Kwáh Ken Orihwí꞉io Tsi Enshontonʼnhé꞉te ne Ronenhé꞉ion?

NAHÒ꞉TEN WÁ꞉TON NE KAHIATONHSERATOKÉNHTI

“Enshontonʼnhé꞉te ne ronenhé꞉ion.”—Acts 24:15, New World Translation.

NAHÒ꞉TEN KÉN꞉TON NE Í꞉SE SARIHWÀ꞉KE

Enhsaʼnikonhrahnirá꞉te kátke ónhka iethinorónhkhwa aiaíʼheie.—2 Corinthians 1:3, 4.

Washatatewenní꞉ioʼne tóhsa nonwén꞉ton aietsahnihsé꞉ke kenheionʼtsé꞉ra.—Hebrews 2:15.

Né꞉ne onkwahskanekʼtsé꞉ra taonsetewatát꞉ken iethinorón꞉kwa ne ronenhé꞉ion.—John 5:28, 29.

KWÁH Í꞉KEN TSI AONTATEWEHTÁH꞉KWE KEN NAHÒ꞉TEN WÁ꞉TON NE KAHIATONHSERATOKÉNHTI?

Hen, arà꞉ne áhsen niiorí꞉wake:

• Shonkwaiaʼtíson roteweienníson nahò꞉ten ne iónhnhe. Kahiatonhseratokénhti ronà꞉tons Jehovah ne Shonkwaiaʼtíson “akwé꞉kon thotahsá꞉wen nahò꞉ten iónhnhe.” (Psalm 36:9; Acts 17:24, 25) Né꞉ne ónhka teshakó꞉wi akwé꞉kon atonhetsé꞉ra kwáh í꞉ken enhakwé꞉ni enseshakaonʼhé꞉te ne ronenhé꞉ion.

• Shonkwaiaʼtíson seshakaʼonhnhé꞉ton ne ohén꞉ton thonenhé꞉ion. Kahiatonhseratokénhti wathró꞉ris shaʼté꞉kon nienká꞉iente ne onkwehshón꞉ʼa—kenʼnithoti꞉iénha, thotí꞉iens, ronnón꞉kwe tánon konnón꞉kwe—kén꞉ʼen onhontsà꞉ke sahontonhé꞉te. Ótiaʼke kenʼnikarihwéhsa ronenhé꞉ion, nek tsi shaià꞉ta kaié꞉ri niwenhniserá꞉ke raiaʼtátak꞉we!—John 11:39-44.

• Shonkwaiaʼtíson kwáh í꞉ken tsi tehotonhontsó꞉ni tho naonsahá꞉iere. Jehovah ráhswens ne kenheionʼtsé꞉ra; atatswenʼshé꞉ra tho ní꞉ioht tsi rakaʼén꞉ions. (1 Corinthians 15:26) “Rahská꞉neks” é꞉ren enhahá꞉wihte thí꞉ken atatswenʼshé꞉ra, ensharíhsi kenheión꞉tsera enseshakaonʼhé꞉te ne ronenhé꞉ion. Rahská꞉neks aonsashakaʼonhnhé꞉te ne ónhka shakawè꞉iahre tánon kén꞉ʼen onhontsà꞉ke aonsahatinákereke.—Job 14:14, 15.