളർന്നു​വന്ന മോ​ശ​മായ ചുറ്റു​പാ​ടുകൾ എന്നെ അങ്ങേയറ്റം അക്ര​മാസ​ക്തനാ​ക്കിത്തീർത്തു. ഞാൻ അക്രമത്തെ പ്രോ​ത്സാ​ഹിപ്പി​ക്കുന്ന ഹെവി-മെറ്റൽ സംഗീതം കേൾക്കു​കയും അമി​തമാ​യി മദ്യ​പി​ക്കുക​യും ഇട​യ്‌ക്കൊക്കെ മയ​ക്കുമ​രുന്ന്‌ ഉപ​യോഗി​ക്കു​കയും ചെയ്‌തു. എന്നെ പല തവണ വക​വരു​ത്താൻ ശ്രമിച്ച മയ​ക്കുമ​രുന്ന്‌ ഇട​പാ​ടുകാ​രു​മായി ഞാൻ തെ​രു​വിൽ മി​ക്കപ്പോ​ഴും അടി​പി​ടി കൂടു​മാ​യിരു​ന്നു. എന്നെ കൊ​ല്ലാ​നായി ഒരിക്കൽ ഒരു എതിർസം​ഘം കു​പ്രസി​ദ്ധനായ ഒരു വാ​ടകഗു​ണ്ടയെ ഏർപ്പാടാ​ക്കി. കു​ത്തേറ്റ​പ്പോഴു​ണ്ടായ മുറിവ്‌ ഒഴിച്ചാൽ തലനാ​രി​ഴയ്‌ക്കാണ്‌ ഞാൻ രക്ഷ​പ്പെ​ട്ടത്‌. മറ്റൊരു സന്ദർഭ​ത്തിൽ ഒരു കൂട്ടം മയ​ക്കുമ​രുന്ന്‌ ഇട​പാടു​കാർ എന്റെ തലയ്‌ക്കു​നേരെ തോക്കു ചൂ​ണ്ടി​ക്കൊണ്ട്‌ എന്നെ വധിക്കാൻ ശ്രമിച്ചു.

1996-ൽ കാ​രോ​ലീന എന്ന സ്‌ത്രീ​യുമാ​യി പ്ര​ണയത്തി​ലായ ഞാൻ 1998-ൽ അവളെ വിവാഹം കഴിച്ചു. പിന്നീട്‌ ഞങ്ങൾക്കൊ​രു മകൻ ജനിച്ചു. എന്റെ അക്ര​മാസ​ക്തമായ കോപം കാരണം വളർത്തു​പിതാ​വി​നെ​പ്പോലെ ഞാനും കുടും​ബത്തോ​ടു മോ​ശമാ​യി ഇട​പെടു​മോ എന്ന്‌ അപ്പോൾ ഞാൻ ഭയന്നു. ഒരു പ്രാ​ദേ​ശിക പുന​രധി​വാസ​കേ​ന്ദ്രത്തിൽ ഞാൻ സഹായം തേടി. എനിക്ക്‌ വൈ​ദ്യചി​കിത്സ ലഭി​ച്ചെങ്കി​ലും പ്ര​യോ​ജനം ഉണ്ടായില്ല. ഒരോ ചെറിയ കാ​ര്യത്തി​ലും ഞാൻ അങ്ങേയറ്റം ദേഷ്യ​പ്പെ​ടുന്ന​തിൽ തുടർന്നു; അതു നി​യ​ന്ത്രണാ​ധീത​വുമാ​യി​രുന്നു. കു​ടും​ബത്തെ ഉപ​ദ്രവി​ക്കു​ന്നതു നി​റു​ത്തുക എന്ന ഉ​ദ്ദേശ്യ​ത്തിൽ ഞാൻ ആത്മ​ഹത്യ​യ്‌ക്കു ശ്രമിച്ചു. ഭാ​ഗ്യവ​ശാൽ എന്റെ തെറ്റായ ആ ശ്രമം വി​ജയി​ച്ചില്ല.

വർഷങ്ങളോളം ഒരു നി​രീശ്വ​രവാ​ദി​യായി​രു​ന്നെങ്കി​ലുംദൈവ​ത്തിൽ വി​ശ്വസി​ക്കാൻ ഞാൻ ആഗ്ര​ഹി​ച്ചിരു​ന്നു. അതു​കൊ​ണ്ട്‌ കു​റച്ചു​നാൾ ഒരു സു​വി​ശേഷക​സഭ​യോ​ടൊപ്പം ഞാൻ സഹ​വസി​ച്ചു. ഈ സമയത്ത്‌ എന്റെ ഭാര്യ യ​ഹോവ​യുടെ സാക്ഷി​ക​ളോ​ടൊത്തു ബൈബിൾ പഠി​ക്കു​കയാ​യി​രുന്നു. സാക്ഷി​ക​ളോടു വെറു​പ്പാ​യിരു​ന്നതി​നാൽ ഞാൻ പല​പ്പോ​ഴും അവരെ ചീത്ത വിളി​ച്ചു​കൊ​ണ്ട്‌ ആ​ക്രോ​ശിച്ചു. എന്നാൽ ഞാൻ പ്രതീ​ക്ഷിച്ച​തിൽനി​ന്നും വ്യത്യ​സ്‌തമാ​യി അവർ എ​പ്പോ​ഴും സമാ​ധാന​പരമാ​യി​ട്ടാണ്‌ പ്രതി​കരി​ച്ചത്‌.

എന്റെ ബൈ​ബിളിൽനി​ന്നു സങ്കീർത്തനം 83:18 വാ​യി​ക്കാൻ കാ​രോ​ലീന ഒരിക്കൽ എന്നോട്‌ പറഞ്ഞു. ദൈവത്തിന്റെ പേര്‌ യഹോവ എന്നാ​ണെന്ന്‌ ആ വാക്യ​ത്തിൽനി​ന്ന്‌ എനിക്കു വ്യ​ക്തമാ​യി. ഞാൻ സഹവസിച്ച സഭ​യിൽവെച്ച്‌ ഒരു ദൈ​വത്തെ​ക്കുറി​ച്ചു പഠി​ച്ചി​ട്ടു​ണ്ടെങ്കി​ലും യഹോ​വ​യെക്കു​റിച്ച്‌ ഒന്നും കേ​ട്ടിരു​ന്നില്ല എന്നത്‌ എന്നെ അതി​ശയി​പ്പിച്ചു. 2000-ത്തിന്റെ തു​ടക്ക​ത്തിൽ ഞാനും സാക്ഷി​ക​ളോ​ടൊത്തു ബൈബിൾ പഠി​ച്ചുതു​ടങ്ങി.

ബൈബിൾ ജീ​വിത​ത്തിനു മാറ്റം വരു​ത്തു​ന്നു:

പഠനത്തിൽ പു​രോ​ഗമി​ക്കവെ, യഹോവ ആർദ്രാനു​കമ്പ​യുള്ള​വനും ക്ഷമി​ക്കുന്ന​വനും ആണെന്ന തി​രിച്ച​റിവ്‌ എനിക്ക്‌ ആശ്വാ​സ​മേകി. ഉദാ​ഹരണ​ത്തിന്‌, പു​റപ്പാ​ടു 34:6, 7-ൽ “യ​ഹോവ​യായ ദൈവം, കരു​ണ​യും കൃപയുമുള്ളവൻ; ദീർഘക്ഷ​മയും മഹാ​ദയ​യും വിശ്വ​സ്‌ത​തയുമു​ള്ളവൻ. ആയിരം ആയി​രത്തി​ന്നു ദയ പാ​ലിക്കു​ന്നവൻ; അകൃത്യവും അതി​ക്ര​മവും പാപവും ക്ഷമി​ക്കു​ന്നവൻ” എന്നു വർണി​ച്ചി​രിക്കു​ന്നു.

എങ്കിലും പഠിക്കുന്ന കാര്യങ്ങൾ പ്രാ​വർത്തി​കമാ​ക്കുക എന്നത്‌ എനിക്ക്‌ അത്ര എളു​പ്പമാ​യിരു​ന്നില്ല. ഒരി​ക്ക​ലും കോപം നി​യന്ത്രി​ക്കാൻ പറ്റില്ല എ​ന്നെനി​ക്ക്‌ ഉറപ്പാ​യി​രുന്നു. ഓരോ തവണ ഞാൻ പരാ​ജയപ്പെ​ടുമ്പോ​ഴും കാ​രോ​ലീന സ്‌നേഹപൂർവം എന്നെ ധൈ​ര്യ​പ്പെടു​ത്തി. ഞാൻ ചെയ്യുന്ന ശ്രമങ്ങളെ യഹോവ ശ്രദ്ധി​ക്കു​ന്നു​ണ്ടെന്ന്‌ അവൾ എന്നെ ഓർമി​പ്പിച്ചു. മി​ക്കപ്പോ​ഴും ഞാൻ പ്രതീക്ഷ നഷ്ടപ്പെട്ട ഒരു അവ​സ്ഥയി​ലായി​രു​ന്നെങ്കി​ലും അവളുടെ പിന്തുണ യ​ഹോ​വയെ പ്ര​സാ​ദിപ്പി​ക്കു​ന്നതിൽ തുടരാൻ എന്നെ ശക്തീ​കരി​ച്ചു.

എന്നെ ബൈബിൾ പഠി​പ്പിച്ചു​കൊണ്ടി​രുന്ന ആലെ​ജാൻഡ്രൊ ഒരു ദിവസം ഗലാത്യർ 5:22, 23 വാ​യി​ക്കാൻ ആവ​ശ്യ​പ്പെട്ടു. ദൈവാത്മാവിന്റെ ഫലം “സ്‌നേഹം, സന്തോഷം, സമാ​ധാ​നം, ദീർഘക്ഷമ, ദയ, നന്മ, വി​ശ്വാ​സം, സൗമ്യത, ആത്മ​നിയ​ന്ത്രണം” എന്നി​വയാ​ണെന്ന്‌ ആ വാക്യങ്ങൾ പറയുന്നു. സ്വന്തം ശക്തി​യി​ലല്ല, മറിച്ച്‌ ദൈവത്തിന്റെ പരി​ശുദ്ധാ​ത്മാ​വിൽ ആ​ശ്രയി​ക്കുന്ന​തിലൂ​ടെ​യാണ്‌ ഈ ഗുണങ്ങൾ എനിക്കു വളർത്തി​യെടു​ക്കാ​നാകു​ന്നത്‌ എന്ന്‌ ആലെ​ജാൻഡ്രൊ വിശ​ദീക​രിച്ചു. ആ സത്യം എന്റെ വീക്ഷണത്തെ പാടേ മാ​റ്റിമ​റിച്ചു!

പിന്നീട്‌ ഞാൻ യ​ഹോവ​യുടെ സാ​ക്ഷിക​ളുടെ വലിയ ഒരു കൺ​വെൻ​ഷനിൽ സം​ബന്ധി​ച്ചു. അവിടത്തെ ക്രമവും ശു​ദ്ധി​യും അതു​പോ​ലെ ആളുകൾ പര​സ്‌പരം ഇട​പഴ​കുന്ന വിധവും കണ്ടപ്പോൾ സത്യമതം കണ്ടെ​ത്തിയി​രി​ക്കുന്നു എ​ന്നെനി​ക്കു ബോ​ധ്യ​മായി. (യോ​ഹ​ന്നാൻ 13:34, 35) 2001 ഫെ​ബ്രു​വരി​യിൽ ഞാൻ സ്‌നാന​മേറ്റു.

എനിക്കു ലഭിച്ച പ്ര​യോ​ജനങ്ങൾ:

അ​ക്രമാ​സക്ത​നായി​രുന്ന എന്നെ സമാ​ധാന​പ്രി​യനായ ഒരു വ്യ​ക്തിയാ​യി യഹോവ മാറ്റി​യെ​ടുത്തു. ഞാൻ അക​പ്പെട്ടു​പോയ ചെ​ളി​ക്കുണ്ടിൽനി​ന്നും അവൻ എന്നെ കൈ​പിടി​ച്ചു​യർത്തി​യതു​പോ​ലെ​യാണ്‌ എനിക്ക്‌ അനു​ഭവ​പ്പെട്ടത്‌. അനേകർ എന്നെ വെറു​ത്തി​രുന്നു; പക്ഷേ ഞാൻ അവരെ ഒരി​ക്ക​ലും കുറ്റ​പ്പെടു​ത്തു​ന്നില്ല. ഇപ്പോൾ എന്റെ ഭാര്യ​യോ​ടും രണ്ടു മക്ക​ളോ​ടും ഒപ്പം സമാ​ധാ​നത്തോ​ടെ യ​ഹോ​വയെ സേ​വിക്കു​ന്നതു ഞാൻ ആസ്വ​ദി​ക്കുന്നു.

എനിക്കു വന്ന മാറ്റം എന്റെ ബന്ധു​ക്കൾക്കും പഴയ സുഹൃത്തുക്കൾക്കും അവി​ശ്വ​സനീ​യമാ​യി​രുന്നു. അതിന്റെ ഫലമായി, അവ​രില​നേകർ ബൈ​ബിൾസത്യം പഠിക്കാൻ താൽപ​ര്യം കാണി​ച്ചി​രിക്കു​ന്നു. യഹോ​വ​യെക്കു​റിച്ച്‌ അറിയാൻ മറ്റു​ള്ള​വരെ സഹാ​യിക്കാ​നുള്ള പദ​വി​യും ഞാൻ ആസ്വ​ദി​ക്കുന്നു. ബൈ​ബിൾസത്യം അവരുടെ ജീവി​തത്തി​ലും വരുത്തുന്ന മാറ്റം കാണാ​നാ​കു​ന്നത്‌ വളരെ ആന​ന്ദകര​മാണ്‌. ▪ (w13-E 10/01)