6 Dẽ, bãmb yõka rĩmã+ n tall-a n kẽng Babilon rĩmã nengẽ Ribla, tɩ b kao a bʋʋdo. 7 Bãmb kʋʋ a Sedesiyaas kom-dibli wã a nifẽ. Rẽ poore, Babilon rĩmã leoa a ninã la a balg-a ne zũud bãens n tall-a n kẽng Babilon.+

12 Naab ning sẽn be b sʋkã na n palga a teedã a bãokẽ n loog lik pʋgẽ. A na n pooga lalgã n wʋk a teedã n tũnug be n yiisi.+ A na n luda a nengã sẽn na yɩl n da yã tẽn-gãongã ye. 13 Mam na n loba m gãmbrã a zugu. Mam tãoosgã gãmbr na n yõk-a lame.+ Rẽ poore, mam na n tall-a lame n kẽng Babilonne, Kalde nebã soolmẽ wã, la a pa na n yã-a ye. A na n kii be.+