യൂറോപ്പ്‌

ശാന്തമായ മറുപടി

ജോർജി​യ​യിൽ ഒരാൾ നമ്മുടെ സാഹിത്യ കൈവ​ണ്ടി​യു​ടെ അടുത്തു​വന്ന്‌ ദേഷ്യ​ത്തോ​ടെ ഇങ്ങനെ അലറി: “ഇവിടെ പ്രസം​ഗി​ക്കാൻ ഞാൻ സമ്മതി​ക്കില്ല! ജോർജിയ ഒരു ഓർത്ത​ഡോക്‌സ്‌ ക്രിസ്‌തീയ രാജ്യ​മാണ്‌.” കൈവ​ണ്ടി​യു​ടെ അടുത്തു നിന്നി​രുന്ന സഹോ​ദരൻ ദയയോ​ടെ ആ വ്യക്തി​യോ​ടു ഞങ്ങളുടെ ഏതെങ്കി​ലും പ്രസി​ദ്ധീ​ക​രണം എപ്പോ​ഴെ​ങ്കി​ലും വായി​ച്ചി​ട്ടു​ണ്ടോ എന്നു ചോദി​ച്ചു. അയാൾ പറഞ്ഞു: “ഇല്ല, വായി​ച്ചി​ട്ടില്ല.” അങ്ങനെ​യെ​ങ്കിൽ ദയവായി ഒന്നു വായിച്ചു നോക്കാ​മോ എന്നു സഹോ​ദരൻ നയപൂർവം ചോദി​ച്ചു. സഹോ​ദ​രന്റെ നല്ല ഇടപെടൽ അദ്ദേഹത്തെ ശാന്തനാ​ക്കു​ക​യും അദ്ദേഹം ഏതാനും പ്രസി​ദ്ധീ​ക​ര​ണങ്ങൾ എടുക്കു​ക​യും ചെയ്‌തു. കുറെ ദിവസം കഴിഞ്ഞ​പ്പോൾ ആ വ്യക്തി തിരി​ച്ചു​വ​രു​ക​യും തന്റെ മോശ​മായ പെരു​മാ​റ്റ​ത്തെ​ക്കു​റിച്ച്‌ ഖേദം പ്രകടി​പ്പി​ക്കു​ക​യും ചെയ്‌തു. അദ്ദേഹ​ത്തി​ന്റെ അന്ധയായ അമ്മയ്‌ക്കു മാസിക വായി​ച്ചു​കൊ​ടു​ത്തെ​ന്നും അതു രണ്ടു പേർക്കും ഇഷ്ടപ്പെ​ട്ടെ​ന്നും അദ്ദേഹം പറഞ്ഞു. പുതി​യ​താ​യി എന്തെങ്കി​ലും വായി​ക്കാൻ വേണ​മെ​ന്നും അദ്ദേഹം ആവശ്യ​പ്പെട്ടു. പുതിയ മാസി​കകൾ കിട്ടാ​നാ​യി അദ്ദേഹം ഇപ്പോൾ പതിവാ​യി നമ്മുടെ സാഹിത്യ കൈവ​ണ്ടി​യു​ടെ അടുക്കൽ വരാറുണ്ട്‌.

പ്രശ്‌നം പരിഹ​രി​ക്കാ​നുള്ള ശരിയായ വഴി

അസർബൈ​ജാ​നിൽ ശുശ്രൂ​ഷ​യിൽ ഏർപ്പെ​ട്ടി​രുന്ന നമ്മുടെ രണ്ടു സഹോ​ദ​ര​ന്മാർ ഒരു കെട്ടി​ട​ത്തി​ന്റെ മുമ്പിൽ നിന്നി​രുന്ന ചെറു​പ്പ​ക്കാ​രനെ സമീപിച്ച്‌ സന്തോ​ഷ​വാർത്ത പറയാൻ തുടങ്ങി. “എനിക്കി​തൊ​ന്നും കേൾക്കേണ്ട, ഇതെല്ലാം പാപമാണ്‌,” അയാൾ പൊട്ടി​ത്തെ​റി​ച്ചു. ഉടൻതന്നെ പോക്ക​റ്റിൽനിന്ന്‌ ഒരു കത്തി എടുത്ത്‌ അയാൾ ആക്രോ​ശി​ച്ചു: “എനിക്ക്‌ നീതി കിട്ടി​യില്ല, ഈ കത്തി​കൊണ്ട്‌ ഞാൻ നീതി നടപ്പാ​ക്കും, ഞാൻ പോകു​ക​യാണ്‌.”

സഹോ​ദ​ര​ങ്ങൾ അല്‌പം അന്ധാളി​ച്ചു​പോ​യി, എന്നിട്ട്‌ അദ്ദേഹ​ത്തോ​ടു പറഞ്ഞു: “കൊല്ലു​ന്ന​തും പാപമാണ്‌.”

“പിന്നെ ഞാൻ എന്തു ചെയ്യണം?” അദ്ദേഹം ചോദി​ച്ചു. സഹോ​ദ​രങ്ങൾ റോമർ 12:17-21 അദ്ദേഹത്തെ വായി​ച്ചു​കേൾപ്പി​ച്ചു. എന്നിട്ട്‌, പ്രതി​കാ​രം ദൈവ​ത്തി​നു​ള്ള​താ​ണെ​ന്നും ‘തിന്മ നമ്മളെ കീഴ്‌പെ​ടു​ത്താൻ അനുവ​ദി​ക്ക​രു​തെ​ന്നും പകരം എപ്പോ​ഴും നന്മകൊണ്ട്‌ തിന്മയെ കീഴട​ക്ക​ണ​മെ​ന്നും’ അവർ വിശദീ​ക​രി​ച്ചു. ശാന്തമാ​യി പ്രതി​ക​രി​ക്കു​ന്ന​തി​ന്റെ ശക്തി​യെ​ക്കു​റിച്ച്‌ പറയു​ക​യും അദ്ദേഹം ആരെ​യെ​ങ്കി​ലും കൊല്ലു​ക​യോ പരു​ക്കേൽപ്പി​ക്കു​ക​യോ ചെയ്‌താൽ മനഃസാ​ക്ഷി എന്നും അദ്ദേഹത്തെ കുത്തി​നോ​വി​ച്ചു​കൊ​ണ്ടി​രി​ക്കും എന്നും അവർ പറഞ്ഞു. കേട്ട കാര്യങ്ങൾ ഉള്ളിൽത്ത​ട്ടിയ അദ്ദേഹം അവി​ടെ​നി​ന്നു പോയി.

ഏതാണ്ട്‌ ഒരു മണിക്കൂ​റി​നു ശേഷം സഹോ​ദ​ര​ങ്ങളെ വീണ്ടും കണ്ടെത്തിയ അദ്ദേഹം പറഞ്ഞു: “ഞാൻ കൊല്ലാൻ ഉദ്ദേശിച്ച ആളെ കണ്ടിട്ടു വരുക​യാണ്‌, ഞാൻ അദ്ദേഹത്തെ ഒന്നും ചെയ്‌തില്ല. പ്രശ്‌ന​ങ്ങ​ളെ​ല്ലാം ഞങ്ങൾ പറഞ്ഞു​തീർത്തു. കുഴപ്പ​ങ്ങ​ളിൽ ചെന്നു​ചാ​ടാ​തി​രി​ക്കാൻ എന്നെ സഹായി​ച്ച​തി​നു നന്ദി.” യഥാർഥ​ത്തിൽ യഹോ​വ​യാണ്‌ സഹായി​ച്ച​തെന്നു സാക്ഷികൾ അദ്ദേഹ​ത്തോ​ടു പറഞ്ഞു.

സാഹിത്യ കൈവണ്ടി നിഷ്‌ക്രി​യ​യായ ഒരു സഹോ​ദ​രി​യെ ആകർഷി​ക്കു​ന്നു

നോർവേ​യി​ലെ ഒരു സഹോ​ദ​രി​യു​ടെ അനുഭവം ശ്രദ്ധി​ക്കാം. കുറച്ച്‌ വർഷങ്ങൾക്കു മുമ്പ്‌ ആ സഹോ​ദരി സത്യത്തിൽനിന്ന്‌ അകന്നു​പോ​യി​രു​ന്നു. മിക്ക​പ്പോ​ഴും ഷോപ്പി​ങ്ങി​നു പോകു​മ്പോൾ സഹോ​ദരി നമ്മുടെ പുതിയ സാക്ഷീ​കരണ ഉപാധി​യായ സാഹിത്യ കൈവണ്ടി കാണു​മാ​യി​രു​ന്നു.

ആ സഹോ​ദ​ര​ങ്ങ​ളോട്‌ ഒരിക്ക​ലും സംസാ​രി​ച്ചി​ട്ടി​ല്ലെ​ങ്കി​ലും നമ്മുടെ സാഹിത്യ കൈവ​ണ്ടി​യിൽ വെച്ചി​രി​ക്കുന്ന ആകർഷ​ക​മായ പോസ്റ്റ​റു​ക​ളും പ്രസി​ദ്ധീ​ക​ര​ണ​ങ്ങ​ളും സഹോ​ദ​രി​യു​ടെ ശ്രദ്ധ പിടി​ച്ചു​പറ്റി. അതു​പോ​ലെ, സാക്ഷി​ക​ളു​ടെ ചിരി​ക്കുന്ന മുഖങ്ങ​ളും മര്യാ​ദ​യുള്ള പ്രകൃ​ത​വും നിരീ​ക്ഷിച്ച സഹോ​ദ​രിക്ക്‌ യഹോ​വ​യി​ലേ​ക്കും ദൈവ​ജ​ന​ത്തി​ലേ​ക്കും തിരി​ച്ചു​വ​രാ​നുള്ള ആഗ്രഹ​മു​ണ്ടാ​യി.

നമ്മുടെ വെബ്‌സൈ​റ്റായ jw.org-ന്റെ ലോഗോ ശ്രദ്ധിച്ച സഹോ​ദരി ആ സൈറ്റ്‌ നോക്കാൻ തീരു​മാ​നി​ച്ചു. സൈറ്റിൽനിന്ന്‌ വളരെ എളുപ്പ​ത്തിൽ ഏറ്റവും അടുത്ത രാജ്യ​ഹാ​ളി​ന്റെ അഡ്രസ്സും യോഗ​സ​മ​യ​വും കണ്ടുപി​ടി​ക്കാ​നും കഴിഞ്ഞു. സഹോ​ദ​രിക്ക്‌ ഈ സൈറ്റി​നെ​ക്കു​റിച്ച്‌ വളരെ മതിപ്പു തോന്നി. അവർ ചില പ്രസി​ദ്ധീ​ക​ര​ണങ്ങൾ ഡൗൺലോഡ്‌ ചെയ്‌തു. പിന്നീട്‌ അൽപ്പം ഉത്‌കണ്‌ഠ​യോ​ടെ അവർ നമ്മുടെ രാജ്യ​ഹാ​ളി​ലേക്കു ചെന്നു. അവി​ടെ​യു​ള്ളവർ സഹോ​ദ​രി​യെ വളരെ സന്തോ​ഷ​ത്തോ​ടെ സ്വീക​രി​ച്ചു. അവർക്ക്‌ ഒരു ബൈബിൾപ​ഠനം നടത്താൻ മൂപ്പന്മാർ ഒരു സഹോ​ദ​രി​യെ ചുമത​ല​പ്പെ​ടു​ത്തി. പെട്ടെ​ന്നു​തന്നെ അവർക്ക്‌ സഭയിൽ നല്ല സുഹൃ​ത്തു​ക്കളെ കിട്ടി. തന്റെ ആത്മീയ​ചര്യ വീണ്ടെ​ടുത്ത സഹോ​ദരി ഇപ്പോൾ ക്രമമാ​യി മീറ്റി​ങ്ങു​ക​ളി​ലും വയൽപ്ര​വർത്ത​ന​ങ്ങ​ളി​ലും പങ്കെടു​ക്കു​ന്നു. യഹോ​വ​യു​മാ​യുള്ള ബന്ധം വീണ്ടെ​ടു​ത്ത​തിൽ അവർക്കു വളരെ സന്തോ​ഷ​മുണ്ട്‌.

സ്‌കൂൾബ​സ്സി​ലെ സാക്ഷീ​ക​ര​ണം

നോർവേ​യി​ലുള്ള ഒരു 15 വയസ്സു​കാ​രി​യാ​ണു റോഞ്ച. സ്‌കൂൾബ​സ്സിൽ വെച്ച്‌ ക്ലാസ്സിലെ മൂന്നു ആൺകു​ട്ടി​ക​ളു​മാ​യി അവൾ പരിണാ​മ​ത്തെ​പ്പറ്റി സംസാ​രി​ച്ചു. ആ കുട്ടികൾ റോഞ്ച​യു​ടെ വിശ്വാ​സത്തെ എതിർത്തു. ഇതു നമ്മുടെ കൊച്ചു​സ​ഹോ​ദ​രി​യെ അസ്വസ്ഥ​യാ​ക്കി. പരിണാ​മ​ത്തെ​ക്കു​റിച്ച്‌ തനിക്കുള്ള അറിവു മെച്ച​പ്പെ​ടു​ത്ത​ണ​മെന്നു മനസ്സി​ലാ​ക്കിയ റോഞ്ച അമ്മയുടെ സഹായം തേടി. ഒരു സ്രഷ്ടാവ്‌ ഉണ്ടെന്നു തെളി​യി​ക്കാൻ ബോധ്യം വരുത്തുന്ന ചില ന്യായങ്ങൾ കണ്ടുപി​ടി​ക്കാ​നാ​യി​രു​ന്നു ഇത്‌.

അടുത്ത ദിവസം സ്‌കൂൾബ​സ്സിൽ വെച്ച്‌ റോഞ്ച അവൾ തയ്യാറാ​ക്കിയ ന്യായങ്ങൾ നിരത്തി. എന്നാൽ ആ ആൺകു​ട്ടി​കൾ യഹോ​വ​യി​ലുള്ള വിശ്വാ​സ​ത്തെ​പ്രതി അവളെ വീണ്ടും കളിയാ​ക്കി. അതിൽ ഒരാൾ ഇങ്ങനെ വിളിച്ചു പറഞ്ഞു: “ഈ ബസ്സിൽ യഹോ​വ​യിൽ വിശ്വ​സി​ക്കുന്ന ആരും ഇല്ല! ആരെങ്കി​ലും ഉണ്ടെങ്കിൽ കൈ പൊക്കാ​മോ? ആരാണ്‌ പരിണാ​മ​ത്തിൽ വിശ്വ​സി​ക്കു​ന്നത്‌? ആരാണ്‌ യഹോ​വ​യിൽ വിശ്വ​സി​ക്കു​ന്നത്‌?” റോഞ്ചയെ അതിശ​യി​പ്പി​ച്ചു​കൊണ്ട്‌ അവളുടെ അടുത്തി​രുന്ന കൊച്ചു പയ്യൻ കൈ പൊക്കി ഇങ്ങനെ പറഞ്ഞു: “ഞാൻ യഹോ​വ​യിൽ വിശ്വ​സി​ക്കു​ന്നു!” മറ്റ്‌ രണ്ടു കുട്ടി​കൾകൂ​ടെ കൈ പൊക്കി “ഞങ്ങളും യഹോ​വ​യിൽ വിശ്വ​സി​ക്കു​ന്നു!” എന്നു പറഞ്ഞു. സഹപാ​ഠി​ക​ളു​മാ​യുള്ള റോഞ്ച​യു​ടെ സംഭാ​ഷണം ശ്രദ്ധിച്ച കുട്ടി​ക​ളിൽ ചിലർക്ക്‌ അവളുടെ ന്യായ​വാ​ദങ്ങൾ ശരിയാ​ണെന്നു തോന്നി.

അക്ഷരാ​ഭ്യാ​സ​മി​ല്ലാത്ത ഒരുവനു കിട്ടിയ പുസ്‌ത​കം

ഒരു ദിവസം ഉച്ചകഴിഞ്ഞ്‌ ഡെന്മാർക്കി​ലെ ബ്രാ​ഞ്ചോ​ഫീ​സി​ലേക്കു സിറി​യ​യിൽനിന്ന്‌ അറബി സംസാ​രി​ക്കുന്ന രണ്ടു പേർ വന്നു. സ്വീക​ര​ണ​മു​റി​യി​ലെ സഹോ​ദ​രി​മാ​രോട്‌ യഹോ​വ​യു​ടെ സാക്ഷി​കളെ അന്വേ​ഷി​ച്ചാ​ണു തങ്ങൾ വന്നതെന്ന്‌ അവർ പറഞ്ഞു. ശരിയായ സ്ഥലത്തു​ത​ന്നെ​യാണ്‌ അവർ വന്നിരി​ക്കു​ന്ന​തെന്നു സഹോ​ദ​രി​മാർ പറഞ്ഞ​പ്പോൾ അവർക്കു സന്തോ​ഷ​മാ​യി. അവർക്ക്‌ എങ്ങനെ​യാണ്‌ ബ്രാഞ്ചി​ന്റെ അഡ്രസ്സ്‌ കിട്ടി​യത്‌? അവരുടെ ഫോണിൽ എടുത്തി​രുന്ന ഒരു പടം അവർ ആ പ്രദേ​ശ​ത്തുള്ള ലൈ​ബ്ര​റി​യി​ലെ ഉദ്യോ​ഗ​സ്ഥനെ കാണിച്ചു. ആ പടം അറബി​യി​ലുള്ള ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്റെ പ്രസാ​ധ​ക​പേജ്‌ ആയിരു​ന്നു. അതുകണ്ട ലൈ​ബ്ര​റി​യി​ലെ ഉദ്യോ​ഗ​സ്ഥ​രാണ്‌ അവർക്കു ബ്രാ​ഞ്ചോ​ഫീ​സി​ന്റെ അഡ്രസ്സ്‌ കണ്ടുപി​ടിച്ച്‌ കൊടു​ത്തത്‌.

ആ രണ്ടു പേർക്കും ഡാനിഷ്‌ ഭാഷ സംസാ​രി​ക്കാൻ വളരെ ബുദ്ധി​മു​ട്ടാ​യി​രു​ന്നു. അതു​കൊണ്ട്‌ സഹോ​ദ​രി​മാർ അറബി അറിയാ​വുന്ന ഒരു സഹോ​ദ​രനെ സ്വീക​ര​ണ​മു​റി​യി​ലേക്കു വിളി​ച്ചു​വ​രു​ത്തി. ആ സഹോ​ദരൻ അവരോ​ടു സംസാ​രി​ച്ച​പ്പോൾ അവരിൽ ഒരാൾക്കു ബൈബിൾവി​ഷ​യ​ങ്ങ​ളിൽ വളരെ താത്‌പ​ര്യം ഉണ്ടെന്നു മനസ്സി​ലാ​യി. ബന്ധപ്പെ​ടാ​നുള്ള വിവരങ്ങൾ സഹോ​ദരൻ അവരിൽനിന്ന്‌ വാങ്ങി. എന്നിട്ട്‌ അറബി സംസാ​രി​ക്കുന്ന വേറൊ​രു സഹോ​ദ​ര​നു​മാ​യി എത്താ​മെന്നു പറഞ്ഞു.

യഹോ​വ​യു​ടെ സാക്ഷികൾ ആരും ഇതുവരെ അദ്ദേഹത്തെ സന്ദർശി​ച്ചി​ട്ടി​ല്ലെന്നു വീട്ടിൽ ചെന്നുകണ്ട സഹോ​ദ​ര​ങ്ങൾക്കു മനസ്സി​ലാ​യി. അദ്ദേഹം അറബി സംസാ​രി​ക്കുന്ന ആളാ​ണെന്നു മനസ്സി​ലാ​ക്കാ​നുള്ള സൂചന​യൊ​ന്നും എഴുത്തു​പെ​ട്ടി​യു​ടെ പുറത്ത്‌ ഇല്ലായി​രു​ന്നു. എന്നിട്ടും അറബി​യി​ലുള്ള ആ പുസ്‌തകം എഴുത്തു​പെ​ട്ടി​യിൽ കണ്ടെന്ന്‌ അദ്ദേഹം പറഞ്ഞു. വായി​ക്കാൻ അറിയി​ല്ലാ​ത്ത​തു​കൊണ്ട്‌ ഒരു സുഹൃ​ത്തി​നോട്‌ ആ പുസ്‌തകം തനിക്കു വായി​ച്ചു​ത​രാൻ അദ്ദേഹം ആവശ്യ​പ്പെട്ടു. മൂന്നു ദിവസം​കൊണ്ട്‌ അവർ അതു വായി​ച്ചു​തീർത്തു. വായിച്ചു കേട്ട കാര്യ​ങ്ങ​ളിൽനിന്ന്‌ സത്യം ഇതാ​ണെന്ന്‌ അദ്ദേഹ​ത്തി​നു ബോധ്യ​മാ​യി.

സ്വന്തം കുടും​ബ​ത്തിൽനിന്ന്‌ അകലെ ഒരു അഭയാർഥി​യാ​യി കഴിയു​ന്നത്‌ അദ്ദേഹത്തെ വളരെ വിഷമി​പ്പി​ച്ചു. പക്ഷേ അദ്ദേഹം ബൈബി​ളിൽനിന്ന്‌ ആശ്വാസം കണ്ടെത്തു​ന്നു. സഹോ​ദ​രങ്ങൾ അദ്ദേഹത്തെ ആദ്യം സന്ദർശി​ച്ച​പ്പോൾ അദ്ദേഹം ഇങ്ങനെ ചോദി​ച്ചു: “നിങ്ങൾ എന്തു​കൊ​ണ്ടാണ്‌ കുറെ​ക്കൂ​ടി നേരത്തെ എന്നെ കാണാൻ വരാതി​രു​ന്നത്‌? എനിക്ക്‌ ഇത്‌ ശരിക്കും ആവശ്യ​മാ​യി​രു​ന്നു!” ആ വ്യക്തി ഇപ്പോൾ സഹോ​ദ​ര​ങ്ങ​ളോ​ടൊ​പ്പം വളരെ ഉത്സാഹ​ത്തോ​ടെ പഠിച്ചു​കൊ​ണ്ടി​രി​ക്കു​ന്നു.

എന്റെ ശൂന്യ​മായ ഹൃദയം സന്തോ​ഷ​ത്താൽ നിറഞ്ഞു

യു​ക്രെ​യി​നി​ലെ ഒരു പുകയില കമ്പനി​യിൽ മാനേ​ജ​രാ​യി ജോലി ചെയ്യു​ക​യാ​യി​രു​ന്നു ദിമി​ത്രി. എന്നാൽ പുകവലി ഒരു വ്യക്തി​യു​ടെ ആരോ​ഗ്യ​ത്തി​നു ഹാനി​ക​ര​മാ​ണെന്നു മനസ്സി​ലാ​യ​പ്പോൾ അദ്ദേഹം നല്ല ശമ്പളമുള്ള ആ ജോലി ഉപേക്ഷി​ച്ചു. മൂന്നു മാസത്തി​നു​ള്ളിൽ അദ്ദേഹ​ത്തി​ന്റെ അമ്മയും അമ്മായി​യ​മ്മ​യും മരണമ​ടഞ്ഞു. ആ പ്രിയ​പ്പെ​ട്ട​വ​രു​ടെ വിയോ​ഗം അദ്ദേഹത്തെ വല്ലാതെ വിഷമി​പ്പി​ച്ചു. ഇതെക്കു​റിച്ച്‌ അദ്ദേഹ​ത്തി​ന്റെ ചോദ്യ​ങ്ങൾക്കുള്ള മറുപ​ടി​യും ആശ്വാ​സ​വും തന്റെ പള്ളിയിൽനി​ന്നു കിട്ടു​മെന്നു പ്രതീ​ക്ഷി​ച്ചെ​ങ്കി​ലും അതെല്ലാം അസ്ഥാന​ത്താ​യി. ഒരു ഓർത്ത​ഡോക്‌സ്‌ ക്രിസ്‌ത്യാ​നി ആയിരി​ക്കുക എന്നതിന്റെ അർഥം “കഴുത്തിൽ ഒരു കുരി​ശും ഹൃദയ​ത്തിൽ ശൂന്യ​ത​യും” ആണെന്ന്‌ ഒരു കൂട്ടു​കാ​രൻ പറഞ്ഞു. അതുത​ന്നെ​യാണ്‌ ദിമി​ത്രി​ക്കു തോന്നി​യ​തും. ദൈവ​ത്തെ​ക്കു​റി​ച്ചോ ബൈബി​ളി​നെ​ക്കു​റി​ച്ചോ തനിക്ക്‌ ഒന്നും അറിയി​ല്ലെന്നു ദിമി​ത്രി തിരി​ച്ച​റി​ഞ്ഞു. നിരാ​ശ​നായ അദ്ദേഹം സഹായ​ത്തി​നാ​യി പ്രാർഥി​ച്ചു. അപ്പോ​ഴാണ്‌ യഹോ​വ​യു​ടെ സാക്ഷി​ക​ളെ​ക്കു​റിച്ച്‌ കേട്ടത്‌ അദ്ദേഹ​ത്തിന്‌ ഓർമ​വ​ന്നത്‌. അദ്ദേഹം ഇന്റർനെ​റ്റിൽ നമ്മുടെ വെബ്‌സൈറ്റ്‌ കണ്ടെത്തി. ബൈബി​ളി​നെ​ക്കു​റിച്ച്‌ അതിലുള്ള വിവരങ്ങൾ കണ്ട അദ്ദേഹം അതിശ​യി​ച്ചു​പോ​യി. പിന്നെ അദ്ദേഹം ഇന്റർനെ​റ്റിൽ അടുത്തുള്ള രാജ്യ​ഹാൾ അന്വേ​ഷി​ച്ചു. രാജ്യ​ഹാ​ളി​ന്റെ പാർക്കിങ്‌ സ്ഥലത്ത്‌ എത്തിയ അദ്ദേഹത്തെ ഒരു സേവകൻ സ്വീക​രിച്ച്‌ എന്തെങ്കി​ലും സഹായം ആവശ്യ​മു​ണ്ടോ എന്നു ചോദി​ച്ചു. ദിമി​ത്രി പറഞ്ഞു: “എനിക്ക്‌ ഒരു ബൈബിൾപ​ഠനം വേണം.” കഴിഞ്ഞ ആറു മാസമാ​യി അദ്ദേഹം നമ്മളോ​ടൊ​ത്തു പഠിച്ചു​കൊ​ണ്ടി​രി​ക്കു​ന്നു, എല്ലാ മീറ്റി​ങ്ങു​കൾക്കും ക്രമമാ​യി പങ്കെടു​ക്കു​ന്നു​മുണ്ട്‌.

കുറി​പ്പു​കൾ ഉപയോ​ഗിച്ച്‌ താത്‌പ​ര്യം വളർത്തു​ന്നു

പോളും ഫെയ്‌ത്തും ബ്രിട്ട​നിൽ താമസി​ക്കു​ന്ന​വ​രാണ്‌. സൂസൻ എന്ന ഒരു സ്‌ത്രീ​യു​മാ​യി സംഭാ​ഷണം നടത്തിയ അവർ വീണ്ടും മടങ്ങി​ച്ചെ​ല്ലാ​നുള്ള ക്രമീ​ക​രണം ചെയ്‌തു. അവർ മടങ്ങി​യെ​ത്തി​യ​പ്പോൾ സൂസൻ വീട്ടിൽ ഉണ്ടായി​രു​ന്നില്ല. 2014 നവംബർ ലക്കം നമ്മുടെ രാജ്യ​ശു​ശ്രൂ​ഷ​യിൽ കുറി​പ്പു​കൾ ഉപയോ​ഗി​ക്കു​ന്ന​തി​നെ​ക്കു​റിച്ച്‌ വന്ന ലേഖനം അവർക്ക്‌ ഓർമ​വന്നു. അതനു​സ​രിച്ച്‌ അവർ അടുത്ത ദിവസം വരാം എന്നൊരു കുറിപ്പ്‌ എഴുതി​വെച്ചു. പിറ്റേ ദിവസം മടങ്ങി​ച്ചെ​ന്ന​പ്പോൾ ഇതാ അവർക്കാ​യി സൂസന്റെ ഒരു കുറിപ്പ്‌! മകളുടെ കല്യാ​ണ​ത്തി​നു താൻ സാധനങ്ങൾ വാങ്ങാൻ പോകു​ക​യാ​ണെന്ന്‌ അവർ ആ കുറി​പ്പിൽ എഴുതി​യി​രു​ന്നു. അടുത്ത ആഴ്‌ച മടങ്ങി​വ​രാ​മെന്നു പറഞ്ഞ്‌ പോളും ഫെയ്‌ത്തും മറ്റൊരു കുറിപ്പ്‌ എഴുതി വെച്ചിട്ടു പോന്നു. ഇപ്രാ​വ​ശ്യം സൂസൻ കാത്തി​രു​ന്നു. ബൈബിൾ പഠിപ്പി​ക്കു​ന്നു പുസ്‌ത​ക​ത്തിൽനിന്ന്‌ പഠനവും ആരംഭി​ച്ചു.

മകളുടെ വിവാഹം ഉടനെ നടക്കാൻ പോകു​ക​യാ​ണെ​ന്നും അതു​കൊണ്ട്‌ അടുത്ത സന്ദർശനം അൽപ്പം നീട്ടി​വെ​ക്കാ​മോ എന്നും സൂസൻ ചോദി​ച്ചു. പിന്നീടു പോളും ഫെയ്‌ത്തും അവരെ സന്ദർശി​ച്ച​പ്പോൾ ആരെയും കണ്ടില്ല. അതു​കൊണ്ട്‌ ഇപ്രാ​വ​ശ്യം അവരുടെ മൊ​ബൈൽ നമ്പർ എഴുതിയ കുറിപ്പു വെച്ചു. മറുപ​ടി​യാ​യി സൂസന്റെ മെസ്സേജ്‌ കണ്ട അവർക്കു സന്തോ​ഷ​മാ​യി. പോളും ഫെയ്‌ത്തും വന്നപ്പോൾ താൻ അയൽക്കാ​രി​യു​മാ​യി സംസാ​രി​ച്ചു​കൊണ്ട്‌ വീടി​ന​ടു​ത്തുള്ള തോട്ട​ത്തിൽ ഉണ്ടായി​രു​ന്നെ​ന്നും അവരെ കാണാൻ പറ്റാത്ത​തിൽ ഖേദമു​ണ്ടെ​ന്നും സൂസൻ എഴുതി​യി​രു​ന്നു. അപ്പോൾ മുതൽ സൂസൻ നമ്മളോ​ടൊ​ത്തു പതിവാ​യി ബൈബിൾ പഠിക്കു​ന്നു. ഈയിടെ സൂസൻ ആദ്യമാ​യി മീറ്റി​ങ്ങി​നും വന്നു.

ആളുക​ളു​മാ​യി ബന്ധപ്പെ​ടാൻ കുറി​പ്പു​കൾ വെക്കു​ന്ന​തിൽ പോളി​നും ഫെയ്‌ത്തി​നും വളരെ ഉത്സാഹ​മാണ്‌. പോൾ പറയുന്നു: “ഞങ്ങളുടെ മറ്റു പല താത്‌പ​ര്യ​ക്കാ​രും ഇതു​പോ​ലെ ഞങ്ങൾ എഴുതി വെച്ചിട്ടു പോരുന്ന കുറി​പ്പു​കൾ വായി​ക്കാ​റുണ്ട്‌. കുറി​പ്പു​കൾ വെക്കുന്ന ഈ രീതി കൊള്ളാം!”

അദ്ദേഹ​ത്തി​ന്റെ വിശ്വാ​സം നഴ്‌സി​നെ സ്വാധീ​നി​ച്ചു

2014 ആഗസ്റ്റിൽ ഗുരു​ത​ര​മായ ശ്വാസ​കോ​ശ​രോ​ഗം ബാധിച്ച്‌ നമ്മുടെ ഒരു സഹോ​ദ​രനെ ഹംഗറി​യി​ലെ ഒരു ആശുപ​ത്രി​യിൽ പ്രവേ​ശി​പ്പി​ച്ചു. സങ്കടക​ര​മെന്നു പറയട്ടെ, അധികം​വൈ​കാ​തെ സഹോ​ദരൻ മരണമ​ടഞ്ഞു. സഹോ​ദ​രനെ നന്നായി ശുശ്രൂ​ഷി​ക്കു​ക​യും സഹായി​ക്കു​ക​യും ചെയ്‌ത ടിൻഡെ എന്ന നഴ്‌സി​നെ​ക്കു​റിച്ച്‌ സഹോ​ദ​രന്റെ ഭാര്യ ഇങ്ങനെ എഴുതി:

“2015-ലെ ‘യേശു​വി​നെ അനുക​രി​ക്കുക!’ മേഖലാ കൺ​വെൻ​ഷ​നിൽ ഞാനും മകനും പങ്കെടു​ത്തു. കൺ​വെൻ​ഷന്റെ അവസാ​ന​ദി​വസം വീട്ടി​ലേക്കു മടങ്ങാ​നാ​യി ഞങ്ങൾ പാർക്കിങ്‌ സ്ഥലത്ത്‌ നിൽക്കു​ക​യാ​യി​രു​ന്നു. ഒരു സ്‌ത്രീ എന്നെ കണ്ടതും ബാഗു​ക​ളെ​ല്ലാം താഴെ​യി​ട്ടിട്ട്‌ എന്നെ കെട്ടി​പ്പി​ടി​ച്ചു. എന്നിട്ട്‌ കരയാൻ തുടങ്ങി. ഏതാണ്ട്‌ ഒരു വർഷം മുമ്പ്‌ എന്റെ ഭർത്താ​വി​നെ ശുശ്രൂ​ഷിച്ച നഴ്‌സ്‌ ആയിരു​ന്നു അവൾ. ദിവസ​വും ജോലി ആരംഭി​ക്കു​ന്ന​തി​നു മുമ്പ്‌, ഓരോ നഴ്‌സി​നും ഒരു രോഗി​യെ വീതം നിയമി​ച്ചു കൊടു​ക്കു​മാ​യി​രു​ന്നു എന്ന്‌ അവൾ പറഞ്ഞു. രോഗി​യായ എന്റെ ഭർത്താ​വി​നെ പരിച​രി​ക്കാ​നാ​യി​രു​ന്നു അവൾക്കു താത്‌പ​ര്യം. അതിനാ​യി അവളെ നിയമി​ക്കണേ എന്ന്‌ അവൾ എന്നും പ്രാർഥി​ച്ചി​രു​ന്നു. അതുത​ന്നെ​യാ​ണു സംഭവി​ച്ച​തും!

“വിശ്വാ​സ​ത്തോ​ടു ബന്ധപ്പെട്ട എന്റെ ഭർത്താ​വി​ന്റെ നല്ല പെരു​മാ​റ്റ​വും ഭാവി​പ്ര​ത്യാ​ശ​യെ​ക്കു​റിച്ച്‌ അദ്ദേഹം എപ്പോ​ഴും പറഞ്ഞി​രു​ന്ന​തും യഹോ​വ​യു​ടെ സാക്ഷി​ക​ളോ​ടൊത്ത്‌ ഒരു ബൈബിൾപ​ഠനം തുടങ്ങാൻ തന്നെ പ്രേരി​പ്പി​ച്ചെന്നു ടിൻഡെ പറഞ്ഞു.

“ടിൻഡെ ഇപ്പോൾ ബൈബിൾ പഠിച്ചു​കൊ​ണ്ടി​രി​ക്കു​ക​യാണ്‌. ഭാവി​യിൽ എന്റെ ഭർത്താവ്‌ പുനരു​ത്ഥാ​ന​ത്തിൽ വരു​മ്പോൾ സ്വീക​രി​ക്കാൻ അവളും കാത്തി​രി​ക്കു​ക​യാണ്‌. അദ്ദേഹ​ത്തി​ന്റെ നല്ല പെരു​മാ​റ്റ​വും ഉറച്ച വിശ്വാ​സ​വും ആണ്‌ അവളെ സ്വാധീ​നി​ച്ചത്‌ എന്നു പറയാൻ അവൾ ആഗ്രഹി​ക്കു​ന്നു. അതു​പോ​ലെ ആ നല്ല മാതൃക യഹോ​വ​യെ​ക്കു​റി​ച്ചും യഹോ​വ​യു​ടെ വാഗ്‌ദാ​ന​ങ്ങ​ളെ​ക്കു​റി​ച്ചും അറിയാൻ തന്നെ സഹായി​ച്ചെ​ന്നും അവൾ അദ്ദേഹ​ത്തോ​ടു പറയും.”

സാക്ഷീ​ക​രണം, വാഹനങ്ങൾ തോറും

പ്രതി​ഷേ​ധ​ങ്ങ​ളും തടസ്സങ്ങ​ളും കാരണം ഗ്രീസി​ന്റെ​യും ബൾഗേ​റി​യ​യു​ടെ​യും അതിർത്തി​ക​ളി​ലെ ചെക്ക്‌പോ​സ്റ്റു​കൾ മിക്ക​പ്പോ​ഴും അടഞ്ഞു​കി​ട​ക്കും. അതിനാൽ പലപ്പോ​ഴും വാഹനങ്ങൾ മൈലു​ക​ളോ​ളം ദൂരത്തിൽ റോഡിൽ കാത്തു​കി​ട​ക്കാ​റുണ്ട്‌. ഈ അവസരം പ്രയോ​ജ​ന​പ്പെ​ടു​ത്താൻ ബൾഗേ​റി​യ​യി​ലെ ഒരു സഭ തീരു​മാ​നി​ച്ചു. ഇങ്ങനെ കാത്തു​കി​ട​ക്കുന്ന വണ്ടിക​ളി​ലെ ഡ്രൈ​വർമാർക്കും മറ്റും സഹോ​ദ​രങ്ങൾ ബൈബിൾപ്ര​സി​ദ്ധീ​ക​ര​ണങ്ങൾ വായി​ക്കാ​നാ​യി കൊടു​ക്കും. 12 ഭാഷക​ളിൽ ഉള്ള പ്രസി​ദ്ധീ​ക​ര​ണ​ങ്ങ​ളു​മാ​യാ​ണു സഹോ​ദ​രങ്ങൾ പോകാറ്‌. ട്രക്ക്‌ ഡ്രൈ​വർമാ​രിൽ മിക്കവ​രും തളർന്നും ക്ഷീണി​ച്ചും ഇരിക്കു​ന്ന​വ​രാ​ണെ​ങ്കി​ലും നമ്മളോ​ടു സംസാ​രി​ക്കാൻ അവർക്ക്‌ ഇഷ്ടമാണ്‌. സഹോ​ദ​ര​ങ്ങ​ളാ​കട്ടെ, അവർ പറയു​ന്നത്‌ അനുക​മ്പ​യോ​ടെ കേൾക്കു​ക​യും അവർക്കു പ്രത്യാ​ശ​യും പ്രോ​ത്സാ​ഹ​ന​വും പകരു​ക​യും ചെയ്യും. ഒരു ഡ്രൈവർ ഇങ്ങനെ ചോദി​ച്ചു: “നിങ്ങൾ യഹോ​വ​യു​ടെ സാക്ഷികൾ ആണോ?” ‘അതെ’ എന്ന മറുപടി കിട്ടി​യ​പ്പോൾ അദ്ദേഹം ഇങ്ങനെ കൂട്ടി​ച്ചേർത്തു: “എനിക്ക​റി​യാം, യഹോ​വ​യു​ടെ സാക്ഷികൾ മാത്രമേ ഇങ്ങനെ പ്രവർത്തി​ക്കു​ക​യു​ള്ളൂ.” ഓസ്‌ട്രി​യ​ക്കാ​ര​നായ ഒരു ട്രക്ക്‌ ഡ്രൈവർ രസകര​മായ ഈ ചോദ്യം ചോദി​ച്ചു: “ഇവി​ടെ​പ്പോ​ലും ഞങ്ങളെ വിടില്ല, അല്ലേ! കൊള്ളാം! ആളുകൾക്ക്‌ ആശ്വാ​സ​വും പ്രത്യാ​ശ​യും കൊടു​ക്കു​ന്നത്‌ നിങ്ങൾ നിറു​ത്ത​രുത്‌.” മറ്റൊ​രാൾ ഇങ്ങനെ പറഞ്ഞു: “എനിക്കു നിങ്ങളു​ടെ പുസ്‌ത​ക​മൊ​ന്നും വായി​ക്കാൻ ഒരു താത്‌പ​ര്യ​വും ഇല്ലായി​രു​ന്നു. പക്ഷേ ഇപ്പോൾ സന്തോ​ഷ​ത്തോ​ടെ ഞാനതു വായി​ക്കും.” ഒരു സഹോ​ദരൻ വേറൊ​രു ഡ്രൈ​വ​റോ​ടു സന്തോ​ഷ​വാർത്ത പറഞ്ഞ​പ്പോൾ അദ്ദേഹ​ത്തി​ന്റെ കവിളി​ലൂ​ടെ കണ്ണീർ ഒഴുകി. കാരണം വളരെ​ക്കാ​ലം മുമ്പ്‌ താൻ ഒരു സാക്ഷി​യാ​യി​രു​ന്നെന്ന്‌ അദ്ദേഹം പറഞ്ഞു. പ്രസി​ദ്ധീ​ക​രണം വായി​ക്കാ​നും ഏതെങ്കി​ലും സഭയു​മാ​യി ബന്ധപ്പെ​ടാ​നും സഹോ​ദ​രങ്ങൾ അദ്ദേഹത്തെ പ്രോ​ത്സാ​ഹി​പ്പി​ച്ചു.