Kʼuʼ jedʼeʼek u kiʼkuntik u yool a familia?

Walak wa a tuklik ti . . .

yakunaj?
takʼin?
u laakʼ bʼaʼal?

KʼUʼ U YADʼAJ A BʼIBʼLE

«Quiʼooʼ u yool boon tuul a walacooʼ u yubic u tʼan a Dioso, y walacooʼ u tzʼocsic cʼuʼ a tanooʼ u yubiqui.» —Lucas 11:28, Leʼec Adaʼ u Tʼan a Dios a Tumulbene Tzʼiibaʼan a Tʼan Adaʼ ich Maya Mopan.

KʼUʼ U NUKUL ABʼEʼE TI TECH

Bʼel a kaʼ käxte a chukul yakunaj.—Efesios 5:28, 29.

Yanakeʼex a tzik ti a bʼajileʼex. —Efesios 5:33.

Bʼel a kaʼa känänteʼex a bʼajil. —Marcos 10:6-9.

U letratojil a familia a kiʼ u yool: Ixchuʼ etel u naʼ, tzʼoʼkaʼanooʼ u bʼeel, tattzil y naʼtzil etel u chʼajom

JEDʼEʼEK WA TI TZʼOKSIK A WALAK U YADʼIK A BʼIBʼLE?

Jajaaʼ, yan kaʼpʼeel kʼuʼkaʼa:

Dʼios u Xookil a kuxtal ich familia. A Bʼibʼle u yadʼaj «Tulacaloʼon . . . jun tuul ilic ti Tat» leʼek a Dʼioso. (Efesios 3:14, 15) U nukul abʼeʼe, yanaji a familia u men Jehovah u bʼetaj. Kʼuʼkaʼa kʼabʼeet kaʼ ti naʼte?

Tukle: Wa tan a jantik a janal a kiʼ u jantabʼäl y a kʼati a naʼte u xaakʼil, mak a tiʼi bʼel a kaʼ kʼaate? U jajili, ti a mak u bʼetaj.

Bʼoobʼeʼlik, ti kaʼ käxte a kiʼolal ich familia, tzaj ti nojʼooltik a Jehovah, leʼek u Xookil a familia.—Genesis 2:18-24.
A Dʼioso walak u känäntikech. A familia tzaj u käxtik u tukul a Jehovah, leʼek a yan ich Bʼibʼle. Kʼuʼkaʼa? «Tan u cününtiqueʼex.» (1 Pedro 5:6, 7) A Jehovah u kʼati a kiʼ ti tech y leʼek ti walak u tzeʼektikoʼon walak u meyaj!—Proverbios 3:5, 6; Isaias 48:17, 18.

TIʼI KAʼ A TUKLE

A tumul tzʼoʼkaʼanooʼ u bʼeel tan u tzʼabʼäl u tukul men a kananil; tanooʼ u komon xokik a Bʼibʼle

Bʼikiʼ ti jedʼeʼek a kiʼ ichamtziltal, ätantziltal, wa xan tatzil y naʼtzil?

A Bʼibʼle u nuukta a kʼaatchiʼ abʼeʼe ich EFESIOS 5:1, 2 y COLOSENSES 3:18-21.