ശാന്തരാ​യി​രുന്ന്‌ യഹോ​വ​യിൽ ആശ്രയി​ക്കുക

1. ദാവീദ്‌ രാജാ​വി​നെ​പ്പോ​ലെ നമ്മളിൽ ചിലർ എന്തു ചോദി​ച്ചേ​ക്കാം?

ശാന്തത​യും സമാധാ​ന​വും ഉള്ള ഒരു ജീവിതം ഉണ്ടായി​രി​ക്കാ​നാണ്‌ നമ്മൾ എല്ലാം ആഗ്രഹി​ക്കു​ന്നത്‌. ഉത്‌കണ്‌ഠ നമുക്ക്‌ ആർക്കും ഇഷ്ടമുള്ള ഒന്നല്ല. എങ്കിലും ചില​പ്പോ​ഴൊ​ക്കെ ഉത്‌കണ്‌ഠ നമ്മളെ വരിഞ്ഞു​മു​റു​ക്കി​യേ​ക്കാം. ദാവീദ്‌ രാജാവ്‌ യഹോ​വ​യോ​ടു ചോദി​ച്ച​തു​പോ​ലെ ഇന്നത്തെ ചില ദൈവ​ദാ​സ​രും ഇങ്ങനെ ചോദി​ക്കാ​നി​ട​യുണ്ട്‌: “ഞാൻ എത്ര നാൾ ആകുല​ചി​ത്ത​നാ​യി കഴിയണം? എത്ര കാലം ദുഃഖ​ഭാ​ര​മുള്ള ഹൃദയ​ത്തോ​ടെ ദിവസങ്ങൾ ഒന്നൊ​ന്നാ​യി തള്ളിനീ​ക്കണം?”​—സങ്കീ. 13:2.

2. നമ്മൾ ഈ ലേഖന​ത്തിൽ എന്താണു പഠിക്കാൻ പോകു​ന്നത്‌?

² ഉത്‌ക​ണ്‌ഠ​യിൽനിന്ന്‌ ഒരു പൂർണ​മോ​ചനം നമുക്ക്‌ ഇപ്പോൾ പ്രതീ​ക്ഷി​ക്കാ​നാ​വി​ല്ലെ​ങ്കി​ലും ഒരു പരിധി​വരെ നമുക്ക്‌ അതിനെ നിയ​ന്ത്രി​ക്കാ​നാ​കും. ഈ ലേഖന​ത്തിൽ നമ്മൾ ആദ്യം ഉത്‌ക​ണ്‌ഠ​യു​ടെ ചില കാരണങ്ങൾ ചിന്തി​ക്കും. അതു കഴിഞ്ഞ്‌, പ്രശ്‌നങ്ങൾ നേരി​ടു​മ്പോ​ഴും ശാന്തരാ​യി നിൽക്കാൻ നമ്മളെ സഹായി​ക്കുന്ന ആറു കാര്യങ്ങൾ ചർച്ച ചെയ്യും.

ഉത്‌ക​ണ്‌ഠ​യ്‌ക്ക്‌ ഇടയാ​ക്കി​യേ​ക്കാ​വുന്ന കാര്യങ്ങൾ

3. നമ്മളെ ഏതെല്ലാം കാര്യങ്ങൾ ഉത്‌ക​ണ്‌ഠ​പ്പെ​ടു​ത്തി​യേ​ക്കാം, അവയു​ടെ​മേൽ നമുക്കു നിയ​ന്ത്ര​ണ​മു​ണ്ടോ?

³ ഉത്‌ക​ണ്‌ഠ​യ്‌ക്ക്‌ ഇടയാ​ക്കി​യേ​ക്കാ​വുന്ന പല കാര്യ​ങ്ങ​ളുണ്ട്‌. പക്ഷേ അവയിൽ മിക്കവ​യും നമ്മുടെ നിയ​ന്ത്ര​ണ​ത്തി​ലു​ള്ള​വയല്ല. ഉദാഹ​ര​ണ​ത്തിന്‌, ഭക്ഷണം, വസ്‌ത്രം, താമസ​സൗ​ക​ര്യ​ങ്ങൾ എന്നിവ​യു​ടെ ചെലവ്‌ ഓരോ വർഷവും ഉയരു​ക​യാണ്‌. അതു തടയാൻ നമുക്ക്‌ ഒന്നും ചെയ്യാ​നാ​കില്ല. അതു​പോ​ലെ​ത​ന്നെ​യാണ്‌ കള്ളത്തരം കാണി​ക്കാ​നോ അധാർമി​ക​ത​യിൽ ഏർപ്പെ​ടാ​നോ നമ്മളെ കൂടെ​ക്കൂ​ടെ പ്രേരി​പ്പി​ക്കുന്ന സഹപാ​ഠി​ക​ളു​ടെ​യും സഹജോ​ലി​ക്കാ​രു​ടെ​യും കാര്യ​വും. നമ്മുടെ ചുറ്റു​പാ​ടും നടക്കുന്ന കുറ്റകൃ​ത്യ​ങ്ങൾ തടയാ​നും നമുക്ക്‌ കഴിയില്ല. ഇന്നുള്ള മിക്ക ആളുക​ളും ബൈബിൾത​ത്ത്വ​ങ്ങൾക്ക്‌ ചേർച്ച​യി​ലല്ല ചിന്തി​ക്കു​ക​യും പ്രവർത്തി​ക്കു​ക​യും ചെയ്യു​ന്നത്‌. അതു​കൊ​ണ്ടാണ്‌ നമുക്ക്‌ ഇത്തരം പ്രശ്‌ന​ങ്ങ​ളൊ​ക്കെ നേരി​ടേ​ണ്ടി​വ​രു​ന്നത്‌. കൂടാതെ ‘ഈ വ്യവസ്ഥി​തി​യി​ലെ ഉത്‌ക​ണ്‌ഠകൾ’ പിടി​കൂ​ടി​യാൽ ചില ആളുകൾ യഹോ​വയെ സേവി​ക്കു​ന്നതു നിറു​ത്തു​മെന്ന്‌ ഈ ലോക​ത്തി​ന്റെ ദൈവ​മായ സാത്താന്‌ അറിയാം. (മത്താ. 13:22; 1 യോഹ. 5:19) നമ്മളെ സമ്മർദ​ത്തി​ലാ​ക്കുന്ന പ്രശ്‌ന​ങ്ങൾകൊണ്ട്‌ ഈ ലോകം നിറഞ്ഞി​രി​ക്കു​ന്ന​തിൽ അത്ഭുത​പ്പെ​ടാ​നു​ണ്ടോ?

4. കഠിന​മായ സമ്മർദ​ങ്ങ​ളു​ണ്ടാ​കു​മ്പോൾ അതു നമ്മുടെ മനസ്സിനെ എങ്ങനെ ബാധി​ച്ചേ​ക്കാം?

⁴ കഠിന​മായ സമ്മർദ​ങ്ങ​ളു​ണ്ടാ​കു​മ്പോൾ നമ്മുടെ മനസ്സ്‌ ആകെ അസ്വസ്ഥ​മാ​യേ​ക്കാം. ഉദാഹ​ര​ണ​ത്തിന്‌, ആവശ്യ​മുള്ള സാധനങ്ങൾ വാങ്ങാൻ പണമി​ല്ലാ​തെ വരുമോ, എന്തെങ്കി​ലും രോഗം പിടി​പെ​ട്ടിട്ട്‌ ജോലി ചെയ്യാ​നാ​കാ​തെ വരുമോ, അല്ലെങ്കിൽ ജോലി​തന്നെ നഷ്ടപ്പെ​ടു​മോ എന്നൊക്കെ ചിലർ വേവലാ​തി​പ്പെ​ട്ടേ​ക്കാം. ഇനി, ദൈവ​നി​യമം ലംഘിച്ച്‌ ദൈവ​ത്തോട്‌ അവിശ്വ​സ്‌ത​നാ​യി​ത്തീ​രു​മോ എന്ന്‌ ചിലർ ഉത്‌ക​ണ്‌ഠ​പ്പെ​ടു​ന്നു. തന്റെ സ്വാധീ​ന​ത്തി​ലു​ള്ള​വരെ ഉപയോ​ഗിച്ച്‌ പെട്ടെ​ന്നു​തന്നെ സാത്താൻ ദൈവ​ജ​നത്തെ ആക്രമി​ക്കു​മ്പോൾ നമ്മൾ എങ്ങനെ പ്രതി​ക​രി​ക്കും എന്നതാ​യി​രി​ക്കാം നമ്മുടെ ഉത്‌കണ്‌ഠ. ‘ഇങ്ങനെ​യുള്ള കാര്യ​ങ്ങ​ളെ​ക്കു​റി​ച്ചെ​ല്ലാം ആകുല​പ്പെ​ടു​ന്ന​തിൽ തെറ്റു​ണ്ടോ?’ എന്ന്‌ നമ്മൾ ചിന്തി​ച്ചേ​ക്കാം.

5. “ഇനി ഉത്‌ക​ണ്‌ഠ​പ്പെ​ട​രുത്‌” എന്നു പറഞ്ഞ​പ്പോൾ യേശു എന്താണ്‌ അർഥമാ​ക്കി​യത്‌?

⁵ യേശു തന്റെ അനുഗാ​മി​ക​ളോട്‌ ഇങ്ങനെ പറഞ്ഞു: “ഇനി ഉത്‌ക​ണ്‌ഠ​പ്പെ​ട​രുത്‌.” (മത്താ. 6:25) നമ്മൾ ഒന്നി​നെ​ക്കു​റി​ച്ചും ഓർത്ത്‌ വിചാ​ര​പ്പെ​ട​രുത്‌ എന്നാണോ യേശു ഉദ്ദേശി​ച്ചത്‌? അങ്ങനെയല്ല. മുൻകാ​ല​ങ്ങ​ളിൽ ജീവി​ച്ചി​രുന്ന യഹോ​വ​യു​ടെ ദാസരിൽ ചിലർക്കും ഉത്‌ക​ണ്‌ഠകൾ തോന്നി​യി​ട്ടുണ്ട്‌. പക്ഷേ അവർക്കൊ​ന്നും യഹോ​വ​യു​ടെ പ്രീതി നഷ്ടപ്പെ​ട്ടില്ല.b (1 രാജാ. 19:4; സങ്കീ. 6:3) സത്യത്തിൽ, നമുക്ക്‌ ധൈര്യം പകരാൻവേ​ണ്ടി​യാണ്‌ യേശു അങ്ങനെ പറഞ്ഞത്‌. കാരണം യഹോ​വ​യ്‌ക്കുള്ള സേവന​മാ​യി​രി​ക്കണം നമ്മുടെ ജീവി​ത​ത്തിൽ ഒന്നാമത്‌. അനുദിന ജീവിത ഉത്‌ക​ണ്‌ഠകൾ അതി​നൊ​രു തടസ്സമാ​കാൻ യേശു ആഗ്രഹി​ച്ചില്ല. അങ്ങനെ​യെ​ങ്കിൽ നമ്മുടെ ഉത്‌ക​ണ്‌ഠകൾ കുറയ്‌ക്കാൻ എന്തെങ്കി​ലും വഴിക​ളു​ണ്ടോ?​—“ഉത്‌ക​ണ്‌ഠകൾ കുറയ്‌ക്കാൻ” എന്ന ചതുരം കാണുക.

ശാന്തരാ​യി​രി​ക്കാൻ സഹായി​ക്കുന്ന ആറു കാര്യങ്ങൾ

6. ഫിലി​പ്പി​യർ 4:6, 7 പറയു​ന്ന​ത​നു​സ​രിച്ച്‌ ശാന്തരാ​യി​രി​ക്കാൻ നമ്മളെ എന്തു സഹായി​ക്കും?

⁶ (1) കൂടെ​ക്കൂ​ടെ പ്രാർഥി​ക്കുക. നിങ്ങൾ ഏതെങ്കി​ലും പ്രശ്‌ന​ത്തെ​ക്കു​റിച്ച്‌ ഓർത്ത്‌ വിഷമി​ച്ചി​രി​ക്കു​ക​യാ​ണോ? എങ്കിൽ ആത്മാർഥ​മാ​യി യഹോ​വ​യോട്‌ പ്രാർഥി​ക്കുക. (1 പത്രോ. 5:7) “മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം” തന്നു​കൊണ്ട്‌ യഹോവ നിങ്ങളു​ടെ പ്രാർഥ​ന​കൾക്ക്‌ ഉത്തരം തരും. (ഫിലി​പ്പി​യർ 4:6, 7 വായി​ക്കുക.) യഹോവ തന്റെ പരിശു​ദ്ധാ​ത്മാ​വി​നെ ഉപയോ​ഗി​ച്ചു​കൊണ്ട്‌ നമ്മുടെ മനസ്സിനെ ശാന്തമാ​ക്കും.​—ഗലാ. 5:22.

7. ദൈവ​ത്തോ​ടു പ്രാർഥി​ക്കു​മ്പോൾ നമ്മൾ എന്തു മനസ്സിൽപ്പി​ടി​ക്കണം?

⁷ പ്രാർഥി​ക്കു​മ്പോൾ നിങ്ങളു​ടെ ഹൃദയം തുറന്ന്‌ നിങ്ങളു​ടെ വികാ​ര​ങ്ങ​ളെ​ല്ലാം യഹോ​വ​യു​ടെ മുന്നിൽ പകരുക. ഓരോ കാര്യ​വും എടു​ത്തെ​ടുത്ത്‌ പറയുക. നിങ്ങളു​ടെ പ്രശ്‌ന​മെ​ന്താണ്‌, അതെക്കു​റിച്ച്‌ നിങ്ങൾക്ക്‌ എന്താണു തോന്നു​ന്നത്‌, അതെല്ലാം പറയുക. പ്രശ്‌നം പരിഹ​രി​ക്കാ​നാ​കു​ന്ന​താ​ണെ​ങ്കിൽ, വേണ്ടതു ചെയ്യാ​നുള്ള ജ്ഞാനത്തി​നും ശക്തിക്കും ആയി പ്രാർഥി​ക്കുക. ഇനി, നമ്മളെ​ക്കൊണ്ട്‌ പരിഹ​രി​ക്കാൻ കഴിയാത്ത പ്രശ്‌ന​മാ​ണെ​ങ്കിൽ അതെക്കു​റിച്ച്‌ പരിധി​വിട്ട്‌ ഉത്‌ക​ണ്‌ഠ​പ്പെ​ടാ​തി​രി​ക്കാ​നുള്ള സഹായ​ത്തി​നാ​യി യഹോ​വ​യോട്‌ യാചി​ക്കുക. നമ്മുടെ പ്രശ്‌നങ്ങൾ ഓരോ​ന്നും എടുത്തു​പ​റഞ്ഞ്‌ പ്രാർഥി​ക്കു​മ്പോൾ യഹോവ നമ്മുടെ പ്രാർഥ​ന​കൾക്ക്‌ ഉത്തരം തരുന്നത്‌ നമുക്ക്‌ കൂടുതൽ വ്യക്തമാ​യി കാണാൻ കഴിയും. ഇനി, ഉടനെ ഉത്തരം കിട്ടി​യി​ല്ലെ​ങ്കി​ലും പ്രാർഥി​ക്കു​ന്നത്‌ നിറു​ത്തി​ക്ക​ള​യ​രുത്‌. കാരണം നമ്മൾ മടുത്ത്‌ പിന്മാ​റാ​തെ ചോദി​ച്ചു​കൊ​ണ്ടി​രി​ക്കാ​നും യഹോവ പ്രതീ​ക്ഷി​ക്കു​ന്നു.​—ലൂക്കോ. 11:8-10.

8. നമ്മുടെ പ്രാർഥ​ന​ക​ളിൽ എന്തുകൂ​ടെ ഉൾപ്പെ​ടു​ത്തണം?

⁸ നിങ്ങളു​ടെ ഉത്‌ക​ണ്‌ഠ​ക​ളൊ​ക്കെ യഹോ​വ​യു​ടെ മുമ്പാകെ പകരു​ന്ന​തോ​ടൊ​പ്പം നന്ദിവാ​ക്കു​ക​ളും ഉൾപ്പെ​ടു​ത്താൻ മറക്കരുത്‌. നമുക്ക്‌ പലപല പ്രശ്‌നങ്ങൾ ഉള്ളപ്പോ​ഴും നമുക്ക്‌ ലഭിക്കുന്ന അനു​ഗ്ര​ഹ​ങ്ങ​ളെ​ക്കു​റിച്ച്‌ ചിന്തി​ക്കു​ന്നതു നല്ലതാണ്‌. നമ്മുടെ ഉള്ളിന്റെ ഉള്ളിലെ വികാ​രങ്ങൾ പ്രകടി​പ്പി​ക്കാൻ ശരിയായ വാക്കുകൾ കിട്ടാ​ത്ത​പ്പോൾ ‘യഹോവേ സഹായി​ക്കണേ’ എന്നു മാത്രം പറഞ്ഞാ​ലും യഹോവ നമ്മുടെ പ്രാർഥ​ന​കൾക്ക്‌ ഉത്തരം തരും.​—2 ദിന. 18:31; റോമ. 8:26.

9. യഥാർഥ സുരക്ഷി​ത​ത്വം കണ്ടെത്താൻ നമ്മൾ എന്തു ചെയ്യണം?

⁹ (2) നിങ്ങളു​ടെ സ്വന്തം ജ്ഞാനത്തി​ലല്ല, യഹോ​വ​യു​ടെ ജ്ഞാനത്തിൽ ആശ്രയി​ക്കുക. യശയ്യ പ്രവാ​ച​കന്റെ നാളിലെ യഹൂദാ​ജനം അസീറി​യ​ക്കാർ തങ്ങളെ ആക്രമി​ക്കാൻ വരുന്നു എന്ന്‌ അറിഞ്ഞ​പ്പോൾ ഭയന്നു​പോ​യി. അസീറി​യ​ക്കാ​രു​ടെ അടിമ​ത്ത​ത്തി​ലാ​കു​ന്നത്‌ എങ്ങനെ​യും ഒഴിവാ​ക്കാൻവേണ്ടി അവർ പുറജാ​തീയ രാഷ്ട്ര​മായ ഈജി​പ്‌തി​ന്റെ സഹായം തേടി. (യശ. 30:1, 2) സഹായ​ത്തി​നാ​യി ഈജി​പ്‌തിൽ ആശ്രയി​ക്കു​ന്നത്‌ ദുരന്ത​ത്തി​ലേ കലാശി​ക്കൂ എന്ന്‌ യഹോവ മുന്നറി​യിപ്പ്‌ കൊടു​ത്തി​രു​ന്ന​താണ്‌. (യശ. 30:7, 12, 13) യഥാർഥ സുരക്ഷി​ത​ത്വം എവിടെ കണ്ടെത്താൻ കഴിയു​മെന്ന്‌ യശയ്യയി​ലൂ​ടെ യഹോവ തന്റെ ജനത്തോട്‌ പറഞ്ഞി​രു​ന്നു. യശയ്യ പറഞ്ഞു: ‘ശാന്തരാ​യി​രുന്ന്‌ യഹോ​വ​യിൽ ആശ്രയി​ക്കുക; അതാണു നിങ്ങളു​ടെ ബലം.’​—യശ. 30:15ബി.

10. യഹോ​വ​യി​ലുള്ള ആശ്രയം തെളി​യി​ക്കാൻ നമുക്ക്‌ കഴിയുന്ന ചില സാഹച​ര്യ​ങ്ങൾ ഏതൊ​ക്കെ​യാണ്‌?

¹⁰ യഹോ​വ​യിൽ ആശ്രയി​ക്കു​ന്നെന്നു കാണി​ക്കാൻ കഴിയുന്ന പല സാഹച​ര്യ​ങ്ങ​ളും നമ്മുടെ ജീവി​ത​ത്തി​ലു​ണ്ടാ​യേ​ക്കാം. ഉദാഹ​ര​ണ​ത്തിന്‌, നിങ്ങൾക്ക്‌ കൂടുതൽ ശമ്പളമുള്ള പുതിയ ഒരു ജോലി കിട്ടുന്നു. പക്ഷേ ഒരു പ്രശ്‌ന​മുണ്ട്‌, ഒരുപാട്‌ സമയം അതിനു വേണ്ടി​വ​രും; ആത്മീയ​പ്ര​വർത്ത​ന​ങ്ങൾക്ക്‌ അതൊരു തടസ്സമാ​കു​ക​യും ചെയ്യും. അല്ലെങ്കിൽ ജോലി​സ്ഥ​ലത്തെ ഒരു വ്യക്തി നിങ്ങളു​മാ​യി പ്രണയ​ബ​ന്ധ​ത്തി​ലാ​കാൻ ആഗ്രഹി​ക്കു​ന്നു. പക്ഷേ ആ വ്യക്തി സ്‌നാ​ന​പ്പെട്ട ഒരു യഹോ​വ​യു​ടെ സാക്ഷിയല്ല. ഇനി, നിങ്ങളു​ടെ പ്രിയ​പ്പെട്ട ഒരു കുടും​ബാം​ഗം നിങ്ങ​ളോട്‌ പറയുന്നു: “അവസാ​ന​മാ​യി ചോദി​ക്കു​ക​യാണ്‌, നിനക്ക്‌ ഞാൻ വേണോ അതോ നിന്റെ ദൈവം വേണോ?” എന്ന്‌. ഈ ഓരോ അവസര​ത്തി​ലും നിങ്ങൾക്ക്‌ വളരെ ബുദ്ധി​മു​ട്ടുള്ള ഒരു തീരു​മാ​ന​മെ​ടു​ക്കേണ്ടി വരും. പക്ഷേ ഓരോ സാഹച​ര്യ​ത്തി​ലും യഹോവ നിങ്ങൾക്ക്‌ വേണ്ട മാർഗ​നിർദേ​ശങ്ങൾ തരും. (മത്താ. 6:33; 10:37; 1 കൊരി. 7:39) എന്നാൽ ചോദ്യം ഇതാണ്‌: നിങ്ങൾ യഹോ​വ​യിൽ ആശ്രയി​ച്ചു​കൊണ്ട്‌ യഹോവ നൽകുന്ന നിർദേ​ശങ്ങൾ അനുസ​രി​ക്കു​മോ?

11. എതിർപ്പു​കൾ നേരി​ടു​മ്പോൾ ശാന്തരാ​യി​രി​ക്കാൻ ഏത്‌ ബൈബിൾവി​വ​ര​ണ​ങ്ങ​ളെ​ക്കു​റിച്ച്‌ പഠിക്കു​ന്നത്‌ സഹായി​ക്കും?

¹¹ (3) നല്ലതും മോശ​വും ആയ ദൃഷ്ടാ​ന്ത​ങ്ങ​ളിൽനിന്ന്‌ പഠിക്കുക. ശാന്തരാ​യി​രുന്ന്‌ യഹോ​വ​യിൽ ആശ്രയി​ക്കേ​ണ്ട​തി​ന്റെ പ്രാധാ​ന്യം എടുത്തു​കാ​ട്ടുന്ന ധാരാളം ആളുക​ളു​ടെ വിവര​ണങ്ങൾ ബൈബി​ളി​ലുണ്ട്‌. ആ ബൈബിൾവി​വ​ര​ണങ്ങൾ പഠിക്കു​മ്പോൾ അങ്ങേയറ്റം എതിർപ്പു​കൾ നേരി​ട്ട​പ്പോ​ഴും ശാന്തരാ​യി നിൽക്കാൻ ആ ദൈവ​ദാ​സരെ എന്താണ്‌ സഹായി​ച്ചത്‌ എന്നു ശ്രദ്ധി​ക്കുക. ഉദാഹ​ര​ണ​ത്തിന്‌, ജൂതന്മാ​രു​ടെ സുപ്രീം​കോ​ടതി പ്രസം​ഗ​പ്ര​വർത്തനം നിറു​ത്താൻ ഉത്തരവി​ട്ട​പ്പോൾ അപ്പോ​സ്‌ത​ല​ന്മാർ ഭയന്നു​പോ​യില്ല. പകരം അവർ ധൈര്യ​ത്തോ​ടെ ഇങ്ങനെ പറഞ്ഞു: “ഞങ്ങൾ മനുഷ്യ​രെയല്ല, ദൈവ​ത്തെ​യാണ്‌ അനുസ​രി​ക്കേ​ണ്ടത്‌.” (പ്രവൃ. 5:29) അടി കിട്ടി​യി​ട്ടു​പോ​ലും അവർക്ക്‌ പേടി തോന്നി​യില്ല. കാരണം തങ്ങൾ യഹോ​വയെ സന്തോ​ഷി​പ്പി​ച്ചെ​ന്നും യഹോവ തങ്ങളോ​ടൊ​പ്പ​മു​ണ്ടെ​ന്നും അവർക്ക്‌ അറിയാ​മാ​യി​രു​ന്നു. അതു​കൊണ്ട്‌ അവർ സന്തോ​ഷ​വാർത്ത തുടർന്നും പ്രസം​ഗി​ച്ചു. (പ്രവൃ. 5:40-42) അതു​പോ​ലെ​തന്നെ മരണം തൊട്ടു​മു​ന്നിൽ എത്തിയ​പ്പോ​ഴും ശിഷ്യ​നായ സ്‌തെ​ഫാ​നൊ​സി​ന്റെ സമാധാ​ന​വും ശാന്തത​യും നഷ്ടമാ​യില്ല. ആ സമയത്ത്‌ അദ്ദേഹ​ത്തി​ന്റെ മുഖം ‘ഒരു ദൈവ​ദൂ​തന്റെ മുഖം​പോ​ലി​രു​ന്നു.’ (പ്രവൃ. 6:12-15) തനിക്ക്‌ യഹോ​വ​യു​ടെ അംഗീ​കാ​ര​മുണ്ട്‌ എന്ന ഉറപ്പാണ്‌ സ്‌തെ​ഫാ​നൊ​സിന്‌ അത്രയും ശാന്തത കൊടു​ത്തത്‌.

12. 1 പത്രോസ്‌ 3:14-ഉം 4:14-ഉം അനുസ​രിച്ച്‌ ഉപദ്ര​വങ്ങൾ നേരി​ടു​മ്പോ​ഴും നമുക്ക്‌ സന്തോ​ഷി​ക്കാൻ കഴിയു​ന്നത്‌ എന്തു​കൊണ്ട്‌?

¹² യഹോവ തങ്ങളുടെ കൂടെ​യുണ്ട്‌ എന്നതിന്‌ അപ്പോ​സ്‌ത​ല​ന്മാർക്ക്‌ വ്യക്തമായ തെളി​വു​കൾ ഉണ്ടായി​രു​ന്നു. യഹോവ അവർക്ക്‌ അത്ഭുതങ്ങൾ ചെയ്യാ​നുള്ള ശക്തി നൽകി​യി​രു​ന്നു. (പ്രവൃ. 5:12-16; 6:8) പക്ഷേ നമ്മുടെ കാര്യ​മോ? യഹോവ നമ്മുടെ കൂടെ​യു​ണ്ടെന്ന്‌ നമുക്ക്‌ എങ്ങനെ ഉറപ്പാ​ക്കാം? നീതി നിമിത്തം കഷ്ടത സഹി​ക്കേ​ണ്ടി​വ​ന്നാ​ലും യഹോവ നമ്മളിൽ സന്തോ​ഷി​ക്കു​ന്നു​ണ്ടെ​ന്നും ദൈവാ​ത്മാവ്‌ നമ്മുടെ കൂടെ​യു​ണ്ടെ​ന്നും തന്റെ വചനത്തി​ലൂ​ടെ ദൈവം നമുക്ക്‌ ഉറപ്പു നൽകി​യി​ട്ടുണ്ട്‌. (1 പത്രോസ്‌ 3:14; 4:14 വായി​ക്കുക.) അതു​കൊണ്ട്‌ ഭാവി​യിൽ കഠിന​മായ ഉപദ്ര​വങ്ങൾ നേരി​ടു​മ്പോൾ നമ്മൾ എങ്ങനെ പ്രതി​ക​രി​ക്കും എന്ന്‌ ചിന്തി​ച്ചു​കൊ​ണ്ടി​രി​ക്കാ​തെ നമ്മളെ പിന്തു​ണ​യ്‌ക്കാ​നും രക്ഷിക്കാ​നും ഉള്ള യഹോ​വ​യു​ടെ പ്രാപ്‌തി​യിൽ വിശ്വാ​സം വർധി​പ്പി​ക്കു​ക​യാണ്‌ നമ്മൾ ഇപ്പോൾ ചെയ്യേ​ണ്ടത്‌. ആദിമ​കാ​ല​ശി​ഷ്യ​ന്മാ​രെ​പ്പോ​ലെ നമ്മളും യേശു​വി​ന്റെ ഈ വാഗ്‌ദാ​ന​ത്തിൽ ഉറച്ച്‌ വിശ്വ​സി​ക്കണം: “നിങ്ങളു​ടെ എല്ലാ എതിരാ​ളി​ക​ളും ഒന്നിച്ചു​നി​ന്നാൽപ്പോ​ലും അവർക്ക്‌ എതിർത്തു​പ​റ​യാ​നോ ഖണ്ഡിക്കാ​നോ പറ്റാത്ത​തു​പോ​ലുള്ള വാക്കു​ക​ളും ജ്ഞാനവും ഞാൻ നിങ്ങൾക്ക്‌ തരും.” യേശു നമുക്ക്‌ ഈ ഉറപ്പും തന്നിട്ടുണ്ട്‌: “സഹിച്ചു​നിൽക്കു​ന്നെ​ങ്കിൽ നിങ്ങൾ നിങ്ങളു​ടെ ജീവൻ രക്ഷിക്കും.” (ലൂക്കോ. 21:12-19) മാത്രമല്ല, തന്നോട്‌ വിശ്വ​സ്‌ത​രാ​യി മരിച്ച തന്റെ ദാസരെ യഹോവ പുനരു​ത്ഥാ​ന​പ്പെ​ടു​ത്തും എന്ന കാര്യ​വും നമ്മൾ മറക്കരുത്‌. അതിനാ​യി അവരെ​ക്കു​റി​ച്ചുള്ള ചെറി​യ​ചെ​റിയ കാര്യ​ങ്ങൾപോ​ലും യഹോവ ഓർത്തു​വെ​ക്കു​ന്നു.

13. ശാന്തരാ​യി​രുന്ന്‌ യഹോ​വ​യിൽ ആശ്രയി​ക്കാ​തി​രു​ന്ന​വ​രു​ടെ അനുഭ​വ​ങ്ങ​ളിൽനിന്ന്‌ നമുക്ക്‌ പ്രയോ​ജനം ലഭിക്കു​ന്നത്‌ എങ്ങനെ?

¹³ ശാന്തരാ​യി യഹോ​വ​യിൽ ആശ്രയി​ക്കാ​തി​രുന്ന ചിലരു​ടെ അനുഭ​വ​ങ്ങ​ളിൽനി​ന്നും നമുക്ക്‌ പാഠങ്ങൾ പഠിക്കാ​നുണ്ട്‌. അവർ വരുത്തിയ തെറ്റുകൾ ആവർത്തി​ക്കാ​തി​രി​ക്കാൻ അവരെ​ക്കു​റിച്ച്‌ പഠിക്കു​ന്നത്‌ സഹായി​ക്കും. ഉദാഹ​ര​ണ​ത്തിന്‌, യഹൂദ​യി​ലെ രാജാ​വായ ആസയുടെ കാര്യം നോക്കാം. ഭരണത്തി​ന്റെ തുടക്ക​ത്തിൽ ഒരു വലിയ സൈന്യം ആക്രമി​ക്കാൻ വന്നപ്പോൾ അദ്ദേഹം യഹോ​വ​യിൽ ആശ്രയി​ച്ചു. യഹോവ അദ്ദേഹ​ത്തിന്‌ വിജയം നൽകു​ക​യും ചെയ്‌തു. (2 ദിന. 14:9-12) എന്നാൽ പിന്നീട്‌ ഇസ്രാ​യേൽ രാജാ​വായ ബയെശ അതി​നെ​ക്കാൾ ചെറി​യൊ​രു സൈന്യ​വു​മാ​യി ആക്രമി​ക്കാൻ വന്നപ്പോൾ മുമ്പ​ത്തേ​തു​പോ​ലെ അദ്ദേഹം യഹോ​വ​യിൽ ആശ്രയി​ച്ചില്ല. പകരം സ്വർണ​വും വെള്ളി​യും കൊടു​ത്ത​യ​ച്ചു​കൊണ്ട്‌ സിറി​യ​യു​ടെ സൈനി​ക​സ​ഹാ​യം തേടി. (2 ദിന. 16:1-3) തന്റെ അവസാ​ന​കാ​ലത്ത്‌ ഒരു ഗുരു​ത​ര​മായ രോഗം പിടി​പെ​ട്ട​പ്പോ​ഴും അദ്ദേഹം യഹോ​വ​യി​ലേക്ക്‌ തിരി​ഞ്ഞില്ല.​—2 ദിന. 16:12.

14. ആസയുടെ തെറ്റു​ക​ളിൽനിന്ന്‌ നമുക്ക്‌ എന്തു പഠിക്കാം?

¹⁴ തുടക്ക​ത്തിൽ പ്രശ്‌നങ്ങൾ നേരി​ട്ട​പ്പോൾ ആസ സഹായ​ത്തി​നാ​യി യഹോ​വ​യി​ലേക്ക്‌ നോക്കി. എന്നാൽ പിന്നീട്‌ സ്വന്തമാ​യി കാര്യങ്ങൾ കൈകാ​ര്യം ചെയ്യാ​നാണ്‌ അദ്ദേഹം ശ്രമി​ച്ചത്‌. ആസ ഇസ്രാ​യേ​ല്യർക്കെ​തി​രെ സിറി​യ​യു​ടെ സഹായം ചോദി​ച്ചത്‌ ശരിയാ​യി എന്ന്‌ ആദ്യം തോന്നി. പക്ഷേ ആ സമാധാ​ന​കാ​ലം അധിക​നാൾ നീണ്ടു​നി​ന്നില്ല. യഹോവ ഒരു പ്രവാ​ച​ക​നി​ലൂ​ടെ അദ്ദേഹ​ത്തോട്‌ ഇങ്ങനെ പറഞ്ഞു: “നീ നിന്റെ ദൈവ​മായ യഹോ​വ​യിൽ ആശ്രയി​ക്കാ​തെ സിറി​യ​യി​ലെ രാജാ​വിൽ ആശ്രയി​ച്ച​തു​കൊണ്ട്‌ സിറി​യ​യി​ലെ രാജാ​വി​ന്റെ സൈന്യം നിന്റെ കൈയിൽനിന്ന്‌ രക്ഷപ്പെ​ട്ടി​രി​ക്കു​ന്നു.” (2 ദിന. 16:7) ‘ദൈവ​വ​ച​ന​ത്തി​ലൂ​ടെ യഹോവ നൽകുന്ന നിർദേ​ശ​ങ്ങ​ളിൽ ആശ്രയി​ക്കാ​തെ​തന്നെ പ്രശ്‌നങ്ങൾ പരിഹ​രി​ക്കാൻ എനിക്കാ​കും’ എന്ന്‌ നമ്മൾ ഒരിക്ക​ലും ചിന്തി​ക്ക​രുത്‌. പെട്ടെന്ന്‌ തീരു​മാ​ന​മെ​ടു​ക്കേണ്ട ഒരു സാഹച​ര്യം ആണെങ്കിൽപ്പോ​ലും ശാന്തരാ​യി നമ്മൾ യഹോ​വ​യിൽ ആശ്രയി​ക്കണം. അപ്പോൾ ശരിയായ തീരു​മാ​ന​മെ​ടു​ക്കാൻ യഹോവ നമ്മളെ സഹായി​ക്കും.

15. ബൈബിൾ വായി​ക്കു​മ്പോൾ നമുക്ക്‌ എന്തു ചെയ്യാൻ കഴിയും?

¹⁵ (4) ബൈബിൾവാ​ക്യ​ങ്ങൾ മനഃപാ​ഠ​മാ​ക്കുക. ശാന്തരാ​യി​രുന്ന്‌ യഹോ​വ​യിൽ ആശ്രയി​ക്കേ​ണ്ട​തി​ന്റെ പ്രാധാ​ന്യം കാണി​ക്കുന്ന ബൈബിൾവാ​ക്യ​ങ്ങൾ കണ്ടെത്തി​യാൽ അവ കാണാതെ പഠിക്കാൻ ശ്രമി​ക്കുക. ആ വാക്യങ്ങൾ ഉറക്കെ വായി​ക്കു​ന്ന​തും എഴുതി​വെ​ക്കു​ന്ന​തും ഇടയ്‌ക്കൊ​ക്കെ എടുത്തു​നോ​ക്കു​ന്ന​തും അവ ഓർത്തി​രി​ക്കാൻ നിങ്ങളെ സഹായി​ക്കും. ബുദ്ധി​യോ​ടെ കാര്യങ്ങൾ ചെയ്യാൻ കഴി​യേ​ണ്ട​തിന്‌ നിയമ​പു​സ്‌തകം മന്ദസ്വ​ര​ത്തിൽ ക്രമമാ​യി വായി​ക്കാൻ യഹോവ യോശു​വ​യോ​ടു പറഞ്ഞു. ഭയന്നു​പോ​കാ​തി​രി​ക്കാ​നും ദൈവ​ജ​നത്തെ ധൈര്യ​ത്തോ​ടെ നയിക്കാ​നും അതിലെ ഓർമി​പ്പി​ക്ക​ലു​കൾ യോശു​വയെ സഹായി​ക്കു​മാ​യി​രു​ന്നു. (യോശു. 1:8, 9) പേടി​യും ഉത്‌ക​ണ്‌ഠ​യും ഒക്കെ തോന്നുന്ന സാഹച​ര്യ​ങ്ങ​ളിൽ ദൈവ​വ​ച​ന​ത്തി​ലെ ചില വാക്കു​കൾക്കു നിങ്ങളു​ടെ മനസ്സിനെ ശാന്തമാ​ക്കാൻ കഴിയും.​—സങ്കീ. 27:1-3; സുഭാ. 3:25, 26.

16. ശാന്തരാ​യി​രുന്ന്‌ യഹോ​വ​യിൽ ആശ്രയി​ക്കാൻ നമ്മളെ സഹായി​ക്കു​ന്ന​തിന്‌ യഹോവ എങ്ങനെ​യാണ്‌ സഭയെ ഉപയോ​ഗി​ക്കു​ന്നത്‌?

¹⁶ (5) ദൈവ​ജ​ന​ത്തി​ന്റെ​കൂ​ടെ സഹവസി​ക്കുക. ശാന്തരാ​യി​രി​ക്കാ​നും യഹോ​വ​യിൽ ആശ്രയി​ക്കാ​നും നമ്മളെ സഹായി​ക്കു​ന്ന​തിന്‌ യഹോവ നമ്മുടെ സഹോ​ദ​ര​ങ്ങളെ ഉപയോ​ഗി​ക്കു​ന്നു. മീറ്റി​ങ്ങു​ക​ളിൽ നടത്ത​പ്പെ​ടുന്ന പരിപാ​ടി​ക​ളും സഹോ​ദ​രങ്ങൾ പറയുന്ന അഭി​പ്രാ​യ​ങ്ങ​ളും അവരു​മാ​യി നടത്തുന്ന പ്രോ​ത്സാ​ഹനം പകരുന്ന സംഭാ​ഷ​ണ​ങ്ങ​ളും നമുക്ക്‌ വളരെ​യ​ധി​കം പ്രയോ​ജനം ചെയ്യും. (എബ്രാ. 10:24, 25) നമ്മുടെ വിഷമങ്ങൾ സഭയിലെ അടുത്ത സുഹൃ​ത്തു​ക്ക​ളോട്‌ പറയു​ന്ന​തും നമുക്ക്‌ പ്രോ​ത്സാ​ഹ​ന​മാ​യി​രി​ക്കും. ഒരു സുഹൃത്ത്‌ പറയുന്ന “ഒരു നല്ല വാക്ക്‌” ഉത്‌ക​ണ്‌ഠ​യു​ടെ ഭാരം കുറയ്‌ക്കാൻ നമ്മളെ വളരെ​യ​ധി​കം സഹായി​ക്കും.​—സുഭാ. 12:25.

17. എബ്രായർ 6:19 അനുസ​രിച്ച്‌ പ്രയാ​സ​ക​ര​മായ സാഹച​ര്യ​ങ്ങ​ളിൽ ശാന്തരാ​യി​രി​ക്കാൻ രാജ്യ​പ്ര​ത്യാ​ശ​യ്‌ക്ക്‌ നമ്മളെ എങ്ങനെ സഹായി​ക്കാ​നാ​കും?

¹⁷ (6) നിങ്ങളു​ടെ പ്രത്യാശ ഉറപ്പു​ള്ള​താ​ക്കി​നി​റു​ത്തുക. രാജ്യ​പ്ര​ത്യാ​ശ “നമുക്ക്‌ ഒരു നങ്കൂര​മാണ്‌.” സാഹച​ര്യ​ങ്ങൾ മോശ​മാ​യാ​ലും ഉത്‌ക​ണ്‌ഠകൾ പിടി​കൂ​ടി​യാ​ലും സമചിത്തത കൈവി​ടാ​തി​രി​ക്കാൻ അത്‌ നമ്മളെ സഹായി​ക്കും. (എബ്രായർ 6:19 വായി​ക്കുക.) ദൈവം വാഗ്‌ദാ​നം ചെയ്‌തി​രി​ക്കുന്ന പുതിയ ലോക​ത്തിൽ മനസ്സിനെ ആകുല​പ്പെ​ടു​ത്തുന്ന ഒരു ചിന്തയും ഉണ്ടായി​രി​ക്കില്ല. (യശ. 65:17) നമ്മളെ അസ്വസ്ഥ​രാ​ക്കുന്ന ഒരു സാഹച​ര്യ​വും അവിടെ കാണില്ല. നിങ്ങൾ അവി​ടെ​യാ​യി​രി​ക്കു​ന്ന​താ​യി ഒന്നു ഭാവന​യിൽ കാണുക. (മീഖ 4:4) പുതിയ ലോക​ത്തെ​ക്കു​റിച്ച്‌ മറ്റുള്ള​വ​രോട്‌ പറയു​മ്പോൾ നിങ്ങളു​ടെ പ്രത്യാശ കൂടുതൽ ശക്തമാ​കും. അതു​കൊണ്ട്‌ പ്രസംഗ-ശിഷ്യ​രാ​ക്കൽ വേലയിൽ കഴിവി​ന്റെ പരമാ​വധി ഉൾപ്പെ​ടുക. അങ്ങനെ​യെ​ങ്കിൽ “നിങ്ങളു​ടെ പ്രത്യാശ സഫലമാ​കു​മെന്നു നിങ്ങൾക്ക്‌ അവസാ​നം​വരെ പൂർണ​ബോ​ധ്യ​മു​ള്ള​വ​രാ​യി​രി​ക്കാൻ” കഴിയും.​—എബ്രാ. 6:11.

18. ഭാവി​യിൽ നമുക്ക്‌ എന്തു പ്രതീ​ക്ഷി​ക്കാം? അപ്പോൾ നമുക്ക്‌ എന്ത്‌ ചെയ്യാം?

¹⁸ ഈ വ്യവസ്ഥി​തി അതിന്റെ അവസാ​ന​ത്തോട്‌ അടുക്കു​ന്നത്‌ അനുസ​രിച്ച്‌ നമ്മളെ ഉത്‌ക​ണ്‌ഠ​പ്പെ​ടു​ത്തുന്ന കൂടു​തൽക്കൂ​ടു​തൽ പ്രതി​സ​ന്ധി​കൾ നമ്മൾ നേരി​ടേ​ണ്ടി​വ​രും. നമ്മുടെ ശക്തിയിൽ ആശ്രയി​ക്കു​ന്ന​തി​നു പകരം യഹോ​വ​യിൽ ആശ്രയി​ച്ചു​കൊണ്ട്‌ ആ പ്രതി​സ​ന്ധി​കളെ നേരി​ടാ​നും ശാന്തരാ​യി​രി​ക്കാ​നും 2021-ലെ വാർഷി​ക​വാ​ക്യം നമ്മളെ സഹായി​ക്കും. ‘ശാന്തരാ​യി​രുന്ന്‌ യഹോ​വ​യിൽ ആശ്രയി​ക്കുക; അതാണു നിങ്ങളു​ടെ ബലം’ എന്ന വാഗ്‌ദാ​ന​ത്തിൽ നമുക്ക്‌ വിശ്വാ​സ​മു​ണ്ടെന്ന്‌ 2021-ൽ ഉടനീളം നമ്മുടെ പ്രവൃ​ത്തി​ക​ളി​ലൂ​ടെ നമുക്ക്‌ കാണി​ക്കാം.​—യശ. 30:15.