TEIONTERIHWATASONTERÁKWEN 9

Kátke Én꞉wawe ne Iaʼohontsáhskats?

Tsi ní tsi tekanikón꞉haʼre ne onhontsà꞉ke, orihwí꞉io ión꞉nis tsi Jehovah Raokoráhsera iohsnó꞉re tsik nikaiehrá꞉ne. Luke 21:10, 11; 2 Timothy 3:1-5

Tiótkon tekanikón꞉hare ohnaʼkenkha wehniseraté꞉nion—taié꞉ien, waterí꞉io, kahnhra, enwatenaʼtserók꞉ten, iáh thahonwanatahónhsatate ne ronwatiioʼokón꞉ʼa, tánon shakotiiesahtha ne kahwá꞉tsire

Kahiatonhseratokénhti ohén꞉ton tiothró꞉ri niaʼté꞉kon tsi niiohtonhátie onhontsà꞉ke nón꞉wa wenhniseraténien. Wá꞉ton ón꞉kwe oienó꞉ronhkwe ne ohwísta, iáh thahonwanatahónhsatate ne kaʼníhsera tánon kaʼnisténhsera, ronatiaʼtátteron, ratinorónhkhwa ne ateʼnikonhroriá꞉tshera.

Kwah tsik nón꞉we teiahontsishonkwánien, waterí꞉io, iáh thaonsetennahtsheranákereʼke tánon enkahnhrá꞉tarine. Akwé꞉kon ó꞉nen tho niiawenʼenhátie.

Shaiá꞉ta Jehovah’s Witness rón꞉kwe rorihowanahthén꞉ni karihwí꞉io ne Raokoráhsera

Ó꞉niʼ, Ié꞉sos wahén꞉ron kí꞉ken karihwí꞉io ne Jehovah Raokoráhsera aorihwà꞉ke ohontsakwé꞉kon enkarihowaná꞉ton.—Matthew 24:14.

Shonkwaiaʼtíson Raokoráhsera akwé꞉kon é꞉ren enkahá꞉wihte karihwaneraʼáktsera. 2 Peter 3:13

Jehovah iohsnó꞉re ó꞉nen enháhtonʼte akwé꞉kon ne rotirihwaneraʼákskon.

Satan tánon ronatkonseráksen ratironhiaʼkehró꞉non enhshakohré꞉wahte.

Ié꞉sos théntsʼkote karonhià꞉ke raonitskwaraʼtseratokénhti tánon akwé꞉kon onkweʼshón꞉ʼa iakoʼtsenón꞉ni.

Tsi nihá꞉ti enhonwatahónhsatate Shonkwaiaʼtíson tsi nón꞉ iaʼohontsasésʼtsi nek thotirihwaié꞉ri enhatinákereʼke. Iáh thaonsakaién꞉take aiakoteronhiénhten tho nikahá꞉wi ón꞉kwe ohontateniáhese tánon ohontatenó꞉ronhkwe.