Nahò꞉ten Ioiánere Tá꞉weʼ Ónhka Enhonwatahónhsatate ne Shonkwaiaʼtíson?

Thó꞉ha akwé꞉kon ronenhé꞉ion, onhontsà꞉ke enhshontónhnhete. Acts 24:15

Sanonhtonnión꞉ko nahò꞉ten tá꞉weʼ ioiánere ahsatshennón꞉ni tókaʼ enhsatahónhsatate Jehovah! Kwah tokén꞉ʼen tsi enhsehshataʼkarí꞉tate, iáh ónhka thaonsaiakononhwákton tókaʼniʼ aiakotsiʼióhtare. Iáh thaonsahonné꞉sheke ionkweʼtahétkens, tánon enwá꞉ton akwé꞉ ón꞉kwe ensheniáhese.

Iáh thaonsakaién꞉take ne aieronhiá꞉ken, aiakoʼnikonhráksen tókaʼniʼ taiekáhseren. Iáh ónhka thaonsaiakokʼsténhaʼne tánon aiaíheie.

Teionsanohráhnake tetsá꞉ron atenrò꞉sera tánon kahwá꞉tsire. Akwé꞉kon iakawerienʼtí꞉io nó꞉nen tho ieienákereʼke tsi nón꞉ tiohontsáhskats.

Iáh thaonsakaién꞉take ne aiakohterón꞉ne. Akwé꞉kon onkweʼshón꞉ʼa kwah tokén꞉ʼen eniontonhnhá꞉ren.

Shonkwaiaʼtíson Raokoráhsera akwé꞉kon é꞉ren enkahá꞉wihte karonhiakénhsera. Revelation 21:3, 4