Wahonwatahónhsatate ne Satan​—Káti Naʼá꞉wenʼneʼ?

Adam tánon Eve iáh tehonwawennaráhkwen Shonkwaiaʼtíson né aorí꞉wa waʼníheie. Genesis 3:6, 23

Eve wahotahónhsatate ne ó꞉niare, sok ón꞉iake. Ohnà꞉ken, tahó꞉ion Adam sok wà꞉rake.

Iáh tetkaié꞉ri tsi nahní꞉iere​—wahnirihwanéraʼke. Shonkwaiaʼtíson wahshakoiaʼtínekenhwe ionhontsáhskats tsi nón꞉ nihniʼterón꞉tahkwe.

Entó꞉ronne tsi ní tsi nonhnhétie, ronnónha tánon shakotiioʼokón꞉ʼa. Wahotiksténhaʼne sok waʼníheie. Iáh káneka tieiawé꞉non ne raonatónhnhets; waʼníheie, iáh káneka téhs꞉nehs.

Oʼkèn꞉ra shonatón꞉on ne ronenhé꞉ion. Genesis 3:19

Akwé꞉kon ne ón꞉kwe iaiehé꞉ions, ne tsi Adam tánon Eve nitionkwatwahtsirí꞉non. Ne ronenhé꞉ion iáh thahatikwé꞉ni ahontkáhto tókaʼniʼ ahonathón꞉teʼne tókaʼniʼ thé꞉nen nahón꞉tiere.​—Ecclesiastes 9:5, 10.

Jehovah iáh tho ní tsi tehawè꞉ron ne onkweʼshón꞉ʼa aiaíheie. Tá꞉weʼ iohsnó꞉re enhsehshakoié꞉te ne ronenhé꞉ion. Tókaʼ enhonwatahónhsatate, tiótkon enhonnónhnheke.