Oh Niiohtò꞉ne tsi Ninákerehkwe tsi Nón꞉ Iohontsáhskatskwe?

Jehovah tahshakó꞉ion Adam tánon Eve nahò꞉ten ioiáneres. Genesis 1:28

Jehovah tiotierénhton iakón꞉kwe wahshakoiaʼtísa, Eve, sok tahó꞉ion ne Adam ne ró꞉ne aión꞉ton.​—Genesis 2:21, 22.

Jehovah wahshakoiaʼtísa; tahshakó꞉ion ne anonhtonniónhtshera tánon raotiià꞉ta, kwah í꞉ken tsi tahateweién꞉ton.

Tsi nón꞉ naonhá꞉ʼa ionhontsáhskats Eden tho nón꞉ nihniteron​—kaniataratátie, kahiʼshón꞉ʼa iokwirò꞉ton tánon katshenenʼó꞉kon kotí꞉teron.

Jehovah wahshakohthárhaʼse; wahshakorihónnien. Tókaʼ ohonwatahónhsatate tiótkon enhnónhnheke tsi nón꞉we niiohontsáhskats.

Wahén꞉ron Shonkwaiaʼtíson ‘Nek tsokwíra tóhsa tsá꞉iak.’ Genesis 2:16, 17

Shaiá꞉ta raronhiaʼkehró꞉non iáh tehotahonhsatá꞉ton ne Shonkwaiaʼtíson. Thó꞉ne, Ótkon wahà꞉ton, Satan ronwá꞉iats.

Jehovah wahshakonaʼtón꞉hahseʼ Adam tánon Eve énska kahishón꞉ʼa iokwí꞉rote tsi nón꞉we nikaiénthon tánon wahshakohró꞉ri tókaʼ ón꞉neke, enhníheie.

Satan iáh thaʼtehotonhontsó꞉ni ne Adam tánon Eve ahonwawén꞉narahkwe ne Jehovah. Ò꞉niare wáratste wahshakohró꞉ri ne Eve tókaʼ aión꞉iake kí꞉ken tsokwíra iáh thaiaíheie, tho nontsiiaʼtó꞉tenʼne tsi ní꞉ne Shonkwaiaʼtíson. Nek tsi, wahshakonowénhton.​—Genesis 3:1-5.