KAMBʼAL 33
Kʼuʼ a Bʼel u Kaʼa u Bʼeteʼ u Gobʼeerno a Dʼioso
Ak tan u gobʼernaar u Gobʼeerno a Dʼioso. Seebʼaʼan bʼel u kaʼa u jeleʼ tulakal a bʼaʼal a tan tuwich a yokʼolkabʼa. Bʼel ti kaʼa ti tzʼaaʼ ti kuentaj kʼuʼ a kiʼ jedʼeʼek a wooltik, a bʼel u kaʼa ti yantal umen u Gobʼeerno a Dʼios ti kaak ti gobʼernaar tuwich a yokʼolkabʼa.
1. Bʼiki ti bʼel u kaʼa ti yantal a sisʼolal umen u Gobʼeerno a Dʼioso?
Jesus u Reyil u Gobʼeerno a Dʼioso. Ichil a gerra Armagedon bʼel u kaʼa u laj jobʼes a kʼasooʼ etel tulakal a gobʼeerno a yan yokʼolkabʼa. (Revelacion 16:14, 16) Tiʼi a tiempo abʼeeʼ bʼel u kaʼa ti jajtal a promesaj a tan u promesaartik a Bʼibʼle: «ti seebʼaʼan maʼ kaʼ yanakooʼ a kʼasa.» (Salmo 37:10) Bʼel u kaʼa u usaarte u Gobʼeerno a Dʼioso, tiʼi kaʼ u tzʼaaʼ kaʼ yanak a sisʼolal y kaʼ u trataartooʼ u bʼajil a kristiyaano ti toj tulakal tuparte a yokʼolkabʼa.—Xoko a Isaias 11:4.
2. Bʼikijak a kuxtal tuwich a yokʼolkabʼ ti yanak kʼuʼ u kʼati a Dʼioso?
Yalam u gobʼernaar u Gobʼeerno a Dʼioso, «leʼek a tojooʼ u naʼataj bʼelooʼ u ku tiʼalte a yokʼolkabʼa y bʼelooʼ u kaʼa ti kuxtal ti bʼebʼeel tuwich.» (Salmo 37:29) Tukle bʼoonak u kiʼil a kuxtal tiʼi tulakal mak tuwich a yokʼolkabʼa, ti laj tojakooʼ u naʼat, yajakooʼ u yubʼi a Jehovah y yajakooʼ u yubʼi u bʼajil. Maʼ kaʼ yanak a kʼojaʼanili laj bʼelooʼ u kaʼa ti kuxtal ti bʼebʼeel.
3. Kʼuʼ a bʼel u kaʼa u bʼeteʼ u Gobʼeerno a Dʼios ti jobʼsabʼ äk a kʼasa?
Leʼek ti jobʼsabʼäkooʼ tulakal a kʼasa a Jesusu bʼel u kaʼa ti gobʼernaar ti Reyil ichil a 1,000 jaabʼ. Tiʼi a tiempo abʼeeʼ leʼek a Jesus etelooʼ a ciento kuarenti kuatro mil tuul bʼelooʼ u kaʼa u yaante a kristiyaano tiʼi kaʼ maʼloʼakooʼ. Tujobʼeebʼ a 1,000 jaabʼa kichʼpanak a yokʼolkabʼa, laj kiʼakooʼ u yool a kristiyaano y tanakooʼ u tzʼokʼsik u ley a Jehovah. A Jesusu kaʼ bʼel u kaʼa u tzʼaaʼ a gobʼeerno tiʼi u Tat tiʼi kaʼ uchuk u gobʼernaar. «[Bʼel u kaʼa tzʼokʼsabʼäl] u yanil [u] cʼabaʼ» a Jehovah umen tulakal mak. (Mateo 6:9, 10) Teʼ bʼel u kaʼa u yeeʼ ti mas kiʼ u gobʼernaar a Jehovah y ti yan u kuentaj tiʼijooʼ u jente. Bʼel u kaʼa u jobʼes a Kisin etelooʼ u yaj kʼakʼas ʼaanjel y tulakalooʼ adʼooʼ a uchooʼ u chichpolili. (Revelacion 20:7-10) Leʼek a kuxtal adʼaʼji a mil u kiʼil a tan u tzʼeek u Gobʼeerno a Dʼioso, ti bʼebʼeel yanak.
MAS KAMBʼALTETO
Tzʼaj ti kuentaj kʼuʼkaʼa jedʼeʼek ti tzʼokʼsik ti bʼel u kaʼa u usaarte u Gobʼeerno a Dʼios, tiʼi kaʼ u jajkunte tulakal kʼuʼ a tan u promesaartik a Bʼibʼle tiʼitoʼon ichil a tiempo a wataktoj.
4. Leʼek u Gobʼeerno a Dʼioso bʼel u kaʼa u laj jobʼes a gobʼeerno a yan tuwich a yokʼolkabʼa
«Chen yajil a walak u kasik winik ti tan u gobʼernaartik u yetluʼumal.» (Eclesiastes 8:9) A Jehovah bʼel u kaʼa u usaarte u Gobʼeerno, tiʼi kaʼ u laj utzkinte a maʼ toj a walak u uchulu.
Xokeʼex a Daniel 2:44 etel a 2 Tesalonicenses 1:6-8, kaʼtun tzikbʼalteʼex a kʼaatchiʼooʼ adʼaʼa:
Kʼuʼ a bʼel u kaʼa u bʼeteʼ a Jehovah etel a Jesus tiʼijooʼ a gobʼeerno a yanooʼ tuwich a yokʼolkabʼa y leʼek mak tanooʼ u täkʼääntik?
Leʼek kʼuʼ a tan a känik tupektzil a Jehovah etel a Jesusu bʼiki ti tan u yeʼik tech ti jaj ti laj toj kʼuʼ a bʼelooʼ u kaʼa u bʼeteʼ?
5. Jesus a mas kiʼ ti Reyil
Umen Rey a Jesus tiʼi u Gobʼeerno a Dʼioso, yaabʼ a kiʼ bʼel u kaʼa u bʼeteʼ tiʼijooʼ u jente a Dʼios tuwich a yokʼolkabʼa. Chaʼanteʼex a VIDʼEO tiʼi kaʼ a wileʼex ti leʼek ti tali a Jesus tuwich a yokʼolkabʼa, u yeʼaj ti u kʼati u yaantooʼ a maka y ti yan tiʼi a podʼeer umen a Dʼioso.
Leʼek ti tali a Jesus wayeʼ yokʼolkabʼa u yeʼaj toʼon tzʼeekak kʼuʼ a bʼel u kaʼa u bʼeteʼ u Gobʼeerno a Dʼios ti kaak ti gobʼernaar tuwich a yokʼolkabʼa. Bʼikiʼil tuyaamooʼ a kiʼkiʼtʼanbʼäl adʼaʼji a kʼati a wilaʼ kaʼ jajaka? Xokeʼex a scripturajooʼ a tan u tzikbʼaltik a kiʼkiʼtʼanbʼäl abʼeeʼ.
TI KEʼEN TUWICH YOKʼOLKABʼ, A JESUSU . . . |
TI KAʼAN KEʼENAK A JESUS, TI BʼEL U KAʼA . . . |
|---|---|
|
|
|
|
|
|
|
|
6. Leʼek u Gobʼeerno a Dʼioso bʼel u kaʼa u tzʼaaʼ a kuxtal a kiʼ ichil a tiempo a wataktojo
A Gobʼeerno adʼaaʼ bʼel u kaʼa u tzʼaaʼ ti yantal kʼuʼ u kʼati a Dʼios tiʼijooʼ tulakal a kristiyaano. Bʼelooʼ u kaʼa ti kuxtal tuwich a kichʼpan yokʼolkabʼ ti bʼebʼeel jabʼix kaʼ u primero kʼatiintaj. Chaʼanteʼex a VIDEO tiʼi kaʼ a wileʼex bʼiki ti tan u meyaj a Jesus tiʼi a Jehovah tiʼi kaʼ yanak kʼuʼ u kʼati u Tata.
Xokeʼex a Salmo 145:16, kaʼtun tzikbʼalteʼex a kʼaatchiʼ adʼaʼa:
Bʼiki a wool ti tan a weeltik ti leʼek a Jehovah bʼel «u kaʼa u nojʼkunte u yool tulakal kʼuʼ a kuxaʼana»?
YAN MAK WALAK U YADʼIK: «Wa kaʼ laj uchukoʼon ti meyaj ich komonili, jedʼeʼek ti utzkintik a probʼlema a yan yokʼolkabʼa.»
Kʼuʼ a jedʼeʼek u utzkintik u Gobʼeerno a Dʼioso, a maʼ jedʼeʼek u bʼetik a gobʼeernojooʼ a yan tuwich a yokʼolkabʼa?
KʼUʼ A KÄNAJA
U Gobʼeerno a Dʼioso bʼel u kaʼa u bʼeteʼ u meyaj. Bʼel u kaʼa u kichʼpankunte u wich a yokʼolkabʼa y tulakal a kristiyaano a kumaʼanakooʼ tuwichi laj tanakooʼ u tzʼeek u yanil a Jehovah ti bʼebʼeel.
Tzikbʼalbʼäl kʼuʼ ti känaja
Bʼiki ti bʼel u kaʼa nakʼsabʼäl u yanil u kʼabʼaʼ a Jehovah umen u Gobʼeerno?
Kʼuʼkaʼa jedʼeʼek ti tzʼokʼsik ti leʼek u Gobʼeerno a Dʼioso bʼel u kaʼa u laj jajkunte tulakal a promesaj a yan ichil a Bʼibʼle?
Tuyaam tulakal a bʼel u kaʼa u bʼeteʼ u Gobʼeerno a Dʼioso, bʼikiʼil a chukul kʼati a wilaʼ inchech kaʼ jajaka?
MAS ILATOJ
Kambʼalte kʼuʼ u nuʼkul a Armagedon.
Tzʼaj ti kuentaj kʼuʼ a uchul u kaʼa tiʼi a kʼin kaʼ u yadʼaj a Jesus ti yaj a yantal u kaʼa.—Mateo 24:21.
Ila bʼiki ti jedʼeʼekooʼ u tuklik famiilia ich komonil u pektzil a kiʼkiʼtʼanbʼäl a bʼel u kaʼa u bʼeteʼ u Gobʼeerno a Dʼioso.
«Yaabʼ a Kʼaatchiʼ Walak in Tuklik Upach.» Ichil a kuentaj adʼaaʼ ila bʼiki kaʼ u käxtaj kʼuʼ a tan u käxtik juntuul a winik a maʼ yan u tzik tiʼi a poliitico.
«A Bʼibʼle Walak u Jelik u Kuxtal a Maka» (The Watchtower, January 1, 2012)