യഹോവ കരുണ​യും ക്ഷമയും ഉള്ള ദൈവ​മാ​ണെന്നു ഞാൻ പഠിച്ചു

പഴയകാ​ല​ജീ​വി​തം:

മോൺട്രി​യൽ നഗരത്തി​ലെ ഒരു സാധാരണ പ്രദേ​ശ​ത്താണ്‌ ഞാൻ വളർന്നത്‌. എനിക്ക്‌ ആറുമാ​സം പ്രായ​മു​ള്ള​പ്പോൾ പിതാവ്‌ മരിച്ചു. അതോടെ, കുടും​ബ​ത്തി​ന്റെ ഉത്തരവാ​ദി​ത്വ​ങ്ങ​ളെ​ല്ലാം അമ്മയുടെ ചുമലി​ലാ​യി. എട്ട്‌ മക്കളിൽ ഏറ്റവും ഇളയവ​നാ​യി​രു​ന്നു ഞാൻ.

വളർന്നു​വ​ര​വെ മയക്കു​മ​രുന്ന്‌ ഉപയോ​ഗം, ചൂതാട്ടം, അക്രമ​പ്ര​വർത്തനം ഇവയി​ലെ​ല്ലാം ഞാൻ ഉൾപ്പെട്ടു തുടങ്ങി. കൂട്ടു​കെ​ട്ടാ​ണെ​ങ്കി​ലോ കുറ്റവാ​ളി​കൾക്കൊ​പ്പ​വും. പത്ത്‌ വയസ്സാ​യ​പ്പോൾത്തന്നെ കൊള്ള​പ്പ​ലി​ശ​ക്കാർക്കും വേശ്യ​കൾക്കും വേണ്ടി സേവ ചെയ്യാൻ തുടങ്ങി. ഒടുവിൽ, എന്ത്‌ തട്ടിപ്പും നടത്തി ആളുകളെ സ്വാധീ​നി​ക്കാ​നും നുണ പറയാ​നും ഞാൻ പഠിച്ചു. അത്‌ എനി​ക്കൊ​രു ലഹരി​യാ​യി​രു​ന്നു.

14 വയസ്സാ​യ​പ്പോ​ഴേ​ക്കും ഉപായ​ത്തി​ലൂ​ടെ ആളുകളെ പറ്റിക്കു​ന്ന​തിൽ ഞാൻ വിരു​ത​നാ​യി​ത്തീർന്നു. ഉദാഹ​ര​ണ​ത്തിന്‌, സ്വർണം പൂശിയ വാച്ചുകൾ, വളകൾ, മോതി​രങ്ങൾ എന്നിവ വൻതോ​തിൽ വാങ്ങി അതിൽ 14-കാരറ്റ്‌ സ്വർണം എന്ന്‌ മുദ്ര​കു​ത്തി തെരു​വു​ക​ളി​ലും പാർക്കിങ്‌ സ്ഥലങ്ങളി​ലും ഞാൻ വിറ്റഴി​ക്കു​മാ​യി​രു​ന്നു. എളുപ്പ​ത്തിൽ പണം ഉണ്ടാക്കാ​നുള്ള മാർഗങ്ങൾ എന്നെ ഹരം പിടി​പ്പി​ച്ചു. ഒരിക്കൽ, ഒറ്റ ദിവസം​കൊ​ണ്ടു​തന്നെ എനിക്ക്‌ 10,000 ഡോളർ (ഏകദേശം 4,90,000 രൂപ) ഉണ്ടാക്കാൻ കഴിഞ്ഞു!

15-ാമത്തെ വയസ്സിൽ ദുർഗു​ണ​പ​രി​ഹാ​ര​പാ​ഠ​ശാ​ല​യിൽനിന്ന്‌ പുറത്തി​റ​ങ്ങി​യ​പ്പോൾ എനിക്ക്‌ പോകാൻ ഒരിട​വു​മി​ല്ലാ​യി​രു​ന്നു. തെരു​വി​ലും പാർക്കി​ലും കൂട്ടു​കാ​രു​ടെ വീടു​ക​ളി​ലും ഒക്കെയാ​യി ഞാൻ കഴിഞ്ഞു​കൂ​ടി.

എന്റെ കൈയി​ലി​രി​പ്പു​കൊണ്ട്‌ പോലീസ്‌ എന്നെ കൂടെ​ക്കൂ​ടെ ചോദ്യം ചെയ്‌തി​രു​ന്നു. ഞാൻ വിറ്റഴിച്ച സാധനങ്ങൾ മോഷ്ടി​ച്ച​ത​ല്ലാ​ഞ്ഞ​തു​കൊണ്ട്‌ എനിക്ക്‌ ഒരിക്ക​ലും ജയിലിൽ പോ​കേണ്ടി വന്നിട്ടില്ല. എങ്കിലും, തട്ടിപ്പു​കാ​ണി​ച്ച​തി​ന്റെ​യും അനുവാ​ദ​മി​ല്ലാ​തെ സാധനങ്ങൾ വിറ്റതി​ന്റെ​യും പേരിൽ എനിക്ക്‌ വലിയ തുക പിഴ ഒടു​ക്കേ​ണ്ടി​വ​ന്നി​ട്ടുണ്ട്‌. ആരെയും കൂസാ​ക്കാത്ത സ്വഭാ​വ​മാ​യി​രു​ന്ന​തു​കൊണ്ട്‌ കൊള്ള​പ്പ​ലി​ശ​ക്കാ​രു​ടെ പണം പിരി​ക്കാ​നും ഞാൻ പോയി​രു​ന്നു. അത്‌ അപകടം​പി​ടിച്ച പണിയാ​യി​രു​ന്ന​തി​നാൽ എന്റെ കൈവശം എപ്പോ​ഴും തോക്കു​ണ്ടാ​കു​മാ​യി​രു​ന്നു. ചില സന്ദർഭ​ങ്ങ​ളിൽ ഗുണ്ടാ​സം​ഘ​ത്തോ​ടൊ​പ്പ​വും ഞാൻ പോകാ​റു​ണ്ടാ​യി​രു​ന്നു.

ബൈബിൾ ജീവി​ത​ത്തി​നു മാറ്റം വരുത്തു​ന്നു:

17 വയസ്സു​ള്ള​പ്പോ​ഴാണ്‌ ഞാൻ ആദ്യമാ​യി ബൈബിൾ പരിച​യ​പ്പെ​ടു​ന്നത്‌. ഞാൻ അപ്പോൾ കാമു​കി​യോ​ടൊ​പ്പം താമസി​ക്കു​ക​യാ​യി​രു​ന്നു. ആ സമയത്ത്‌ അവൾ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾപ​ഠനം ആരംഭി​ച്ചു. ബൈബി​ളി​ന്റെ ധാർമി​ക​നി​യ​മ​ങ്ങ​ളോട്‌ എനിക്ക്‌ യോജി​ക്കാൻ കഴിയാ​തി​രു​ന്ന​തി​നാൽ അവളെ ഉപേക്ഷിച്ച്‌, ഞാൻ പ്രണയി​ച്ചി​രുന്ന മറ്റൊരു പെണ്ണി​നോ​ടൊ​പ്പം താമസി​ക്കാൻ തുടങ്ങി.

അങ്ങനെ​യി​രി​ക്കെ, അവളും സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി​യ​പ്പോൾ എന്റെ ജീവിതം വീണ്ടും ഒരു വഴിത്തി​രി​വി​ലെത്തി! പഠിച്ച​തി​നു ചേർച്ച​യിൽ അവൾ ജീവി​ത​ത്തിൽ വരുത്തിയ മാറ്റങ്ങൾ എന്നെ വല്ലാതെ ആകർഷി​ച്ചു. പ്രത്യേ​കിച്ച്‌ അവളുടെ ക്ഷമയും സൗമ്യ​ത​യും. ഒരിക്കൽ, യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​ലെ ഒരു യോഗ​ത്തി​നാ​യുള്ള ക്ഷണം ഞാൻ സ്വീക​രി​ച്ചു. അവി​ടെ​യു​ണ്ടാ​യി​രുന്ന ആളുകൾ മാന്യ​ത​യോ​ടെ​യും ദയയോ​ടെ​യും ആണ്‌ എന്നെ സ്വാഗതം ചെയ്‌തത്‌. അത്‌, ഇന്നുവരെ ഞാൻ കണ്ടു​പോന്ന ലോക​ത്തിൽനി​ന്നും തീർത്തും വ്യത്യസ്‌ത​മാ​യി​രു​ന്നു! എന്റെ കുടും​ബ​ത്തിൽനിന്ന്‌ അങ്ങനെ​യൊ​രു സ്‌നേഹം എനിക്ക്‌ ഇന്നുവരെ കിട്ടി​യി​ട്ടില്ല. കുട്ടി​ക്കാ​ലത്ത്‌ ആരും എന്നോട്‌ വാത്സല്യ​ത്തോ​ടെ​യും ദയയോ​ടെ​യും പെരു​മാ​റി​യി​ട്ടു​മില്ല. ഞാൻ ഏറ്റവും ആഗ്രഹി​ച്ചി​രുന്ന സുഹൃദ്‌ബന്ധം യഹോ​വ​യു​ടെ സാക്ഷി​ക​ളിൽനിന്ന്‌ എനിക്കു ലഭിച്ചു. അവർ ബൈബിൾ പഠിക്കാ​നുള്ള ക്ഷണം വെച്ചു​നീ​ട്ടി​യ​പ്പോൾ ഞാൻ സന്തോ​ഷ​ത്തോ​ടെ അത്‌ സ്വീക​രി​ച്ചു.

ബൈബിൾ പഠിച്ച​തി​ന്റെ ഫലമാ​യി​ട്ടാണ്‌ ഇന്നു ഞാൻ ജീവ​നോ​ടെ​യി​രി​ക്കു​ന്ന​തു​തന്നെ. അങ്ങനെ പറയാൻ ഒരു കാരണ​മുണ്ട്‌. ചൂതാ​ട്ട​ത്തിൽ ഏർപ്പെ​ട്ട​തി​നാൽ എനിക്ക്‌ 50,000 ഡോള​റി​ന്റെ (ഏകദേശം 24,50,000 രൂപ) കടബാ​ധ്യത വന്നു. അതു വീട്ടാ​നാ​യി എന്റെ രണ്ടു കൂട്ടാ​ളി​ക​ളു​മൊത്ത്‌ ഒരു കൊള്ള നടത്താൻ ഞങ്ങൾ പദ്ധതി​യി​ട്ടി​രു​ന്നു. പക്ഷെ ഞാൻ അതിൽനിന്ന്‌ നിന്ന്‌ പിന്മാറി. അത്‌ എത്ര നന്നാ​യെ​ന്നോ! കാരണം, എന്റെ കൂട്ടാ​ളി​കൾ ആ പദ്ധതി​യു​മാ​യി മുന്നോ​ട്ടു​പോ​യി. അതിൽ ഒരാൾ പോലീ​സി​ന്റെ പിടി​യി​ലാ​കു​ക​യും മറ്റെയാൾ കൊല്ല​പ്പെ​ടു​ക​യും ചെയ്‌തു.

ബൈബിൾപ​ഠ​നം തുടർന്ന​പ്പോ​ഴാണ്‌ എത്രമാ​ത്രം മാറ്റങ്ങൾ വരു​ത്തേ​ണ്ട​തു​ണ്ടെന്ന്‌ ഞാൻ തിരി​ച്ച​റി​ഞ്ഞത്‌. ഉദാഹ​ര​ണ​മാ​യി, 1 കൊരി​ന്ത്യർ 6:10 പറയുന്നു: “കള്ളന്മാർ, അത്യാ​ഗ്ര​ഹി​കൾ, മദ്യപ​ന്മാർ, ദൂഷക​ന്മാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല” എന്നാണ്‌. ആ വാക്യം വായി​ച്ച​പ്പോൾ എന്റെ പരിതാ​പ​ക​ര​മായ അവസ്ഥ ഓർത്ത്‌ ഞാൻ കരഞ്ഞു​പോ​യി. എന്റെ ജീവി​ത​ത്തിന്‌ മൊത്ത​ത്തിൽ ഒരു അഴിച്ചു​പ​ണി​വേ​ണ​മെന്ന്‌ മനസ്സി​ലാ​ക്കി. (റോമർ 12:2) കാരണം, ഞാൻ അക്രമ​സ്വ​ഭാ​വ​മു​ള്ള​വ​നും കലഹക്കാ​ര​നും ഒക്കെയാ​യി​രു​ന്നു. നുണകൾകൊണ്ട്‌ കെട്ടി​പ്പൊ​ക്കി​യ​താ​യി​രു​ന്നു എന്റെ ജീവിതം മുഴുവൻ.

ഇങ്ങനെ​യൊ​ക്കെ​യാ​യി​രു​ന്നെ​ങ്കി​ലും ബൈബിൾപ​ഠനം പുരോ​ഗ​മി​ച്ച​പ്പോൾ യഹോ​വ​യു​ടെ കരുണ​യും ക്ഷമയും ഞാൻ അനുഭ​വി​ച്ച​റി​ഞ്ഞു. (യെശയ്യാ​വു 1:18) പഴയകാല ജീവി​ത​രീ​തി​യിൽനിന്ന്‌ മോചനം നേടാൻ സഹായി​ക്ക​ണ​മേ​യെന്ന്‌ കണ്ണീ​രോ​ടെ ഞാൻ യഹോ​വ​യോട്‌ അപേക്ഷി​ച്ചു. സന്തോ​ഷ​ക​ര​മെന്നു പറയട്ടെ, യഹോ​വ​യു​ടെ സഹായ​ത്താൽ എന്റെ വ്യക്തി​ത്വ​ത്തിൽ പതു​ക്കെ​പ്പ​തു​ക്കെ മാറ്റങ്ങൾ വന്നുതു​ടങ്ങി. അതിൽപ്പെട്ട ഒരു പ്രധാ​ന​കാ​ര്യ​മാ​യി​രു​ന്നു ഞാനും എന്റെ കാമു​കി​യും തമ്മിലുള്ള വിവാഹം നിയമാ​നു​സൃ​ത​മാ​ക്കുക എന്നത്‌.

24 വയസ്സു​ണ്ടാ​യി​രുന്ന എനിക്ക്‌ അന്ന്‌ മൂന്ന്‌ കുട്ടി​ക​ളു​ണ്ടാ​യി​രു​ന്നു. മാന്യ​മായ ഒരു ജോലി കണ്ടുപി​ടി​ക്കുക എന്നതാ​യി​രു​ന്നു എന്റെ അടുത്ത വെല്ലു​വി​ളി. പക്ഷെ, എനിക്ക്‌ വിദ്യാ​ഭ്യാ​സം കുറവാ​യി​രു​ന്നെന്നു മാത്രമല്ല എന്നെ ശുപാർശ ചെയ്യാ​നും ആരും ഉണ്ടായി​രു​ന്നില്ല. വീണ്ടും ഞാൻ യഹോ​വ​യോട്‌ ആത്മാർഥ​മാ​യി പ്രാർഥി​ച്ചു. എന്നിട്ട്‌ ഞാൻ ഒരു ജോലി അന്വേ​ഷി​ക്കാൻ ഇറങ്ങി​ത്തി​രി​ച്ചു. മാന്യ​മായ ജീവിതം നയിക്കാ​നും സത്യസ​ന്ധ​മാ​യി ജോലി ചെയ്യാ​നും ആഗ്രഹി​ക്കു​ന്നു​വെന്ന്‌ ഞാൻ തൊഴി​ലു​ട​മ​ക​ളോട്‌ പറഞ്ഞു. കൂടാതെ, ഞാൻ ഇപ്പോൾ ബൈബിൾ പഠിച്ചു​കൊ​ണ്ടി​രി​ക്കു​ക​യാ​ണെ​ന്നും സമൂഹ​ത്തി​നു കൊള്ളാ​വുന്ന ഒരു വ്യക്തി​യാ​യി​ത്തീ​രാൻ ആഗ്രഹി​ക്കു​ന്നു​വെ​ന്നും ചില​പ്പോ​ഴൊ​ക്കെ അവരോട്‌ പറയു​മാ​യി​രു​ന്നു. അപ്പോ​ഴും, എനിക്കു ജോലി തരാൻ പലർക്കും മടിയാ​യി​രു​ന്നു. ഒരിക്കൽ ഒരു തൊഴി​ലു​ടമ ഇന്റർവ്യൂ നടത്തു​ന്ന​തി​നി​ട​യിൽ ഞാൻ എന്റെ, കഴിഞ്ഞ​കാല ജീവി​ത​ത്തെ​ക്കു​റിച്ച്‌ മനസ്സു​തു​റന്ന്‌ സംസാ​രി​ച്ച​പ്പോൾ അദ്ദേഹം ഇങ്ങനെ പറഞ്ഞു: “എന്താ​ണെന്ന്‌ അറിയില്ല നിങ്ങളെ ജോലിക്ക്‌ എടുക്ക​ണ​മെ​ന്നു​ത​ന്നെ​യാണ്‌ എന്റെ മനസ്സു പറയു​ന്നത്‌.” ഇത്‌ എന്റെ പ്രാർഥ​നയ്‌ക്ക്‌ ദൈവം നൽകിയ ഉത്തരമാ​ണെന്ന്‌ ബോധ്യ​മാ​യി. താമസി​യാ​തെ​തന്നെ, ഞാനും എന്റെ ഭാര്യ​യും യഹോ​വ​യു​ടെ സാക്ഷി​ക​ളാ​യി സ്‌നാ​ന​മേറ്റു.

എനിക്കു ലഭിച്ച പ്രയോ​ജ​നങ്ങൾ:

ബൈബിൾത​ത്ത്വ​ങ്ങൾ അനുസ​രി​ക്കു​ന്ന​തു​കൊ​ണ്ടും ക്രിസ്‌തീ​യ​ജീ​വി​ത​രീ​തി നയിക്കു​ന്ന​തു​കൊ​ണ്ടും ആണ്‌ ഇന്ന്‌ ഞാൻ ജീവ​നോ​ടെ​യി​രി​ക്കു​ന്നത്‌. ഇന്ന്‌ എന്റെ കുടും​ബ​ജീ​വി​തം വളരെ സന്തുഷ്ട​മാണ്‌. യഹോവ എന്നോട്‌ ക്ഷമിച്ചി​രി​ക്കു​ന്നു എന്ന തിരി​ച്ച​റിവ്‌ ഒരു ശുദ്ധമ​ന​സ്സാ​ക്ഷി​യോ​ടെ ജീവി​ക്കാൻ എന്നെ സഹായി​ക്കു​ന്നു.

കഴിഞ്ഞ 14 വർഷമാ​യി ആളുകളെ ബൈബിൾ പഠിക്കാൻ സഹായി​ച്ചു​കൊണ്ട്‌ ശുശ്രൂ​ഷ​യിൽ മുഴുവൻ സമയം ചെലവ​ഴി​ക്കു​ന്നു. അടുത്ത കാലത്താ​യി ഭാര്യ​യും മുഴു​സ​മ​യ​സേ​വ​ന​ത്തിൽ എന്നോ​ടൊ​പ്പം ചേർന്നു. കഴിഞ്ഞ 30-ലധികം വർഷങ്ങ​ളാ​യി യഹോ​വയെ ആരാധി​ക്കാൻ 22 സഹപ്ര​വർത്ത​കരെ സഹായി​ച്ച​തി​ന്റെ സന്തോ​ഷ​വും ഞാൻ ആസ്വദി​ക്കു​ന്നു. ഇപ്പോ​ഴും ഞാൻ ഷോപ്പിങ്‌ കേന്ദ്ര​ങ്ങ​ളിൽ പോകാ​റുണ്ട്‌—പണ്ട്‌ ചെയ്‌തി​രു​ന്ന​തു​പോ​ലെ ആളുകളെ കബളി​പ്പി​ക്കാ​നല്ല. പകരം, ആളുക​ളു​മാ​യി എന്റെ വിശ്വാ​സങ്ങൾ പങ്കു​വെ​ക്കാ​നാണ്‌. തട്ടിപ്പു​കാർ ഏതുമി​ല്ലാത്ത ഒരു പുതിയ ലോക​ത്തെ​ക്കു​റി​ച്ചുള്ള പ്രത്യാ​ശ​യാണ്‌ ഞാൻ അവർക്കു കൊടു​ക്കു​ന്നത്‌.—സങ്കീർത്തനം 37:10, 11. ▪ (w15-E 05/01)