KAMBʼAL 16
Kʼuʼ u Bʼetaj a Jesus ti Tali Yokʼolkabʼa?
Yaabʼ a maka walak u tuklik ti chen juntuul neneʼ a Jesusu, waxan juntuul winik a kiʼi, waxan chen juntuul profeta. Pero jedʼeʼek wa ti mas kambʼaltik u pektzil a Jesus tanil ti kiʼ tzʼeek ti kuentaj kʼuʼ u bʼetaj ti tali wayeʼ yokʼolkabʼ? Ichil a kambʼal adʼaaʼ, bʼel ti kaʼa ti kambʼalte kʼuʼ a mas kʼabʼeet u bʼetaj a Jesusu y kʼuʼ u kiʼil tiʼitech.
1. Kʼuʼ ti meyajil a mas kʼabʼeet u bʼetaj a Jesusu?
A Jesusu tali u yadʼäʼ «a mensaaje a kiʼ u yubʼajbʼäl tupektzil u Gobʼeerno a Dʼioso.» (Xoko a Lucas 4:43–NWT.) U predʼikaartailik u pektzil ti leʼek a Dʼioso bʼel u kaʼa u waʼkunte u Gobʼeerno y leʼek a gobʼeerno abʼeeʼ bʼel u kaʼa u utzkinte tulakal u probʼlemajooʼ a kristiyaano.a Oxpʼejaabʼ y medio uchi u predʼikaar a Jesusu.—Mateo 9:35.
2. Kʼuʼkaʼa u bʼetik a milagro a Jesusu?
A Bʼibʼle u yadʼaj ti leʼek «[a Jesusu] u betaj a milagro etel u mucʼ a Dioso.» (Hechos 2:22) Etel u mukʼ a Dʼioso yaabʼ kʼuʼ u bʼetaj a Jesusu. U tzeentajooʼ a yaabʼa, u kiʼkuntajooʼ a kʼojaʼana, u likʼsajooʼ a kimene y u kontrolaartaj a tiempojo. (Mateo 8:23-27; 14:15-21; Marcos 6:56; Lucas 7:11-17) Etel a milagro u bʼetaj a Jesusu u yeʼaj ti Dʼios u täkaataj. U yeʼajilik ti yan u podʼeer a Jehovah u jobʼes tulakal a probʼlema a yan tiʼijooʼ a kristiyaano.
3. Kʼuʼ a jedʼeʼek ti känik etel bʼiki kaʼ u bʼensaj u kuxtal a Jesusu?
A Jesusu bʼoch walak u tzʼokʼsik u tʼan u Tat. (Xoko a Juan 8:29.) Leʼek ti tali yokʼolkabʼa, u bʼetaj kʼuʼ u kʼati u Tata ʼasto ti bʼini ti kimil. U yeʼaj ti jedʼeʼek u bʼetik juntuul mak kʼuʼ u kʼati a Dʼioso, kaʼax bʼoon chich a tan u jentaantiki. Mentäktunu u yadʼaj a Bʼibʼle «Pʼaati toʼon u pʼis biquiʼil a yaj u mucʼyajtaj a Cristojo. Baaloʼ ilic yan ti mucʼyajtic a yaj wa caʼ tzʼabüc toʼono.»—1 Pedro 2:21.
MAS KAMBʼALTETO
Tzʼaj ti kuentaj bʼiki ti uchi u bʼet milagro a Jesusu y bʼiki kaʼ u jätzaj a mensaaje a kiʼ u yubʼajbʼälä.
4. A Jesusu u jätzaj a mensaaje a kiʼ u yabʼajbʼälä
Ti miiyas u pach uchi u ximbʼal a Jesus tuwich a bʼej a toʼtoʼocho y a tanata tiʼi kaʼ xiʼik u jätzäʼ u pektzil a mensaaje a kiʼ u yubʼajbʼäl tiʼijooʼ a kristiyaano. Xokeʼex a Lucas 8:1–NWT, kaʼtun tzikbʼalteʼex a kʼaatchiʼooʼ adʼaʼa:
Jadʼiʼ wa tiʼijooʼ a muchʼaʼanooʼ, uchi u predʼikaar a Jesusu?
Kʼuʼ u bʼetaj a Jesus tiʼi kaʼ u käxtooʼ a kristiyaanojo?
Ak u yadʼaj Dʼios ti Mesias bʼel u ku jätzäʼ u pektzil a mensaaje a kiʼ u yubʼajbʼälä. Xokeʼex a Isaias 61:1, 2, kaʼtun tzikbʼalteʼex a kʼaatchiʼooʼ adʼaʼa:
Bʼiki kaʼ u jajkuntaj Jesus a profecia adʼaʼa?
Kʼabʼeet wa kaʼ u yubʼooʼ kristiyaano a mensaaje a kiʼ u yubʼajbʼälä?
5. A Jesusu u kaʼansaj kʼuʼ jedʼeʼek u yaantik juntuul a maka
Maʼ chen u yadʼaj u pektzil u Gobʼeerno a Dʼios a Jesusu, u kaʼansajilik kʼuʼ jedʼeʼek u yaantik juntuul a maka. Tzʼabʼäl ti kuentaj tzʼeekak kʼuʼ u kaʼansaj a Jesus ichil a Mateo kapitolo 5-7. Xokeʼex a Mateo 6:14, 34 etel a 7:12, kaʼtun tzikbʼalteʼex a kʼaatchiʼooʼ adʼaʼa:
Ichilooʼ a versicolo adʼaaʼ kʼuʼtak ti konseejajil u tzikbʼaltaj a Jesusu?
Leʼek a konseeja adʼaʼa. jedʼeʼektojlik wa u yaantikooʼ a kristiyaano aleebʼe?
6. A Jesusu u bʼetaj a milagro
Tzʼabʼi u podʼeer a Jesus umen Jehovah tiʼi kaʼ u bʼeteʼ a milagro. Tiʼi kaʼ a wilaʼ junpʼeelak a ejemploj, xokeʼex a Marcos 5:25-34–NWT waxan chaʼanteʼex a VIDʼEO. Kaʼtun tzikbʼalteʼex a kʼaatchiʼi.
Leʼek ix chʼup a kʼojaʼan ti wilaj ichil a vidʼeo, kʼuʼ a walak u tzʼokʼsiki?
Kʼuʼ a kiʼ tawich etel a milagro adʼaaʼ?
Xokeʼex a Juan 5:36, kaʼtun tzikbʼalteʼex a kʼaatchiʼ adʼaʼa:
Kʼuʼ a «chikaʼan» tupektzil a Jesus etel a milagro u bʼetaja?
A weel wa?
Tulakal kʼuʼ ti weel tupektzil a Jesusu ichil kuatropʼeel ti juʼum ich Bʼibʼle yan—u juʼum a Mateo, Marcos, Lucas etel a Juan. A jujuntuul a uchooʼ u tzʼiibʼ juʼumu, jujunpaay kʼuʼ u tzʼiibʼtajooʼ tupektzil a Jesusu. Leʼek ti walak ti bʼel ti xokoʼ tulakalooʼ a juʼum adʼaaʼ walak ti bʼel ti mas känäʼ u pektzil u kuxtal a Jesusu.
AJ MATEO
u tzʼiibʼtaj a primero juʼumu. U tzikbʼaltaj kʼuʼ u kaʼansaj a Jesusu y u pektzil u Gobʼeerno a Dʼioso.
AJ MARCOS
maʼ chawak u pach u tzʼiibʼtaja pero yaabʼ kʼuʼ a yanaji u yadʼaj u pektzili.
AJ LUCAS
u tzʼiibʼtaj u pektzil a payajchiʼi y u pektzil a Jesus bʼiki ti walak u trataartikooʼ ix chʼupu.
AJ JUAN
u yadʼaj u pektzil kʼuʼ a walak u tzikbʼaltik a Jesus tiʼijooʼ u ʼamiingoj y tiʼijooʼ ulaakʼ a maka. Leʼek tun adʼaaʼ walak u yaantikoʼon ti mas eelte maki a Jesusu.
YAN MAK WALAK U YADʼIK: «A Jesusu Dʼios.»
Kʼuʼ a tukul incheche?
KʼUʼ A KÄNAJA
A Jesusu u predʼikaarta u pektzil u Gobʼeerno a Dʼioso, uchi u bʼet milagro y bʼoch walak u tzʼokʼsik a Jehovah.
Tzikbʼalbʼäl kʼuʼ ti känaja
Kʼuʼ ti meyajil a mas u bʼetaj a Jesus ti tali yokʼolkabʼ?
Kʼuʼ a chiklaji umen a milagro u bʼetaj a Jesusu?
Kʼuʼ u kaʼansaj a Jesus a jedʼeʼek u yaantikooʼ a maka?
MAS ILATOJ
Kʼuʼ a pektzil u mas tzikbʼaltaj a Jesusu?
«Kʼuʼkaʼa Kʼochaʼan Tuwich Jesus u Gobʼeerno a Dʼioso» (The Watchtower, October 1, 2014)
Tzʼaj ti kuentaj kʼuʼkaʼa jedʼeʼek ti tzʼokʼsik ti jaj ti uchi u bʼet milagro a Jesusu.
«Kʼuʼ a Jedʼeʼek a Känik Etel a Milagro u Bʼetaj a Jesusu?» (The Watchtower, July 15, 2004)
Xoko u pektzil bʼiki kaʼ u jelaj u modʼojil u kuxtal juntuul a winiki umen u känaj bʼoon u yajil u yubʼooʼ a kristiyaano a Jesusu.
«Chen in Bʼajil a Walak in Tzʼeek ti Kuentaja» (The Watchtower, October 1, 2014)
Ila kʼuʼtak u bʼetaj a Jesusu tukajeebʼ ʼasto tujobʼeebʼ u kuxtal
a Ichil a kambʼal 31-33 bʼel u kaʼa u mas tzikbʼalte u pektzil u Gobʼeerno a Dʼioso.