Kʼuʼkaʼa Yan u Muchʼnalil a Dʼioso?

1. Kʼuʼkaʼa u muchʼkintajooʼ a uchbʼen Israel?

A Dʼioso u muchʼkintaj u familia a mamaaʼ Abʼraham ich junpʼeel nacion y u tzʼaj a ley tiʼi. U kʼabʼaʼ a nacion kaʼ u yadʼaj «Israel» y tzʼabʼi tiʼi kaʼ u känänte a jajil tzʼoksaj y etel u tʼan. (Salmo 147:19, 20) Yokʼol tulakal a kristiyaano ichil a nacion jedʼeʼek u yilik u kiʼil a Israel. Xoko Genesis 22:18.

A Dʼioso u käxtaj a Israelooʼ tiʼi u testigo. Leʼek u uchbʼen kuentajooʼ walak u yeʼik ti a kristiyaano kʼuʼ u kiʼil u tzʼoksabʼäl u ley a Dʼioso. (Deuteronomio 4:6) U men a Israele, u laakʼ a mak jedʼeʼek u talel u naʼte a jajil Dʼios. Xoko Isaias 43:10, 12.

2. Kʼuʼkaʼa muchʼaʼanooʼ a jajil tzʼoksaj?

Ti mas bʼini a tiempo, a Israel u tubʼsajooʼ a Dʼioso, y a Jehovah u jokʼsajooʼ u tzʼaj a chukul Tzʼoksaj ichil u kuuch. (Mateo 21:43; 23:37, 38) Aleebʼe, ichil u kuuch aj Israel oki a chukul Tzʼoksaj leʼek u Testigojooʼ tiʼi Jehovah. Xoko Hechos 15:14, 17.

A Jesus u muchʼkintajooʼ u yaj täkʼän kaʼ uchukooʼ u predʼikar y kaʼ u käxtooʼ aj kambʼal ichil tulakal a nacion. (Mateo 10:7, 11; 24:14; 28:19, 20) A meyaj abʼeʼe tan u kʼochol u jobʼol ichil u yadʼaʼ a kʼin aleebʼe. Primero toj ichil a kʼin, aleebʼe a Jehovah u muchʼkintajooʼ ti milliones ichil a nacion tiʼi a jajil tzʼoksaj. (Apocalipsis 7:9, 10) Chukul Tzʼoksaj muchʼaʼanooʼ tiʼi kaʼ u chichkuntooʼ u yool y kaʼ u yaantooʼ u yetʼok. Ichil a junpeet ti yokʼolkabʼ, walakooʼ u yilik u kiʼil a kaʼansabʼäl ich Bʼibʼle ichilooʼ u muchʼtal. Xoko Hebreos 10:24, 25.

3. Ichil ti tiempo bʼikiʼ ti kaji u muchʼnalil a Testigojooʼ tiʼi Jehovah?

Ichil a 1870 jun muuchʼooʼ a kambʼal pach Bʼibʼle, kajooʼ u kaʼ käxte a uchbʼen jaj a saʼti. U yeelooʼ ti a Jesusu yan u muchʼnalil leʼek aj Tzʼoksajooʼ muchʼaʼanooʼ ti predʼikar, teʼi kajooʼ u predʼikarte u pektzil a Gobʼierno ichil a junpeet ti yokʼolkabʼ. Ichil a 1931 tzʼabʼooʼ u kʼabʼaʼ ti Testigojooʼ tiʼi Jehovah. Xoko Mateo 24:14; Hechos 5:42.

4. Bʼikiʼ ti kiʼ muchʼaʼanooʼ a Testigojooʼ tiʼi Jehovah?

Ichil u tiempo a Jesus, leʼekooʼ aj chʼaʼbʼejil tiʼi a muchʼnalil, u yeelooʼ ti Jesus u polil a muchʼnal y u laakʼ a muchʼnal bʼelooʼ u kaʼ u yilaʼ u kiʼil. (Hechos 16:4, 5) Jabʼixlik aleebʼe, a Testigojooʼ tiʼi Jehovah ichil a junpeet ti yokʼolkabʼ, walakooʼ u yilik u kiʼil ti wa kananilooʼ a keʼen ichil a Chʼaʼbʼej tiʼi ti Muchʼnalil. Walakooʼ u tzʼeek ti kuenta a branch offices ti Testigojooʼ tiʼi Jehovah leʼek a walak u mansajbʼäl ich laakʼ tʼan, y a walak u bʼet juʼum y u tʼoxik a bʼaʼalooʼ tiʼi tzʼaj xok ich Bʼibʼle manal 600 tʼan. Aj Chʼaʼjbʼejooʼ tiʼi ti Muchʼnalil jedʼeʼekooʼ u chichkuntik ti wool etel a Bʼibʼle y walak u chʼaik ti bʼejnil ich manal 100,000 muchʼtal ichil a junpeet ti yokʼolkabʼ. Ichil a jujunpʼeel a muchʼtal, käxaʼanooʼ a winik a kiʼ u ejemploj tiʼi ti wa kananil. A winikooʼ adʼaʼa tanooʼ u känäntik a muchʼtal ich yakunajil. Xoko 1 Pedro 5:2, 3.

A Testigojooʼ tiʼi Jehovah muchʼaʼanooʼ ti kaʼ u predʼikartooʼ u kichʼpan pektzil a Dʼios. Jabʼixilik u yaj kambʼalooʼ a Jesus, walak ti predʼikar najil naj. (Hechos 20:20) Walaklik ti tzʼaj xok ich Bʼibʼle leʼek mak yaj u yubʼi a jaj. Pero a Testigojooʼ tiʼi Jehovah maʼ chen muchʼnalil. Familiajoʼon etel ti Tat a yan u yakunaj. Itzʼin, kik, sukuʼunnoʼon yan ti yakunaj tiʼi ti wetʼok. (2 Tesalonicenses 1:3) Chen u men muchʼaʼanooʼ u yaj tzʼoksaj a Jehovah y kaʼ u tzʼaaʼ u yanil a Dʼioso, y kaʼ ti aantooʼ u laakʼ, kiʼooʼ u yool u familia yokʼolkabʼ. Xoko 1 Pedro 2:9; Hechos 20:35.