Nahò꞉ten Enionkwarihónnien ne Shaʼkawenhnotonʼkó꞉wa?

Shonkwaiaʼtíson wahshakóhtonʼte ne ionkweʼtahétkens nek tsi wahshakoiaʼtanónhstate ne Noah tánon raohwá꞉tsire. Genesis 7:11, 12, 23

Waʼokén꞉nore 40 niwenhniserá꞉ke tánon 40 niwahsón꞉take, tánon ohné꞉kanos waʼkahró꞉roke ohontsakwé꞉kon. Akwé꞉kon ne ionkweʼtahétkens wahonníheie.

Kí꞉ken ronatkonseráksen ratironhiaʼkehró꞉non wahóntkaʼwe ne raotiià꞉ta sok wahonwatiatá꞉raʼse ne Ótkon.

Tsi nihá꞉ti ratiiaʼtí꞉tahkwe ne kahonweiaʼkó꞉wa waʼthontóhetste. Í꞉non ohnà꞉ken, Noah tánon ne raohwá꞉tsire wahonníheie. Shonkwaiaʼtíson enhsehshakaʼónhnhete sok ó꞉nen iatehatiká꞉nerake kwah tiótkon ahonnónhnheke.

Shonkwaiaʼtíson sok á꞉re enhsehshakóhtonʼte ne ionkweʼtahétkens tánon enhshakoiaʼtanónhstate ne thotirihwaié꞉ri. Matthew 24:37-39

Satan tánon ronatkonseráksen ratironhiaʼkehró꞉non shé꞉kon shakotiʼnikonhrakahrá꞉thos ne onkwehshón꞉ʼa.

Ón꞉wa wenhniserá꞉te, tsi ní꞉ioht thó꞉ne tho shikahá꞉wiʼ ne Noah shí꞉reʼskwe, iakotiohkowá꞉nen iáh thaʼtehonatonhontsó꞉ni ahontahónhsatate nahò꞉ten tkaié꞉ri ne Jehovah tehotonhontsó꞉ni ashakorihónnien. Iohsnó꞉re tá꞉weʼ, Jehovah enshakóhtonʼte akwé꞉kon ne ionkweʼtahétkens.​—2 Peter 2:5, 6.

Ótiaʼke ón꞉kwe ne shahatiià꞉ta tsi ní꞉ne Noah. Ronwatahónhsatats ne Shonkwaiaʼtíson tánon tho nenhatí꞉iere nahò꞉ten enhén꞉ron, né꞉ kí꞉ Jehovah’s Witnesses.