Y sẽn na n maan to-to ne seb-kãngã

Seb-kãngã pʋgẽ, y na n yãa daar fãa ne a vɛrse, la b sẽn wɛgs-a. Sẽn yaa wakat ning fãa la y yãk daarã pʋgẽ n karem daar vɛrse wã, yaa sõma. La neb wʋsg mikame tɩ b sã n maand-a yibeoog fãa la sõma n yɩɩda. Rẽ, b tõogd n bʋgsa bũmb ning b sẽn karmã zug daarã tõre. Yãmb zakã rãmb sã n naagd taab n karemd daarã vɛrse, na n naf-y-la wʋsgo. Betɛll-rãmbã pʋsẽ, b maand-a-la yibeoogo.

Vɛrse-​rãmbã wɛgsg yita Gũusg Gasgã (w) pʋgẽ, sẽn sɩng ne yʋʋmd 2022 tʋʋl-​nif kiuug Gũusg Gasgã n tɩ tãag yʋʋmd 2023 tʋʋlg kiuugã rẽndã. B sã n wilg sẽn yaa Gũusg Gasg ningã poore, pipi nimero-​rãmbã yaa seb-​nengã, la sẽn pʋgd rẽ wã yaa sul nins pʋsẽ b sẽn yãk daarã vɛrse wã goamã. (Ges-​y bilgrã sẽn be tẽngrã.) Y sã n dat n bãng n paase, y tõe n tɩ karma sõsgã Gũusg Gasgã pʋgẽ.