Ónhka Kwah Tokén꞉ʼen Orihwí꞉io ne Shonkwaiaʼtíson?

Shaiá꞉taʼk kwah tokén꞉ʼen orihwí꞉io ne Shonkwaiaʼtíson, tánon Jehovah ronwá꞉iats. (Psalm 83:18) Skaʼnikón꞉ra nahaiaʼtò꞉ten; iáh thaón꞉ton atshitewà꞉ken. Shonkwanorónhkhwa tánon tehotonhontsó꞉ni akwé꞉kon aonsatshitewanó꞉ronhkwe. Tehotonhontsó꞉ni ó꞉niʼ akó꞉ren ne onkweʼshón꞉ʼa aiethinó꞉ronhkwe. (Matthew 22:35-40) Né꞉ʼe raonhá꞉ʼak è꞉neken thótte, ne akwé꞉kon nahò꞉ten róhson.

Ne Shonkwaiaʼtíson tiotierenhtáhkwen shaiá꞉ta wahoiaʼtísa é꞉so tsi roʼshatstenhserá꞉ien raronhiaʼkehró꞉non, ohnà꞉ken ronwaienterʼháʼen né꞉ne Ié꞉sos Kerístos. Jehovah ó꞉niʼ wahshakoiaʼtísa ne ratironhiaʼkehró꞉non.

Jehovah akwé꞉kon róhson ne karonhià꞉ke . . . tánon onhontsà꞉ke. Revelation 4:11

Jehovah ne Shonkwaiaʼtíson waháhsa otsistoʼkwashón꞉ʼas, onhóntsa, tánon nahò꞉ten tho ká꞉ien.​—Genesis 1:1.

Né꞉ne tiotierénhton rón꞉kwe wahoiaʼtísa Adam, oʼkèn꞉ra wáratste.​—Genesis 2:7.