പ്രവാ​ച​ക​ന്മാ​രി​ലൂ​ടെ ദൈവ​ത്തെ​ക്കു​റിച്ച്‌ അറിയാം

അബ്രാഹാം

പക്ഷപാ​ത​മി​ല്ലാ​തെ എല്ലാ മനുഷ്യ​രെ​യും അനു​ഗ്ര​ഹി​ക്കാൻ ദൈവം ആഗ്രഹി​ക്കു​ന്നു.

ദൈവം പ്രവാ​ച​ക​നായ അബ്രാ​ഹാ​മി​നോട്‌ പറഞ്ഞത്‌ ഇങ്ങനെ​യാണ്‌: “നിന്നി​ലൂ​ടെ ഭൂമി​യി​ലെ കുടും​ബ​ങ്ങ​ളെ​ല്ലാം ഉറപ്പാ​യും അനു​ഗ്രഹം നേടും.”​—ഉൽപത്തി 12:3.

നമുക്ക്‌ എന്തു പഠിക്കാം? ദൈവം നമ്മളെ വളരെ​യ​ധി​കം സ്‌നേ​ഹി​ക്കു​ന്നു. തന്നെ അനുസ​രി​ക്കുന്ന എല്ലാ കുടും​ബ​ങ്ങ​ളെ​യും അനു​ഗ്ര​ഹി​ക്കാൻ ദൈവം ആഗ്രഹി​ക്കു​ന്നുണ്ട്‌. അതിൽ, സ്‌ത്രീ​ക​ളും പുരു​ഷ​ന്മാ​രും കുട്ടി​ക​ളും ഉൾപ്പെ​ടും.

മോശ

ദൈവം കരുണാ​മ​യ​നും തന്നെ അറിയാൻ ശ്രമിക്കുന്നവരെ അനു​ഗ്ര​ഹി​ക്കു​ന്ന​വ​നു​മാണ്‌.

വലിയ അത്ഭുതങ്ങൾ ചെയ്യാ​നുള്ള ശക്തി സർവ്വശ​ക്ത​നായ ദൈവം പ്രവാ​ച​ക​നായ മോശ​യ്‌ക്കു കൊടു​ത്തു. എന്നിട്ടും മോശ ഇങ്ങനെ പ്രാർഥി​ച്ചു: “അങ്ങയുടെ വഴികൾ എന്നെ അറിയി​ക്കേ​ണമേ. എങ്കിൽ എനിക്ക്‌ അങ്ങയെ അറിഞ്ഞ്‌ തുടർന്നും അങ്ങയുടെ പ്രീതി​പാ​ത്ര​മാ​യി കഴിയാൻ പറ്റുമ​ല്ലോ.” (പുറപ്പാട്‌ 33:13) മോശ​യു​ടെ ഈ അപേക്ഷ ദൈവ​ത്തിന്‌ ഇഷ്ടമായി. തന്റെ വഴിക​ളെ​ക്കു​റി​ച്ചും ഗുണങ്ങ​ളെ​ക്കു​റി​ച്ചും കൂടുതൽ അറിവു നേടാ​നും കാര്യങ്ങൾ ഗ്രഹി​ക്കാ​നും ഉള്ള അനു​ഗ്രഹം ദൈവം മോശ​യ്‌ക്കു കൊടു​ത്തു. അങ്ങനെ ദൈവം “കരുണ​യും അനുക​മ്പ​യും ഉള്ള” സ്രഷ്ടാ​വാ​ണെന്നു മോശ മനസ്സി​ലാ​ക്കി.​—പുറപ്പാട്‌ 34:6, 7.

നമുക്ക്‌ എന്തു പഠിക്കാം? തന്നെ അടുത്ത​റി​യാൻ ശ്രമി​ക്കുന്ന എല്ലാ പുരു​ഷ​ന്മാ​രെ​യും സ്‌ത്രീ​ക​ളെ​യും കുട്ടി​ക​ളെ​യും അനു​ഗ്ര​ഹി​ക്കാ​നും അവരിൽ പ്രസാ​ദി​ക്കാ​നും ദൈവം അതിയാ​യി ആഗ്രഹി​ക്കു​ന്നു. തന്നെ എങ്ങനെ ആരാധി​ക്ക​ണ​മെന്ന കാര്യം ദൈവം വിശു​ദ്ധ​തി​രു​വെ​ഴു​ത്തു​ക​ളിൽ പറഞ്ഞി​ട്ടുണ്ട്‌.

യേശു

യേശു​വി​നെ​ക്കു​റി​ച്ചും യേശു ചെയ്‌ത​തും പഠിപ്പി​ച്ച​തും ആയ കാര്യ​ങ്ങ​ളെ​ക്കു​റി​ച്ചും മനസ്സി​ലാ​ക്കു​ന്നതു നിത്യാ​നു​ഗ്ര​ഹങ്ങൾ നേടി​ത്ത​രും.

യേശു​വി​ന്റെ ജീവി​ത​ത്തെ​ക്കു​റി​ച്ചും പഠിപ്പി​ക്ക​ലി​നെ​ക്കു​റി​ച്ചും ഉള്ള വിശദാം​ശങ്ങൾ ദൈവ​വ​ച​ന​ത്തിൽ ഉണ്ട്‌. വലിയ വലിയ അത്ഭുതങ്ങൾ ചെയ്യാ​നുള്ള ശക്തി ദൈവം യേശു​വി​നു കൊടു​ത്തു. അന്ധരെ​യും ബധിര​രെ​യും മുടന്ത​രെ​യും യേശു സുഖ​പ്പെ​ടു​ത്തി. മരിച്ച​വ​രെ​പ്പോ​ലും യേശു ജീവനി​ലേക്കു കൊണ്ടു​വന്നു. അതുവഴി ദൈവം ഭാവി​യിൽ മുഴു​മ​നു​ഷ്യ​കു​ടും​ബ​ത്തി​നും കൊടു​ക്കാൻപോ​കുന്ന അനു​ഗ്ര​ഹങ്ങൾ എന്തൊക്കെ ആയിരി​ക്കു​മെന്നു യേശു കാണി​ച്ചു​തന്നു. ആ അനു​ഗ്ര​ഹ​ങ്ങ​ളൊ​ക്കെ നമുക്കു എങ്ങനെ ആസ്വദി​ക്കാൻ കഴിയു​മെന്നു യേശു വിശദീ​ക​രി​ച്ചു. ബൈബിൾ പറയു​ന്നത്‌ ഇതാണ്‌: ‘ഏകസത്യ​ദൈ​വ​ത്തെ​യും യേശു​ക്രി​സ്‌തു​വി​നെ​യും അറിയു​ന്ന​താ​ണു നിത്യ​ജീ​വൻ.’​—യോഹ​ന്നാൻ 17:3.

യേശു അനുക​മ്പ​യും ആർദ്ര​ത​യും ദയയും ഉള്ള വ്യക്തി​യാ​യി​രു​ന്നു. പുരു​ഷ​ന്മാ​രും സ്‌ത്രീ​ക​ളും, ചെറു​പ്പ​ക്കാ​രും പ്രായ​മാ​യ​വ​രും യേശു​വി​ന്റെ ക്ഷണത്തോട്‌ അനുകൂ​ല​മാ​യി പ്രതി​ക​രി​ച്ചു. ക്ഷണം ഇതായി​രു​ന്നു, “എന്നിൽനിന്ന്‌ പഠിക്കൂ. ഞാൻ സൗമ്യ​നും താഴ്‌മ​യു​ള്ള​വ​നും ആയതു​കൊണ്ട്‌ നിങ്ങൾക്ക്‌ ഉന്മേഷം കിട്ടും.” (മത്തായി 11:29) യേശു ജീവി​ച്ചി​രുന്ന കാലത്ത്‌ പലരും സ്‌ത്രീ​ക​ളോട്‌ അപമര്യാ​ദ​യോ​ടെ​യാണ്‌ പെരു​മാ​റി​യത്‌. എന്നാൽ യേശു ദയയോ​ടും അന്തസ്സോ​ടും മര്യാ​ദ​യോ​ടും കൂടെ സ്‌ത്രീ​ക​ളോട്‌ ഇടപെട്ടു.

നമുക്ക്‌ എന്തു പഠിക്കാം? യേശു ആളുക​ളോട്‌ ആഴമായ സ്‌നേഹം കാണിച്ചു. അങ്ങനെ മറ്റുള്ള​വ​രോട്‌ എങ്ങനെ ഇടപെ​ട​ണ​മെ​ന്ന​തി​നുള്ള നല്ല മാതൃക കാണി​ച്ചു​തന്നു.

യേശു സർവശ​ക്ത​നായ ദൈവമല്ല

വിശു​ദ്ധ​തി​രു​വെ​ഴു​ത്തു​കൾ പഠിപ്പി​ക്കു​ന്നത്‌ “ഏക​ദൈ​വമേ നമുക്കു​ള്ളൂ” എന്നും യേശു​ക്രി​സ്‌തു ദൈവ​ത്തി​ന്റെ ഒരു സന്ദേശ​വാ​ഹ​ക​നാണ്‌ എന്നും ആണ്‌. (1 കൊരി​ന്ത്യർ 8:6) ദൈവം തന്നെക്കാൾ ഉയർന്ന​വ​നാ​ണെ​ന്നും ആ ദൈവ​മാണ്‌ തന്നെ ഭൂമി​യി​ലേക്ക്‌ അയച്ച​തെ​ന്നും യേശു വ്യക്തമാ​ക്കി.​—യോഹ​ന്നാൻ 11:41, 42; 14:28.a