Babg 14 sɩngr-goamã

Pipi kiris-nebã moona Rĩungã koɛɛgã dũniyã tɛk fãa. A Zeezi wilg-b-la b sẽn tog n moon koɛɛgã zĩig ninga, la a maan yel-solemde, tɩ b tõog n wʋm neb a taabã buud-goamã n moon-b koɛɛgã. A Zeova sõng-b lame tɩ b paam yẽesem la raoodo, n tõog n moon baa ne nams-toaagã.

A Zeezi vẽnega tẽn-tʋmd a Zã t’a yã a Zeova ziirã, la a yã tɩ ne Wẽnnaam Rĩungã maasem, b na n tõoga a Sʋɩtãana, la b sãam-a wakat fãa yĩnga. A Zã yãa a Zeezi sẽn na n wa lebg Rĩmã, tɩ neb tus-koabg la tus pis-naas la a naas rɩt naam ne-a. A Zã leb n yãa tẽngã gill sẽn na n wa lebg arzãna, tɩ nebã fãa naag taab n tũud a Zeova laafɩ la zems-n-taar pʋgẽ.