Bʼikiʼ Ti Jedʼeʼek a Natzʼtal Etel Dʼios?

1. Walak wa u laj uʼyik a payajchiʼ a Dʼios?

A Dʼioso tan u päyik tulakal a kristiyaano tiʼi kaʼ natzʼak etel ich payajchiʼ. (Salmo 65:2) Maʼ taʼach u laj uʼyik y u kʼämʼooltik a payajchiʼ. Por ejemploj, u payajchiʼ a winik a walak u maltratartik u yätan maʼ jedʼeʼek u yubʼajbʼäl u payajchiʼ. (1 Pedro 3:7) Bʼoobʼeʼilik a Israel leʼek ti mas kajooʼ u bʼeteʼ a kʼas, a Dʼioso maʼ u yubʼajooʼ u payajchiʼ. U yadʼaj tiʼijooʼ: «kaʼax taneʼex a adʼik a payajchiʼ a yaabʼ maʼ tan in wuyik; tudʼaʼan a kʼäʼ etel kʼikʼ» (Isaias 1:15)A payajchiʼ especial. Chumen abʼeʼe, a Dʼioso bʼel u kaʼa u kʼämʼoolte u payajchiʼ a mak a kʼas wa kaʼ u kulpachte a kʼasil. Xoko Hechos 3: 19.

Cha’ante a vid’eo’ Does God Listen to All Prayers?

2. Bʼikiʼ kaʼ uchukoʼon ti payajchiʼ?

Payajchiʼlik a yan ichil u tzʼabʼäl u yanil a Jehovah, chen tzaj tun jadʼi tiʼi ti wa Bʼetajil, Jehovah kaʼ uchuk ti payajchiʼ. (Mateo 4:10; 6:9) Chumen aj kʼebʼanoʼon, kaʼ uchukoʼon ti payajchiʼ ichil u kʼabʼaʼ a Jesus, u men kimi tiʼi ti sipʼil. (Juan 14:6) Jehovah maʼ u kʼati kaʼ ti adʼä a payajchiʼ a leʼek ti leʼek wa xan a chen tzʼiibʼaʼan. U kʼati kaʼ uchukoʼon ti payajchiʼ ichil ti päsäkʼal. Xoko Mateo 6:7; Filipenses 4:6, 7.

Wa kaʼ uchukoʼon ti payajchiʼ ichil ti tukul, ti wa Bʼetajil bʼel u kaʼa u yubʼoʼon. (1 Samuel 1:12, 13) Walak u chiitikoʼon ti kaʼ uchukoʼon ti payajchiʼ tulakal kʼin ti jatzʼkaj y ti ojkʼin, leʼek ti walak ti janal, y bʼikʼin ti walak ti jentaantik a probʼlema. Xoko 1 Pedro 5:7; Mateo15:36.

3. Kʼuʼkaʼa walakooʼ u muchʼtal aj Tzʼoksaj?

Maʼ kʼuʼun a natzʼtal tutzeel a Dʼios aleebʼe u men keʼenoʼon tuyaam a kristiyaano a maʼ walak u tzʼoksik a Dʼioso y maʼ taʼachooʼ u tzʼoksik wa watak a sisʼolal waʼyeʼ yokʼolkabʼ. (2 Timoteo 3:1, 4; 2 Pedro 3:3, 13) Mentäkä ti kʼati a chichkunajʼool etel ti wet tzʼoksajil y u kʼatoʼonooʼ ilik. Xoko Hebreos 10:24, 25.

Tanil ti wetʼoktikooʼ a kristiyaano a yaj u yubʼooʼ a Dʼioso bʼel u kaʼa u yaantoʼon kaʼ natzʼakoʼon etel Dʼios. Leʼek u muchʼtal a Testigojooʼ tiʼi Jehovah jedʼeʼek ti wilik u kiʼil u tzʼoksaj ti wetʼok kaʼ u chichkunte ti wool. Xoko Romanos 1:11, 12.

4. Bʼikiʼ ti jedʼeʼek a natzʼtal etel Dʼios?

Jedʼeʼek a natzʼtal etel a Jehovah tanil a tuklik u pach kʼuʼ a känaj ichil u Tʼan. Tukle kʼuʼ u bʼetaj, u tzeʼek, y u promesaj. Tanil ti payajchiʼ y tuklik u pach ti käna, kʼochaʼanak tiki wich ichil ti päsäkʼal u yakunaj a Dʼios y u tukul. Xoko 1 Timoteo 4:15, 16.

Jedʼeʼek a natzʼtal etel a Dʼioso wa kaʼ a nojʼoolte y wa yan a tzʼoksaj ichil. Pero a tzʼoksaja jabʼix a bʼaʼal a kuxlin, u kʼati kaʼ ti tzeente. Tzaj a mukʼaʼankuntik a tzʼoksaj ti kaʼ kʼajes ti a bʼajil kʼuʼ a tan a tzʼoksik. Xoko Mateo 4:4; Hebreos 11:1, 6.

5. Kʼuʼ u kiʼil tech kaʼ natzʼakech etel Dʼios?

Jehovah walak u känäntik a yan u yakunaj tiʼi. Jedʼeʼek u protektartikooʼ ti maʼ u choʼbʼol u tzʼoksaj y u yool ti a kuxtal ti bʼebʼeel. (Salmo 91:1, 2, 7-10) Walak u tzolik toʼon kʼuʼ u modʼojil a kuxtal jedʼeʼek u choʼik ti tojʼoolal y ti kiʼolal. A Jehovah tan u kaʼansikoʼon etel a kuxtal a mil u kiʼil. Xoko Santiago 1:25; 4:4, 8.