Yoviteya bani erivo wi muthu akalena egumi ya vamuralani yohagalasa?

BIBLIYA ANAWOGA EGI INA

“Ohagalala bayo eniwa madhu a Mulugu enowakoya!”​—Lucas 11:28, Tradução do Novo Mundo.

NDHANDHA DHINTAPULELADDI MWAWE

Wahara malagano yala enere wukavihera muralawo okalana . . .

odhivela webaribari.​—Efésios 5:28, 29.

orihana wologomana.​—Efésios 5:33.

wiwanana webaribari.​—Marcos 10:6-9.

NIFWANELE MWIBARIBARENE NRUMELEGE BIBLIYA ANAWOGEYE?

Ehe, vamwaha minli:

• Mulugu di Namapaddusa wa murala. Bibliya anawoga wi ‘murala wamutene wokalana nndina’ mwaha wa Jeova Mulugu. (Efésios 3:14, 15) Mwa madhu amodhaya, Jeova di namapaddusa wa murala. Mwahaya bwaddi eriwa yofuneya onona dhendha?

  Kubuwela: We wojha yojha yodhiva mopitha, vano onofuna onone mapiyeloya, wamukohe ani? Mwibaribari, wamukohe yole apiyile.

  Oliganawa fuwimodhave, wawigi odhuwele eneriha murala okala wohagalala, yathotho fumukohedhela Jeova, ari Mpaddusi wa murala.​—Gênesis 2:18-24.

• Mulugu annupwathani. Murala dhinonihela thotho vosayela malagano a Jeova, anavaheye modhela Madhu aye. Mwahaya bwaddi? “Mwahaya wi oliye annupwathani.” (1 Pedro 5:6, 7) Jeova annanifunela opama. Malagano aye enanikavihera malabo amatene!​—Provérbios 3:5, 6; Isaías 48:17, 18.