Yɩɩn-sõamyã sebre
78 Mam nin-buiidu, kelg-y mam tõogã.*
Kɩll-y y tʋbr n kelg mam noorã goamã.
2 Mam na n yaaga m noor n wẽ yel-bũndi.
Mam na n togsa pĩnd wẽndẽ goam b sẽn gom ne pagdo.+
3 Bũmb nins tõnd sẽn wʋm la d miẽ wã,
sẽn yaa bũmb nins tõnd ba-rãmbã sẽn togs-dã,+
4 tõnd pa na n solg b yagensã rẽ ye.
Tõnd na n togsa zãmaan ning sẽn watã+
a Zeova tʋʋmã sẽn sek pẽgrã, la a pãngã,+
rat n yeel tɩ bõn-kãsems nins a sẽn maanã.+
5 A kõo a Zakoob yagensã noore,
la a lugl tõog Israyɛlle.
A yeela tõnd yaab-rãmbã
tɩ b wilg b kambã bõn-kãense,+
6 sẽn na yɩl tɩ zãmaan ning sẽn na n pʋglã,
kamb nins sẽn nan na n dogã tõog n bãng rẽ.+
Bãmb me segd n wa togsa b kambã bõn-kãense.+
7 Woto, bãmb na n teega Wẽnnaam.
8 B pa na n yɩ wa b yaab-rãmbã ye.
B yaab-rãmbã ra yaa neb sũy sẽn riglme, tõatba,+
la sẽn pa maand sɩd ne Wẽnnaam ye.
9 Efrayim nebã ra boba tãbdo,
la b lebg n zoee zabrã daare.
13 A welga mogrã n kɩt tɩ b pasg n looge.
A kɩtame tɩ koomã zẽk yĩngr wa lalga.+
14 A ra yãagd-b-la sawadg pʋgẽ wĩndga,
la a ra yãagd-b bugum pʋgẽ yʋngã tõre.+
15 A kɩtame tɩ pĩig kug pus we-raoogẽ wã.
A kɩtame tɩ b yũ koom n tɩge, wa b sẽn yũ ko-zulumsã koom.+
16 A kɩtame tɩ koom yi pĩig pʋgẽ,
la a kɩt tɩ ko-rãmb zoe wa kʋɩlg koom.+
17 La b kell n maana yel-wẽnd n beeg Sẽn ka-a to wã,
b sẽn kɩɩs-a we-rasempʋɩɩgẽ wã yĩnga.+
18 B maka Wẽnnaam b sũyã pʋsẽ,+
n kos rɩɩb b sẽn da rat ne b sũy fãa.*
19 Dẽ, b goma Wẽnnaam wẽnga,
n yeele: “Wẽnnaam tõe n kõo tõnd rɩɩb we-raoogẽ wã sɩda?”+
20 A wẽe pĩig kugri,
tɩ koom bul n yi a pʋgẽ n zoe wʋsgo.+
21 A Zeova sẽn wʋm b goamã, a sũurã yika wʋsgo.+
Bugum+ n sig a Zakoob yagensã zutu.
A sũurã puuga ne Israyɛlle,+
22 bala b pa tẽ Wẽnnaam ye.+
B pa kɩs sɩd ne tõog ning Wẽnnaam sẽn tar n tõe n fãag-bã ye.
23 Dẽ, Wẽnnaam kõo sawatã sẽn be yĩngrã noore,
la a pags saasã kʋɩlensã.
26 A kɩtame tɩ yaang sobgã fug saasẽ,
la a kɩt tɩ goabg sobgã fug ne yẽ pãngã maasem.+
27 A kɩtame tɩ nemd sig b zut wa tom.
Yaa bõn-yɩgdɩ sẽn yaa wʋsg wa mogrã noor bĩisrã.
28 A kɩtame tɩ b rʋʋg b* sik-zĩigẽ wã,
n gũbg b fu-rotã fãa.
29 Nin-buiidã rɩɩme tɩ loog-ba.
A kõ-b-la bũmb ning b sẽn da ratã.+
30 La nand tɩ b rɩ tɩ b yamleoogã yi,
rɩɩbã sẽn wa n ket b noyẽ wã,
31 Wẽnnaam sũur puuga wʋsg ne bãmba.+
A kʋʋ b neb nins sẽn tar pãng n yɩɩdã.+
A kʋʋ Israyɛll kom-bɩɩsã.
33 Dẽ, a kɩtame tɩ b rayã sa wa pemsem bala,+
la a kɩt tɩ yel-beed paam-b zĩig pʋgẽ tɩ b ki.
34 La Wẽnnaam sã n wa sɩng b kʋʋbo, b baood-a lame.+
B lebgd n gẽesa Wẽnnaam,
35 n tẽegdẽ tɩ Wẽnnaam yɩɩ bãmb Pĩig kugri,+
36 B makame n na n belg Wẽnnaam ne b noore,
la b yag-a ziri ne b zɩlma wã.
A yõka a meng naoor wʋsgo,+
n pa sik a sũ-puugrã fãa b zut ye.
42 B pa tẽeg Wẽnnaam pãngã* yell ye.
B pa tẽeg daar ning a sẽn fãag bãmb b zabd-n-taasã nusẽ wã,+
43 a sẽn maan bãn to-to Ezɩptã,+
a sẽn maan yel-soalem Zowan soolmẽ wã,
44 la a sẽn kɩt tɩ Nill kʋɩlgã ko-soayã lebg zɩɩm+
tɩ b ra pa tõe n yũ b kʋɩlsã koomã ye.
46 A rɩka b koodã n kõ sʋy sẽn dɩt wʋsgo,
la a rɩk b sẽn tʋm n paam bũmb ninsã n kõ kalwaare.+
49 A kɩtame t’a sũ-kãbrã,
la a sũ-puugrã sig b zutu, la a kɩt tɩ b paam sũ-sãamse.
A kɩtame tɩ malɛgs wʋsg wa ne yel-beedo.
50 A sika a sũ-puugrã b zutu.
52 Rẽ poore, a yiisa a nin-buiidã tɩ b loog wa piisi,+
la a wilg-b sor wa rũms we-raoogẽ wã.
54 La a tall-b lame n kẽng a soolmã sẽn yaa sõngã pʋgẽ,+
soolem-kãng sẽn yaa tãens a nug-rɩtgã sẽn deegã pʋgẽ.+
55 A riga buud toɛy-toɛy b taoore.+
A talla wĩ-makdg n pʋɩ soolmã n kõ-ba.+
A zĩniga Israyɛll buudã b zagsẽ wã.+
57 Sẽn paase, b bʋdgame, n lebg zãmb dãmb wa b yaab-rãmbã.+
B ra yaa neb b sẽn pa tõe n teege, wa tãp sẽn loke.+
59 Wẽnnaam wʋmame. A sũurã yika wʋsgo,+
t’a raag Israyɛll n bas zãnga.
61 A basame tɩ b tall bũmb ning sẽn makd a pãngã n kẽng yembdo.
A basa a ziirã zabd-n-taagã nugẽ.+
62 A basame tɩ b kʋ a nin-buiidã ne sʋʋse.+
A sũur puuga wʋsg ne a pʋɩɩrã.
63 Bugum dɩɩ a kom-bɩɩsã.
B pa yɩɩl kãadem yɩɩl a pʋg-sadb sẽn pa mi raoã yĩng ye.*
66 A riga a zabd-n-taasã tɩ b lebg n zoe.+
A kɩtame tɩ b paam paoogr wakat fãa yĩnga.
67 A raaga a Zozɛf fu-roogã n base.
A pa yãk Efrayim buudã ye.