A Salomo yɩɩllã sebre
1 A Salomo yɩɩll ning noom sẽn yɩɩd a taabã:*+
Fo yʋʋrã yaa wa kaam sẽn tar yũ-noog b sẽn pʋdge.+
Rẽ n so tɩ pʋg-sadbã nong foom.
4 Peeg maam* tɩ d zoe.
Rĩmã talla maam n kẽ a ro-pʋsẽ wã!
Wa tɩ d kɩdem la d noog d sũur fo yĩnga.
Wa tɩ d pẽg fo nonglem tʋʋmã* n yɩɩg divẽ.
Bãmb* bee bʋʋm b sẽn nong foo wã.
6 Da n gẽnes-y maam m sẽn yaa sablgã yĩng ye.
Bala yaa wĩntoogã n yõog-ma.
M ma-bi-rapã sũur puuga ne maam.
Bãmb tʋma maam tɩ m tɩ gũ viyn pʋtã,
la mam pa gũ mam mengã viyn pʋʋgã ye.
Bõe tɩ m na n yɩ wa pag sẽn lud a neng ne peend*
fo tũud-n-taasã rũms sʋka?”
8 “Pagbã fãa pʋg-neere, f sã n pa mi
bɩ f kẽng n dɩk rũmsã nao,
n tɩ kɩɩm f bulli wã pe-kɩɩmbã fu-rot sɛɛgẽ.”
9 “M noanga, fo yaa neer wa wed-mo-sadg sẽn takd a Farawõ saar-dãmbã.*+
10 Fo yɛgã yaa neeb ne nag-teedo.*
Fo yublã toga ne kĩndi.
11 Tõnd na n maana sãnem nag-teed
sẽn tẽgs ne wanzuri n kõ foom.”
15 “Hakɩɩka! M noanga, fo yaa neere.
Fo sɩd yaa neere! Fo ninã yaa wa marwal nini.”+
16 “Sɩd-sɩda, m noanga, fo-me yaa neere, la rasãnga.+
Moodã n yaa tõnd gãaga.
17 Tõnd roogã* ra-paads yaa sɛɛdr tɩɩse,
tõnd sug-raadã yaa zenevirie tɩɩse.