OHUDHERA 54

Mabasa baani anaapara “mudhaari oororomeleya ni athotho”?

Oopidiwa

Yesu di musolo wa mulogo. (Efésios 5:23) Oliye ari odhulu, mbwenye anowavaha dhoholela anamahara aye eri mwilaboni yavati, amulabiheraga “mudhaari ororomeleya ni athotho.” (Omwileri Mateus 24:45.) Di Yesu amuthomme “mudhaari” oyo ni onvaha mutholo wowasogolela arumiwi aye eri mwilaboni. Naarive agavahiwe mutholo, mudhaari oyo anamulabela Kiristu vamodha naaddibile. Mudhaari oororomeleya ni athotho baani? Ki ananisamalela nimakalelo baani?

1.“Mudhaari oororomeleya ni athotho” baani?

Okuma kale Yehova ohumulabihedha muthu obe nikuru naathu wihina eholele nlogo naaye. (Malaquias 2:7; Hebreus 1:1) Yesu nuuhogolowela odhulu arumiwi vamodha nanamaholela oJeruzale banna mutholo yoyo. (Atos 15:2) Teto peeno enowereya emodhave. Yehova anolabihedha mwana nikuru ning’ono nanamaholela wihina navahe yojha yomuzimuni adhaari aye ni osamalela mabasa oolaleya. Nikuru nno nnithaniwa Nikuru Nolamulela na Anamona a Yehova. Thinenno nimodhave nnithaniwa “mudhaari ororomeleya ni athotho, nabuye [Yesu] anvahiliye mutholo oyo” wihina asamalelege. (Mateus 24:45a) Addibila atene enakosa epaddi ya Nikuru Nolamulela makiristawu oothikitheliwa ni muzimu wotxena. Aliwa yakwa enovenyihiwa wihina yathonge vamodha ni Yesu odhulu.

2. Mudhaari ororomeleya ananda aavi ovaha nlogo na Yehova yojha yomuzimuni?

Yesu ahisoriha egi ‘mudhaari ororomeleya erege wavaha yojha anamahara a Kiristu mudhidhi wofwanelela.’ (Mateus 24:45b) Ninga yojha yomwilini enanikaviheriwa okanna egumi yapama ni okanna kopolo, yojha yomuzimuni obe (dhohudhiha dha Madhu a Mulugu) dhinonikavihera okanna kopolo nnahowelihu wihina nikaleve ororomeleya wa Yehova ni wawakwaniha mabasa anihiyedhe Yesu. (1 Timóteo 4:6) Nnowakela yojha eyo mmutugumanoni, vamusonkanoni, mmalivuruni ni vidiyu dhinakumela mBibliyani. Yojha eyo yatene enonikavihera woonelamo efunelo ya Mulugu ni olibiha wandana wehu ni oliye.

OHUDHERE DHITHU DHIMODHA

Woone mwahaya bwaddi nigamuhowela “mudhaari ororomeleya ni athotho” obe nigahowela Nikuru Nolamulela.

Fotu: Anamona a Yehova a mwilaboni yatene yakelaga dholaga dha Nikuru Nolamulela. 1. Emudhi dhala emoonaga porogarama a TV JW. 2. Anamona a Yehova ekaviheraga yapadduwa ng’ovi. 3. Anamona a Yehova abili elaleyaga nikarinyu. 4. Namaholela mulogo ilerigi karta. — Nikuru Nolamulela nnowasamalela anamona a Yehova eri mwilaboni yatene naavahaga yojha ya omuzimuni, naholelaga ni naakaviheraga ndhithu enahoweliwa

3. Nikuru na Yehova nnohowela okala nowegeredheyanene

Nikuru Nolamulela niharaga dhoholela dha Yesu nnowawegeredha mabasa a Namona a Yehova. Makiristawu a nsaka noobajha yowerana dhithu dhimodhave. Musugwe VIDIYU.

VIDIYU: Yehova onowegeredha nlogo naaye epaddi ya nikuru (6:18)

Mmwileri 1 Coríntios 14:33, 40, mwamala muthapanyedhe nikoho nnaharela:

Yolebela ela enoniha aavi wihina Yehova anafuna wi nlogo naaye nikosege epaddi ya nikuru?

4. Mudhaari ororomeleya anowawegeredha mabasa ehu olaleya

Olaleya yaari mabasa manlubale yapara makiristawu a nsaka noobajha. Mmwileri Atos 8:14, 25, mwamala muthapanyedhe makoho enaharela:

Awegeredha mabasa olaleya a makiristawu oobajha baani?
Nerege Pedro vamodha ni Juwawu yahirumedha dhoholela yavahile arumiwi amodha?

Mabasa manlubale a Nikuru Nolamulela fuwasamalela mabasa olaleya. Musugwe VIDIYU.

VÍDEO: Yothoma yehu fulaleya muthenga dhapama (1:24)

Yesu ohuwoga wihina olaleya ehu yinlubale. Mmwileri Marcos 13:10, mwamala muthapanyedhe makoho enaharela:

Mwahaya bwaddi Nikuru Nolamulela nigathabwa wavaha thima mabasa oolaleya?
Mwahaya bwaddi nigahowela wihina “mudhaari ororomeleya ni athotho” awegeredhege mabasa olaleya a mwilaboni yatene?

5. Mudhaari ororomeleya anonivaha dhoholela

Nikuru Nolamulela nnowavaha dhoholela Makiristawu a mwilaboni yatene. Ki dhoholeladha enathoma aavi? Woone makalelo Nikuru Nolamulela na nsaka noobajha nathomiiwa. Mmwileri Atos 15:1, 2, mwamala muthapanyedhe makoho enaharela:

Yatota muladdu vaari va makiristawu a nsaka noobajha ddiniya?
Murumiwi Pawulo, Bernabe vamodha ni amodha yamusayele aani wihina amarihe muladduule?

Mmwileri Atos 15:12-18, 23-29, mwamala muthapanyedhe nikoho nnaharela:

Nikuru Nolamulela na nsaka noobajha nihinathome ethu sithu narajhiha osayela dhoholela dhinawoga wodhela muselu yole. Ki nerana aavi? — Musugwe versu 12, 15 ni 28.

Mmwileri Atos 15:30, 31 ni 16:4, 5, mwamala muthapanyedhe makoho enaharela:

Makiristawu a nsaka noobajha yahirumedha dhoholela yakeliwa dha Nikuru Nolamulela na nsaka nenne?
Mwaha wohara, Yehova areelihe aavi?

Mmwileri 2 Timóteo 3:16 ni Tiago 1:5, mwamala muthapanyedhe nikoho nnaharela:

Nikuru Nolamulela na peeno nnathoma aavi dhithu?

ATHU AMODHA ENAWOGA YEGI: “Wiwelela Nikuru Nolamulela emodhave nuwaahara athu.”

Enuthukulela orumedha wi Yesu anna weeddiha Nikuru Nolamulela ddi?

OVIRISEDHA

Nikuru Nolamulela mmodhave ni “mudhaari ororomeleya ni athotho” athomiwe ni Yesu Kiristu. Addibila ayo enoovaha dhoholela, enojhiha nlogo na Mulugu niri wapela elabo yatene yavati.