മനുഷ്യ​നിർമിത മതിലു​കൾക്കു തടയാ​നാ​കാത്ത സ്‌നേഹം

സാനെൽ എന്ന കുഞ്ഞു​വാവ, ജനിക്കു​ന്ന​തി​നു വളരെ മുമ്പു​തന്നെ അവളുടെ ഗുരു​ത​ര​മായ രോഗാ​വ​സ്ഥ​യെ​പ്പറ്റി ഡോക്‌ടർമാർ മാതാ​പി​താ​ക്കളെ അറിയി​ച്ചി​രു​ന്നു. ഇനി അഥവാ ജനിച്ചാ​ലും അവളുടെ ജീവി​ത​ത്തിൽ കടുത്ത ആരോ​ഗ്യ​പ്രശ്‌നങ്ങൾ ഉണ്ടാകു​മെ​ന്നും അപ്പോൾ മുതൽ പല ശസ്‌ത്ര​ക്രി​യകൾ വേണ്ടി​വ​രു​മെ​ന്നും ഡോക്‌ടർമാർ പറഞ്ഞു. ജോർജി​യ​യിൽനിന്ന്‌ സ്വാത​ന്ത്ര്യം പ്രഖ്യാ​പിച്ച അബ്‌ഖാ​സി​യ​യി​ലാ​യി​രു​ന്നു അവർ ജീവി​ച്ചി​രു​ന്നത്‌. രക്തം കൂടാതെ സാനെ​ലി​നു ശസ്‌ത്ര​ക്രിയ നടത്താൻ ഒരു ഡോക്‌ടറെ ആ പ്രദേ​ശ​ത്തെ​ങ്ങും അവർക്കു കിട്ടി​യില്ല.

മാതാ​പി​താ​ക്കൾ ആ പ്രദേ​ശത്തെ ആശുപ​ത്രി ഏകോ​പ​ന​സ​മി​തി​യു​മാ​യി (എച്ച്‌എൽസി) ബന്ധപ്പെട്ടു.a ഈ സമിതി​യി​ലെ സഹോ​ദ​ര​ന്മാർക്കു നമ്മളോ​ടു സഹകരി​ക്കുന്ന ഒരു ഡോക്‌ടറെ ജോർജി​യ​യു​ടെ തലസ്ഥാ​ന​മായ ടിബി​ലി​സി​യിൽ കണ്ടെത്താ​നാ​യി. ഇതു മാതാ​പി​താ​ക്കളെ വളരെ​യ​ധി​കം ആശ്വസി​പ്പി​ച്ചു. എന്നാൽ കുഞ്ഞിന്റെ അമ്മയ്‌ക്കു പ്രസവ​ത്തോ​ടു ബന്ധപ്പെട്ട പ്രശ്‌നങ്ങൾ മൂലം യാത്ര ചെയ്യാൻ ആകുമാ​യി​രു​ന്നില്ല. അമ്മയ്‌ക്കു പകരം യഹോ​വ​യു​ടെ സാക്ഷി​ക​ളായ സാനെ​ലി​ന്റെ രണ്ടു വല്യമ്മ​മാർ കുഞ്ഞി​നെ​യും കൊണ്ട്‌ ടിബി​ലി​സി​യി​ലേക്കു പോകാൻ തീരു​മാ​നി​ച്ചു.

സങ്കീർണ​മാ​യ ആ ശസ്‌ത്ര​ക്രിയ വിജയി​ച്ചു. കുറെ ദിവസം കഴിഞ്ഞ്‌, ആ വല്യമ്മ​മാർ ഇങ്ങനെ എഴുതി: “20 ദിവസ​ത്തോ​ളം ഞങ്ങൾ ആശുപ​ത്രി​യിൽ താമസി​ച്ചു. ആ സമയ​ത്തെ​ല്ലാം ജോർജി​യ​യി​ലെ ധാരാളം സഹോ​ദ​രങ്ങൾ ഞങ്ങളെ സന്ദർശിച്ച്‌ സഹായം വാഗ്‌ദാ​നം ചെയ്‌തു. മിക്കവ​രും​തന്നെ ഞങ്ങളെ ആശ്വസി​പ്പി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്‌തു. നമ്മുടെ സഹോ​ദ​ര​ങ്ങ​ളു​ടെ സ്‌നേ​ഹ​ത്തെ​ക്കു​റിച്ച്‌ ഞങ്ങൾ വായി​ച്ച​റി​ഞ്ഞി​രു​ന്നു. എന്നാൽ ഇപ്പോൾ അതു നേരിട്ട്‌ അനുഭ​വി​ച്ച​റി​ഞ്ഞു.”