“സത്യം പഠിക്കാൻ യഹോവ നിങ്ങളെ ഫ്രാൻസിൽ കൊണ്ടു​വന്നു”

ചെറു​പ്പ​ത്തിൽ ആന്റ്വാൻ സ്‌കേ​ലെ​ക്കിക്ക്‌ സന്തതസ​ഹ​ചാ​രി​യാ​യി ഒരു കുതി​ര​യു​ണ്ടാ​യി​രു​ന്നു. സമനി​ര​പ്പിൽനിന്ന്‌ 500 മീറ്റർ താഴെ​യുള്ള തുരങ്ക​ങ്ങ​ളി​ലെ, മങ്ങിയ വെളി​ച്ച​ത്തി​ലൂ​ടെ അവർ കൽക്കരി​ച്ചു​മ​ടു​ക​ളു​മാ​യി ഇഴഞ്ഞു​നീ​ങ്ങു​മാ​യി​രു​ന്നു. ആന്റ്വാന്റെ പിതാ​വിന്‌ ഒരു ഖനി അപകട​ത്തിൽ ഗുരു​ത​ര​മാ​യി പരു​ക്കേ​റ്റ​തി​നാൽ ആന്റ്വാനെ ജോലി​ക്കു​വി​ടാ​തെ ആ കുടും​ബ​ത്തിന്‌ മറ്റൊരു നിർവാ​ഹ​വു​മി​ല്ലാ​യി​രു​ന്നു. അവൻ ദിവസ​വും, ഖനിക​ളിൽ ഒൻപത്‌ മണിക്കൂർ കഠിനാ​ധ്വാ​നം ചെയ്‌തു​പോ​ന്നു. ഒരിക്കൽ ഒരു ഗുഹയിൽപ്പെട്ട ആന്റ്വാൻ മരണത്തി​ന്റെ വക്കോളം എത്തി.

ഫ്രാൻസി​ലെ​ത്തി​യ പോളിഷ്‌ കുടി​യേ​റ്റ​ക്കാർക്ക്‌ 1920-കളിലും 1930-കളിലും ജനിച്ച അനേകം കുട്ടി​ക​ളിൽ ഒരാളാ​യി​രു​ന്നു ആന്റ്വാൻ. പോള​ണ്ടു​കാർ എന്തിനാണ്‌ ഫ്രാൻസി​ലേക്ക്‌ കുടി​യേ​റി​യത്‌? ഒന്നാം ലോക​യു​ദ്ധം കഴിഞ്ഞ്‌ പോള​ണ്ടിന്‌ സ്വാത​ന്ത്ര്യം ലഭിച്ച​പ്പോൾ ജനപ്പെ​രു​പ്പം വലിയ ഒരു പ്രശ്‌ന​മാ​യി മാറി. ഫ്രാൻസി​നാ​കട്ടെ, യുദ്ധത്തിൽ പത്തുല​ക്ഷ​ത്തി​ലേറെ പുരു​ഷ​ന്മാ​രെ നഷ്ടമാ​കു​ക​യും ചെയ്‌തു. ഇത്‌ ഖനി​ത്തൊ​ഴി​ലാ​ളി​ക​ളു​ടെ എണ്ണത്തിൽ കാര്യ​മായ കുറവു​ണ്ടാ​ക്കി. അതു​കൊണ്ട്‌ ഫ്രാൻസി​ലെ​യും പോള​ണ്ടി​ലെ​യും ഗവണ്മെ​ന്റു​കൾ 1919 സെപ്‌റ്റം​ബ​റിൽ ഒരു കുടി​യേ​റ്റ​ക്ക​രാ​റിൽ ഒപ്പു​വെച്ചു. 1931 ആയപ്പോ​ഴേ​ക്കും, ഫ്രാൻസി​ന്റെ വടക്കു​ഭാ​ഗ​ത്തുള്ള ഖനി​മേ​ഖ​ല​ക​ളിൽ കുടി​യേ​റ്റ​ക്കാ​രായ പോള​ണ്ടു​കാർ താമസ​മു​റ​പ്പിച്ച്‌ തുടങ്ങി. അതോടെ അവരുടെ എണ്ണം 5,07,800 ആയി.

കഠിനാ​ധ്വാ​നി​ക​ളാ​യി​രുന്ന പോളിഷ്‌ കുടി​യേ​റ്റ​ക്കാർ ആഴമേ​റിയ മതവി​കാ​രങ്ങൾ ഉൾപ്പെ​ടെ​യുള്ള തങ്ങളുടെ വ്യതി​രി​ക്ത​മായ സംസ്‌കാ​ര​വും കൂടെ​ക്കൊ​ണ്ടു​വന്നു. ഇപ്പോൾ 90 വയസ്സുള്ള ആന്റ്വാൻ പറയുന്നു: “എന്റെ വല്യപ്പച്ചൻ ജോസഫ്‌, വിശുദ്ധ തിരു​വെ​ഴു​ത്തു​ക​ളെ​ക്കു​റിച്ച്‌ വളരെ ആദര​വോ​ടെ​യാണ്‌ സംസാ​രി​ച്ചി​രു​ന്നത്‌. അദ്ദേഹ​ത്തി​ന്റെ പിതാവ്‌ പഠിപ്പി​ച്ചു​കൊ​ടു​ത്ത​താണ്‌ ഇത്‌.” ഞായറാ​ഴ്‌ച​ക​ളിൽ പോളിഷ്‌ ഖനി​ത്തൊ​ഴി​ലാ​ളി​ക​ളു​ടെ കുടും​ബങ്ങൾ നാട്ടി​ലാ​യി​രു​ന്ന​പ്പോൾ ചെയ്‌തി​രു​ന്ന​തു​പോ​ലെ​തന്നെ തങ്ങൾക്കു​ള്ള​തിൽ ഏറ്റവും നല്ല വസ്‌ത്രങ്ങൾ ധരിച്ച്‌ പള്ളിയിൽ പോകു​മാ​യി​രു​ന്നു. മതചി​ന്ത​യി​ല്ലാത്ത ചില ഫ്രഞ്ചു​കാർ അവജ്ഞ​യോ​ടെ​യാണ്‌ ഇത്‌ കണ്ടിരു​ന്നത്‌.

നോർദ്‌-പാസ്‌-ദെ-കലൈ​യിൽ വെച്ചാണ്‌ പല പോളിഷ്‌ കുടി​യേ​റ്റ​ക്കാ​രും ബൈബിൾവി​ദ്യാർഥി​ക​ളു​മാ​യി സമ്പർക്ക​ത്തി​ലാ​കു​ന്നത്‌. 1904 മുതൽ ബൈബിൾവി​ദ്യാർഥി​കൾ ആ പ്രദേ​ശ​ങ്ങ​ളിൽ തീക്ഷ്‌ണ​ത​യോ​ടെ പ്രവർത്തി​ക്കു​ന്നു​ണ്ടാ​യി​രു​ന്നു. 1915 ആയപ്പോൾ വീക്ഷാ​ഗോ​പു​രം എല്ലാ മാസവും പോളിഷ്‌ ഭാഷയിൽ അച്ചടി​ച്ചു​തു​ടങ്ങി. 1925 ആയപ്പോൾ സുവർണ​യു​ഗം (ഇപ്പോൾ ഉണരുക!) മാസി​ക​യും ആ ഭാഷയിൽ ലഭ്യമാ​യി. ഈ മാസി​ക​ക​ളി​ലെ​യും പോളിഷ്‌ ഭാഷയി​ലുള്ള ദൈവ​ത്തി​ന്റെ കിന്നരം എന്ന പുസ്‌ത​ക​ത്തി​ലെ​യും തിരു​വെ​ഴു​ത്താ​ശ​യങ്ങൾ മിക്ക കുടും​ബ​ങ്ങൾക്കും സ്വീകാ​ര്യ​മാ​യി.

ആന്റ്വാന്റെ കുടും​ബം ബൈബിൾവി​ദ്യാർഥി​ക​ളെ​ക്കു​റിച്ച്‌ അറിയു​ന്നത്‌ അദ്ദേഹ​ത്തി​ന്റെ അമ്മാവ​നിൽനി​ന്നാണ്‌. 1924-ലാണ്‌ ഈ അമ്മാവൻ ആദ്യമാ​യി ബൈബിൾവി​ദ്യാർഥി​ക​ളു​ടെ യോഗ​ത്തിൽ പങ്കെടു​ത്തത്‌. അതേവർഷം ബൃവേ-എൻ-ആർട്ടോ​യിൽ വെച്ച്‌ ബൈബിൾവി​ദ്യാർഥി​കൾ പോളിഷ്‌ ഭാഷയിൽ ആദ്യത്തെ സമ്മേളനം സംഘടി​പ്പി​ച്ചു. ഒരു മാസത്തി​നകം ആ നഗരത്തിൽ വെച്ചു​തന്നെ ലോകാ​സ്ഥാ​ന​ത്തു​നി​ന്നുള്ള പ്രതി​നി​ധി ജോസഫ്‌ എഫ്‌. റഥർഫോർഡ്‌ ഒരു പരസ്യ​യോ​ഗം നടത്തി. അതിന്‌ 2,000 പേർ കൂടി​വന്നു. മിക്കവ​രും പോള​ണ്ടു​കാ​രാ​യി​രു​ന്നു. ആ വൻ ജനക്കൂ​ട്ടത്തെ കണ്ട്‌ വികാ​ര​ഭ​രി​ത​നാ​യി റഥർഫോർഡ്‌ സഹോ​ദരൻ അവരോട്‌ ഇങ്ങനെ പറഞ്ഞു: “സത്യം പഠിക്കാ​നാണ്‌ യഹോവ നിങ്ങളെ ഫ്രാൻസിൽ കൊണ്ടു​വ​ന്നത്‌. ഇപ്പോൾ നിങ്ങളും മക്കളും ഫ്രഞ്ചു​കാ​രെ സഹായി​ക്കണം! വലിയ ഒരു പ്രസം​ഗ​വേല ഇനിയും ചെയ്യാ​നുണ്ട്‌. അതിനുള്ള പ്രചാ​ര​കരെ യഹോവ പ്രദാനം ചെയ്യും.”

അതുത​ന്നെ​യാണ്‌ യഹോവ ചെയ്‌ത​തും. ഖനിക​ളിൽ കഠിന​വേല ചെയ്‌തി​രു​ന്ന​തു​പോ​ലെ ഈ ക്രിസ്‌ത്യാ​നി​കൾ മുഴു​ഹൃ​ദ​യ​ത്തോ​ടെ പ്രസം​ഗ​വേ​ല​യി​ലും പങ്കെടു​ത്തു. തങ്ങൾ പഠിച്ച വില​യേ​റിയ സത്യം പങ്കു​വെ​ക്കാ​നാ​യി ചിലർ സ്വദേ​ശ​മായ പോള​ണ്ടി​ലേക്ക്‌ തിരി​ച്ചു​പോ​യി. പോള​ണ്ടി​ന്റെ വിശാ​ല​മായ ഭൂഭാ​ഗ​ങ്ങ​ളിൽ സുവാർത്ത വ്യാപി​പ്പി​ക്കാ​നാ​യി ഫ്രാൻസ്‌ വിട്ടവ​രു​ടെ കൂട്ടത്തിൽ തിയോ​ഫിൽ പിയാ​സ്‌കോ​വ്‌സ്‌കി, ഷ്‌റ്റെ​ഫാൻ കൊസി​യാക്‌, യാൻ സബുദാ തുടങ്ങി​യ​വ​രു​ണ്ടാ​യി​രു​ന്നു.

പക്ഷെ, പോളിഷ്‌ ഭാഷക്കാ​രായ മിക്ക സുവി​ശേ​ഷ​ക​രും ഫ്രാൻസിൽത്തന്നെ താമസിച്ച്‌ തങ്ങളുടെ ഫ്രഞ്ചു​കാ​രായ സഹോ​ദ​ര​ങ്ങ​ളോ​ടൊ​പ്പം തീക്ഷ്‌ണ​ത​യോ​ടെ പ്രസം​ഗ​വേ​ല​യിൽ തുടർന്നു. 1926-ൽ സാൻ-എൽ-നൊബൽ പട്ടണത്തിൽ നടന്ന സമ്മേള​ന​ത്തിൽ പോളിഷ്‌ സെഷനിൽ 1,000 പേർ പങ്കെടു​ത്തു. ഒപ്പം 300 ഫ്രഞ്ചു​കാ​രും സന്നിഹി​ത​രാ​യി​രു​ന്നു. 1929-ലെ വാർഷി​ക​പു​സ്‌തകം (ഇംഗ്ലീഷ്‌) ഇങ്ങനെ പറയുന്നു: “ആ വർഷം 332 പോള​ണ്ടു​കാർ സമർപ്പിച്ച്‌ സ്‌നാ​ന​മേറ്റു.” രണ്ടാം ലോക​യു​ദ്ധം തുടങ്ങു​ന്ന​തി​നു മുമ്പ്‌ ഫ്രാൻസി​ലു​ണ്ടാ​യി​രുന്ന 84 സഭകളിൽ 32 എണ്ണവും പോളിഷ്‌ സംസാ​രി​ക്കു​ന്ന​വ​യാ​യി​രു​ന്നു.

1947-ൽ നിരവധി സാക്ഷികൾ പോള​ണ്ടി​ലേക്ക്‌ തിരി​കെ​ച്ചെ​ല്ലാ​നുള്ള പോളിഷ്‌ ഗവണ്മെ​ന്റി​ന്റെ ക്ഷണം സ്വീക​രി​ച്ചു. അവർ അവിടെ നിന്ന്‌ പോ​യെ​ങ്കി​ലും അവരു​ടെ​യും ഫ്രഞ്ച്‌ സഹവി​ശ്വാ​സി​ക​ളു​ടെ​യും പരി​ശ്ര​മ​ത്തി​ന്റെ ഫലം ആ വർഷത്തെ രാജ്യ​പ്ര​ചാ​ര​ക​രു​ടെ പത്തു ശതമാനം വർധന​വിൽ കാണാൻ കഴിഞ്ഞു. ഇതെത്തു​ടർന്ന്‌, 20-ഉം 23-ഉം 40-ഉം ശതമാനം വർധന​വാണ്‌ 1948 മുതൽ 1950 വരെയുള്ള വർഷങ്ങ​ളിൽ ഉണ്ടായത്‌. ഈ പുതിയ പ്രചാ​ര​കരെ പരിശീ​ലി​പ്പി​ക്കാൻ ഫ്രാൻസി​ലെ ബ്രാ​ഞ്ചോ​ഫീസ്‌ 1948-ൽ ആദ്യമാ​യി സർക്കിട്ട്‌ മേൽവി​ചാ​ര​കൻമാ​രെ നിയമി​ച്ചു. തിര​ഞ്ഞെ​ടുത്ത അഞ്ചു​പേ​രിൽ നാലു​പേ​രും പോള​ണ്ടു​കാ​രാ​യി​രു​ന്നു. അവരിൽ ഒരാളാ​യി​രു​ന്നു ആന്റ്വാൻ സ്‌കേ​ലെക്കി.

ഇന്നും ഫ്രാൻസി​ലെ യഹോ​വ​യു​ടെ സാക്ഷി​ക​ളിൽ ഒരുപാട്‌ പേർക്ക്‌, ഖനിക​ളി​ലും ഒപ്പം വയൽശു​ശ്രൂ​ഷ​യി​ലും കഠിനാ​ധ്വാ​നം ചെയ്‌ത തങ്ങളുടെ പൂർവി​ക​രു​ടെ പോളിഷ്‌ കുടും​ബ​പ്പേ​രു​ക​ളാണ്‌ ഉള്ളത്‌. ഇക്കാല​ത്തും കുടി​യേ​റ്റ​ക്കാ​രു​ടെ വലിയ കൂട്ടങ്ങൾതന്നെ ഫ്രാൻസിൽ സത്യം പഠിക്കു​ന്നു. മറ്റ്‌ രാജ്യ​ങ്ങ​ളിൽനി​ന്നുള്ള ഈ സുവി​ശേ​ഷകർ സ്വദേ​ശ​ത്തേക്ക്‌ മടങ്ങി​പ്പോ​കു​ക​യോ പുതിയ താമസ​സ്ഥ​ലത്ത്‌ തങ്ങുക​യോ ചെയ്യാ​റുണ്ട്‌. എങ്ങനെ ആയാലും ശരി, അവർ തീക്ഷ്‌ണ​ത​യുള്ള രാജ്യ​ഘോ​ഷ​ക​രെന്ന നിലയിൽ തങ്ങളുടെ പോളിഷ്‌ മുൻഗാ​മി​ക​ളു​ടെ പാത പിൻപ​റ്റു​ന്നു.—ഫ്രാൻസി​ലെ ശേഖര​ത്തിൽനിന്ന്‌.