Тусгай урилга
1. 2014 оны чуулгануудад хэзээ урьж эхлэх вэ?
1 Та анд нөхөд, хамаатан садандаа зориулж их мөнгө төгрөг, цаг зав зарцуулан байж зоог бэлдэхээр болжээ гэж бодъё. Тэгвэл тэднийг урихдаа идэвх санаачилга гаргахгүй гэж үү? Үүнтэй адилаар, 2014 оны бүсийн болон олон улсын чуулганд бэлтгэхэд маш их хүч хөдөлмөр орсон. Чуулган болохоос гурван долоо хоногийн өмнө бид хүмүүсийг урьж эхэлнэ. Урилгаа идэвх санаачилгатай тараахын тулд яах хэрэгтэй вэ?
2. Аянд идэвхтэй оролцох хүслээ яаж бадраах вэ?
2 Еховагийн бэлдсэн найр болох чуулганаас хэчнээн их ач тус хүртдэгийг бодохлоор урилгаа идэвхтэй тараах хүсэл бадардаг (Ис. 65:13, 14). Бас урилга тараах аян маань жилээс жилд үр өгөөжөө өгдгийг санаж явах нь зүйтэй. Урьсан хүмүүсийн зарим нь чуулганд ирдэг. Гэхдээ хэдэн хүн ирэхээс үл хамааран аянд идэвхтэй оролцвол бид Еховаг алдаршуулж, өгөөмөр занг нь дууриана (Дуу. 145:3, 7; Илч. 22:17).
3. Урилгыг яаж тараах вэ?
3 Урилгыг яаж өргөн дэлгэр тараахыг хурлын ахлагчдын зөвлөл шийднэ. Жишээлбэл, хүнгүй айлд үлдээх, хурлынхаа хэсэгт олон нийтэд тараах эсэхийг бодолцоно. Тохиромжтой гэж үзвэл амралтын өдрүүдээр урилга тараахдаа сэтгүүл өгөөрэй. Урилга тараах аяны хугацаанд сарын эхний бямба гариг таарвал Библийн хичээл эхлэхийн оронд урилга тараахыг чухалчилна. Аянд идэвх санаачилгатай оролцож Еховагийн бэлдсэн найранд чадахаараа олон хүн урьсандаа бид хэчнээн их баяртай байх бол оо!