നിങ്ങൾ ദൈവ​ത്തോട്‌ സംസാ​രി​ക്കാ​റു​ണ്ടോ, ദൈവം സംസാ​രി​ക്കു​ന്നത്‌ കേൾക്കാ​റു​ണ്ടോ?

ഫോൺ, ഇ-മെയിൽ, വീഡി​യോ, കത്ത്‌ എന്നിവ​യി​ലൂ​ടെ​യോ നേരി​ട്ടോ ഉറ്റ സുഹൃ​ത്തു​ക്കൾ തമ്മിൽ സാധി​ക്കു​മ്പോ​ഴെ​ല്ലാം ആശയവി​നി​മ​യം ചെയ്യുന്നു. അതു​പോ​ലെ, ദൈവ​ത്തോട്‌ അടുക്കാൻ നാം അവനു​മാ​യി കൂടെ​ക്കൂ​ടെ ആശയവി​നി​മ​യം ചെയ്യണം, അതായത്‌ ദൈവ​ത്തോ​ടു സംസാ​രി​ക്കു​ക​യും ദൈവം സംസാ​രി​ക്കു​ന്നത്‌ കേൾക്കു​ക​യും വേണം. എന്നാൽ ഇത്‌ എങ്ങനെ സാധി​ക്കും?

പ്രാർഥ​ന​യി​ലൂ​ടെ യഹോ​വ​യോ​ടു നമുക്കു സംസാ​രി​ക്കാൻ കഴിയും. എന്നാൽ, കൂട്ടു​കാ​രോട്‌ സാധാരണ വർത്തമാ​നം പറയു​ന്ന​തു​പോ​ലെ​യല്ല യഹോ​വ​യോ​ടു​ള്ള പ്രാർഥന. പ്രാർഥി​ക്കു​മ്പോൾ നാം സംസാ​രി​ക്കു​ന്നത്‌ നമ്മുടെ സ്രഷ്ടാ​വി​നോട്‌, പ്രപഞ്ച​ത്തി​ലെ ഏറ്റവും ഉന്നതനായ വ്യക്തി​യോ​ടാ​ണെന്ന്‌ ഓർക്കണം. അതു​കൊണ്ട്‌, ആഴമായ ആദര​വോ​ടെ​യും ഭക്തി​യോ​ടെ​യും വേണം പ്രാർഥി​ക്കാൻ. നമ്മുടെ പ്രാർഥ​ന​കൾ ദൈവം കേൾക്ക​ണ​മെ​ങ്കിൽ നാം ചില നിബന്ധ​ന​കൾ പാലി​ക്കേ​ണ്ട​തുണ്ട്‌. അവയിൽ മൂന്നെണ്ണം താഴെ​ക്കൊ​ടു​ത്തി​രി​ക്കു​ന്നു.

ഒന്നാമ​താ​യി, യഹോ​വ​യോ​ടു മാത്ര​മാ​യി​രി​ക്ക​ണം നാം പ്രാർഥി​ക്കേ​ണ്ടത്‌; യേശു​വി​നോ​ടോ ‘വിശു​ദ്ധ​ന്മാ​രോ​ടോ’ ഏതെങ്കി​ലും വിഗ്ര​ഹ​ത്തോ​ടോ ആയിരി​ക്ക​രുത്‌. (പുറപ്പാ​ടു 20:4, 5) ബൈബിൾ വ്യക്തമാ​യി ഇങ്ങനെ പറയുന്നു: “ഏതു കാര്യ​ത്തി​ലും പ്രാർഥ​ന​യാ​ലും യാചന​യാ​ലും നിങ്ങളു​ടെ അപേക്ഷകൾ കൃതജ്ഞ​താസ്‌തോ​ത്ര​ങ്ങ​ളോ​ടെ ദൈവത്തെ അറിയി​ക്കു​ക.” (ഫിലി​പ്പി​യർ 4:6) രണ്ടാമ​താ​യി, പ്രാർഥ​ന​കൾ ദൈവ​പു​ത്ര​നാ​യ യേശു​ക്രിസ്‌തു​വി​ലൂ​ടെ​യാ​യി​രി​ക്കണം അർപ്പി​ക്കേ​ണ്ടത്‌. യേശു​ത​ന്നെ ഇങ്ങനെ പറഞ്ഞു: “എന്നിലൂ​ടെ​യ​ല്ലാ​തെ ആരും പിതാ​വി​ന്റെ അടുക്ക​ലേ​ക്കു വരുന്നില്ല.” (യോഹ​ന്നാൻ 14:6) മൂന്നാ​മ​താ​യി, നമ്മുടെ പ്രാർഥ​ന​കൾ ദൈവ​ത്തി​ന്റെ ഇഷ്ടത്തിനു ചേർച്ച​യി​ലാ​യി​രി​ക്കണം. ബൈബിൾ പറയുന്നു: “തിരു​ഹി​ത​പ്ര​കാ​രം നാം എന്ത്‌ അപേക്ഷി​ച്ചാ​ലും അവൻ നമ്മുടെ അപേക്ഷ കേൾക്കു​ന്നു.”a—1 യോഹ​ന്നാൻ 5:14.

ഒരാൾമാ​ത്ര​മാണ്‌ എപ്പോ​ഴും സംസാ​രി​ക്കു​ന്ന​തെ​ങ്കിൽ ഉറ്റ ബന്ധങ്ങൾപോ​ലും നിലനിൽക്കു​ക​യി​ല്ല. പരസ്‌പ​ര​മു​ള്ള സംസാരം കൂട്ടു​കാർ ആസ്വദി​ക്കു​ന്ന​തു​പോ​ലെ, ദൈവം നമ്മോട്‌ സംസാ​രി​ക്കാൻ നാം അനുവ​ദി​ക്കു​ക​യും അവൻ സംസാ​രി​ക്കു​മ്പോൾ ശ്രദ്ധി​ക്കു​ക​യും വേണം. ദൈവം നമ്മോട്‌ സംസാ​രി​ക്കു​ന്നത്‌ എങ്ങനെ​യാ​ണെന്ന്‌ നിങ്ങൾക്ക്‌ അറിയാ​മോ?

തന്റെ വചനമായ ബൈബി​ളി​ലൂ​ടെ​യാണ്‌ ഇന്ന്‌ യഹോ​വ​യാം ദൈവം നമ്മോട്‌ ‘സംസാ​രി​ക്കു​ന്നത്‌.’ (2 തിമൊ​ഥെ​യൊസ്‌ 3:16, 17) അങ്ങനെ പറയു​ന്നത്‌ എന്തു​കൊ​ണ്ടാണ്‌? ഒരു ഉദാഹ​ര​ണം നോക്കാം: നിങ്ങളു​ടെ അടുത്ത സുഹൃ​ത്തിൽനിന്ന്‌ ഒരു കത്ത്‌ കിട്ടി​യെ​ന്നു കരുതുക. അതു വായി​ച്ചിട്ട്‌ നിങ്ങൾ ഇങ്ങനെ പറഞ്ഞേ​ക്കാം: “കത്തു വായി​ച്ച​പ്പോൾ കൂട്ടു​കാ​രൻ എന്നോടു സംസാ​രി​ക്കു​ന്ന​തു​പോ​ലെ തോന്നി!” യഥാർഥ​ത്തിൽ, അവർ സംസാ​രി​ക്കു​ക​യാ​യി​രു​ന്നില്ല, ഒരു എഴുത്തു വായി​ക്കു​ക മാത്ര​മാ​യി​രു​ന്നു. സമാന​മാ​യി, ബൈബിൾ വായി​ക്കു​മ്പോൾ യഹോവ നിങ്ങ​ളോ​ടു സംസാ​രി​ക്കാൻ നിങ്ങൾ അനുവ​ദി​ക്കു​ക​യാണ്‌. മുൻലേ​ഖ​ന​ത്തിൽ പരാമർശി​ച്ച ജീന പറയുന്നു: “യഹോവ എന്നെ ഒരു സുഹൃ​ത്താ​യി കാണാൻ ഞാൻ ആഗ്രഹി​ക്കു​ന്നെ​ങ്കിൽ, ഞാൻ അവന്റെ ‘കത്ത്‌’ അഥവാ ബൈബിൾ പരി​ശോ​ധി​ക്കു​ക​ത​ന്നെ വേണം. ദിവസ​വും ബൈബിൾ വായി​ക്കു​ന്നത്‌ എന്നെ ദൈവ​ത്തോ​ടു കൂടുതൽ അടുപ്പി​ച്ചി​രി​ക്കു​ന്നു.” ദൈവ​വ​ച​ന​മാ​യ ബൈബിൾ ദിവസ​വും വായി​ച്ചു​കൊണ്ട്‌, ദിവസ​വും യഹോവ സംസാ​രി​ക്കു​ന്ന​തു കേൾക്കാൻ നിങ്ങൾ സമയം കണ്ടെത്താ​റു​ണ്ടോ? അങ്ങനെ ചെയ്യു​ന്നത്‌ ദൈവ​വു​മാ​യി നിങ്ങളെ കൂടുതൽ അടുപ്പി​ക്കും. (w14-E 12/01)