Дэлгэрүүлэхдээ цагийг зөв ашиглацгаая

Еховагийн Гэрчүүд 2014 оны үйлчлэлийн жилд 1 945 487 604 цаг дэлгэрүүлсэн нь Бурханд үйлчлээд завгүй байсныг харуулж байна (Дуу. 110:3; 1 Кор. 15:58). «Цаг хугацаа охор богино» болж байгаа өнөө үед аль болох олон хүнтэй уулзахын тулд яах хэрэгтэй вэ? (1 Кор. 7:29)

Цагаа зөв ашиглая гэвэл уян хатан байх хэрэгтэй. Жишээ нь, хэчнээн их дэлгэрүүлсэн ч хүнтэй ярих боломж гарахгүй байвал яах вэ? Аль болох олон хүнтэй уулзаж ярилцах зорилгоор урьдынхаасаа өөрөөр дэлгэрүүлээрэй. Цагаа хий дэмий үрэхгүй байхад тань дараах зөвлөгөө тус болох болов уу (1 Кор. 9:26).

• Айлаар дэлгэрүүлэх нь: Бид өглөөгүүр айлаар дэлгэрүүлсээр олон арван жил болсон. Гэхдээ олон хүн өглөө, өдөр ажилладаг учир оройн цагаар, хүмүүсийг гэртээ байхад айлаар явж болохгүй нь юу билээ? Өдөр нь, гудамжаар, эсвэл албан газруудаар дэлгэрүүлбэл үр дүнтэй байж болох юм.

• Нийтэд дэлгэрүүлэх нь: Хурлууд хэсгийнхээ хөл хөдөлгөөн ихтэй газар, ширээ, дугуйтай тавиур тавьж дэлгэрүүлдэг (2013 оны 7-р сарын «Христиан үйлчлэл»-ийн 5-р хуудсыг үзнэ үү). Нийтэд дэлгэрүүлдэг газар хүмүүс явах нь багассан бол хурлын үйлчлэлийн хороо өөр газар сонгож болох юм.

• Давтан уулзаж, Библийн хичээл хийх нь: Хүнтэй тааралдах нь бага байдаг цагаар Библийн хичээл хийх юм уу сонирхсон хүнтэй дахин уулзаж болох юм. Жишээ нь, хагас сайн өдрийн өглөөгүүр айлаар явахад олон хүн гэртээ байдаг бол Библийн хичээлээ үдээс хойш юм уу орой хийвэл сайн. Нэг газар хичээлтэй дэлгэрүүлэгчид хамт явахаар тохиролцвол үр дүнтэй байна.

Бид олон цаг дэлгэрүүлсэндээ биш, үр бүтээлтэй дэлгэрүүлсэндээ баярладаг. Тогтсон нэг цагт, нэг аргаар дэлгэрүүлэх нь үр дүнгүй байвал аргаа өөрчлөөрэй. Дэлгэрүүлэхдээ цагаа зөв ашиглахын тулд «ургацын Эзэн» Еховагаас удирдамж заавар гуйн залбирцгаая (Мат. 9:38).