KAMBʼAL 22
Bʼiki ti Jedʼeʼek a Jätzik a Mensaaje a kiʼ u Yubʼajbʼäl?
Tanil a kambʼal ichil a Bʼibʼle uchak a tuklik, ‹kiʼ kuchi kaʼ u yeeltooʼ mak u pektzil adʼaaʼ.› Jaj abʼeeʼ, tulakal mak kʼabʼeet kaʼ u yeelte. Uchak a kʼati kuchi a jätzäʼ tiʼi ulaakʼ mak kʼuʼ a tan a käniki, pero uchak saakech. Tzikbʼalbʼäl bʼiki ti jedʼeʼek u chichtal a wool y bʼiki ti jedʼeʼek u kiʼtal a wool a jätzäʼ a mensaaje a kiʼ u yubʼajbʼäl.
1. Bʼiki ti jedʼeʼek a jätzik kʼuʼ a tan a känik tiʼijooʼ a mak a weele?
U yadʼajooʼ u yaj täkʼään a Jesusu: «Maʼ yan biqui ti pʼütic a tzicbal yocʼol cʼuʼ ti wuʼyaj y ti wilaj.» (Hechos 4:20) U kʼatooʼ u jätzäʼ tiʼi tulakal mak kʼuʼ a tanooʼ u käniki umen kʼochaʼanooʼ tuwich a jaj u känajooʼ. Bʼoobʼeʼ wa a wool inchech etel kʼuʼ a tan a käniki? Wa bʼoobʼeʼ a woolo, ila bʼiki kaʼ a jätzäʼ tiʼijooʼ a famiilia waxan tiʼijooʼ a ʼamiingoj. Yanak a tzik tiʼijooʼ ti tan a jätzik.—Xoko a Colosenses 4:6.
Jedʼeʼek a bʼetikooʼ adʼaaʼ tiʼi kaʼ kaakech
Tiʼi kaʼ a tzikbʼalte tiʼi a famiilia kʼuʼ a känaj ichil a Bʼibʼle, jedʼeʼek a wadʼik ti bʼaalaʼ: «Yan kʼuʼ a kiʼ in känaj tiʼi a semaana adʼaaʼ.»
Wa yan a ʼamiingoj kʼojaʼan waxan tan u tukul, jätzä tiʼi a scripturaj a jedʼeʼek u kiʼkuntik u yool.
Wa kaʼ u kʼaate tech a wetmeyaj bʼiki ti bʼini a semaana jätzä tiʼi kʼuʼ a känaj ichil a xok waxan ichil a muchʼtala.
Yeʼe tiʼijooʼ a ʼamiingoj ti jw.org website.
Päyä ulaakʼ a mak kaʼ u yetʼokteech ti kambʼal waxan jedʼeʼek a yeʼik tiʼijooʼ bʼiki ti jedʼeʼekooʼ u kʼaatik u kambʼal ichil ti website ich jw.org.
2. Kʼuʼkaʼa kiʼ kaʼ a tzʼaaʼ a wool a wetʼoktooʼ a wettzʼokʼsajil ti predʼikaar?
Leʼekooʼ u yaj täkʼään a Jesusu maʼ chen tiʼijooʼ a mak u yeelooʼ u jätzajooʼ a mensaaje a kiʼ u yubʼajbʼäl. A Jesusu, u täkaaʼtajooʼ u yaj kambʼal «taanil ichil tulacal a caj a aldea tuba cʼochol u caʼa... Caʼcaʼ tuul» ti täkaabʼooʼ. (Lucas 10:1) Umen kaʼkaʼtuul ti täkaabʼooʼ, mas kiʼooʼ u yool y yaabʼ mak u yubʼajooʼ a mensaaje a kiʼ u yubʼajbʼälä. (Lucas 10:17) Jedʼeʼek wa a tzʼeek ichil a wool a wetʼoktooʼ a wettzʼokʼsaj ti predʼikaar?
MAS KAMBʼALTETO
Ila bʼiki ti jedʼeʼek u chichtal a wool ti predʼikaar y bʼiki ti jedʼeʼek a wilik u kiʼil a wool ti tan a bʼetik.
3. Jehovah bʼel u kaʼa u yaanteech
Uchak yanooʼ u kʼatooʼ kuchi a predʼikaara pero saakooʼ tiʼi bʼiki ti bʼelooʼ u kaʼa nuukbʼul y bʼiki kaʼ u bʼetooʼ.
Saakech wa a jätzäʼ kʼuʼ a tan a käniki? Kʼuʼkaʼa waxan kʼuʼkaʼa maʼ?
Chaʼanteʼex a VIDʼEO, kaʼtun tzikbʼalteʼex a kʼaatchiʼ adʼaʼa.
Leʼekooʼ aj tzʼutzʼubʼ mak ti ila ichil a vidʼeo bʼiki kaʼ u pʼisbʼajtajooʼ u saakil?
Xokeʼex a Isaias 41:10, kaʼtun tzikbʼalteʼex a kʼaatchiʼ adʼaʼa:
Bʼiki ti jedʼeʼek u yaantikech payajchiʼ ti saakech ti predʼikaar?
A weel wa?
Yaabʼooʼ a Testigo walakooʼ u tuklik ti jumpul maʼ jedʼeʼekooʼ u paatal u jätzäʼ kʼuʼ a tanooʼ u känik ichil a Bʼibʼle. Por ejemploj aj Sergey maʼ chich u yoolo, umen abʼeeʼ saak ti tzikbʼal. Pero leʼek ti kaji ti kambʼal ichil a Bʼibʼle, u yadʼaj: «Kaʼax saaken, kajeen in jätzäʼ tiʼi ulaakʼ mak kʼuʼi a tan in käniki. Chichaji in wool ti tzikbʼal y ʼasto leʼek kʼuʼ a tan in käniki mas u mukʼaʼankuntaj in tzʼokʼsaj.»
4. Yanak a tzik
Tanil a jätzik kʼuʼ a tan a känik ichil a Bʼibʼle, ka kiʼ tukle kʼuʼ a bʼel a kaʼa a wadʼäʼ y bʼiki ti bʼel a kaʼa a wadʼäʼ. Xokeʼex a 2 Timoteo 2:24 etel a 1 Pedro 3:15, kaʼtun tzikbʼalteʼex a kʼaatchiʼooʼ adʼaʼa:
Bʼiki ti jedʼeʼek u yaantikech a versicolo adʼaaʼ, tanil a tzikbʼaltik tiʼijooʼ ulaakʼ mak kʼuʼ a tan a känik ichil a Bʼibʼle?
Wa yan a famiilia waxan a ʼamiingoj maʼ u kʼati u kʼämoolte kʼuʼ a tan a jätzik tiʼi. Kʼuʼ a kaʼ a bʼeteʼ? Kʼuʼ a maʼ a bʼetik?
Kʼuʼkaʼa mas kiʼ ich kʼuʼunil kaʼ uchuk a kʼaatchiʼ ketuwich ti chen kaʼ a porsyaarte ti uyaj a maka?
5. Bʼel ti kaʼa ti käxte u kiʼil ti wool ti tan ti jätzik a mensaaje a kiʼ u yubʼajbʼäl
Tzʼabʼi tiʼi Jesus umen Jehovah a meyaj tiʼi kaʼ u jätzäʼ a mensaaje a kiʼ u yubʼajbʼäl. Bʼiki u yool a Jesus etel a meyaj adʼaaʼ? Xokeʼex a Juan 4:34, kaʼtun tzikbʼalteʼex a kʼaatchiʼooʼ adʼaʼa:
Leʼek ti walak ti jantik a janal a kiʼi, walak u tzʼeek ti kuxtal y walak u tzʼeek u kiʼil ti wool. Kʼuʼkaʼa u yadʼik Jesus ti tanil ti bʼetik kʼuʼ u kʼati a Dʼioso por ejemploj a predʼikaara jabʼixilik tan ti janala?
Bʼiki ti jedʼeʼek ti käxtik a kiʼolal ti tan ti jätzik a mensaaje a kiʼ u yubʼajbʼäl?
Jedʼeʼek u yaantikech a puuntojooʼ adʼaaʼ
Ichil a muchʼtal yan chumuk semaana, ila bʼikitak ti jedʼeʼek a kajsik a tzikbʼala.
Kʼaate tiʼi mak tan u kaʼansikech bʼiki kaʼ okokech ichil a escuela a walak u uchul ichil a muchʼtal chumuk semaana. Leʼekooʼ a paarte abʼeeʼ jedʼeʼek u yaantikech a jätzäʼ tiʼijooʼ ulaakʼ mak kʼuʼ a tan a käniki.
Jedʼeʼek a usaartik a paarte «Yan Mak Walak u Yadʼik» waxan «Uchak u Kʼaatik Mak», tiʼi kaʼ a listaarte a bʼajil bʼiki kaʼ a nuukte u kʼaatchiʼ a maka waxan kʼuʼ a kaʼ u yadʼäʼ.
UCHAK U KʼAATIK MAK: «Bʼikiʼil a kuxtala?»
Bʼiki ti jedʼeʼek a usaartik a tiempo adʼaaʼ kaʼ a jätzäʼ tiʼi kʼuʼ a tan a känik ichil a Bʼibʼle?
KʼUʼ A KÄNAJA
Leʼek ti tan ti jätzik a mensaaje a kiʼ u yubʼajbʼälä walak u kiʼtal ti wool y ti wilaj ti jedʼeʼek ti paatal ti bʼeteʼ.
Tzikbʼalbʼäl kʼuʼ ti känaja
Kʼuʼkaʼa kaʼ ti jätzäʼ a mensaaje a kiʼ u yubʼajbʼäl tiʼijooʼ a maka?
Bʼiki kaʼ a bʼeteʼ adʼaʼ ichil u tojil?
Bʼiki ti jedʼeʼek a pʼisbʼajtik a saakil ti predʼikaar?
MAS ILATOJ
Ila cuatro pʼeel bʼiki ti jedʼeʼek a jätzik a mensaaje a kiʼ u yubʼajbʼäl tanil a usaartik a jw.org contact card.
Leʼek Bʼiki ti Jedʼeʼek a Tzʼeek a JW.ORG Contact Card (1:43)
Kambʼalte cuatro pʼeel a modʼo a jedʼeʼek u yaantikech kaʼ a jätzäʼ a mensaaje a kiʼ u yubʼajbʼäl.
«Liistojech wa ti Bʼel ti Predʼikaar?» (The Watchtower, September 2020)
Ila a ejemploj a yan ich Bʼibʼle a jedʼeʼek u chichkuntik ti wool tiʼi kaʼ ti jätzäʼ a mensaaje a kiʼ u yubʼajbʼäl kaʼax neneʼ tzʼubʼoʼontoj.
Kʼambʼalte bʼiki ti jedʼeʼek a tzikbʼaltik tiʼijooʼ a famiilia a maʼ u yeel a Jehovah, u pektzil kʼuʼ a tan a känik ichil a Bʼibʼle.