Addibila egaali ofaabirika enaapida malivuru
1922 Yaka 100 Mundduli
‘MULUGU . . . ohunivaha . . . ogonjhiha wodhela . . . Yesu Kiristu.’ (1 Cor. 15:57, Versão Rei Jaime) Ela yali yolebela ya yaka ya 1922, madhu ala yowawubusedha anamahudhera a Bibiliya wihina Yehova eere oreeliha ororomeleya wewa. Mudhidhi yole, Yehova ahakwaneliha yothoma yaye wodhela anamalaleya ale ooviheya. Oliye wareliha ofiyedha aliwa wapida malivuru eewene ni omulabihedha radiyo wihina elaleye. Vasogolova yaka yele, Yehova wavaha mareeliho mulogo waye. Anamahudhera ale a Bibiliya yahiwedha otugumana vamusonkanoni winlubale wereye o Cedar Point, Ohio, U.S.A. Yapadduwe vamusonkanoni vale enovolowela nikuru na Yehova ofiyedha peeno.
“MUBUWELO WOTIKINIHA”
Mudhidhi nathabwihu olaleya fwathabwihu wahowela malivuru owinjhiva. Addibila ooBeteli yo Brooklyn yowapida malivuru, mbwenye aliwa yojheha garafika yowapida malivuru wihina epidiwe malivuru a kapa yovaadda. Nuulegela mweri dhowinjhivadhene aliba garafika yahinaapeleke malivuru mabasa oolaleya kuheddaga pama, Vano ddibila Rutherford omukoha Robert Martin, ali namasogolela a garafika, wodhela okanna makalelo eewene owapida malivuru.
Perediyo ya garafika oBrooklyn, elabo yo Nova York
Ddibila Martin, owoga egi: “ola mubuwelo wotikiniha,” “mwaha ela yatapulela okanna garafika yatene yahoweleya yowapidana malivuru.” Addibila walugaari mburo wana kodiku nummero 18 wakala elabo ya oBrooklyn ni ogula dhipano dhinahoweleya wapidana malivuru.
Mbwenye naarive dhigaali ndo kahiyo aatene yaahagalale ni muselule. Namasogolela a empereza yapidesa malivuru ehu odha opaada garafika yehu. Oliye owoga egi: “Eyaa! vano muhukanna garafika yapama yowapidana malivuru, mbwenye kaavo anaanda olabihedhawa. Dhavira mweri mitanu nammodha ela enere okala ninga lixu.”
Ddibila Martin owoga egi: “Eyo enowoneleyamo, mbwenye Nabwiya ali ni iyo ni anerege onikavihera.” Ddibila Martin awoga ebaribari. Nuuvira mudhidhi vang’no mabasa ale owapida malivuru wambela wenjhedhedheya, ofiyedha kadda labo opidiwaga malivuru owakwana 2 000.
Foto yo tiribuna wigali maletira
ELALEYIWAGA ATHU OWINJHIVA WODHELA RADIYO
Ohiya opidiwaave malivuru ehu, nikuuru na Yehova obajha omulabihedha — radiyu wihina epariwe mabasa oolaleya. Vano Domingu txiguwo, 26 a Fevereiro a yaka ya, 1922, Ddibila Rutherford owoga muradiyoni dila yobajha. Oliye owoga mwaha wanna musolo: “Muthithi Wathu Enakalawo Peeno Kinadha Ekwaga” elabihedhiwaga kanale ya radiyu KOG o Los Angeles, elabo yo California, U.S.A.
Athu owakwana 25 000 yahinvuruwana radiyu. Athu owinjhiva yavuruwane mwaha ole yahawinviyari makarta emutamalelaga ddibila Rutherford. Muwari mwa makarta yala nimodha nali na Willard Ashfor, anakala o Santa Ana, elabo yo California. Oliye otamaalela vanlubale wodhela mwaha wa Ddibila Rutherford awogaga wihina “yahithaba oriya ni yodahinya murima.” Oliye wenjhedhedha egi: “Ni aredda araru nannihuna vaade kiyakale yokweya ovuruwana mwaha wawo ahilabihedhiwe radiyo, narive mwahaya wahawogiwe waddamela vaadevihu.”
Mwaha dhooharela dhawogiwe sumana dhooharela. Torre de vigia, vano anoniwe ninga Namasugwera wona wihina “ofiyedha omagomihedho wa yaka yele athu owakwana 300 000 yahivuruwana muthenga wa [muradiyoni].”
Mwaha makalelo apama yonelamo athuya, anamahudherale ooviheya a Bibiliya othoma wihina emagiwe kambilinya yaradiyu murudda wo Staten Island, waddamela Beteli yo Brooklyn.Yaka dhooharela, kanale ya radiyu ole WBBR, yere olabihedhiwa ni anamahudherale a Bibiliya wihina elaleye muthenga womwene.
“ADV”
Nummero na 15 a Junho a yaka ya 1922 Namasugwera ovuwiha musonkano munlubale wereye o Cedar Point, Ohio, obajha labo na 5 ofiyedha 13 a Setembro a 1922. Anamahudhera ale a Bibiliya yahihagalala vanlubale nuufiya vamusonkanoni vale o Cedar Point.
Awogaga mwaha waye wobajha, Ddibila Rutherford oliye owoga egi: “Giikana ebaribari, wi Yehova anere oreliha musonkano ola . . . ni onere ovaha onamoona wahineereyege wapela elabo yaatene.” Kadda namawoga mwaha owakongomedha addibila wodhela wapara mabasa oolaleya.
Muthithi wa athu yonaga musonkano elabo yo Cedar Point, o Ohio, yaka ya 1922
Vano Xixano, 8 a Setembro, athu owakwana 8 000 yahifiya vamusonkanoni vale oohagalalene wihina evuruwane mwaha wa Ddibila Rutherford. Aliwa yajheha wi ddibila ole aatapulele madhu owi “ADV,” yafwanyeya vakonvintini. Mudhidhi athuya ekiratigi yahona lona ninlubale nigamageleliwe vadhulu va tiribuna. Arthur Claus, akumile o Tulsa obe Oklahoma, U.S.A., ahifwanya mburo wapama wihina ande ovuruwana pamadhene mwahadha, wona wihina mudhidhi yole kadhaliwo dhipano dhovuwihana.
“Nowapwasedha pamadhene kaanda madhu”
Wihina ahanyagulege athu amodha, nameeddiha musonkano ole owoga wihina kaavo muthu di muthu aavire otiribuna mudhidhi Ddibila Rutherford awogaga mwahaaye. Mambesi 9:30, Ddibila Rutherford ahibajha mwahaye asorihaga madhu a Yesu enafwanyeya va Mateus 4:17: ‘Omwene wodhulu uhaddamela.’ (Versão Rei Jaime) Awogaga wodhela makalelo athu yanoniwa omwene oyo, oliye owoga egi: “Mwinnyene Yesu ohusoriha wihina waddamelaga mudhidhi waye eere osakulela nlogo naaye, mudhidhi yoyo oliye eere watugumanya athu oororomeleya, apama ni eebaribari.”
Ddibila Claus, ali waddamela otiribuna,oliye owoga egi: “Nowapwasedha pamadhene kadda madhu.” Naarive ahifunaga, Arthur ovenyawo otiribuna mwaha mudhidhi yole oliye owiwa opa ni uubuwela wihina kaahogolowe.
Mbwenye mudhidhi vang’no, oliye ovulumuwa. Mudhidhi ahogolowelaga mburo vagigatiliye, oliye wawiwa addibila yawobaga mada. Mwaha odhiveliwa ni ohonelamo dhapadduwa! Oliye ofunaga wihina agwele vego vootama wi ande ovuruwana epaadi yogomihedha ya mwaha ole. Ddibila Claus, anna yaka 23 mudhidhi yole, ofwanya makalelo oogwela epaddi modha emodha ya perediyu, nuumala ogwela meturu mannayi a perediyu ele (16), oliye wambela ovuruwana pamadhene! Vano wona wihina majanelaya yali oofuguwene oliye wonelamo wihina ole waali mburo wofwanelela wi, “avuruwane mwaha dhatedhene.”
Mbwenye Arthu kaali yeka. Oliye ahafwanya akwaye amodha yaagwenle kale. Mmodha wa ailiwa ali, Frank Johnson, omukoha egi: “We ohukanna mwana mbeni?”
Arthur wakula egi: “Ehe gikanna.”
Frank owoga egi: “We oli yowakula ya malobelo ehu. Onowona rolu enlubale eli vale? Ompwasedhe omvuruwana ddibila ole anawoga mwahaya. Wamwiwa awoga egi: ‘Mvuwiwe, mvuwihe,’ ogwadde kabala minnayi nda.”a
Vano Arthur, ojhehaga ovahiwa sinaale wihina apadhe kabala nde. Vano Ddibila Rutherford ofiya epaddi ya mutoma wa mwaha waye. Ni mwaha wohagalala, Ddibila Rutherford podi wera ahiwoga ni maddu ootaama egi: “Mukale oororomeleya ni anamoona ooviheya a Nabwiya. Muwanihege koddo ofiyedha omugonjhiha Babiloniya aatene. Mvuwihe muthenga mburo dhatedhene. Elabo enohowela onona wihina Yehova Mulugu teto Yesu Kiristu di mwene a mamwene ni Nabwiya a Nabwiya. Nna nlabo na thima okwaranya mateene. Kasugwa, mwene ohubajha othonga! Nyu muli anamalaleya aye. Bumwahaya, mvuwihe, mvuwihe, mvuwihe, Mwene ni Omwene waye!”
Arthur owoga egi oliye vamodha ni addibila amodha nuupadha kabala ndhe lona nne otapuwa. Mowiwanana ni maletira ale “ADV,” ovuwiha ni engeleji, valonani valebiwe vegi: “Munvuwihe mwene ni Omwene waye.”
“ELA SIGUMI ENAHOWELEYA”
Musonkano ola wereye o Cedar Point helped wakavihera addibila wapwasedha pamadhene mabasa athima eli olaleya Omwene, ale yanna muzimu wefunelo yofuna okavihera wapara mabasa ala. colporteur (peeno enoniwe ninga apiyonero) Oklahoma, o U.S.A. ohuleba egi: “Niilaleya murudda dhaala athuya yalaba ominani, ni yali oohaawa.” Oliye ohuwoga egi athuya yavuruwanaga muthenga onafwanyeya mu Revistani, A Idade de Ouro, “aliwa [enoobajha] wunla.” Oliye onowenjhedhedha egi: “Mareeliho manlubale watodola athuya.”
Anamahudhera ale a Bibiliya ehona thima enna madhu a Yesu enafwanyeya va Lucas 10:2: ‘Munddaya ohunnuwa, mbwenye anamalabaya eli vang’ono.’ Omagomihedho wa yaka ya 1922, aliwa yahithabwa oviheya opitha kale wihina evuwihe muthenga wa Omwene mwilaboni yatene.
a Ddibila Rutherford dila dhimodha owithaniwa ninga “namatoriha” mwaha akala mudhidhi alabiliye ninga “namatoriha” o Missouri, U.S.A.