Nahò꞉ten Íhsehre Kén꞉ton ne Ié꞉sos tsi Wahrénheie?

Ié꞉sos wahrénheie ne aón꞉ton aietiónhnheke. John 3:16

Áhsen niwenhniserá꞉ke entóhetste tsi náhe ne Ié꞉sos shithawenhé꞉ion, ótiaʼke konnón꞉kwe waʼkontkensé꞉ra tsi thaiá꞉ta nek tsi iáh tehonwaiaʼtatshénrion. Jehovah shokétskwen ne Ié꞉sos tsi rawenhé꞉ion.

Ohnà꞉ken, Ié꞉sos wahonwá꞉ken ne shakoiaʼtarákwen.

Tókenske, Jehovah shosahaónhnhete ne Ié꞉sos rohsatstenhserowá꞉nen aʼnikonhratiʼkó꞉wa wahà꞉ton, iáh nonwén꞉ton thaonsarénheie. Ié꞉sos raotióhkwa wahonwá꞉ken wahahthará꞉tate karonhià꞉ke niahá꞉re.

Shonkwaiaʼtíson sahohónhnhete ne Ié꞉sos tánon wahonontiioʼtsherón꞉ni ne Raokoráhsera. Daniel 7:13, 14

Ié꞉sos wahshakawenhé꞉iase aonsashakohní꞉non ne onkwehshónʼa. (Matthew 20:28) Ne tsi ne kí꞉ken aontkáriaʼke, aón꞉ton aontashonkwá꞉ion Shonkwaiaʼtíson tiótkon aietíonhnheke.

Jehovah wahorihónten Ié꞉sos Ronontí꞉io ahà꞉ton ne ohontsakwé꞉kon aontahanón꞉ton. Skátne ó꞉niʼ tho ienhonné꞉sheke 144,000 nihá꞉ti rotirihwató꞉ken onkwehshón꞉ʼa, enhshontónhnhete sok karonhià꞉ke ienshakoiaʼténhawe. Ié꞉sos tánon 144,000 nihá꞉ti, ronnónha enthonón꞉ton karonhià꞉ke tká꞉ien kakorahserí꞉io​—Shonkwaiaʼtíson Raokoráhsera.​—Revelation 14:1-3.

Nó꞉nen Shonkwaiaʼtíson Raokoráhsera én꞉wawe, ohontsakwé꞉kon enionhontsahskátsʼtaʼne. Iáh thaonsakaién꞉take ne waterí꞉io, wahétken, kententéhtshera tánon atonhkariá꞉kon. Akwé꞉kon ne ón꞉kwe eniontonhnhá꞉ren.​—Psalm 145:16.