YOPADDUWA

Waweddela thagaraga athu aatene

Nlabo dhaala murogola anakala elabo yo Nova Zelandiya woona vidiyu enawoga wodhela othuwathuwelana mmodha ni mukwaye, enafwanyeya mu sayiti jw.org. Vidiyu ela enawoga wodhela makalelo Yehova anonihiye wihina ohiya wonihave thagaraga Oliye anowerana ethu-sithu wihina anikavihere. (Isa. 63:7-9) Vano murogola ole othoma oparihedha mabasa ndhe ahudheriye wodhela osayela ofuru womukavihera muthu asegedheyile. Vasogolova nlabo nenne, oliye adhowaga muloja onfwanya muhiyana dhaala akala murampani. Nuwindo murogola ole wivahedhela wihina amugulele yoojha. Vano muhiyana ole orumedha. Nuhogolowa wihina anvahedhele yoojha, oliye opatha mudhidhi yole wihina amulaleye amulabihedhaga folyetu anna musolo Goyi enodha emale?

Muhiyana ole obajha wunla. Oliye owoga wihina aaleliwe ninga Namoona a Yehova, mbwenye ahimala osukuma ebaribari muwari mwa yakadhene. Teto ovaneneve oliye anna olobela alobaga wihina amuhogolowele Yehova. Murogola ole onvaha Bibiliya muhiyana ole ni opangana omuhudhera Bibiliya ni oliye.a

Ndala ninga Yehova ni iyoya nnohowela waweddela thagaraga athu aatene. Podi okala amudhihu obe addibila ammulogoni. Ohiya eyo, iyo podi wooniha thagaraga wodhela osayela makalelo owalaleya athu amodha.