Oh Ní꞉ioht tsi Entshitewatahónhsatate ne Shonkwaiaʼtíson?

Shonkwaiaʼtíson enshonkwaʼtháhrhahse Kahiatonhseratokénhti rátstha. 2 Timothy 3:16

Shonkwaiaʼtíson wahshakoʼnikonhrátaʼ ronnón꞉kwe ne ahatihiá꞉ton raoʼnikòn꞉ra né꞉ne énska kahiatónhsera. Né꞉ne Kahiatonhseratokénhti. Niaʼté꞉kon í꞉wa iorihwáhskats ne Shonkwaiaʼtíson tehotonhontsó꞉ni aiesaʼtó꞉kenhse.

Shonkwaiaʼtíson roterién꞉tare ne skén꞉nen aietiónhnheke, ne tsi ne aonhá꞉ʼa thattókha. Tókaʼ enhsatahónhsatate í꞉se ó꞉niʼ enthiá꞉ion ne attokháhtshera.​—Proverbs 1:5.

Shonkwaiaʼtíson tehotonhontsó꞉ni akwé꞉kon ne ón꞉kwe aiewennahnó꞉ten Kahiatonhseratokénhti. Niaʼtekawén꞉nake ó꞉nen ká꞉ien.

Tókaʼ tesatonhontsó꞉ni atsatahónhsatate ne Shonkwaiaʼtíson, ó꞉nenʼk tsi enhsewennahnó꞉ten tánon enhsaʼnikonhraién꞉taʼne ne Kahiatonhseratokénhti.

Ohontsakwé꞉kon ón꞉kwe iakotahónhsate. Matthew 28:19

Jehovah’s Witnesses enwá꞉ton aiesaié꞉nawaʼse ne aiesaʼnikonhraién꞉taʼne ne Kahiatonhseratokénhti.

Ohontsakwé꞉kon, shakotirihonnién꞉ni karihwí꞉io ne Shonkwaiaʼtíson raorihwà꞉ke.

Iáh thé꞉nen thahská꞉riaʼke ne aiesarihónnien. Enwá꞉ton enhseweientéhtaʼne ne Shonkwaiaʼtíson raorihwà꞉ke tsi nón꞉we rotkennisaʼá꞉thaʼ ne Jehovah’s Witnesses.