Oh Nì꞉ioht Tsi Iaʼteshkà꞉nere Nahò꞉ten Tá꞉we?

NAHÒ꞉TEN WÁ꞉TON NE KAHIATONHSERATOKÉNHTI

“Shonkwaiaʼtíson . . . akwé꞉kon enharaʼkéwe raotikaʼshéri, iáh thaonsakaién꞉take kenheión꞉tsera, tókaʼni tahionʼshén꞉tho ó꞉niʼ ne karonhiakénhsera. Tsi niiohtón꞉ne akwé꞉kon eniontohetstón꞉ke.”​—Revelation 21:3, 4, New World Translation.

NAHÒ꞉TEN KÉN꞉TON NE Í꞉SE SARIHWÀ꞉KE

Iorihwaríhonte tánon ahiakaʼwehriénʼtí꞉io nikaioʼtensheró꞉ten.​—Isaiah 65:21-23.

Iáh taonʼsakaièn꞉take kanonhwakʼtén꞉shera tókaʼni karonhiakénhsera.​—Isaiah 25:8; 33:24.

Iotshennón꞉niat, tiótkon aiaʼkón꞉heke skát꞉ne kahwá꞉tsire tánon aterohseraʼshón꞉ʼa.​—Psalm 37:11, 29.

KWAH Í꞉KEN TSI AONTAIETEWÉHTAHKWE KEN NAHÒ꞉TEN WÁ꞉TON NE KAHIATONHSERATOKÉNHTI?

Hen, arà꞉ne teioriʼwà꞉ke:

• Shonkwaiaʼtíson raonhá꞉ʼa enhakwé꞉ni tho nenhaié꞉re nahò꞉ten rorharáts꞉ton. Né꞉ne Kahiatonhseratokénhti, Jehovah Shonkwaiaʼtíson naonhá꞉ʼa “Thohsastenhserowá꞉nen,” iáh nonwén꞉ton thaʼontók꞉ten ne raoʼshatsténhsera. (Revelation 15:3) Kwah í꞉ken tsi enhakwé꞉ni tho nenhaié꞉re nahò꞉ten rorharáts꞉ton tahaté꞉ni onkwahontsá꞉ke ne aonsaioiaʼneré꞉ne. Tsi nahò꞉ten wá꞉ton ne Kahiatonhseratokénhti, “ne Shonkwaiaʼtíson akwé꞉kon enhakwé꞉ni enharihwaié꞉rite.”​—Matthew 19:26.

• Shonkwaiaʼtíson raská꞉neks enharihwaié꞉rite nahò꞉ten rorharáts꞉ton. Jehovah raská꞉neks taontashakó꞉ion atónhnhets ne ronenhé꞉ion.​—Job 14:14, 15.

  Kahiatonhseratokénhti ó꞉niʼ iakonaʼtón꞉ni ne Shonkwaiaʼtíson Roièn꞉ʼa, Ié꞉sos, washaʼkotsén꞉te ne rotinonhwáktani. Oh niiotié꞉ren tsi tho nahaié꞉re? Né꞉tsi tehotonhontsó꞉ni. (Mark 1:40, 41) Ié꞉sos kwahteʼkén꞉ʼen shoié꞉ren ne Roʼniha tsi raská꞉neks ashakoieʼnawá꞉se tsini ká꞉ien teiotonhontsó꞉hon.​—John 14:9.

  Kwah í꞉ken tsi ionkwaterién꞉tare ne Jehovah tánon Ié꞉sos tehonatonhontsó꞉ni aionkhiʼienawá꞉se aietewatonhá꞉ren tsi iotshennón꞉niat nahò꞉ten tá꞉we!​—Psalm 72:12-14; 145:16; 2 Peter 3:9.