A Salomo yɩɩllã sebre
2 “Wa rulg-lelemd sẽn be gõos sʋka,
mam noangã me yaa woto kom-pugli wã sʋka.”
3 “Wa pomm tɩɩg sẽn be weoog tɩɩs sʋka,
mam noangã me yaa woto kom-dibli wã sʋka.
Mam tʋlla ne m sũur fãa n zĩnd a maasmẽ wã.
A bilã yaa noog m noorẽ.
4 A talla maam n kẽng tigr doogẽ,*
la a nonglmã yaa wa tãb-kaoor m zugẽ.
5 Keng-y maam ne viyn biis b sẽn kʋɩɩs n gili.+
Paas-y maam pãng ne pomm-dãmba,*
bala mam bẽeda nonglem bãaga.
tɩ y pa na n bao n nek nonglem m sũurẽ, tɩ m nan pa rat ye.+
8 M wʋmda m noangã koɛɛga!
Ad a sẽn wate.
A rʋʋda tãensã, n yɩgd n tĩimsd kunkubã zutu.
9 Mam noangã yaa wa yãka, la wa walg biiga.+
Ad-a! Ad a sẽn yas tõnd lalgã poore,
n lɩgsd fenetaẽ wã.
A lɩgsda võyẽ wã.
10 M noangã gomdame. A yeta maam yaa:
‘M noanga, yiki,
m pʋg-neere, wa tɩ d looge.
11 Gese! Sẽoog loogame.
Saag yoogame, n looge.
12 Tɩɩsã ningda puud soolmã pʋgẽ.+
Viyn tɩɩsã yoleng wakat taame.+
B wʋmda wallã sẽn yɩɩnd tõnd soolmẽ wã.+
13 Kankangã dẽenem biisã sɩnga moogre.+
Viyn tɩɩsã ninga puud tɩ b yũugã yaa noogo.
M noanga, yik n wa.
M pʋg-neere, wa tɩ d looge.
14 M marwalle, wa yi pĩigã pẽgsẽ,+
la tãngã bokẽ.
Lik tɩ m yã f nengã, la m wʋm f koɛɛgã.+
Bala fo koɛɛgã noomame, tɩ f mengã yaa neere.’”+
16 “Mam noangã yaa mam dẽnda, la mam yaa m noangã rẽnda.+