നമ്മുടെ ലോക​വ്യാ​പക പഠിപ്പി​ക്കൽവേ​ല​യെ യഹോവ നയിക്കു​ന്നു

1. പ്രസം​ഗ​പ്ര​വർത്ത​ന​ത്തെ ബുദ്ധി​മു​ട്ടാ​ക്കി​ത്തീർത്ത കാര്യങ്ങൾ എന്തൊ​ക്കെ​യാണ്‌?

ബൈബിൾവി​ദ്യാർഥി​കൾ 130 വർഷം മുമ്പ്‌ സുവാർത്ത പ്രസം​ഗ​വേല തുടങ്ങി​യ​പ്പോൾ പല ബുദ്ധി​മു​ട്ടു​ക​ളും നേരിട്ടു.a ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളെ​പ്പോ​ലെ ഇവരും ഒരു ചെറിയ കൂട്ടമാ​യി​രു​ന്നു. അവർ പ്രസം​ഗി​ച്ച സന്ദേശ​മോ, ഒട്ടും ജനപ്രി​യ​മ​ല്ലാ​ത്ത​തും. വേണ്ടത്ര വിദ്യാ​ഭ്യാ​സ​മി​ല്ലാ​ത്ത​വ​രാ​യി​ട്ടാണ്‌ ചിലർ അവരെ വീക്ഷി​ച്ചി​രു​ന്നത്‌. പിന്നീട്‌ സാത്താനെ ഭൂമി​യി​ലേ​ക്കു തള്ളിയി​ട്ട​പ്പോൾ അവർക്ക്‌ ഉപദ്ര​വ​ങ്ങൾ നേരി​ടേ​ണ്ടി​വ​ന്നു. (വെളി. 12:12) ആ കാലം മുതൽ “ദുഷ്‌ക​ര​മാ​യ” ഈ അന്ത്യനാ​ളു​ക​ളിൽ ഉടനീ​ള​വും അവർ പ്രസം​ഗ​പ്ര​വർത്ത​ന​ത്തിൽ തുടർന്നി​രി​ക്കു​ന്നു.—2 തിമൊ. 3:1.

2. സുവാർത്ത പ്രസം​ഗി​ക്കു​ന്ന​തിൽ നമ്മെ സഹായി​ക്കാൻ യഹോവ ചെയ്‌തു​കൊ​ണ്ടി​രി​ക്കുന്ന കാര്യങ്ങൾ എന്തൊ​ക്കെ​യാണ്‌?

² എന്നാൽ, യഹോവ തന്റെ ജനത്തെ എല്ലായ്‌പോ​ഴും സഹായി​ച്ചു​കൊ​ണ്ടാ​ണി​രി​ക്കു​ന്നത്‌. മുഴു​ഭൂ​മി​യി​ലും അവർ സുവാർത്ത ഘോഷി​ക്ക​ണ​മെ​ന്നാണ്‌ ദൈവം ആഗ്രഹി​ക്കു​ന്നത്‌. അതു​കൊ​ണ്ടു​ത​ന്നെ ആ വേലയെ തടസ്സ​പ്പെ​ടു​ത്താൻ യഹോവ ഒന്നി​നെ​യും അനുവ​ദി​ക്കി​ല്ല. തന്റെ ജനത്തെ വ്യാജ​മ​ത​ങ്ങ​ളിൽനിന്ന്‌ വേർതി​രി​ച്ചു​നി​റു​ത്തി​കൊണ്ട്‌ താൻ അംഗീ​ക​രി​ക്കു​ന്ന തരത്തി​ലു​ള്ള ആരാധന അർപ്പി​ക്കാൻ യഹോവ അവരെ സഹായി​ച്ചി​രി​ക്കു​ന്നു. ഇസ്രാ​യേ​ല്യ​രെ ബാബി​ലോ​ണിൽനിന്ന്‌ വിടു​വി​ച്ച​പ്പോ​ഴും അതുത​ന്നെ​യാണ്‌ ചെയ്‌തത്‌. (വെളി. 18:1-4) നമുക്ക്‌ വ്യക്തി​പ​ര​മാ​യി പ്രയോ​ജ​നം ചെയ്യുന്ന കാര്യ​ങ്ങ​ളാണ്‌ യഹോവ നമ്മെ പഠിപ്പി​ക്കു​ന്നത്‌. മറ്റുള്ള​വ​രു​മാ​യി സമാധാ​ന​ത്തി​ലാ​യി​രി​ക്കാൻ ദൈവം നമ്മെ സഹായി​ക്കു​ന്നു. കൂടാതെ ദൈവ​ത്തെ​ക്കു​റി​ച്ചു മറ്റുള്ള​വ​രെ പഠിപ്പി​ക്കാ​നു​ളള പരിശീ​ല​ന​വും നൽകുന്നു (യെശയ്യാ​വു 48:16-18 വായി​ക്കു​ക.) യഹോവ നമ്മുടെ വേലയെ നയിക്കു​ന്നു​ണ്ടെ​ങ്കി​ലും പ്രസം​ഗ​വേല എളുപ്പ​മാ​ക്കി​ത്തീർക്കു​ക എന്ന ലക്ഷ്യത്തിൽ ലോക​സം​ഭ​വ​ങ്ങ​ളു​ടെ ഗതി തിരി​ച്ചു​വി​ടു​ന്നി​ല്ല. ലോക​ത്തിൽ സംഭവി​ച്ചി​രി​ക്കു​ന്ന ചില കാര്യങ്ങൾ നമ്മുടെ പ്രസം​ഗ​വേല കൂടുതൽ എളുപ്പ​മാ​ക്കി​ത്തീർത്തി​രി​ക്കു​ന്നു എന്നത്‌ സത്യമാണ്‌. എന്നാൽ നാം ഇപ്പോ​ഴും സാത്താന്റെ ലോക​ത്തിൽനി​ന്നു​ള്ള ഉപദ്ര​വ​ങ്ങ​ളും മറ്റു പ്രശ്‌ന​ങ്ങ​ളും നേരി​ടു​ന്നു. യഹോ​വ​യു​ടെ സഹായ​മൊ​ന്നു​കൊ​ണ്ടു മാത്രമേ നമുക്കു പ്രസം​ഗി​ക്കാൻ കഴിയൂ.—യെശ. 41:13; 1 യോഹ. 5:19.

3. ദാനീ​യേ​ലി​ന്റെ പ്രവചനം സത്യമാ​യി ഭവിച്ചി​രി​ക്കു​ന്നത്‌ എങ്ങനെ?

³ അന്ത്യകാ​ലത്ത്‌ അനേകം ആളുകൾ ബൈബിൾസ​ത്യം തിരി​ച്ച​റി​യു​മെന്ന്‌ ദാനി​യേൽ പ്രവചി​ച്ചി​രു​ന്നു. (ദാനീ​യേൽ 12:4 വായി​ക്കു​ക.) പ്രധാന ബൈബിൾപ​ഠി​പ്പി​ക്ക​ലു​ക​ളു​ടെ അർഥം തിരി​ച്ച​റി​യു​ന്ന​തി​നും ക്രൈ​സ്‌ത​വ​ലോ​ക​ത്തി​ന്റെ വ്യാ​ജോ​പ​ദേ​ശ​ങ്ങ​ളെ തള്ളിക്ക​ള​യു​ന്ന​തി​നും “അന്ത്യകാല”ത്ത്‌ യഹോവ തന്റെ ജനത്തെ സഹായി​ച്ചി​രി​ക്കു​ന്നു. 80 ലക്ഷത്തോ​ളം ആളുക​ളാണ്‌ ഇപ്പോൾ ബൈബിൾസ​ത്യം പഠിക്കു​ന്ന​തും ലോക​മെ​മ്പാ​ടും ദശലക്ഷ​ങ്ങ​ളെ അത്‌ പഠിപ്പി​ച്ചു​കൊ​ണ്ടി​രി​ക്കു​ന്ന​തും. അങ്ങനെ, ദാനീ​യേൽപ്ര​വ​ച​ന​ത്തി​ലെ ആ വാക്കുകൾ സത്യമാ​യി ഭവിച്ചി​രി​ക്കു​ന്നു. ലോക​വ്യാ​പ​ക​മാ​യി സുവാർത്ത പ്രസം​ഗി​ക്കാൻ യഹോ​വ​യു​ടെ ജനത്തെ സഹായി​ച്ചി​രി​ക്കു​ന്ന ചില കാര്യങ്ങൾ എന്തൊ​ക്കെ​യാണ്‌?

ബൈബിൾപ​രി​ഭാഷ

4. 19-ാം നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും ബൈബിൾ എത്ര ഭാഷക​ളി​ലേക്ക്‌ പരിഭാ​ഷ​പ്പെ​ടു​ത്തി​യി​രു​ന്നു?

⁴ ഇന്ന്‌ അനേക​രു​ടെ​യും പക്കൽ ബൈബി​ളുണ്ട്‌. ഇത്‌ അവരെ ബൈബിൾസ​ത്യ​ങ്ങൾ പഠിപ്പി​ക്കു​ക എന്നത്‌ നമുക്കു കൂടുതൽ എളുപ്പ​മാ​ക്കി​ത്തീർത്തി​രി​ക്കു​ന്നു. എന്നാൽ അത്‌ എന്നും അങ്ങനെ​യാ​യി​രു​ന്നി​ല്ല. ആളുകൾ ബൈബിൾ വായി​ക്കു​ന്ന​തി​നെ ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​ന്മാർ നൂറ്റാ​ണ്ടു​ക​ളോ​ളം എതിർത്തി​രു​ന്നു. ഇനി, ബൈബിൾ വായി​ക്കാൻ ശ്രമി​ച്ച​വ​രെ അവർ ഉപദ്ര​വി​ക്കു​ക​യും അത്‌ പരിഭാ​ഷ​പ്പെ​ടു​ത്തി​യ ചിലരെ കൊല്ലു​ക​യും ചെയ്‌തു. എന്നാൽ 19-ാം നൂറ്റാ​ണ്ടിൽ ചില സംഘട​ന​കൾ ബൈബി​ളോ അതിന്റെ ഭാഗങ്ങ​ളോ 400-ഓളം ഭാഷക​ളിൽ പരിഭാ​ഷ​പ്പെ​ടു​ത്തു​ക​യോ അച്ചടി​ക്കു​ക​യോ ചെയ്‌തു. 19-ാം നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും അനേക​രു​ടെ പക്കൽ ബൈബിൾ ലഭ്യമാ​യി​രു​ന്നെ​ങ്കി​ലും അത്‌ എന്താണ്‌ പഠിപ്പി​ക്കു​ന്ന​തെന്ന്‌ മനസ്സി​ലാ​ക്കി​യി​രു​ന്നില്ല.

5. ബൈബിൾപ​രി​ഭാ​ഷ​യു​ടെ മേഖല​യിൽ യഹോ​വ​യു​ടെ സാക്ഷികൾ ചെയ്‌തി​രി​ക്കു​ന്നത്‌ എന്താണ്‌?

⁵ ബൈബിൾ എന്താണ്‌ പഠിപ്പി​ക്കു​ന്ന​തെന്ന്‌ തങ്ങൾ മറ്റുള്ള​വ​രോ​ടു പറയേ​ണ്ട​തു​ണ്ടെന്ന്‌ യഹോ​വ​യു​ടെ സാക്ഷി​കൾക്ക്‌ അറിയാ​മാ​യി​രു​ന്നു. അവർ ചെയ്‌ത​തും അതാണ്‌. ആദ്യമാ​യി, അവർ അപ്പോൾ ലഭ്യമാ​യി​രു​ന്ന ബൈബിൾപ്പ​തി​പ്പു​കൾ ഉപയോ​ഗി​ക്കു​ക​യും മറ്റുള്ള​വർക്ക്‌ അതിന്റെ പ്രതികൾ കൊടു​ക്കു​ക​യും ചെയ്‌തു. എന്നാൽ, 1950 മുതൽ അവർ വിശുദ്ധ തിരുവെഴുത്തുകൾ—പുതിയ ലോക ഭാഷാ​ന്ത​രം മുഴു​വ​നാ​യോ ഭാഗി​ക​മാ​യോ 120-ലധികം ഭാഷക​ളിൽ പ്രസി​ദ്ധീ​ക​രി​ച്ചി​ട്ടുണ്ട്‌. 2013-ൽ പുതിയ ലോക ഭാഷാ​ന്ത​ര​ത്തി​ന്റെ പരിഷ്‌ക​രി​ച്ച പതിപ്പ്‌ (ഇംഗ്ലീഷ്‌) പുറത്തി​റ​ക്കു​ക​യു​ണ്ടാ​യി. ഈ പതിപ്പ്‌ മറ്റു ഭാഷക​ളി​ലേ​ക്കു​ള്ള പരിഭാഷ കുറച്ചു​കൂ​ടെ എളുപ്പ​മാ​ക്കി​ത്തീർക്കും. വ്യക്തവും എളുപ്പം വായിച്ച്‌ മനസ്സി​ലാ​ക്കാ​നാ​കു​ന്ന​തും ആയ ഒരു ബൈബിൾ, സുവാർത്താ​പ്ര​സം​ഗ​വേല നിറ​വേ​റ്റാൻ ഏറെ സഹായി​ക്കും.

സമാധാ​ന​കാ​ലം

6, 7. (എ) കഴിഞ്ഞ 100 വർഷങ്ങ​ളിൽ നടന്ന യുദ്ധങ്ങ​ളെ​ക്കു​റിച്ച്‌ എന്തു പറയാ​നാ​കും? (ബി) ചില രാജ്യ​ങ്ങ​ളി​ലെ സമാധാ​ന​പ​ര​മാ​യ അന്തരീക്ഷം നമുക്കു പ്രസം​ഗി​ക്കാൻ സാഹച​ര്യം ഒരുക്കി​യത്‌ എങ്ങനെ?

⁶ കഴിഞ്ഞ 100 വർഷത്തി​നി​ട​യിൽ രണ്ടു ലോക​മ​ഹാ​യു​ദ്ധ​ങ്ങൾ ഉൾപ്പെടെ പല യുദ്ധങ്ങ​ളി​ലാ​യി കോടി​ക്ക​ണ​ക്കിന്‌ ആളുകൾ കൊല്ല​പ്പെ​ട്ടി​ട്ടുണ്ട്‌. അങ്ങനെ​യെ​ങ്കിൽ, ഏതു വിധത്തി​ലാണ്‌ സമാധാ​ന​മു​ണ്ടാ​യി​രു​ന്നത്‌? സുവാർത്ത പ്രസം​ഗി​ക്കാൻ യഹോ​വ​യു​ടെ ജനത്തെ ആ സമാധാ​നം എങ്ങനെ​യാണ്‌ സഹായി​ച്ചി​രി​ക്കു​ന്നത്‌? രണ്ടാം ലോക​മ​ഹാ​യു​ദ്ധ​കാ​ലത്ത്‌ യഹോ​വ​യു​ടെ സാക്ഷി​ക​ളു​ടെ ലോക​വ്യാ​പ​ക​വേ​ല​യ്‌ക്കു നേതൃ​ത്വം വഹിച്ചി​രു​ന്നത്‌ നേഥൻ നോർ സഹോ​ദ​ര​നാ​യി​രു​ന്നു. 1942-ലെ ഒരു കൺ​വെൻ​ഷ​നിൽ അദ്ദേഹം, “സമാധാ​നം—അതു നിലനിൽക്കു​മോ?” എന്ന വിഷയ​ത്തിൽ ആവേ​ശോ​ജ്ജ്വ​ല​മാ​യ ഒരു പ്രസംഗം നടത്തി. വെളി​പാട്‌ 17-ാം അധ്യാ​യ​ത്തി​ലെ പ്രവചനം വിശദീ​ക​രി​ച്ചു​കൊണ്ട്‌, അർമ്മ​ഗെ​ദ്ദോൻ ഉടനെ വരി​ല്ലെ​ന്നും രണ്ടാം ലോക​മ​ഹാ​യു​ദ്ധ​ത്തി​നു ശേഷം സമാധാ​ന​ത്തി​ന്റെ ഒരു കാലഘ​ട്ട​മു​ണ്ടാ​യി​രി​ക്കു​മെ​ന്നും നോർ സഹോ​ദ​രൻ തെളി​യി​ച്ചു.—വെളി. 17:3, 11.

⁷ ഇതിന്റെ അർഥം യുദ്ധത്തി​നു ശേഷം എല്ലായി​ട​ത്തും സമാധാ​നം കളിയാ​ടി എന്നല്ല. രണ്ടാം ലോക​മ​ഹാ​യു​ദ്ധ​ത്തി​നു ശേഷം ദശലക്ഷ​ക്ക​ണ​ക്കിന്‌ ആളുകൾ പലപല യുദ്ധങ്ങ​ളിൽ മരണമ​ട​ഞ്ഞി​ട്ടുണ്ട്‌. എന്നാൽ പല രാജ്യ​ങ്ങ​ളി​ലും താരത​മ്യേ​ന സമാധാ​ന​മു​ള്ള അവസ്ഥയാ​ണു​ണ്ടാ​യി​രു​ന്നി​ട്ടു​ള്ളത്‌. അതു​കൊ​ണ്ടു​ത​ന്നെ യഹോ​വ​യു​ടെ സാക്ഷി​കൾക്ക്‌ ഏറെ ഫലകര​മാ​യ വിധത്തിൽ അവി​ടെ​യെ​ല്ലാം സുവാർത്ത ഘോഷി​ക്കാൻ സാധിച്ചു. എന്തായി​രു​ന്നു അതിന്റെ ഫലം? രണ്ടാം ലോക​മ​ഹാ​യു​ദ്ധ​കാ​ലത്ത്‌ 1,10,000-ത്തിൽ താഴെ സാക്ഷി​ക​ളേ ലോക​ത്തു​ണ്ടാ​യി​രു​ന്നു​ള്ളൂ. എന്നാൽ ഇന്നോ? 80 ലക്ഷത്തോ​ളം പേരുണ്ട്‌. (യെശയ്യാ​വു 60:22 വായി​ക്കു​ക.) ഇത്‌ കാണി​ക്കു​ന്നത്‌ സമാധാ​ന​മു​ള്ള കാലത്ത്‌ നമുക്കു കൂടുതൽ ആളുക​ളോട്‌ സുവാർത്ത ഘോഷി​ക്കാൻ അവസരം ലഭിക്കു​മെ​ന്നാണ്‌.

ഗതാഗ​ത​സൗ​ക​ര്യ​ങ്ങ​ളി​ലെ പുരോ​ഗ​തി

8, 9. യാത്രാ​സൗ​ക​ര്യ​ങ്ങ​ളി​ലു​ണ്ടായ പുരോ​ഗ​തി എന്തൊ​ക്കെ​യാണ്‌, ഇത്‌ രാജ്യ​വേ​ല​യെ സഹായി​ച്ചി​രി​ക്കു​ന്നത്‌ എങ്ങനെ?

⁸ ഐക്യ​നാ​ടു​ക​ളിൽ യഹോ​വ​യു​ടെ ജനം പ്രസം​ഗ​വേല തുടങ്ങിയ കാലത്ത്‌ യാത്രാ​സൗ​ക​ര്യ​ങ്ങൾ വളരെ കുറവാ​യി​രു​ന്നു. വീക്ഷാ​ഗോ​പു​രം പ്രസി​ദ്ധീ​ക​രി​ക്കാൻ തുടങ്ങി ഏതാണ്ട്‌ 21 വർഷത്തി​നു ശേഷം, അതായത്‌ 1900-ത്തിൽ, ഐക്യ​നാ​ടു​ക​ളി​ലു​ട​നീ​ളം 8,000-ത്തോളം കാറു​ക​ളും ഏതാനും നല്ല റോഡു​ക​ളും മാത്ര​മാ​ണു​ണ്ടാ​യി​രു​ന്നത്‌. എന്നാൽ ഇന്ന്‌ സ്ഥിതി വളരെ വ്യത്യ​സ്‌ത​മാണ്‌. ലോക​വ്യാ​പ​ക​മാ​യി 150 കോടി​യി​ല​ധി​കം കാറു​ക​ളും ഭൂരി​ഭാ​ഗം സ്ഥലങ്ങളി​ലും നല്ല റോഡു​ക​ളും ഉണ്ട്‌. അതു​കൊണ്ട്‌, നഗരങ്ങ​ളിൽനിന്ന്‌ അകലെ​യാ​യി​രി​ക്കു​ന്ന ഉൾപ്ര​ദേ​ശ​ങ്ങ​ളി​ലും എത്തി​പ്പെ​ടാൻ ബുദ്ധി​മു​ട്ടു​ള്ള മറ്റു സ്ഥലങ്ങളി​ലും കാർ ഉപയോ​ഗി​ച്ചോ റോഡ്‌ മാർഗ​മോ നമുക്ക്‌ ആളുക​ളു​ടെ അടുക്കൽ പോയി പ്രസം​ഗി​ക്കാൻ കഴിയു​ന്നു. എന്നാൽ യാത്ര അത്ര എളുപ്പ​മ​ല്ലാ​ത്ത​തും ദീർഘ​ദൂ​രം നടക്കേ​ണ്ട​തു​മാ​യ സാഹച​ര്യ​ങ്ങ​ളാ​ണെ​ങ്കിൽപ്പോ​ലും ആളുക​ളു​ള്ളി​ട​ത്തെ​ല്ലാം പോയി പ്രസം​ഗി​ക്കു​ന്ന​തിന്‌ നമ്മാലാ​വു​ന്ന​തെ​ല്ലാം നാം ചെയ്യുന്നു.—മത്താ. 28:19, 20.

⁹ മറ്റു തരത്തി​ലു​ള്ള ഗതാഗ​ത​സൗ​ക​ര്യ​ങ്ങ​ളും നാം ഉപയോ​ഗി​ക്കു​ന്നുണ്ട്‌. കരമാർഗ​വും കടൽമാർഗ​വും റെയിൽമാർഗ​വും വഴി നാം ബൈബി​ളും പ്രസി​ദ്ധീ​ക​ര​ണ​ങ്ങ​ളും സഹോ​ദ​ര​ങ്ങൾക്ക്‌ അയച്ചു​കൊ​ടു​ക്കു​ന്നു. അതിനാൽ ഒറ്റപ്പെട്ട പ്രദേ​ശ​ങ്ങ​ളി​ലു​ള്ള​വർക്കു​പോ​ലും ഏതാനും ആഴ്‌ച​കൾകൊ​ണ്ടു​ത​ന്നെ സാഹി​ത്യ​ങ്ങൾ ലഭിക്കു​ന്നു. ലോകാ​സ്ഥാ​ന​ത്തു​നിന്ന്‌ വരുന്ന ഭരണസം​ഘാം​ഗ​ങ്ങൾക്കും മറ്റ്‌ സഹോ​ദ​ര​ങ്ങൾക്കും പല രാജ്യ​ങ്ങ​ളി​ലെ സഹോ​ദ​രീ​സ​ഹോ​ദ​ര​ന്മാ​രെ പ്രോ​ത്സാ​ഹി​പ്പി​ക്കാ​നും പരിശീ​ലി​പ്പി​ക്കാ​നും വേണ്ടി എളുപ്പ​ത്തിൽ അവരുടെ അടുത്ത്‌ എത്തി​ച്ചേ​രാൻ വ്യോ​മ​ഗ​താ​ഗ​തം ഉപകരി​ക്കു​ന്നു. സഭകളെ സഹായി​ക്കാ​നും കൺ​വെൻ​ഷ​നു​ക​ളിൽ പ്രസം​ഗ​ങ്ങൾ നടത്താ​നും, സഞ്ചാര​മേൽവി​ചാ​ര​കൻമാ​രും മിഷന​റി​മാ​രും ബ്രാഞ്ചു​ക​മ്മി​റ്റി അംഗങ്ങ​ളും വിമാ​ന​മാർഗം പ്രയോ​ജ​ന​പ്പെ​ടു​ത്തു​ന്നു. ഈ സൗകര്യ​ങ്ങ​ളെ​ല്ലാം യഹോ​വ​യു​ടെ ജനത്തെ ഐക്യ​ത്തിൽ തുടരാൻ സഹായി​ക്കു​ന്നു.—സങ്കി.133:1-3

ഭാഷയും പരിഭാ​ഷ​യും

10. ലോക​വ്യാ​പ​ക​മാ​യി ഇംഗ്ലീഷ്‌ ഭാഷയ്‌ക്കു​ള്ള സ്ഥാനം എന്ത്‌?

¹⁰ ഒന്നാം നൂറ്റാ​ണ്ടിൽ റോമാ​സാ​മ്രാ​ജ്യ​ത്തിൽ അനേക​രും ഗ്രീക്ക്‌ ഭാഷയാണ്‌ സംസാ​രി​ച്ചി​രു​ന്നത്‌. ഇന്ന്‌, ഭൂവ്യാ​പ​ക​മാ​യി അനേകം ആളുക​ളും ഉപയോ​ഗി​ക്കു​ന്നത്‌ ഇംഗ്ലീഷ്‌ ഭാഷയാണ്‌. ഇംഗ്ലീഷ്‌—ആഗോ​ള​ഭാ​ഷ (ഇംഗ്ലീഷ്‌) എന്ന പുസ്‌ത​കം, ലോക​ജ​ന​സം​ഖ്യ​യു​ടെ നാലിൽ ഒന്ന്‌ ഇംഗ്ലീഷ്‌ ഭാഷ സംസാ​രി​ക്കു​ക​യോ മനസ്സി​ലാ​ക്കു​ക​യോ ചെയ്യു​ന്ന​താ​യി പറയുന്നു. അനേകം ആളുക​ളും ഇംഗ്ലീഷ്‌ കൈകാ​ര്യം ചെയ്യാൻ പഠിക്കു​ന്നു. കാരണം ലോക​വ്യാ​പ​ക​മാ​യി വ്യവസാ​യം, രാഷ്‌ട്രീ​യം, ശാസ്‌ത്രം, സാങ്കേ​തി​ക​വി​ദ്യ എന്നീ മേഖല​ക​ളിൽ ഏറ്റവും കൂടുതൽ ഉപയോ​ഗി​ക്കു​ന്ന ഭാഷ ഇംഗ്ലീ​ഷാണ്‌.

11. ഇംഗ്ലീഷ്‌ ഭാഷ യഹോ​വ​യു​ടെ ജനത്തിന്റെ വേലയെ ഏതു വിധത്തിൽ സഹായി​ച്ചി​രി​ക്കു​ന്നു?

¹¹ ഇംഗ്ലീഷ്‌ ഭാഷയു​ടെ വ്യാപ​ക​മാ​യ ഉപയോ​ഗം സത്യം പ്രചരി​പ്പി​ക്കു​ന്ന​തിൽ വളരെ സഹായ​ക​മാ​യി​ട്ടുണ്ട്‌. ആദ്യകാ​ലത്ത്‌ നമ്മുടെ പ്രസി​ദ്ധീ​ക​ര​ണ​ങ്ങൾ ഇംഗ്ലീ​ഷിൽ മാത്ര​മാണ്‌ ലഭ്യമാ​യി​രു​ന്നത്‌. ലോക​വ്യാ​പ​ക​മാ​യി, അനേകർ ഇംഗ്ലീഷ്‌ സംസാ​രി​ച്ചി​രു​ന്ന​തി​നാൽ നമ്മുടെ പ്രസി​ദ്ധീ​ക​ര​ണ​ങ്ങൾ വായി​ക്കാൻ അവർക്കു കഴിയു​മാ​യി​രു​ന്നു. നമ്മുടെ ലോകാ​സ്ഥാ​ന​ത്തും ഇംഗ്ലീഷ്‌ ഭാഷയാണ്‌ ഉപയോ​ഗി​ക്കു​ന്നത്‌. ഇംഗ്ലീഷ്‌ അറിയാ​വു​ന്ന മറ്റു രാജ്യ​ങ്ങ​ളി​ലെ സഹോ​ദ​രീ​സ​ഹോ​ദ​ര​ന്മാർക്ക്‌ ന്യൂ​യോർക്കി​ലെ പാറ്റേർസ​ണി​ലു​ള്ള വാച്ച്‌ട​വർ വിദ്യാ​ഭ്യാ​സ കേന്ദ്ര​ത്തിൽ നടത്ത​പ്പെ​ടു​ന്ന സ്‌കൂ​ളു​ക​ളിൽനിന്ന്‌ പരിശീ​ല​നം ലഭിക്കു​ന്നു.

12. നമ്മുടെ പ്രസി​ദ്ധീ​ക​ര​ണ​ങ്ങൾ എത്ര ഭാഷക​ളിൽ നാം പരിഭാ​ഷ​പ്പെ​ടു​ത്തി​യി​രി​ക്കു​ന്നു, കമ്പ്യൂട്ടർ പ്രോ​ഗ്രാ​മു​കൾ ഇതിനു നമ്മെ സഹായി​ച്ചി​രി​ക്കു​ന്നത്‌ എങ്ങനെ?

¹² എന്നാൽ മുഴു​ഭൂ​മി​യി​ലു​മുള്ള ആളുക​ളോട്‌ രാജ്യ​സു​വാർത്ത പ്രസം​ഗി​ക്കാ​നു​ള്ള ഉത്തരവാ​ദി​ത്വം നമുക്കുണ്ട്‌. അതു​കൊ​ണ്ടാണ്‌ 700-ലധികം ഭാഷക​ളി​ലേക്ക്‌ നാം പ്രസി​ദ്ധീ​ക​ര​ണ​ങ്ങൾ പരിഭാ​ഷ​പ്പെ​ടു​ത്തു​ന്നത്‌. ഇത്‌ എങ്ങനെ​യാണ്‌ സാധ്യ​മാ​യത്‌? കമ്പ്യൂ​ട്ട​റു​ക​ളും മെപ്‌സ്‌ (മൾട്ടി ലാം​ഗ്വേജ്‌ ഇലക്‌​ട്രോ​ണിക്ക്‌ പബ്ലിഷിങ്‌ സിസ്റ്റം) പോലുള്ള കമ്പ്യൂട്ടർ പ്രോ​ഗ്രാ​മു​ക​ളും പരിഭാ​ഷാ​വേ​ല​യിൽ നമ്മെ സഹായി​ച്ചി​രി​ക്കു​ന്നു. തത്‌ഫ​ല​മാ​യി ലോക​വ്യാ​പ​ക​മാ​യി യഹോ​വ​യു​ടെ സാക്ഷി​കൾക്ക്‌ ബൈബിൾസ​ത്യ​ത്തി​ന്റെ “നിർമല”ഭാഷ പഠിക്കാ​നും ഐക്യ​ത്തിൽ തുടരാ​നും കഴിഞ്ഞി​രി​ക്കു​ന്നു.—സെഫന്യാ​വു 3:9 വായി​ക്കു​ക.

നിയമ​ങ്ങ​ളും കോട​തി​വി​ധി​ക​ളും

13, 14. നിയമ​ങ്ങ​ളും കോട​തി​വി​ധി​ക​ളും നമ്മെ എങ്ങനെ​യെ​ല്ലാം സഹായി​ച്ചി​ട്ടുണ്ട്‌?

¹³ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളെ സുവാർത്ത പ്രസം​ഗി​ക്കാൻ റോമൻ നിയമങ്ങൾ പല വിധങ്ങ​ളിൽ സഹായി​ച്ചി​രു​ന്നു. ഇന്നും പല രാജ്യ​ങ്ങ​ളി​ലെ​യും നിയമങ്ങൾ പ്രസം​ഗ​വേല നിർവ​ഹി​ക്കാൻ നമ്മെ സഹായി​ക്കു​ന്നു. ഉദാഹ​ര​ണ​ത്തിന്‌, ഐക്യ​നാ​ടു​ക​ളി​ലെ നിയമങ്ങൾ അവിടു​ത്തെ ജനത്തിന്‌ സ്വന്തം മതം തിര​ഞ്ഞെ​ടു​ക്കാ​നും വിശ്വ​സി​ക്കു​ന്ന കാര്യങ്ങൾ മറ്റുള്ള​വ​രോട്‌ പറയാ​നും ഒരുമിച്ച്‌ കൂടി​വ​രാ​നും ഉള്ള അവകാശം നൽകുന്നു. അതു​കൊണ്ട്‌, ആ രാജ്യത്ത്‌ യോഗ​ങ്ങൾക്ക്‌ കൂടി​വ​രു​ന്ന​തി​നും സുവാർത്ത പ്രസം​ഗി​ക്കു​ന്ന​തി​നും ഉള്ള സ്വാത​ന്ത്ര്യം അവർ ആസ്വദി​ക്കു​ന്നു. ഐക്യ​നാ​ടു​ക​ളി​ലു​ള്ള ലോകാ​സ്ഥാ​ന​ത്തു​നിന്ന്‌ ഗോള​വ്യാ​പ​ക​മാ​യ പ്രസം​ഗ​വേ​ല​യെ നയിക്കാ​നു​ള്ള സ്വാത​ന്ത്ര്യ​വും നമുക്കുണ്ട്‌. എന്നിരു​ന്നാ​ലും ചില അവകാ​ശ​ങ്ങൾ നേടി​യെ​ടു​ക്കാ​നാ​യി പലപ്പോ​ഴും കോട​തി​യെ സമീപി​ക്കേ​ണ്ടി​വ​ന്നി​ട്ടുണ്ട്‌. (ഫിലി. 1:7) എന്നാൽ കീഴ്‌ക്കോ​ട​തി​ക​ളി​ലെ ന്യായാ​ധി​പ​ന്മാർ പ്രസം​ഗ​വേ​ല​യ്‌ക്കു​ള്ള നമ്മുടെ അവകാ​ശ​ങ്ങൾ നിഷേ​ധി​ക്കാൻ ശ്രമി​ച്ച​പ്പോ​ഴെ​ല്ലാം നാം ഉപരി​വി​ചാ​ര​ണ​യ്‌ക്കാ​യി മേൽക്കോ​ട​തി​ക​ളെ സമീപി​ച്ചി​ട്ടുണ്ട്‌. ഒട്ടുമിക്ക കേസു​ക​ളി​ലും അവിടെ നമ്മൾ ജയിച്ചി​ട്ടു​മുണ്ട്‌.

¹⁴ യഹോ​വ​യെ ആരാധി​ക്കാ​നും സുവാർത്ത പ്രസം​ഗി​ക്കാ​നും ഉള്ള സ്വാത​ന്ത്ര്യ​ത്തി​നാ​യി മറ്റു രാജ്യ​ങ്ങ​ളി​ലും നാം കോട​തി​ക​ളിൽ പോയി​ട്ടുണ്ട്‌. എന്നാൽ ദേശീ​യ​ത​ല​ത്തിൽ വിധി അനുകൂ​ല​മ​ല്ലാ​തി​രു​ന്ന​പ്പോൾ നാം അന്താരാ​ഷ്‌​ട്രേ​കാ​ട​തി​കളെ സമീപി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, മിക്ക​പ്പോ​ഴും നാം യൂറോ​പ്യൻ മനുഷ്യാ​വ​കാ​ശ കോട​തി​യിൽ പോകാ​റുണ്ട്‌. 2014 ജൂൺ ആയപ്പോ​ഴേ​ക്കും ആ കോട​തി​യിൽനിന്ന്‌ 57 കേസു​ക​ളിൽ നമ്മൾ വിജയം നേടി​യി​രു​ന്നു. യൂറോ​പ്യൻ കൗൺസി​ലി​ലു​ള്ള യൂറോ​പ്യൻ രാജ്യ​ങ്ങൾക്കെ​ല്ലാം ഈ കോട​തി​യു​ടെ തീരു​മാ​ന​ങ്ങൾ അനുസ​രി​ക്കാ​നു​ള്ള കടപ്പാ​ടുണ്ട്‌. “സകല ജനതക​ളും” നമ്മെ ദ്വേഷി​ക്കു​ന്നു​ണ്ടെ​ങ്കി​ലും പല രാജ്യ​ങ്ങ​ളി​ലെ​യും നിയമങ്ങൾ സ്വാത​ന്ത്ര്യ​ത്തോ​ടെ യഹോ​വ​യെ ആരാധി​ക്കാൻ നമ്മെ അനുവ​ദി​ക്കു​ന്നു.—മത്താ. 24:9.

നമ്മെ സഹായി​ച്ചി​രി​ക്കു​ന്ന കണ്ടുപി​ടി​ത്ത​ങ്ങൾ

15. അച്ചടി​വി​ദ്യ​യിൽ എന്തെല്ലാം പുരോ​ഗ​തി​ക​ളു​ണ്ടാ​യി, ഇത്‌ നമ്മെ എങ്ങനെ സഹായി​ച്ചി​രി​ക്കു​ന്നു?

¹⁵ ജനകോ​ടി​ക​ളോട്‌ സുവാർത്ത അറിയി​ക്കാൻ ആധുനിക പ്രിന്റിങ്‌ സംവി​ധാ​ന​ങ്ങൾ നമ്മെ സഹായി​ച്ചി​ട്ടുണ്ട്‌. ഏതാണ്ട്‌ 1450 കാലഘ​ട്ട​ത്തിൽ ജൊഹാ​നസ്‌ ഗുട്ടൻബർഗ്‌ കണ്ടുപി​ടി​ച്ച അച്ചടി​വി​ദ്യ​യാണ്‌ നൂറ്റാ​ണ്ടു​ക​ളോ​ളം ആളുകൾ ഉപയോ​ഗി​ച്ചു​പോ​ന്നത്‌. എന്നാൽ കഴിഞ്ഞ 200 വർഷം അച്ചടി​വി​ദ്യ പല വിധങ്ങ​ളിൽ പുരോ​ഗ​മി​ച്ചി​രി​ക്കു​ന്നു. ഓഫ്‌സെറ്റ്‌ പ്രിന്റി​ങ്ങി​ന്റെ കണ്ടുപി​ടി​ത്തം ഗുണനി​ല​വാ​രം മെച്ച​പ്പെ​ടു​ത്താ​നും അച്ചടി വേഗത്തി​ലാ​ക്കാ​നും സഹായി​ച്ചി​രി​ക്കു​ന്നു. അതു​പോ​ലെ, കുറഞ്ഞ ചെലവിൽ കടലാസ്‌ നിർമി​ക്കാ​നും പുസ്‌ത​ക​ങ്ങൾ ബൈൻഡ്‌ ചെയ്യാ​നും ഇന്ന്‌ സാധി​ക്കു​ന്നുണ്ട്‌. ഇത്‌ നമ്മുടെ പ്രസി​ദ്ധീ​ക​ര​ണ​ങ്ങ​ളു​ടെ ഉത്‌പാ​ദ​ന​ത്തെ എങ്ങനെ​യാണ്‌ സഹായി​ച്ചി​രി​ക്കു​ന്നത്‌? 1879-ൽ പുറത്തി​റ​ക്കി​യ ആദ്യത്തെ വീക്ഷാ​ഗോ​പു​രം ഇംഗ്ലീ​ഷിൽ മാത്ര​മാ​യി​രു​ന്നു. 6,000 പ്രതി​ക​ളാണ്‌ അച്ചടി​ച്ചത്‌. അതിൽ ചിത്ര​ങ്ങ​ളൊ​ന്നു​മു​ണ്ടാ​യി​രു​ന്നില്ല. എന്നാൽ, ഇന്ന്‌ 200-ലധികം ഭാഷക​ളിൽ വീക്ഷാ​ഗോ​പു​രം പുറത്തി​റ​ങ്ങു​ന്നുണ്ട്‌. ഇതിൽ മനോ​ഹ​ര​മാ​യ വർണചി​ത്ര​ങ്ങ​ളു​മുണ്ട്‌. അതു​പോ​ലെ ഓരോ ലക്കവും 5 കോടി​യി​ല​ധി​കം പ്രതി​ക​ളാണ്‌ അച്ചടി​ക്കു​ന്നത്‌.

16. സുവാർത്ത ലോക​മെ​മ്പാ​ടും എത്തിക്കു​ന്ന​തിന്‌ എന്തെല്ലാം കണ്ടുപി​ടി​ത്ത​ങ്ങൾ നമ്മെ സഹായി​ച്ചി​രി​ക്കു​ന്നു? (ലേഖനാ​രം​ഭ​ത്തി​ലെ ചിത്രം കാണുക.)

¹⁶ കഴിഞ്ഞ രണ്ടു നൂറ്റാ​ണ്ടു​ക​ളി​ലെ അനവധി​യാ​യ കണ്ടുപി​ടി​ത്ത​ങ്ങൾ സുവാർത്ത പ്രസം​ഗി​ക്കു​ന്ന​തിൽ യഹോ​വ​യു​ടെ ജനത്തെ കുറ​ച്ചൊ​ന്നു​മല്ല സഹായി​ച്ചി​ട്ടു​ള്ളത്‌. തീവണ്ടി, മോ​ട്ടോർവാ​ഹ​നം, വിമാനം എന്നിവ​യെ​ക്കു​റിച്ച്‌ നാം പറഞ്ഞു​ക​ഴി​ഞ്ഞു. ഇവ കൂടാതെ സൈക്കിൾ, ടൈപ്പ്‌​റൈ​റ്റർ, ബ്രെയിൽ ഉപകര​ണ​ങ്ങൾ (അന്ധലിപി), ടെലി​ഗ്രാഫ്‌, ടെലി​ഫോൺ, ക്യാമ​റ​കൾ, ഓഡി​യോ-വീഡി​യോ റെക്കോർഡി​ങ്ങു​കൾ, റേഡി​യോ, ടെലി​വി​ഷൻ, സിനി​മ​കൾ, കമ്പ്യൂ​ട്ട​റു​കൾ, ഇന്റർനെറ്റ്‌ തുടങ്ങി​യ​വ​യും ചരി​ത്രം​കു​റി​ച്ച കണ്ടുപി​ടി​ത്ത​ങ്ങ​ളാണ്‌. ഇവയൊ​ന്നും കണ്ടുപി​ടി​ച്ചത്‌ യഹോ​വ​യു​ടെ ജനമ​ല്ലെ​ങ്കി​ലും, ബൈബി​ളും മറ്റു പ്രസി​ദ്ധീ​ക​ര​ണ​ങ്ങ​ളും അച്ചടി​ക്കു​ന്ന​തി​നും സുവാർത്ത ലോക​മെ​മ്പാ​ടും എത്തിക്കു​ന്ന​തി​നും ഇവയെ​ല്ലാം അവർ ഉപയോ​ഗ​പ്പെ​ടു​ത്തി​യി​രി​ക്കു​ന്നു. അതെ, ദൈവ​വ​ച​നം മുൻകൂ​ട്ടി​പ്പ​റ​ഞ്ഞ​തു​പോ​ലെ ആലങ്കാ​രി​ക​മാ​യി അവർ “ജാതി​ക​ളു​ടെ പാൽ കുടി”ക്കുകയാണ്‌.—യെശയ്യാ​വു 60:16 വായി​ക്കു​ക.

17. (എ) പ്രസം​ഗ​വേ​ല​യെ​ക്കു​റിച്ച്‌ എന്ത്‌ വ്യക്തമാണ്‌? (ബി) നാം തന്നോ​ടൊ​പ്പം പ്രവർത്തി​ക്ക​ണ​മെന്ന്‌ യഹോവ ആഗ്രഹി​ക്കു​ന്നത്‌ എന്തു​കൊണ്ട്‌?

¹⁷ യഹോ​വ​യാണ്‌ നമ്മുടെ പ്രസം​ഗ​വേ​ല​യെ നയിക്കു​ന്ന​തെന്ന്‌ പകൽപോ​ലെ വ്യക്തമാണ്‌. ഈ വേല നമ്മെ ഭരമേൽപ്പി​ച്ചി​രി​ക്കു​ന്നത്‌ യഹോ​വ​യ്‌ക്ക്‌ അതു തനിയെ ചെയ്യാൻ കഴിയാ​ഞ്ഞി​ട്ടല്ല. മറിച്ച്‌ നമ്മെ സ്‌നേ​ഹി​ക്കു​ന്ന​തു​കൊ​ണ്ടും തന്നോ​ടൊ​പ്പം നാം വേല ചെയ്യണ​മെന്ന്‌ ദൈവം ആഗ്രഹി​ക്കു​ന്ന​തു​കൊ​ണ്ടു​മാണ്‌. നമ്മുടെ പ്രസം​ഗ​വേ​ല​യി​ലൂ​ടെ ദൈവ​ത്തെ​യും അയൽക്കാ​രെ​യും സ്‌നേ​ഹി​ക്കു​ന്നു​വെന്ന്‌ നാം തെളി​യി​ക്കു​ന്നു. (മർക്കോ. 12:28-31; 1 കൊരി. 3:9) മുഴു​ഭൂ​മി​യി​ലും സുവാർത്ത എത്തിക്കാൻ യഹോവ നമ്മെ സഹായി​ക്കു​ന്ന​തിൽ നാം എത്ര നന്ദിയു​ള്ള​വ​രാണ്‌! അതു​കൊണ്ട്‌ ലഭ്യമായ സകല അവസര​ങ്ങ​ളി​ലും യഹോ​വ​യെ​യും ദൈവ​രാ​ജ്യ​ത്തെ​യും കുറിച്ച്‌ ഘോഷി​ക്കു​ന്ന​തിൽ നമുക്കു തുടരാം!