Mwahaya bwaddi iyo ndhowaga omutugumano owareene pama?

Uhoona fotu dhili mburuxurani muna makalelo Anamona a Yehova enawariwa pama yadhowaga omutugumanoni wewa? Mwahaya bwaddi nigavaha thima makalelo owara ni wiyegeredha?

Nnamuriha Mulugu ehu. Ebaribari wihina Mulugu kanasugwa niwarilihu baahi, oliye anasugwa murima wa kadda muthu. (1 Samuel 16:7) Mbwenye naatugumanaga wi nimwebedhe, yofuna yehu fumuriha oliye ni waariha addibilihu. Nadhowaga wa anamathonga, nnowisugwa akala nihiwara pama mwaha wi nnowariiha. Emodhave, makalelo nnawarihu ni nnisamalelihu nadhowaga omutugumanoni nnoniha wi nnomuriha ‘Namatoriha a elabo yatene’ Yehova Mulugu, ni mburo nnamwebedhihumo. — Génesis 18:25.

Wi noonihe dholaga dhineddiha egumi yehu. Bibliya anowakongomedha makiristawu owara ‘mohikaliha manyazo, nuuhithukula’ (1 Timóteo 2:9, 10) Owara ‘mohikaliha manyazo’ enatapulela ohuwara dhowara dhongwangwaruwa, dhomaga dhovenyiha dhamalile ni dhowonela. Mbwenye, okanna mukalelo wapama, ononikavihera osakula dhowara dhoriya dhihiri dha nipwazo ni dhoyere. Dholaga ndha dhinoniva oneti wosakula dhowara nnafunihu. Naari nihiwogile iyo podi woniha wi ‘nnoriha dhohudhiha dha Namavulusa’ ehu ni ‘onvuwiha Mulugu’ ehu, mwaha wa owara pama. (Tito 2:10; 1 Pedro 2:12) Owara pama nadhowaga omutugumanoni wehu, nnere wakavihera athu okanna monelo wapama wo webedha wa Yehova.

Naari wahinna dhowara dha thima, kuhiye odhowa o Nyumba Yomwene. Dhowara dhehu kadhinahowela okala dhokwima obe dhoriya, mbwenye enahoweleya ofula ni dhikale dhapamadhene.

• Mwahaya bwaddi nigawara pama namwebedhaga Mulugu?

• Magano enanikavihera makalelo ehu owara baavi?