34 Yãoã na n yɩɩ noor sẽn paad wakat fãa yãmb yĩnga,+ sẽn na yɩl n maand paasg vugr yʋʋmd fãa+ Israyɛll nebã yĩnga, b yel-wẽnã fãa wɛɛngẽ.”

Dẽ, a Aarõ maana wa a Zeova sẽn da yeel a Moyiizã.

12 A kẽe zĩ-sõng sẽn yɩɩdã pʋgẽ, la pa ne boees la nag-poal zɩɩm ye. A kẽe ne a mengã zɩɩm+ vugr wakat fãa yĩnga, la a fãaga tõnd wakat sẽn kõn sa yĩnga.+

24 Bala Kiristã pa kẽ zĩ-sõng sẽn yɩɩd sẽn yaa ninsaalb nus n me,+ sẽn yaa zĩ-sõng meng-mengã mamsgã pʋgẽ ye. A kẽe saasẽ meng+ sẽn na yɩl n yals Wẽnnaam taoor* masã tõnd yĩnga.+ 25 A pa maan dẽ n na n dɩkd a meng n kõt n yɩlemdẽ, wa maan-kʋʋdb kãsmã sẽn kẽed zĩ-sõng sẽn yɩɩdã pʋgẽ yʋʋmd-yʋʋmde,+ ne zɩɩm sẽn pa yẽ meng rẽndã ye. 26 Sã n da yaa woto, a ra na n namsa naoor wʋsg sẽn sɩng dũniyã yẽbgr wakate. La masã, a vẽnega a meng vugr wakat fãa yĩng dũniyã* saabã wakate, n na n yiis yel-wẽnã ne a meng maoongã maasem.+

10 Yaa ne ‘raab-kãng’+ la b kɩt tɩ tõnd lebg sõamyã, a Zeezi Kirist sẽn kõ a yĩngã vugr wakat fãa yĩngã maasem yĩnga.+

2 Mam kom-bõonego, mam gʋlsda yãmb bõn-kãensã sẽn na yɩl tɩ y ra maan yel-wẽnd ye. La ned sã n baas n maan yel-wẽnde, tõnd tara sõangd* sẽn be Ba wã nengẽ: Yaa a Zeezi Kirist+ sẽn yaa tɩrgã.+ 2 Yẽ yaa maoong tõnd yel-wẽnã yĩnga,+ maoong sẽn kɩt tɩ d tõe n maneg d yell ne Wẽnnaam.*+ La pa tõnd yel-wẽnã yĩng bal ye. Yaa dũniyã neb fãa yel-wẽn yĩng me.+