Ne Shaʼkawenhnotonʼkó꞉wa​—Ónhka Wahontahónhsatate ne Shonkwaiaʼtíson?

Né꞉ne tho shikahá꞉wiʼ Noah shí꞉reʼskwe thó꞉ha akwé꞉kon ne ón꞉kwe wahétken tsi nahatí꞉iereʼ. Genesis 6:5

Adam tánon Eve wahiatwatsirón꞉ni, sok onkweʼshón꞉ʼa wahotitiohkowánʼha onhontsà꞉ke. Ohnà꞉ken, ótiaʼke ne ratironhiaʼkehró꞉non wahonwatiatá꞉raʼse ne Satan ne tsi wahétken tsi nihorihò꞉ten.

Onhontsá꞉ke wahón꞉newe sok ronnón꞉kwe raotiià꞉ta wahontatón꞉ni ne aón꞉ton ahotíniake ne konnón꞉kwe. Kí꞉ken konnón꞉kwe waʼakotinakerátsten rotiskenʼrakéhte teiontenonhianíhton tsi nihatikowá꞉nens tánon ísiʼ nón꞉we tsi ronatiaʼtátteron tánon ratiʼshátste.

Ohontsakwé꞉kon tentahatí꞉raʼne onkweʼshón꞉ʼa akwé꞉kon tsi nahatí꞉iereʼ ísiʼ nón꞉we tsi wahatirihwané꞉raʼke. Kahiatonhseratokénhti wá꞉ton, “Tsi nahò꞉ten wahétken waháhsa ne rón꞉kwe tentaká꞉raʼne onhontsà꞉ke, tsi nahò꞉ten wahétken akwé꞉kon tentaká꞉raʼne rawerià꞉ne.”

Noah wahotahónhsatate ne Shonkwaiaʼtíson tánon wahathoión꞉ni ne kahonweiaʼkó꞉wa. Genesis 6:13, 14, 18, 19, 22

Thorihwaié꞉rihkwe ne Noah. Jehovah wahohró꞉ri Noah tsi enshakóhtonʼte ne rotirihwaneraʼákskon nó꞉nen én꞉wawe ne iowenhnotonʼkó꞉wa.

Shonkwaiaʼtíson ó꞉niʼ wahohró꞉ri Noah ahrón꞉ni ne kahonweiaʼkó꞉wa, ark wahaná꞉tonhkwe, né꞉ne raohwá꞉tsire tánon tiaʼtekòn꞉ti katshenenʼó꞉kon ashakoiaʼtítaʼ.

Ohén꞉ton Noah wahshakohró꞉ri ne ón꞉kwe tsi tá꞉weʼ ne iowenhnotonʼkó꞉wa, nek tsi iáh tehonatahonhsatá꞉ton. Ótiaʼke wahonwasté꞉riste ne Noah; ótiaʼke wahonwatahkwáhswen.

Nó꞉nen shahathonwísa, Noah wahshakoiaʼtítaʼ ne katshenenʼó꞉kon.