Y sẽn na n maan to-to ne seb-kãngã

Seb-kãngã pʋgẽ, y na n yãa daar fãa ne a vɛrse, la b sẽn wɛgs-a. Sẽn yaa wakat ning fãa la y yãk daarã pʋgẽ n karem daar vɛrse wã, yaa sõma. La neb wʋsg mikame tɩ b sã n maand-a yibeoog fãa la sõma n yɩɩda. Rẽ, b tõogd n bʋgsa bũmb ning b sẽn karmã zug daarã tõre. Yãmb zakã rãmb sã n naagd taab n karemd daarã vɛrse, na n naf-y-la wʋsgo. Betɛll rãmbã pʋsẽ, b maand-a-la yibeoogo.

Vɛrse-rãmbã wɛgsg yita Gũusg Gasgã (w) pʋgẽ, sẽn sɩng ne yʋʋmd 2017 tʋʋl-nif kiuugã n tɩ tãag yʋʋmd 2018 tʋʋlg kiuugã Gũusg Gasgã. B sã n wilg sẽn yaa Gũusg Gasg ningã poore, nimero ning sẽn pʋgdã (1, 2, 3, 4, bɩ 5 wã) wilgda sẽn yaa zãmsg ninga. Nimero rãmb nins sẽn le pʋgdã yaa sul nins pʋsẽ b sẽn yãk daarã vɛrse wã goamã. (Ges-y bilgrã sẽn be tẽngrã.) Y sã n dat n bãng n paase, y tõe n tɩ karma sõsgã Gũusg Gasgã pʋgẽ.